ശ്രുതി മധുര പ്രവാസം

ഒരു ശ്രുതി മധുരഗാനം പോലെയാണ്​ ഇൗ മനുഷ്യ​​​​​​െൻറ​ പ്രവാസം. പാട്ടി​​​​​​െൻറ പാലാഴിയിൽ കുളിച്ചുകയറാതെ ഒരു രാ വുപോലും ഉറങ്ങാത്ത ഒരാൾ. ഒന്നിനി ശ്രുതി താഴ്​ത്തി പാടുക പൂങ്കുയിലേ എന്ന്​ പ്രണയിനി ഒരിക്കൽ പോലും പറയില്ല. ശരി ക്കും അനുരാഗ ഗാനമാണീ ജീവിതം. മരുഭൂപ്രവാസത്തി​​​​​​െൻറ കോൺക്രീറ്റ് കാടിനുള്ളിൽനിന്ന്​ അകലെ അകലെ നീലാകാശങ്ങ ളിലേക്ക്​ പറന്നു പറന്നു സംഗീതത്തി​​​​​​െൻറ വീണക്കമ്പികളിൽ തമ്പുരു മീട്ടുന്നൊരാൾ. ഹൃദയ സരസിലെ പ്രണയ പുഷ്​പത ്തി​​​​​​െൻറ സുഗന്ധം സ്വരമാധുരിയിൽ ഒളിപ്പിച്ച്​ പ്രവാസികളുടെ രാവുകൾക്ക്​ മുല്ലപ്പൂ മണം വീശുന്നൊരാൾ... അങ്ങന െ എത്ര വേണമെങ്കിലും പാട്ടി​​​​​​െൻറ വരികൾ കടമെടുത്ത്​ മിർസ ഷറീഫ്​ എന്ന ഭാവഗായകനെ കുറിച്ച്​ സംഗീതസാന്ദ്രമായ കുറിമാനങ്ങ​ളൊരുക്കാനാവും. സൗദിയിലെ യേശുദാസ്​ എന്ന്​ ഇദ്ദേഹത്തി​​​​​​െൻറ പാട്ടു കേട്ട്​ വിസ്​മയിച്ചവർ പുകഴ ്​ത്താറുണ്ട്. ഒരു പാട്ട്​ പോലും ലക്ഷണമൊപ്പിക്കാതെ പാടില്ലെന്ന്​ വാശി​യാണീ ഗായകന്​. മലയാളത്തിന്​ പുറമെ ഹിന് ദി, തമിഴ്​, ഉർദു ഭാഷകളിലും പാടും. 58ാം വയസ്സിലും സ്വരമിടറാത്ത ഗായകൻ. ദൈവം തന്ന ശബ്​ദസൗകുമാര്യത്തിന്​ എപ്പോഴും ന ന്ദി ചൊല്ലുന്ന പാട്ടുകാരൻ.

പ്രവാസിക്ക്​ പാട്ട്​ ​വിരഹത്തി​​​​​​െൻറ, നോവി​​​​​​െൻറ മരുന്നാണ്​. പട്ടിണിയ ാണെങ്കിലും ശീതീകരിച്ച മുറികളിൽ മുറിഞ്ഞ കിനാക്കളുമായി പട്ടുകമ്പളത്തിനുള്ളിൽ വിരഹിതനായി​ കിടക്കു​േമ്പാൾ അവന ്​ കെട്ടിപ്പിടിച്ചുമ്മവെച്ചുറങ്ങാൻ മൊബൈൽ ഫോണിൽനിന്ന്​ കാതിലേക്ക്​ തൊടുത്തുവെച്ച പാട്ടി​​​​​​െൻറ കോഡ് ​വയറുണ്ടാവും. എന്നാൽ, കായലോലങ്ങളുടെ നാട്ടിൽനിന്ന്​ വന്ന ഇൗ പ്രവാസി എന്തു ഭാഗ്യവാനാണെന്നോ. പാട്ട്​ കൂട്ടിനുള്ളതിനാൽ എന്നും പ്രണയാർദ്രമായ ജീവിതം. ഭാര്യ പ്യാരിയുമൊത്ത്​ 27 വർഷമായി ഒട്ടും അപശ്രുതിയില്ലാതെ ജിദ്ദയിൽ ജീവിതം. വീട്ടിലൊരുക്കിയ പാട്ടുമുറിയിലിരുന്ന്​ പ്രാണസഖിക്കു മുന്നിൽ പാടിത്തീരാത്ത രാവുകൾ സമ്മാനിക്കുകയാണീ ഗായകൻ. രാവേറെ വൈകിയാലും, അടുക്കളയിൽ പണി ബാക്കിയാണെങ്കിലും പ്രിയതമ​​​​​​െൻറ പാട്ടുകൾക്ക്​ സാകൂതം കാതു നൽകുന്ന ഭാര്യ. മകൻ മുഹമ്മദ്​ ഷറീഫ്​ കൂടെയുണ്ടെങ്കിൽ അവനും കൂടെ പാടാനുണ്ടാവും. ഏതോ ഒരു സങ്കൽപ കഥയിലെ രാജകുമാരനും രാജകുമാരിയും ഒന്നിച്ചതാണിവിടെ...

