ഉമൈമ അൽ ഖമീസിനിത് വാക്കുകൾ പൂക്കുന്ന കാലം

omaima-al-khamees
ഉമൈമ അൽ ഖമീസ്

എഴുത്ത്​ ശക്​തമാവുന്നത്​ അത്​ പിറക്കുന്ന മനസ്സി​​​​െൻറ ശക്​തിയും അക്ഷരങ്ങളോടുള്ള അഭിനിവേശവും ചേരു​േമ്പാഴാണല്ലോ. വാക്കുകളുടെ സമ്പന്നതയോടൊപ്പം പുതിയ ലോകത്തെകുറിച്ച കിനാവുകളുടെ വെളിച്ചമാണ്​ പ്രശസ്​ത സൗദി എഴുത്തുകാരി ഉമൈമ അൽ ഖമീസി​​​​െൻറ രചനകളെ എന്നും പ്രശോഭിതമാക്കിയത്​. സാഹിത്യത്തിലും കവിതയിലും സ്വന്തമായി ഇടം നേടി സൗദി അറേബ്യയുടെ സാംസ്​കാരിക ലോക​ത്ത്​ തിളങ്ങി നിൽക്കുന്ന ഉമൈമയെ തേടി അടുത്ത കാലത്ത്​ ‘നജിബ്​ മഹഫുസ്​ ലിറ്ററേച്ചർ അവാർഡ്’​ എത്തി.

omaima-al-khamees

കൈറോവിലെ അമേരിക്കൻ യൂണിവേഴ്​സിറ്റി പബ്ലിഷിംഗ്​ ഹൗസ്​ ഏർപെടുത്തിയതാണ്​ അവാർഡ്​. വായനയുടെ ലോകത്ത്​ ചെറുപ്പം മുതൽ തന്നെ വിസ്​മയിപ്പിച്ച ​ഇൗജിപ്​ഷ്യൻ എഴുത്തുകാര​നും നൊബേൽ ജേതാവുമായ നജീബ്​ മഹ്​ഫുസി​​​​െൻറ പേരിലുള്ള അവാർഡ് ലഭിച്ചത്​ ഉമൈമയെ ആത്​മഹർഷം കൊണ്ട്​ വീർപുമുട്ടിച്ചിരിക്കണം. ‘എ​​​​െൻറ സന്തോഷത്തിനും നന്ദിക്കും അതിരില്ല, പക്ഷെ ഇൗ അവാർഡ്​ എ​ന്നെ വലുതാക്കുന്നില്ല. എ​​​​െൻറ വീടി​​​​െൻറ ബാൽകണിയിൽ നിരയായി വെച്ച ഇൗത്തപ്പനച്ചെടികളോളമേ ഞാൻ വരൂ. എ​െന്നകുറിച്ച ഒാരോ നല്ല വാക്കും ഞാൻ ശേഖരിച്ച്​ നക്ഷത്രങ്ങൾക്ക്​ കൈമാറും....’ കാവ്യാത്​മകമായിരുന്നു അവർഡ്​ ദാനച്ചടങ്ങിലെ ഉമൈമയുടെ വാക്കുകൾ.

ചെറുപ്പം മുതൽ എഴുത്തി​​​​െൻറയും വായനയുടെയും ലോകത്താണ്​ ഉമൈമ. റിയാദിലാണ്​ ജനനം. ചരിത്രകാരനായ അബ്​ദുല്ല ഇബ്​നു മുഹമ്മദി​​​​െൻറ മകൾ. ഫലസ്​തീൻ വംശജയായ ഉമ്മ സഹാം അൽ സഹബി എഴുത്തുകാരിയും സാംസ്​കാരിക പ്രവർത്തകയുമാണ്​. വാഷിങ്​ടൺ യൂണിവേഴ്​​സിറ്റിയിൽ നിന്നാണ്​​ ഉമൈ ഇംഗ്ലീഷ്​ ഭാഷയിൽ ഡിപ്ലോമ നേടിയത്​. കിങ്​ സഉൗദ്​ യൂണിവേഴ്​സിറ്റിയിലായിരുന്നു അണ്ടർ ഗ്രാജ്വേറ്റ്​ പഠനം. നോവലും, കഥയും, കവിതയും, നാടകവും ഒരുപേ​െല വഴങ്ങുന്ന എഴുത്തുകാരി. നിരൂപക, കോളമിസ്​റ്റ്, ആക്​ടിവിസ്​റ്റ്​​ എന്നീ നിലകളിൽ ശ്രദ്ധേയയാണ്​.

omaima-al-khamees

ഇംഗ്ലീഷ്​, ഫ്രഞ്ച്​, ഇറ്റാലിയൻ, ജാപ്പനീസ്​, കൊറിയൻ ഭാഷകളിലേക്ക് തർജ്ജമ ചെയ്യപ്പെട്ടിട്ടുണ്ട്​ ഇവരുടെ രചനകൾ. റിയാദിൽ സർഗാത്മ​ക എഴുത്തി​​​​െൻറ പാഠങ്ങൾ കുട്ടികൾക്ക്​ പകർന്നു കൊടുക്കുന്ന ക്ലാസുകൾ നയിക്കുന്നു. എഴുത്തിലൂടെ പെൺ സ്വാതന്ത്ര്യത്തി​​​​െൻറ അതിരുകൾ ഭേദിക്കണമെന്നാഗ്രഹിക്കുന്ന സാഹിത്യകാരിയാണിവർ. അതിവേഗം മാറ്റത്തിലേക്ക്​ ഒാടിയടുക്കണമെന്നാണ്​ ആഗ്രഹം. പ്രതീക്ഷയുടെ തിളക്കമുള്ള നാ​ളയെ കുറിച്ച സപ്​നമാണിവർക്ക്​. മാറുന്ന സൗദിയുടെ വനിതാമുന്നേറ്റം ഇവരെ ഏറെ ആഹ്ലാദിപ്പിക്കുന്നു.

Loading...
COMMENTS