അമ്മവിളി കാത്ത്...

സംസ്​ഥാനത്തെ ചിൽഡ്രൻസ്​ ഹോമുകളിലെ അനാഥരായ ഇരുനൂറോളം കുട്ടികൾ​ ഈ വേനലവധിക്കാലത്ത് വിവിധ വീടുകളിൽ കഴിയുന്നുണ്ട്. മക്കളില്ലാത്തവരോ ഉള്ളവരോ ആയ രക്ഷിതാക്കൾ അവധിക്കാലത്തേക്ക്​ മാത്രമായി അവ​െര ദത്തെടുക്കുകയാണ്​. സ്​കൂൾ തുറക്കു​ംവരെയുള്ള ചുരുങ്ങിയ കാലത്തേക്കെങ്കിലും മകനായി, മകളായി, മാതാപിതാക്കളുടെ സ്​നേഹവാത്സല്യങ്ങൾ അനുഭവിച്ച്​ അവർ ജീവിക്കും...

മീ​ന​മാ​സ സൂ​ര്യ​ൻ ക​ത്തി​നി​ൽ​ക്കു​ന്ന പ​ക​ലു​ക​ളി​ലൊ​ന്ന്. ഉ​ള്ളി​ൽ അ​തു​വ​രെ​യി​ല്ലാ​ത്ത കു​ളി​രും ആ​ഹ്ലാ​ദ​വു​മാ​യി 11 കു​ടും​ബ​ങ്ങ​ൾ കാ​ത്തു​നി​ന്നു. ഇ​വ​രൊ​ക്കെ​യും ഭാ​ര്യാ​ഭ​ർ​ത്താ​ക്ക​ന്മാ​രാ​ണ്.  ചു​രു​ങ്ങി​യ കാ​ല​ത്തേ​ക്കെ​ങ്കി​ലും മ​ക​നാ​യി, മ​ക​ളാ​യി, ചി​ല​രെ കൂ​ട്ടി​ക്കൊ​ണ്ടു​പോ​കാ​നാ​ണീ കാ​ത്തി​രി​പ്പ്. അ​മ്മ, അ​ച്ഛ, ഉ​പ്പ, ഉ​മ്മ എ​ന്ന്​ വി​ളി​കേ​ൾ​ക്കാ​ൻ, സ്​​നേ​ഹ വാ​ത്സ​ല്യ​ങ്ങ​ളോ​ടെ ഒ​ന്നു ചേ​ർ​ത്തു ​നി​ർ​ത്താ​ൻ, കു​ഞ്ഞി​നു​ വേ​ണ്ടി​യു​ള്ള കാ​ത്തി​രി​പ്പ്. മ​ക്ക​ളു​ള്ള​വ​രും ഇ​ല്ലാ​ത്ത​വ​രും കൂ​ട്ട​ത്തി​ലു​ണ്ട്. മ​ക്ക​ളി​ല്ലാ​ത്ത​വ​ർ​ക്ക് ആ​ഗ്ര​ഹം വി​ര​സ​ത​ക്കൊ​രു കൂ​ട്ടാ​ണ്. മ​ക്ക​ളു​ള്ള​വ​ർ ഒ​രു കു​ട്ടി​യെ കൂ​ടി സ്നേ​ഹം പ​ഠി​പ്പി​ക്കാ​ൻ വീ​ട്ടി​ലേ​ക്ക് ക്ഷ​ണി​ക്കു​ന്നു. ഇ​വ​രു​ടെ എ​ണ്ണം പ​ക്ഷേ, കു​റ​വാ​ണ്.

ഇ​ത്ര​യും പേ​ർ അ​പ്പു​റ​ത്തു​മു​ണ്ട്. അ​വ​രും കാ​ത്തി​രി​പ്പി​ലാ​യി​രു​ന്നു. അ​മ്മ​യെ, അ​ച്ഛ​നെ, വീ​ടി​നെ, പി​ന്നെ​യു​മെ​ന്തൊ​​െക്ക​യോ...​ഇ​നി ക​ഥ​യി​ലേ​ക്ക്​ വ​രാം. സ്​​കൂ​ൾ അ​വ​ധി​ക്കാ​ല​ത്ത്​ സ​ർ​ക്കാ​ർ ചി​ൽ​ഡ്ര​ൻ​സ്​ ഹോ​മി​ലെ കു​ട്ടി​ക​ളെ വീ​ട്ടി​ലേ​ക്ക് കൂ​ടെ കൂ​ട്ടാ​ൻ കാ​ത്തി​രി​ക്കു​ന്ന​വ​രാ​ണി​വ​ർ. ഇ​നി​യും പൂ​രി​പ്പി​ക്കാ​നു​ള്ള ജീ​വി​ത​ങ്ങ​ൾ ഇ​വ​രി​ൽ ബാ​ക്കി​നി​ൽ​ക്കും എ​ന്ന​തി​നാ​ലാ​ണ്​ ഇൗ ​എ​ഴു​ത്തി​നെ ക​ഥ​യെ​ന്ന്​ വി​ളി​ക്കു​ന്ന​ത്. ചി​ല ജീ​വി​ത​ങ്ങ​ൾ പ​റ​ഞ്ഞു ​തീ​രാ​ത്ത ക​ഥ​ക​ളാ​ണ​ല്ലോ.

