ചിത്രപ്പുര

ന​മ്പൂ​തി​രി എ​ന്ന​ത്​ മ​ല​യാ​ളി​ക്ക്​ വെ​റു​മൊ​രു പേ​ര​ല്ല, നീ​ട്ടി​യും കു​റുക്കി​യു​മു​ള്ള വ​ര​ക​ളാ​ൽ ഭാ​വ​നാ​ലോ​ക​ത്തെ നി​റംപി​ടി​പ്പി​ച്ച ക​ലാ​കാ​ര​നാ​ണ്. കാ​ണാ​മ​റ​യ​ത്തെ ക​ഥാ​പാ​ത്ര​ങ്ങ​ൾ​ക്ക്​ രൂ​പ​വും ഭാ​വ​വും ന​ൽ​കി​യ​ ആ​ളാ​ണ്. മ​ല​യാ​ള സാ​ഹി​ത്യ​ത്തി​ൽ എ​ഴു​ത്തു​കാ​ർ​ക്ക്​ നി​റം ചാ​ർ​ത്തി ദീ​ർ​ഘ​കാ​ലം കൂ​ടെ​ന​ട​ന്ന മ​റ്റൊ​രാ​ളു​ണ്ടാ​കി​ല്ല. സെ​പ്​​റ്റം​ബ​റി​ൽ ന​മ്പൂ​തി​രി മ​റ്റൊ​രു ജ​ന്മ​ദി​നം പി​ന്നി​ട്ടു. 1925ലെ ​സെ​പ്​​റ്റം​ബ​ർ 15 ക​ഴി​ഞ്ഞ്​ 92 വ​ർ​ഷം പി​ന്നി​ട്ടി​രി​ക്കു​ന്നു. കാ​ലം ക​ലാ​കാ​ര​ന്‍റെ  ചോ​ദ​ന​ക​ളെ ഒ​ട്ടും മ​ങ്ങ​ലേ​ൽ​പി​ച്ചി​ട്ടി​ല്ല. എ​ട​പ്പാ​ളി​ലെ വീ​ട്ടി​ലി​രു​ന്ന്​ ന​മ്പൂ​തി​രി ഇ​പ്പോ​ഴും വ​ര​ച്ചു​കൊ​ണ്ടേ​യി​രി​ക്കു​ന്നു. രേ​ഖാചി​ത്ര​ങ്ങ​ളും പെ​യി​ൻ​റി​ങ്ങും ത​ല​ക്കെ​ട്ടു​ക​ളു​മാ​യി. പ​ല താ​ളു​ക​ളി​ലൂ​ടെ അ​വ കൈ​ര​ളി​യെ വ​ലംവെ​ക്കു​ന്നു. ഒാ​രോ ക​ഥാ​പാ​ത്ര സൃ​ഷ്​​ടി​യി​ലും എ​ഴു​ത്തു​കാ​ര​ന്‍റെ ഉ​ള്ളി​ൽ ഒ​രു​ പ​രി​ചി​ത മു​ഖ​മു​ണ്ടാ​കാം. എ​വി​ടെ​യോ ക​ണ്ടു​മാ​ഞ്ഞ മു​ഖ​ങ്ങ​ൾ. വാ​യ​ന​ക്കാ​ര​ൻ അ​ക​മേ അ​വ​ക്ക്​ മ​റ്റൊ​രു രൂ​പം പ​ണി​യും. ഇ​വ ര​ണ്ടി​നെ​യും ബ​ന്ധി​പ്പി​ക്കു​ന്ന പാ​ല​മാ​ണ്​ ചി​ത്ര​കാ​ര​ൻ. ക​രു​വാ​ട്ടു​മ​ന വാ​സു​ദേ​വ​ൻ ന​മ്പൂ​തി​രി​യെ​ന്ന മ​ല​യാ​ളി​യു​ടെ സ്വ​ന്തം ചി​ത്ര​കാ​ര​ൻ അ​വ​യെ വ​ര​ക​ൾ​കൊ​ണ്ട്​ സ​മ​ന്വ​യി​പ്പി​ച്ചു. ന​മ്പൂ​തി​രി​യു​ടെ ചി​ത്ര​മെ​ഴു​ത്തുച​രി​ത്രം മ​ല​യാ​ള സാ​ഹി​ത്യച​രി​ത്രം കൂ​ടി​യാ​ണ്. ഒാ​ർ​മ​ക​ളൊ​​െക്ക​യും ക​ഥ​ക​ളും. തിരൂർ തുഞ്ചൻപറമ്പിൽ നടന്ന ‘മാധ്യമം ലിറ്റററി ഫെസ്​റ്റി​’ന്‍റെ ഭാഗമായി ആർട്ടിസ്​റ്റ്​ നമ്പൂതിരിയെ 
മാധ്യമം ആദരിച്ചിരുന്നു. 