ജനിച്ചുവീണത്​ പാട്ടുകാരനായാണ്​. പാട്ടിനെ നെഞ്ചിലേറ്റിയ രാഷ്​ട്രീയക്കാരനും അഭിഭാഷകനും ജഡ്​ജിയുമൊ​െക്കയായ പിതാവി​​​​​​െൻറ മകനായി. എന്നാലോ ഭാഗവതരെ വെച്ച്​ സംഗീതം പഠിച്ച്​ പാട്ടുകാരനായി ജീവിക്കേണ്ടെന്ന്​ ഉപദേശിച്ചു പിതാവ്​.​ അതൊക്കെ കരിയറിനെ ബാധിക്കുമെന്നായിരുന്നു ഉപദേശം. അതുകൊണ്ടുതന്നെ ശാസ്​ത്രീയ സംഗീതം അഭ്യസിച്ചില്ല. ക്ലാസിക്കൽ മ്യൂസിക്​ പഠിച്ചിട്ടില്ലെന്നതിനാൽ മലയാളത്തിന്​ ലഭിക്കാതെപോയ വലിയൊരു പാട്ടുകാരനാണ്​ മിർസ ഷറീഫ്​. അനശ്വര മെലഡികളുടെ ആത്​മാവിൽ തൊട്ട്​ പാടുന്നയാൾ. അക്ഷരാർഥത്തിൽ അനു​ഗൃഹീത പാട്ടുകാരൻ. ലോകമറിയുന്ന ഗായകനായി മാറാൻ മാത്രം അവസരങ്ങളുടെ നടുക്കടലിലായിരുന്നു കുട്ടിക്കാലവും യൗവനവും. കാലം അടയാളപ്പെടുത്തിയ പല പാട്ടുകളും പാടി കാസറ്റ്​ ഒരുക്കിയിട്ടുണ്ട്​. നൂറുകണക്കിന്​ നാടക ഗാനങ്ങളിൽ പാടിയിട്ടുണ്ട്​. തെക്കൻ കേരളത്തിലെ ക്ഷേത്രാങ്കണങ്ങളിലടക്കം നൂറുകണക്കിന്​ വേദികളിൽ പാടി നടന്ന സ്വരയൗവനം. ശബരിമലയിൽ അയ്യപ്പ ഭക്​തിഗാനസുധ തീർത്തിട്ടുണ്ട്​. കെ.എസ്.​ ചി​ത്രയോടൊപ്പം പാടിയിട്ടുണ്ട്​. മാർക്കോസി​​​​​​െൻറ ജൂനിയറായി ആലപ്പുഴയിൽ പാടിപ്പതിഞ്ഞ കാലം. ഉമ്പായിക്കൊപ്പം ഗസൽപൂക്കളൊരുക്കിയ വിരുന്നിൽ പാടിയ മധുരിക്കുന്ന ഒാർമകളുണ്ട്​. എം.എസ്.​ വിശ്വനാഥനൊപ്പം ‘കണ്ണുനീർ തുള്ളിയെ സ്​ത്രീയോടുപമിച്ച...’ എന്ന ഗാനം പാടിയ അപൂർവ നിമിഷങ്ങളുടെ ഒാർമകളുണ്ട്​. സലീൽ ചൗധരിക്കു വേണ്ടി പാടിയതും അഭിമാന ഒാർമ. ജെറി അമൽ ദേവ്​, മ്യൂസിക്​ ഡയറക്​ടർ ശ്യാം തുടങ്ങിയവരോടൊത്തുള്ള കാലം. തെക്കൻ കേരളത്തിലെ ചലച്ചിത്ര, സംഗീത മേഖലയിലുള്ളവരുമായി ആത്​മബന്ധമുള്ള ഗായകൻ.