ക​ഥ തു​ട​ങ്ങു​ന്നു
ദി​വാ​ക​ര​നെ​യും അ​മ്മു​വി​നെ​യും ക​ണ്ട​പാ​ടെ പെ​ൺകുട്ടി ഓ​ടി​ച്ചെ​ന്ന് വ​ട്ടം​പി​ടി​ച്ചു. അ​വ​രു​ടെ കാ​ൽ​മു​ട്ടോ​ള​മേ ഉ​യ​ര​മു​ള്ളൂ ആ ​ആ​റു വ​യ​സ്സു​കാ​രി​ക്ക്. നി​ന്നി​ട​ത്തുനി​ന്ന് കു​നി​ഞ്ഞ് അ​മ്മു അ​വ​ളു​ടെ നെ​റു​ക​യി​ൽ തു​രു​തു​രെ ഉ​മ്മ​വെ​ച്ചു. പി​ന്നെ ചേ​ർ​ത്തെ​ടു​ത്തു മ​ടി​യി​ലി​രു​ത്തി. മു​ഖ​ത്തും കൈ​ക​ളി​ലും ത​ലോ​ടി. ഒ​രു വ​ർ​ഷ​ത്തെ കാ​ത്തി​രി​പ്പി​നു ശേ​ഷം ദി​വാ​ക​ര​നും അ​മ്മു​വി​നും മ​ക​ളെ വീ​ണ്ടും കി​ട്ടു​ക​യാ​ണ്. കു​റ​ഞ്ഞ നാ​ളു​ക​ളി​ലേ​ക്കെ​ങ്കി​ലും. അ​ത്ര​യെ​ങ്കി​ലും മ​തി - അ​തു ത​ന്നെ​യൊ​രു ആ​ശ്വാ​സ​മാ​ണ്. ക​ടു​ത്ത വേ​ന​ലി​ലെ ചെ​റി​യൊ​രു ചാ​റ്റ​ൽ മ​ഴ. 

നീ​ള​ൻ മു​ടി​യു​ള്ള പെ​ൺ​കു​ട്ടി​യെ-സൈ​ന എ​ന്ന് വി​ളി​ക്കാം. മു​തി​ർ​ന്നാ​ൽ അ​വ​ൾ​ക്കൊ​രു കാ​യി​ക താ​ര​മാ​ക​ണ​മെ​ന്നാ​ണാ​ഗ്ര​ഹം. ര​ണ്ടാം ത​വ​ണ​യാ​ണ് - ഈ  ​മാ​താ​പി​താ​ക്ക​ൾ​ക്കൊ​പ്പം പോ​കു​ന്ന​ത്. വ​ർ​ഷ​ങ്ങ​ൾ മു​മ്പ് ഇ​ളം പൈ​ത​ലാ​യി ചി​ൽ​ഡ്ര​ൻ​സ് ഹോ​മി​ലെ​ത്തി​യ​വ​ൾ. അ​മ്മ​യും അ​ച്ഛ​നും ചി​ത്ര​ത്തി​ലൊ​ന്നു​മി​ല്ലാ​ത്ത പെ​ൺ​കു​ട്ടി.  അ​വ​ൾ​ക്കി​പ്പോ​ൾ ഇ​വ​രാ​ണ് എ​ല്ലാ​മെ​ല്ലാം. ആ ​ക​ഥ​യി​ങ്ങ​നെ വാ​യി​ക്കാം: ജോ​ലി​യി​ൽ ​നി​ന്ന്​ പി​രി​ഞ്ഞ ദി​വാ​ക​ര​ന്​ ഒ​ഴി​വു​ സ​മ​യം ഏ​കാ​ന്ത​ത​ക​ളു​ടേ​താ​യി. അ​മ്മു​വി​നും അ​തു​ത​ന്നെ, വ​രാ​നും പോ​കാ​നും ആ​രു​മി​ല്ലാ​ത്ത വീ​ട്ടി​ൽ വി​ര​സ​ത​യി​ൽ മു​ങ്ങി​യ പ​ക​ലി​ര​വു​ക​ൾ. 50 പി​ന്നി​ട്ട ദാ​മ്പ​ത്യ​ത്തി​ൽ എ​ന്തു​കൊ​ണ്ടോ അ​വ​ർ​ക്ക്​ മ​ക്ക​ളു​ണ്ടാ​യി​ല്ല. എ​ല്ലാ​വ​രെ​യും പോ​ലെ അ​വ​രി​രു​വ​ർ​ക്കും സ്വ​പ്​​ന​ങ്ങ​ളു​ണ്ടാ​യി​രു​ന്നു. മ​ക്ക​ൾ-​അ​വ​രു​ടെ കു​ഞ്ഞി​ളം ചി​രി​മു​ത​ൽ വി​ഭി​ന്ന പ​ട​വു​ക​ൾ. 

