രാജഗിരി കോളജ് ഒാഫ്​ സോഷ്യൽ കമ്മിറ്റ്​മെന്‍റ് 

15:59 PM
17/02/2020
Rajagiri college
പ്ലാസ്​റ്റിക് കാരിബാഗിന് ബദലായി രാജഗിരി ബ്രാൻഡ് ഉൽപാദിപ്പിച്ച ചണസഞ്ചികളുമായി വിദ്യാർഥികൾ

കളമശ്ശേരി രാജഗിരി കോളജ് ഓഫ് സോഷ്യൽ സയൻസസി​​​െൻറ മേൽക്കൂരയിലുള്ളത് സോളാർ പാടം മാത്രമല്ല, കേരള സമൂഹത്തിനുള്ളൊരു സോളാർ പാഠം കൂടിയാണ്. സാമൂഹിക ശാസ്ത്ര വിഷയങ്ങൾക്കൊപ്പം കുട്ടികൾക്ക് സാമൂഹിക പ്രതിബദ്ധതയുടെ പാഠങ്ങളും പകർന്നു നൽകുന്നു ഇവിടെ. പരിസ്ഥിതി -ഊർജ സംരക്ഷണത്തിലൂടെ ഹരിതഗിരി ആയി രാജഗിരിയെന്ന് നിസ്സംശയം പറയാം.

കേരളത്തിലെ ആദ്യ സ്വയംഭരണാധികാര കോളജ് മാത്രമല്ല, ആദ്യ സമ്പൂർണ സൗരോർജ കോളജ് കൂടിയാണ് രാജഗിരി. കോളജി​​​െൻറ വൈദ്യുതി ആവശ്യങ്ങളെല്ലാം നിറവേറ്റുന്നത് സൗരോർജത്തിൽ നിന്നാണ്.‘‘ഞങ്ങൾ ഒരു ഊർജോപയോഗ ഓഡിറ്റ് നടത്തിയിരുന്നു. പ്രതിദിനം 1000 യൂനിറ്റിലധികം വൈദ്യുതി ഉപയോഗിക്കുന്നുണ്ടെന്ന് അതിൽ കണ്ടെത്തി. ഈ ബാധ്യത കുറക്കാനാണ് സൗരോർജ പ്ലാൻറ്​ എന്ന ആശയത്തിലേക്ക് എത്തുന്നത്’’ - രാജഗിരി കോളജ് എക്സിക്യൂട്ടിവ് ഡയറക്ടർ ഡോ. ജോസഫ് ഐ. ഇഞ്ചോടി പറയുന്നു.

‘യുഫോറിയ 2019'ൽ രാജഗിരി വിദ്യാർഥികൾ പാഴ്​വസ്​തുക്കൾ​െകാണ്ട്​ തയാറാക്കിയ ഇൻസ്​റ്റലേഷൻ
 

കഴിഞ്ഞ വർഷം ഒക്ടോബറിലാണ് പ്ലാൻറ് കമീഷൻ ചെയ്തത്. പ്രതിദിനം ശരാശരി 1372 യൂനിറ്റ് വൈദ്യുതി ഉൽപാദിപ്പിക്കപ്പെടുന്നുണ്ട്. കോളജി​​​െൻറ ആവശ്യം കഴിഞ്ഞുള്ള വൈദ്യുതി കെ.എസ്.ഇ.ബിക്ക് നൽകുന്നുമുണ്ടെന്ന് പദ്ധതിയുടെ ചുമതലയുള്ള കോമേഴ്സ് വിഭാഗം അസി. പ്രഫ. ഫാ. റി​ൻറൽ മുട്ടംതോട്ടിൽ പറയുന്നു. 30,000 ചതുരശ്ര അടിയിലുള്ള സോളാർ പാനലുകൾ മേൽക്കൂരക്ക് തണലേകുന്നതിനാൽ എ.സിയുടെ ലോഡ് കുറഞ്ഞതും വൈദ്യുതി ലാഭം നൽകുന്നു.