നാട്ടിലെ പാട്ടുകാലം
നാലാം ക്ലാസ്​ മുതൽ പാടിത്തെളിഞ്ഞ ശബ്​ദം. 1980 കളിൽ പ്രശസ്​തമായ ആലപ്പുഴ ബ്ലൂ ഡയമണ്ട്​സ്​ ഒാർക്കസ്​ട്രയിലെ ലീഡിങ്​ സിംഗർ. കെ.എസ്​. ചിത്രയടക്കം പ്രമുഖരോടൊത്തുള്ള ഗാനവേദികൾ. ഒാൾ ഇന്ത്യ റേഡിയോയിലെ ഹൃദയഗീതങ്ങൾ എന്ന പരിപാടിയിലെ സ്​ഥിരം പാട്ടുകാരൻ. മുസ്​ലിം, ഹൈന്ദവ ഭക്​തിഗാനങ്ങളുടെ മാസ്​റ്റർ. കൊച്ചിൻ മെഹബൂബ്​ പാടിനടന്ന ‘ചെറുപ്പത്തിൽ നമ്മൾ രണ്ടും മണ്ണുവാരിക്കളിച്ചപ്പോൾ...’ എന്ന ട്രെഡീഷനൽ സോങ്ങിന്​ സ്വതഃസിദ്ധമായ ഇൗണം നൽകി കാസറ്റിറക്കിയതോടെ അത്​ സൂപ്പർഹിറ്റായി, മിർസ ഷറീഫ്​ കൂടുതൽ ശ്രദ്ധേയനായി. എ​ട്ട്​ കാസറ്റുകൾ ഇറക്കിയിട്ടുണ്ട്​. 80ഒാളം നാടക ഗാനങ്ങൾ പാടിയിട്ടുണ്ട്​. എൻമകനേ നീയുറങ്ങ്​ എൻ കനിവേ നീയുറങ്ങ്​... എല്ലാമറിയുന്ന റബ്ബ്​, എന്നും തുണക്കുന്നു റബ്ബ്​ എന്ന പ്രശസ്​തമായ താരാട്ട്​ പാട്ടി​​​​​​െൻറ അംഗീകൃത സ്വരം. യേശുദാസി​​​​​​െൻറ എക്കാലത്തെയും ഹിറ്റായ ഹൃദയസരസിലെ പ്രണയ പുഷ്​പമേ എന്ന അനശ്വരഗാനം നാദഭാഷയുടെ ഗരിമയിൽ പാടിത്തിമിർത്ത കാലം. അകലെയകലെ നീലാകാശം, പൊൻ പുലരൊളി... കാളിന്ദി... ലീലാ തിലകം ചാർത്തീ..., ശ്രുതിയിൽ നിന്നുണരും... തുടങ്ങിയ പ്രശസ്​തമായ പാട്ടുകൾക്ക്​ മിർസയുടെ സ്വരത്തിൽ അന്നും ഇന്നും നിത്യയൗവനം. ഹരിശ്രീ, കൊച്ചിൻ കോറസ്​, പത്തനംതിട്ട ട്രൂപ്​ തുടങ്ങിയ പാട്ടുസംഘങ്ങളിലെ സ്​ഥിരം ഗായകൻ. പ്രശസ്​തമായ ജോൺസ്​ കുടയുടെ മഴ, മഴ കുട, കുട എന്ന പരസ്യത്തിലെ ശബ്​ദം മിർസയുടേതായിരുന്നു.