അ​വ​യൊ​ക്കെ ഉ​ള്ളി​ലൊ​തു​ക്കി ക​ഴി​യ​വെ​യാ​ണ്​ ക​ഴി​ഞ്ഞ വ​ർ​ഷം ഫോ​സ്​​റ്റ​ർ കെ​യ​ർ പ​ദ്ധ​തി​വ​ഴി ​ൈസ​ന അ​വ​രു​​ടെ വീ​ട്ടി​ലെ​ത്തി​യ​ത്. അ​തോ​ടെ വീ​ടാ​കെ ഉ​ണ​ർ​ന്നു. ദി​വാ​ക​ര​നും അ​മ്മു​വും അ​വ​ൾ​​ക്കൊ​പ്പം പ്രാ​യം മ​റ​ന്ന്​ കു​ട്ടി​ക​ളാ​യി. അ​വ​ൾ അ​വ​രെ അ​ച്ഛ​നും അ​മ്മ​യു​മെ​ന്ന്​ വി​ളി​ച്ചു. അ​വ​ൾ അ​വ​ർ​ക്ക്​ മ​ക​ളാ​യി. ആ​ഹ്ലാ​ദ​ത്തിന്‍റെ പു​ല​രി​ക​ളും സ​ന്ധ്യ​യും രാ​ത്രി​ക​ളും പൊ​ടു​ന്ന​നെ ക​ട​ന്നു​പോ​യി. മ​ഴ​യു​ടെ താ​ള​വു​മാ​യി ജൂ​ണെ​ത്തി. അ​വ​ൾ​ക്ക്​ തി​രി​കെ പോ​കാ​നു​ള്ള സ​മ​യ​വും. പോ​കാ​തി​രി​ക്കാ​ൻ അ​വ​ർ ആ​വ​തും ശ്ര​മി​ച്ചു. നി​ബ​ന്ധ​ന​ക​ൾ അ​തി​നും മു​ക​ളി​ലാ​യി​രു​ന്നു. ചി​ൽ​ഡ്ര​ൻ​സ്​ ഹോ​മിന്‍റെ വാ​തി​ലി​ൽ അ​വ​ൾ മ​റ​ഞ്ഞു. അ​ന്ന്​ പോ​യ മ​ക​ളെ തി​രി​കെ കൂ​ട്ടാ​നാ​ണ്​ വീ​ണ്ടും ഇ​വ​രെ​ത്തി​യി​രി​ക്കു​ന്ന​ത്.  

ബെ​ല്ല​ടി​ക​ളി​ല്ലാ​ത്ത കാ​ലം
ചി​ൽ​ഡ്ര​ൻ​സ് ഹോ​മി​ലെ കു​ട്ടി​ക​ൾ​ക്ക്​ സ്​​കൂ​ൾ അ​വ​ധി​ക്കാ​ലം അ​ത്ര​വ​ലി​യ പു​തു​മ ന​ൽ​കു​ന്ന​ത​ല്ല. എ​ന്നും കാ​ണു​ന്ന മു​ഖ​ങ്ങ​ൾ, ന​ര​ച്ച ഇ​ട​നാ​ഴി​ക​ളും ചു​മ​രും ജാ​ല​ക​ക്കാ​ഴ്​​ച​ക​ളും. ഉ​യ​ർ​ത്തി​ക്കെ​ട്ടി​യ മ​തി​ലും അ​ട​ച്ചി​ട്ട ഗേ​റ്റും.  കൂ​ട്ടി​ക്കൊ​ണ്ടു​പോ​കാ​ൻ പു​റം​വാ​തി​ലു​ക​ളി​ല്ലാ​ത്ത​വ​ർ. സ്​​കൂ​ൾ തു​റ​ക്കു​േ​മ്പാ​ൾ മ​റ്റു കൂ​ട്ടു​കാ​രെ​ല്ലാം അ​വ​ധി​ക്കാ​ല​ത്തെ വ​ർ​ണി​ക്കു​േ​മ്പാ​ൾ ഒ​രേ കാ​ഴ്​​ച​ക​ൾ തി​രി​ച്ചും മ​റി​ച്ചും പ​റ​ഞ്ഞു​കൊ​ണ്ടേ​യി​രി​ക്കു​ന്ന​വ​ർ. ഇ​വ​രൊ​ക്കെ​യും കു​ട്ടി​ക​ളാ​െ​ണ​ന്നും അ​വ​ർ​ക്കു​ള്ളി​ൽ മ​റ്റൊ​രു​കു​ട്ടി​യു​ണ്ടെ​ന്നും