ഊർജ-പരിസ്ഥിതി സംരക്ഷണത്തിന് പുറമേ മാലിന്യ നിർമാർജനവും കോളജി​​​െൻറ ദൗത്യമാണെന്ന് പറയുന്നു പ്രിൻസിപ്പൽ ഡോ. ബിനോയ് ജോസഫ്. ഗ്ലാസ്-പ്ലാസ്​റ്റിക് മാലിന്യങ്ങളുടെ പുനരുൽപാദനവും പുനരുപയോഗവും സ്വന്തം നിലക്ക് കോളജ് നടത്തുന്നുണ്ട്. ഗ്ലാസ് ക്രഷിങ് യൂനിറ്റിൽനിന്നും പ്ലാസ്​റ്റിക് ഷ്രഡ്ഡറിൽ നിന്നുമുള്ള പുനരുപയോഗ വസ്തുക്കൾ ഉപയോഗിച്ചാണ് കാമ്പസിലെ റോഡുകൾ ടാർ ചെയ്തിരിക്കുന്നത്. മഴവെള്ളക്കൊയ്ത്തിലൂടെയാണ് കോളജി​​​െൻറ കുടിവെള്ള ആവശ്യം നിറവേറ്റുന്നത്.

മലിനജലം സ്വീവേജ് ട്രീറ്റ്മ​​െൻറ്​ പ്ലാൻറിലൂടെ പുനരുപയോഗ യോഗ്യമാക്കി ഉപയോഗിക്കുന്നു. കോളജിലെ ശലഭ തോട്ടവും ഔഷധ - സുഗന്ധദ്രവ്യ തോട്ടങ്ങളും പച്ചക്കറി ഫാമും നേരത്തേ ശ്രദ്ധ നേടിയിരുന്നു. കാമ്പസിലെ മരങ്ങളുടെയും ചെടികളുടെയും വിവരങ്ങളുള്ള ജൈവവൈവിധ്യ രജിസ്​റ്ററിന് ദേശീയ ജൈവ വൈവിധ്യ ബോർഡി​​​െൻറ അംഗീകാരവും ലഭിച്ചിട്ടുണ്ട്. നിരവധി പരിസ്ഥിതി സംഘടനകളുടെ ഹരിത കാമ്പസ് പുരസ്കാരങ്ങളും കോളജ് സ്വന്തമാക്കിയിട്ടുണ്ട്. കഴിഞ്ഞ വർഷം കേന്ദ്ര മാനവ വിഭവ വികസന മന്ത്രാലയത്തി​​​െൻറ സ്വച്ഛ് കാമ്പസ് അംഗീകാരവും ലഭിച്ചു.

കേന്ദ്ര സർക്കാറി​​​െൻറ ഉന്നത് ഭാരത് അഭിയാൻ പദ്ധതി പ്രകാരം സമീപത്തെ അഞ്ച്​ ഗ്രാമങ്ങൾ ദത്തെടുത്ത് വികസന പ്രവർത്തനങ്ങൾ നടത്തുന്നുണ്ട്. പരിസ്ഥിതി സംരക്ഷണത്തി​​​െൻറയും ശുചിത്വ ബോധത്തി​​​െൻറയും സന്ദേശമുയർത്തി വിദ്യാർഥികൾ നടത്തിയ ശുചിത്വ ബോധന പദയാത്രയും ശ്രദ്ധേയമായിരുന്നു. കഴിഞ്ഞ വർഷം കോളജ് ആതിഥ്യം വഹിച്ച ‘യുഫോറിയ 2019' ൽ ഫ്യൂസായ ബൾബുകളും പ്രകൃതിജന്യ വസ്തുക്കളും ഉപയോഗിച്ച് വിദ്യാർഥികൾ നടത്തിയ അലങ്കാരവും ഏറെ പ്രശംസ നേടി. പ്ലാസ്​റ്റിക് കാരിബാഗിന് ബദലായി രാജഗിരി ബ്രാൻഡ് ചണസഞ്ചികളും ലഭ്യമാണ്.

Loading...
COMMENTS