പിതാവും മക്കളും
ആലപ്പുഴ ടൗണിലെ മൻസൂർ മഹലിൽ കെ.പി.എം ഷറീഫി​​​​​​െൻറയും ജമീല ഷറീഫി​​​​​​െൻറയും മകൻ. അഞ്ച്​ സഹോദരിമാരും ഒരു സഹോദരൻ അഡ്വ. മെഹബൂബ്​ ഷറീഫും പാട്ടുകാർ. ഇൻഡസ്​ട്രിയൽ ട്രൈബ്യൂണൽ വ്യവസായ തർക്ക പരിഹാര കോടതിയിലെ ജഡ്​ജിയായിരുന്നു പിതാവ്​. കോൺഗ്രസ്​ പ്രവർത്തകനായി പൊതുജീവിതം തുടങ്ങിയ കെ.​പി.എം ഷറീഫ് 1950കളിൽ ആലപ്പുഴ ഡി.​സി.​സി പ്രസിഡൻറായിരുന്നു. ​െഎ.എൻ.ടി.യു.സിയുടെ സ്​ഥാപക വൈസ്​ പ്രസിഡൻറ്​. നെഹ്​റു വള്ളംകളിയുടെ സ്​ഥിരം കമ​േൻററ്റർ. യേശുദാസ്​, പ്രേംനസീർ, ഫാസിൽ, സിബി മലയിൽ, നെടുമുടി വേണു തുടങ്ങിയ പ്രമുഖർ വന്നുപോയ്​ക്കൊണ്ടിരുന്ന വീട്​. കേരളത്തിലെ പ്രമുഖരായ രാഷ്​ട്രീയ നേതാക്കൾക്കും എന്നും ഇടമുള്ള വീട്​. ഇന്നും വർഷത്തിലൊരിക്കൽ ആലപ്പുഴ കായലിലെ കെട്ടുവള്ളത്തിൽ ഒരുമിച്ചുകൂടി പാട്ടുപാടി രസിക്കുന്നു ഇദ്ദേഹത്തി​​​​​​െൻറ മക്കൾ. കാൽപനികമാണ്​, സർഗാത്​മകമാണ്​ ഇവരുടെ കുടുംബ കൂട്ടായ്മ.

അറേബ്യൻ കഥ
1991 അവസാനത്തോടെയാണ്​ സൗദിയിലെത്തുന്നത്​. ആലപ്പുഴ എസ്​.ഡി കോളജിൽനിന്ന്​ ഇംഗ്ലീഷ്​ സാഹിത്യത്തിൽ ബിരുദവും അണ്ണാമലൈ യൂനിവേഴ്​​സിറ്റിയിൽനിന്ന്​ മാനേജ്​മ​​​​​െൻറ്​ പി.ജി കോഴ്​സും പാസായി. ആദ്യം കയർഫെഡിൽ മാനേജ്​മ​​​​​െൻറ്​ ട്രെയിനിയായി ജോലിയിൽ കയറി. അതിനിടെ പ്രണയ വിവാഹം. ആലപ്പുഴ വിമൻസ്​ കോളജിലെ ബി.എ ഇംഗ്ലീഷ് കാരി പ്യാരിയെ വിവാഹം കഴിച്ചു. പാട്ടുകാരനായ ഭർത്താവി​​​​​​െൻറ ‘റിയൽ ഫാൻ’ ആണ്​ പ്യാരി. പിന്നീട്​ മംഗളം ദിന പത്രത്തിൽ ജനറൽ മാനേജറായി മൂന്നു​ വർഷത്തോളം ജോലി ചെയ്​തു. അതിനിടയിലാണ്​ ഗൾഫിലെത്തിപ്പെടുന്നത്​.

ജിദ്ദയിൽ ഇന്ത്യൻ സ്​കൂൾ അഡ്​മിസിനിസ്​ട്രേറ്റിവ്​ അസിസ്​റ്റൻറ്​, അൽ മഹ്​മൽ കമ്പനി, റയ്​മണ്ട്​സ് ഹിബ ഏഷ്യ ​മെഡി. ​ഗ്രൂപ് എന്നീ സ്​ഥാപനങ്ങളിലെ ഒൗദ്യോഗിക ജീവിതം. നാട്ടിൽ തിരക്കുള്ള ജോലിക്കാരനായതോടെ സംഗീതത്തിൽനിന്ന്​ വിരമിച്ച മിർസ ഷറീഫ്​ ജിദ്ദയിലെ പ്രവാസത്തിൽ വീണ്ടും പാട്ടി​​​​​​െൻറ പെട്ടി തുറന്നു. അനേകം മലയാളി കൂട്ടായ്​മകളൊരുക്കുന്ന സംഗീതരാവുകളിലെ സ്​ഥിരം ഗായകനായി. ജിദ്ദയിലെ പ്രശസ്​ത ഗായകരായിരുന്ന മുഹമ്മദ്​ അസ്​ലം, സിക്കന്ദർ എന്നിവരോടൊപ്പം പാടിത്തുടങ്ങി. കരീം മാവൂർ, ജമാൽ പാഷ, മൻസൂർ എടവണ്ണ, മൻസൂർ ഫറോഖ്​, പ്രീത രാജാമണി, ഉഷ രാജാറാം, ലിൻസി ബേബി, ആശ ശിജു, സോഫിയ സുനിൽ, ധന്യ പ്രശാന്ത്​ തുടങ്ങിയവരോടൊപ്പം പാടിയത്​ നല്ല ഒാർമകൾ.