മാ​താ​പി​താ​ക്ക​ൾ, വീ​ട്, ബ​ന്ധു​ക്ക​ൾ, അ​യ​ൽ​ക്കാ​ർ എ​ന്നി​വ​രു​ടെ സാ​മീ​പ്യം ഇ​വ​ർ​ക്കും കി​ട്ട​ണ​മെ​ന്ന തി​രി​ച്ച​റി​വാ​ണ്​ ഫോ​സ്​​റ്റ​ർ കെ​യ​ർ പ​ദ്ധ​തി​ക്ക്​ പി​റ​കി​ൽ. ബെ​ല്ല​ടി ശ​ബ്​​ദ​ത്തി​നൊ​പ്പം ഉ​റ​ങ്ങു​ക​യും ഉ​ണ​രു​ക​യും ഭ​ക്ഷി​ക്കു​ക​യും ക​ളി​ക്കു​ക​യും ചെ​യ്യു​ന്ന ചി​ൽ​ഡ്ര​ൻ​സ്​ ഹോം ​ദി​ന​ങ്ങ​ളി​ൽ നി​ന്നു​ള്ള താ​ൽ​ക്കാ​ലി​ക മു​ക്​​തി​യാ​ണി​ത്. ചെ​ന്നു​ക​യ​റു​ന്ന ഒാ​രോ വീ​ട്ടി​ലും മ​ക്ക​ളാ​യി ത​ന്നെ​യാ​ണി​വ​ർ ക​ഴി​യു​ന്ന​ത്. പോ​കാ​നൊ​രി​ട​മു​ണ്ടെ​ന്നും കാ​ണാ​നും കാ​ത്തി​രി​ക്കാ​നും സ്​​നേ​ഹി​ക്കാ​നും ചി​ല​രു​ണ്ടെ​ന്നു​മു​ള്ള ബോ​ധ്യം ഇൗ ​കു​ട്ടി​ക​ളി​ൽ വ​രു​ത്തു​ന്ന മാ​റ്റം വ​ലു​താ​ണ്.  

ചു​രി​ദാ​റി​ട്ട അ​മ്മ
അ​മൃ​ത​യോ​ട്​ അ​വ​ർ പ​റ​ഞ്ഞു​കൊ​ണ്ടേ​യി​രി​ക്കു​ക​യാ​ണ്​- ഇ​താ​ണ​മ്മ, അ​താ​ണച്ഛൻ, ഇ​നി നീ ​ഇ​വ​രു​ടെ കൂ​ടെ​യാ​ണ്. ഹോ​സ്​​റ്റ​ലി​ൽ പോ​കേ​ണ്ട, വീ​ട്ടി​ൽ ഒ​രു​പാ​ട്​​പേ​രു​ണ്ടാ​കും. അ​ടു​ത്തു നി​റ​യെ കൂ​ട്ടു​കാ​രും. അ​വ​ളു​ടെ മ​ന​സ്സ്​​ ചാ​യു​ന്നേ​യി​ല്ല. ‘മ​ക​ളെ’ അ​നു​ന​യി​പ്പി​ച്ച്​ കൂ​ടെ കൂ​ട്ടാ​ൻ പു​തി​യ മാ​താ​പി​താ​ക്ക​ളും പ​ല​തും പ​റ​ഞ്ഞു​നോ​ക്കു​ന്നു​ണ്ട്. ശി​ശു​സം​ര​ക്ഷ​ണ യൂ​നി​റ്റി​ലെ കൗ​ൺ​സി​ല​ർ​മാ​ർ കൂ​ടെ​യു​ണ്ട്. എ​ന്നി​ട്ടും ഒ​രു മാ​റ്റ​വു​മി​ല്ല. അ​വ​ൾ ജാ​ല​ക വെ​ളി​ച്ച​ത്തി​ലൂ​ടെ പു​റ​ത്തേ​ക്ക്​ നോ​ക്കി  നി​ൽ​പാ​ണ്. റോ​ഡി​ൽ നി​റ​ഞ്ഞൊ​ഴു​കു​ന്ന ജ​നം. അ​വ​യി​ൽ ആ​ണും പെ​ണ്ണും കു​ട്ടി​ക​ളും മു​തി​ർ​ന്ന​വ​രു​മു​ണ്ട്. അ​തി​ൽ ആ​രെ​യാ​കാം അ​വ​ൾ തി​ര​യു​ന്ന​ത്​!

എ​ട്ടു​വ​യ​സ്സു​കാ​രി​യാ​ണ്​ അ​മൃ​ത. ചു​വ​പ്പി​ൽ വെ​ളു​ത്ത പൂ​ക്ക​ളു​ള്ള ​ഫ്രോ​ക്കി​ൽ പ്ര​സ​ന്ന​മാ​യ മു​ഖ​ഭാ​വ​മു​ള്ള​വ​ൾ. മൂ​ന്നാം വ​യ​സ്സി​ൽ ആ​രോ ശി​ശു സം​ര​ക്ഷ​ണ കേ​ന്ദ്ര​ത്തി​ൽ എ​ത്തി​ച്ച കു​ഞ്ഞ്. പി​ന്നെ സ​ർ​ക്കാ​ർ ചി​ൽ​ഡ്ര​ൻ​സ്​ ​ഹോ​മി​ൽ വ​ള​ർ​ന്ന​വ​ൾ. ഒ​ടു​വി​ൽ അ​വ​ളൊ​രു​ത്ത​രം പ​റ​ഞ്ഞു. ഇ​ത​ല്ല എന്‍റെ അ​മ്മ, എ​ൻ​റ​മ്മ ചു​രി​ദാ​റി​ട്ട​താ​ണ്. എ​നി​ക്ക്​ ചു​രി​ദാ​റി​ട്ട അ​മ്മ​യെ മ​തി. അ​മൃ​ത​യു​മാ​യി വീ​ട്ടി​ലേ​ക്ക്​ പോ​കാ​ൻ കൊ​തി​ച്ചി​രു​ന്ന താ​ൽ​ക്കാ​ലി​ക അ​മ്മ​യി​ൽ ആ ​വാ​ക്കു​ക​ൾ നി​രാ​ശ പ​ട​ർ​ത്തി. സാ​രി​യു​ടു​ക്കാ​ൻ തോ​ന്നി​യ നി​മി​ഷം അ​പ്പോ​ള​വ​ർ വെ​റ​ു​ത്തു​കാ​ണും. അ​ഞ്ചു വ​ർ​ഷം മു​മ്പ​ത്തെ അ​മ്മ ഇ​പ്പോ​ഴും അ​വ​ളു​ടെ ഒാ​ർ​മ​ക​ളി​ലു​ണ്ടാ​കു​മോ, അ​വ​ർ തി​രി​ച്ചു​വ​രു​മെ​ന്ന്​ അ​വ​ളി​പ്പോ​ഴും പ്ര​തീ​ക്ഷി​ക്കു​ന്നോ? ചി​ല​േ​പ്പാ​ൾ അ​മ്മ​യെ​ന്ന​ത്​ ഒ​രു ചി​ത്ര​മാ​യി അ​വ​ളു​ടെ മ​ന​സ്സി​ലു​ണ്ടാ​കും. അ​തി​ന് പു​തി​യ കാ​ല​ത്തെ വ​സ്ത്ര​രൂ​പ​വും അ​വ​ൾ സ്വ​യം തു​ന്നി​യ​താ​കാം.

ചി​ൽ​​ഡ്ര​ൻ​സ്​​ഹോ​മു​ക​ളി​ലൂ​ടെ സ​ഞ്ച​രി​ച്ചാ​ൽ ഇ​ത്ത​ര​ത്തി​ലു​ള്ള കാ​ത്തി​രി​പ്പു​ക​ളെ കാ​ണാം. ഫോ​സ്​​റ്റ​ർ കെ​യ​റി​ന്​ ഉ​ൾ​പ്പെ​ടു​ത്തി​യി​ട്ടും ഒ​ഴി​ഞ്ഞു​മാ​റി​യ പെ​ൺ​കു​ട്ടി അ​വ​രി​ൽ ഒ​രാ​ളാ​ണ്. ഫോ​ണി​ലൂ​ടെ വ​ല്ല​പ്പോ​ഴു​മെ​ത്തു​ന്ന ഒ​രു​ശ​ബ്​​ദ​മാ​ണ്​ അ​വ​ൾ​ക്ക​മ്മ. ഒ​രി​ക്ക​ലും കാ​ണാ​ൻ വ​രാ​ത്ത, ഉ​ട​നെ വ​രാ​മെ​ന്ന്​ ഉ​റ​പ്പു​പ​റ​യു​ന്ന അ​മ്മ. ഇൗ ​അ​വ​ധി​ക്കാ​ല​ത്ത്​ വീ​ട്ടി​ൽ കൊ​ണ്ടു​പോ​കാ​മെ​ന്ന്​ അ​വ​ൾ​ക്ക്​ വാ​ക്കു ന​ൽ​കി​യ​താ​ണ്. മ​റ്റു വീ​ട്ടി​ൽ പോ​യാ​ൽ അ​മ്മ വ​രു​േ​മ്പാ​ൾ കാ​ണാ​നും പോ​കാ​നും എ​ങ്ങ​നെ ക​ഴി​യും. അ​തി​നാ​ൽ ഒ​ാേ​രാ ടെ​ലി​ഫോ​ൺ റി​ങ്ങി​ലും അ​വ​ൾ അ​മ്മ​യെ പ്ര​തീ​ക്ഷി​ക്കു​ന്നു. അ​വ​ൾ കാ​ത്തി​രി​ക്കു​ന്ന അ​മ്മ ഒ​രി​ക്ക​ലും വ​രി​ല്ലെ​ന്നും കൊ​ണ്ടു​പോ​കി​ല്ലെ​ന്നും അ​വ​ൾ​ക്കൊ​ഴി​കെ എ​ല്ലാ​വ​ർ​ക്കു​മ​റി​യാം, ആ ​അ​മ്മ​ക്കും. അ​വ​ര​ത്​ ആ​രോ​ടും പ​റ​യു​ന്നി​െ​ല്ല​ന്നേ​യു​ള്ളൂ. 