ജിദ്ദയിലാദ്യമായി തുറന്നവേദിയിൽ രണ്ടായിരത്തിലേറെ ശ്രോതാക്കൾക്ക്​ സദസ്സൊരുക്കിയത്​ ഒരിക്കലും മറക്കാത്ത ഒാർമ. പാട്ടുജീവിതം ജിദ്ദയിൽ മാത്രം ഒതുങ്ങുന്നില്ല. വിശാലമായ സൗദി അറേബ്യയിലെ മിക്ക നഗരങ്ങളിലും സംഘടിപ്പിക്കപ്പെടുന്ന സംഗീതവേദികളിലെ വിശിഷ്​ടഗായകനാണ്​. ഇന്ത്യൻ കോൺസുലേറ്റ്​ ഉൾപ്പെടെ സർക്കാർ വേദികളിൽ സംഘടിപ്പിക്കുന്ന ഇതര ഭാഷാസമൂഹത്തി​​​​​​െൻറ പരിപാടികളിലും മിർസക്ക്​ സ്വതഃസിദ്ധമായ ഇടമുണ്ട്​. ഉമ്പായിയോടൊപ്പം പാടിയത്​ ദമ്മാമിലെ വേദിയിലായിരുന്നു. ’99ൽ ജിദ്ദയിലെ ട്രൈഡൻറ്​ ഹോട്ടലിൽ ഒരുക്കിയ സംഗീതവിരുന്നിൽ ഒറ്റയടിക്ക്​ 23 ഹിന്ദി ഗാനങ്ങളും ഒരു മലയാളം പാട്ടും പാടി സദസ്സിനെ കോരിത്തരിപ്പിച്ചതോടെയാണ് ഒരു വലിയ ഗായകനാണിയാൾ എന്ന്​ പ്രവാസലോകം അറിഞ്ഞത്​.

മിർസ ഷറീഫ് ഭാര്യ പ്യാരിക്കും മകൻ മുഹമ്മദ്​ ഷറീഫിനുമൊപ്പം

മാർക്കറ്റിങ്​ അറിയാത്തയാൾ
സ്വന്തം കഴിവിനെ വേണ്ടരീതിയിൽ മാർക്കറ്റ്​ ചെയ്യാനറിയാത്തതുകൊണ്ടോ അതിൽ താൽപര്യമില്ലാത്തതുകൊണ്ടോ വേണ്ടത്ര പ്രശ​സ്​തി ലഭിച്ചില്ല. പ്രവാസ നാട്ടിലെ പാട്ടുകാർക്കിടയിലും സംഗീതപ്രേമികൾക്കിടയിലും ഗുരുസ്​ഥാനീയനാണ്​. താൻ പാടുന്ന ഒരു പാട്ടിൽ പോലും അപശ്രുതി ഉണ്ടാവരുതെന്ന വാശി, അടിച്ചുപൊളി ഗാനങ്ങൾ പാടാൻ താനില്ലെന്ന തീരുമാനം, ആരു വിളിച്ചാലും പ്രതിഫലം നോക്കാതെ പാടാൻ പോവുന്ന മനസ്സ്​, സർവോപരി വലിയൊരു പാട്ടുകാര​​​​​​െൻറ ശരീരഭാഷ, വേഷം, ഇടറാത്ത സ്വരം എന്നിവയെല്ലാം മിർസ ഷറീഫ്​ എന്ന ആലപ്പുഴക്കാരനെ വ്യത്യസ്​തനാക്കുന്നു. മകൻ മുഹമ്മദ്​ ഷറീഫ്​ എൻജിനീയറാണ്​. മികച്ച പാട്ടുകാരനും. ഭാര്യ പ്യാരി ജിദ്ദ ഇൻറർനാഷനൽ ഇന്ത്യൻ സ്​കൂളിൽ അധ്യാപികയാണ്​.