ഇ​നി ഞാ​ൻ തി​രി​ച്ചു ​പോ​കി​ല്ല
സൈ​ന​യി​ലേ​ക്കു ത​ന്നെ തി​രി​കെ​യെ​ത്താം. ഒ​രു വ​ർ​ഷം മു​മ്പ്​ ‘ര​ക്ഷി​താ​ക്ക​ളെ’ വി​ട്ടു​പോ​ന്ന രാ​ത്രി ചി​ൽ​ഡ്ര​ൻ​സ്​ ഹോ​മി​ലെ മു​റി​യി​ൽ അ​വ​ൾ ത​നി​ച്ചാ​യി. സ്നേ​ഹ വാ​ത്സ​ല്യ​ങ്ങ​ളു​ടെ ന​ടു​വി​ൽ നി​ന്ന് പൊ​ടു​ന്ന​നെ ആ​രു​മി​ല്ലാ​താ​യ അ​വ​സ്ഥ. തി​രി​കെ പോ​കാ​ൻ മ​ന​സ്സ്​​​ തു​ടി​ച്ചു. ഫോ​ൺ​വി​ളി​ക്കു​േ​മ്പാ​ഴെ​ല്ലാം ദി​വാ​ക​ര​നോ​ടും അ​മ്മു​വി​നോ​ടും അ​വ​ൾ അ​തു​ത​ന്നെ പ​റ​ഞ്ഞു. ത​ട​സ്സ​ങ്ങ​ൾ ഏ​റെ​യു​ള്ള​തി​നാ​ൽ അ​വ​ർ ര​ണ്ടി​ട​ങ്ങ​ളി​ലാ​യി ത​ന്നെ ക​ഴി​ഞ്ഞു. ആ​ഗ്ര​ഹ​ങ്ങ​ൾ തീ​വ്ര​മാ​യ​പ്പോ​ൾ ഓ​ണാ​വ​ധി​ക്ക് 10 ദി​വ​സം അ​വ​ളെ അ​വ​ർ​ക്ക് കി​ട്ടി. അ​തു ക​ഴി​ഞ്ഞ് വീ​ണ്ടും തി​രി​ച്ചു. കു​ട്ടി​ക​ൾ​ക്കും ര​ക്ഷി​താ​ക്ക​ൾ​ക്കും താ​ൽ​പ​ര്യ​മെ​ങ്കി​ൽ പോ​റ്റി​വ​ള​ർ​ത്ത​ൽ തു​ട​രാ​മെ​ന്ന തീ​രു​മാ​ന​ത്തി​ൽ ആ​ശ്വാ​സം കൊ​ള്ളു​ക​യാ​ണ്​ ഇൗ ​ര​ക്ഷി​താ​ക്ക​ളും മ​ക​ളു​മി​പ്പോ​ൾ. അ​വ​ർ​​ക്കൊ​പ്പം പു​റ​പ്പെ​ടും​മു​മ്പ്​ അ​വ​ളൊ​രു കാ​ര്യം പ​റ​ഞ്ഞു. ഇ​നി ഞാ​ൻ തി​ര​ച്ചു​വ​രി​ല്ല. മ​ക​ളെ ചേ​ർ​ത്തു​പി​ടി​ച്ച്​ അ​വ​ർ പു​റ​ത്തേ​ക്കി​റ​ങ്ങി. പോ​കും വ​ഴി പ​ണി​ക​ളേ​റെ​യു​ണ്ട്. മ​ക​ൾ​ക്ക്​ ഉ​ടു​പ്പ്​ വാ​ങ്ങ​ണം, ഭ​ക്ഷ​ണ​മൊ​രു​ക്ക​ണം, കു​റെ നേ​രം അ​വ​ൾ​​ക്കൊ​പ്പ​മി​രു​ന്ന്​ വ​ർ​ത്ത​മാ​നം പ​റ​യ​ണം. ജീ​വി​ത​സാ​യാ​ഹ്ന​ത്തി​ൽ അ​വ​രു​ടെ ദി​വ​സ​ങ്ങ​ൾ​ക്ക് അ​വ​ൾ നി​റ​ങ്ങ​ൾ തീ​ർ​ക്ക​ട്ടെ.

ഇൗ ​കു​ട്ടി​ക​ൾ​​ക്കൊ​െ​ക്ക​യും എ​ത്ര​യെ​ത്ര ക​ഥ​ക​ൾ പ​റ​യാ​നു​ണ്ടെ​ന്നോ...​ പി​റ​ന്നു​വീ​ണ്​ നാ​ളു​ക​ൾ​ക്ക​കം ഉ​പേ​ക്ഷി​ക്ക​പ്പെ​ട്ട​വ​ർ, സാ​മ്പ​ത്തി​ക​വും കു​ടും​ബ​പ്ര​ശ്​​ന​ങ്ങ​ളും മൂ​ലം ശി​ശു​സം​ര​ക്ഷ​ണ കേ​ന്ദ്ര​ങ്ങ​ളി​ലെ​ത്തി​യ​വ​ർ, ര​ക്ഷി​താ​ക്ക​ൾ ജ​യി​ലി​ലും വി​ദൂ​ര​ങ്ങ​ളി​ലു​മാ​യ​തി​നാ​ൽ അ​നാ​ഥ​രാ​ക്ക​പ്പെ​ട്ട​വ​ർ. പെ​റ്റ​മ്മ​യു​ടെ​യും അ​ച്ഛന്‍റെ​യും സാ​മീ​പ്യ​വും സ്​​നേ​ഹ​വും ഒ​രി​ക്ക​ലും അ​നു​ഭ​വി​ക്കാ​ത്ത​വ​ർ. കു​ടും​ബ​മെ​ന്ന ത​ണ​ൽ അ​ന്യ​രാ​ക്ക​പ്പെ​ട്ട​വ​ർ. അ​ങ്ങ​നെ ഒ​രു​പാ​ട്​ ബാ​ല്യ​ങ്ങ​ൾ. ര​ക്ഷി​താ​ക്ക​ൾ​​ക്കൊ​പ്പം പോ​കാ​നൊ​രു​ങ്ങു​ന്ന നാ​ലു​വ​യ​സ്സു​കാ​രന്‍റെ മാ​താ​പി​താ​ക്ക​ൾ ജ​യി​ലി​ലാ​ണ്. വ​ള​ർ​ത്താ​ൻ ആ​വി​ല്ലെ​ന്നു പ​റ​ഞ്ഞ്​ അ​മ്മ മ​റ്റൊ​രാ​ൾ​ക്ക്​ വീ​ട്ടു​ജോ​ലി​ചെ​യ്യാ​ൻ വി​റ്റ മ​ക​ൾ​ക്ക്​ ഏ​ഴു​വ​യ​സ്സാ​ണി​ന്ന്. ഒ​രു വൈ​കു​ന്നേ​രം അ​മ്മ​​ത്തൊ​ട്ടി​ലി​ൽ ക​ര​ച്ചി​ലോ​ടെ സാ​മീ​പ്യ​മ​റി​യി​ച്ച കു​ഞ്ഞ്​ വ​ള​ർ​ന്ന്​ എ​ട്ടാം ക്ലാ​സി​ലെ​ത്തി. ഹോ​ട്ട​ൽ അ​ടു​ക്ക​ള​യി​ൽ പാ​ത്രം ക​ഴു​കി​യ ബാ​ല​ൻ ഏ​ഴി​ലെ​ത്തി. ഇ​വ​രൊ​ക്കെ​യും വീ​ടു​ക​ളി​ലേ​ക്ക്​ പോ​കു​ക​യാ​ണ്. സ്കൂ​ൾ തു​റ​ക്കും വ​രെ ഇ​വ​ർ​ക്കൊ​രു കു​ടും​ബ​മു​ണ്ടാ​കും.
................................................................................
വി​വി​ധ ജി​ല്ല​യി​ലാ​യി ചി​ൽ​ഡ്ര​ൻ​സ്​ ഹോ​മു​ക​ളി​ലെ ഇ​രു​നൂ​റോ​ളം കു​ട്ടി​ക​ൾ​ ഈ ​വേ​ന​ല​വ​ധി​ക്കാ​ല​ത്ത് വി​വി​ധ വീ​ടു​ക​ളി​ൽ ക​ഴി​യു​ന്നു​ണ്ട്. ജൂ​ൺ ആ​ദ്യ വാ​രം ഇ​വ​രൊ​ക്കെ​യും തി​രി​കെ​പ്പോ​രും. വീ​ണ്ടും ഹോ​സ്​​റ്റ​ൽ കെ​ട്ടി​ട​ത്തിന്‍റെ ചു​റ്റു​വ​ട്ട​ങ്ങ​ളി​ൽ ഒ​തു​ങ്ങും. വീ​ടെ​ന്ന​ത്​ ഒാ​ർ​മ മാ​ത്ര​മാ​കും. അ​മ്മ​യെ​ന്ന​ത്​ അ​ടു​ത്തെ​ത്താ​ൻ കൊ​തി​ക്കു​ന്ന സ്​​നേ​ഹ​വും അ​ച്ഛ​ൻ ക​രു​ത​ലിന്‍റെ ഒാ​ർ​മ​മ​ര​വു​മാ​കും. അ​വ​ർ വീ​ണ്ടും അ​നാ​ഥ​രാ​കും. മ​ക്ക​ൾ പ​ടി​യി​റ​ങ്ങി​പ്പോയ വീ​ട്​ അ​പ്പോ​ൾ വീ​ണ്ടും ഉ​റ​ങ്ങി​ത്തു​ട​ങ്ങും. ശ​ബ്​​ദ​ങ്ങ​ൾ നി​ല​ച്ച്, ക​ളി​ചി​രി​മാ​ഞ്ഞ്​ നി​ശ്ശ​ബ്​​ദം. അ​വി​ടെ ര​ണ്ടാ​ത്​​മാ​ക്ക​ൾ ആ ​നി​മി​ഷം മു​ത​ൽ വൃ​ദ്ധ​രാ​യി​മാ​റും. ദി​വ​സ​ങ്ങ​ൾ ക​ഴി​ഞ്ഞാ​ൽ നാം ​മാ​ത്യ​ദി​നം ആ​ഘോ​ഷി​ക്കും. പി​റ​കെ ബാ​ല​ദി​ന​വും പി​തൃ​ദി​ന​വു​മൊ​ക്കെ വ​രും. അ​പ്പോ​ഴെ​ല്ലാം ഈ ​കു​ട്ടി​ക​ളെ​യും മാ​താ​പി​താ​ക്ക​ളെ​യും കു​റി​ച്ചു കൂ​ടി ഓ​ർ​ക്കു​ക.

ഇൗ ​കു​റി​പ്പ് ​വാ​യി​ക്കു​ന്ന​വ​രേ... അ​മ്മ​​ത്തൊ​ട്ടി​ലി​ലും ആ​ശു​പ​ത്രി വ​രാ​ന്ത​ക​ളി​ലും റോ​ഡ​രി​കി​ലും ഒ​രി​ളം പൈ​ത​ലി​നെ ഉ​പേ​ക്ഷി​ച്ചു ​പോ​യ​വ​ർ നി​ങ്ങ​ളി​ലു​ണ്ടോ? അ​യ​ൽ​പ​ക്ക​ത്തോ അ​ക​ല​ങ്ങ​ളി​ലോ ഉ​ണ്ടോ? നി​ശ്ശ​ബ്​​ദ​​മാ​യൊ​രു തേ​ങ്ങ​ൽ ഉ​ള്ളി​ലൊ​തു​ക്കു​ന്ന പെ​ണ്ണു​ണ്ടോ, പാ​പ​ത്തിന്‍റെ പാ​തി​യാ​യ ആ​ണു​ണ്ടോ, വി​ട്ടു​ക​ള​ഞ്ഞൊ​രു പു​ഞ്ചി​രി അ​വ​ർ തേ​ടു​ന്നു​ണ്ടോ...​ ഉ​ണ്ടെ​ങ്കി​ൽ പ​റ​യു​ക. അ​വ​രു​ടെ കു​ഞ്ഞി​വി​ടെ സ​ന്തോ​ഷ​ത്തോടെയുണ്ടെന്ന്​. 

(മലപ്പുറത്ത് ചൈൽഡ് പ്രൊട്ടക്​ഷൻ യൂനിറ്റ് സംഘടിപ്പിച്ച ഫോസ്​റ്റർ കെയർ പരിപാടിയാണ് ഈ എഴുത്തിനാധാരം. ഉപയോഗിച്ച പേരുകൾ യഥാർഥമല്ല)