മ​ല​യാ​ള​ത്തി​ന്‍റെ പ്രി​യ ക​ഥാ​കാ​ര​ൻ പു​ന​ത്തി​ൽ കു​ഞ്ഞ​ബ്​​ദു​ള്ളയു​ടെ വി​യോ​ഗ​ത്തി​ന്​ പി​റ​കെ​യാ​ണ്​ എ​ട​പ്പാ​ൾ വ​ട്ടം​കു​ള​ത്തെ ന​മ്പൂ​തി​രി​യു​ടെ വീ​ട്ടി​ലെ​ത്തി​യ​ത്. വീ​ടി​ന്‍റെ കോ​ലായ​യോ​ടു ചേ​ർ​ന്ന്​ വ​ല​തു​ഭാ​ഗ​ത്തൊ​രു​ക്കി​യ ‘ചി​ത്ര​പ്പുര​യി​ൽ’ മി​നു​ക്കു​പ​ണി​യി​ലാ​യി​രു​ന്നു അ​ദ്ദേ​ഹം. ജു​ബ്ബയും മു​ണ്ടും, വാ​ലു​ള്ള ക​ണ്ണ​ട​യും, തൂ​വെ​ള്ള മു​ടി​ക്കെട്ടു​മാ​യി പ​തി​വു​പോ​ലെ ന​മ്പൂ​തി​രി. വി​ര​ലു​ക​ളി​ൽ പ​റ്റി​യ നി​റം മാ​യ്​​ക്കാ​തെ കോ​ലാ​യി​ലെ ചാ​രു​ക​സേ​ര​യി​ൽ ചി​ത്ര​കാ​ര​നി​രു​ന്നു. വീ​ട്ടു​മു​റ്റ​ത്തെ ഇ​ട​ത്​ ഭാ​ഗ​ത്തെ സ്​​ത്രീപ്ര​തി​മ​ക്ക്​ സ​മീ​പം ശി​ൽ​പി​യും ചി​ത്ര​കാ​ര​നും ഒ​രു നി​മി​ഷം മൗ​ന​ത്തി​ലാ​ഴ്​​ന്നു. ഉ​ണ​ർ​ന്ന​ത്​ കു​ഞ്ഞ​ബ്​​ദു​ള്ളയു​ടെ ഒാ​ർ​മ​ക​ളി​ലേ​ക്ക്. 

ന​മ്പൂ​തി​രി​യു​ടെ വ​ര​ക്കൊ​പ്പം എം.​ടി. വാ​സു​ദേ​വ​ൻ നാ​യ​ർ ക​ണ്ടെ​ത്തി വ​ള​ർ​ത്തി​യ കു​ഞ്ഞ​ബ്​​ദു​ള്ള. എ​ഴു​ത്തി​നും വ​ര​ക്കു​മി​ട​യി​ൽനി​ന്ന്​ ആ​ത്മബ​ന്ധ​ത്തി​ന്‍റെ മ​റ്റൊ​രു ലോ​കം ഇ​രു​വ​ർ​ക്കു​മി​ട​യി​ലു​ണ്ടാ​യി. വ​ര​ക​ൾ​ക്കും പു​റ​ത്തേ​ക്കു​നീ​ണ്ട സൗ​ഹൃ​ദം. മ​ല​യാ​ള​ത്തി​ലെ എ​ണ്ണംപ​റ​ഞ്ഞ എ​ഴു​ത്തു​കാ​ർ​ക്കൊപ്പം ന​മ്പൂ​തി​രി കു​ഞ്ഞ​ബ്​​ദു​ള്ളയെ കൂ​ട്ടു​ന്നു. ന​ർ​മ​വും ക്ഷോ​ഭ​വും മ​റ്റു​ വി​കാ​ര​ങ്ങ​ളു​മെ​ല്ലാ​മു​ള്ള ക​ഥാ​പാ​ത്ര​ങ്ങ​ൾ കു​ഞ്ഞ​ബ്​​ദു​ള്ളയി​ലൂ​ടെ ജ​നി​ച്ചു. പ​ള്ളി​പ്പറ​മ്പി​ലും ആ​ശു​പ​ത്രി​ക​ളി​ലും തെ​രു​വോ​ര​ങ്ങ​ളി​ലും അ​വ​ർ ജീ​വി​ച്ചു. അ​വ​ർ പ​ല​യി​ട​ങ്ങ​ളി​ലാ​യി കു​ഞ്ഞ​ബ്​​ദു​ള്ള ക​ണ്ടു​മു​ട്ടി​യ​വ​രാ​ണെ​ന്ന​തി​ൽ ന​മ്പൂ​തി​രി​ക്ക്​ സം​ശ​യ​മി​ല്ല. ‘സ്​​മാ​ര​ക​ശി​ലക​ൾ​’ക്ക്​ ന​മ്പൂ​തി​രി വ​ര​ച്ചു​കൊ​ണ്ടി​രി​ക്കു​ന്ന കാ​ലം. ത​ങ്ങ​ളു​ടെ ക​ഥാ​പാ​ത്ര​ത്തി​ൽ എ​ത്തി​യ​േ​പ്പോ​ൾ ന​മ്പൂ​തി​രി​ക്കൊ​രു സം​ശ​യം, മു​ടി നീ​ട്ടിവ​ള​ർ​ത്തി​യ ത​ങ്ങ​ളോ! വി​ഷ​യം കു​ഞ്ഞ​ബ്​​ദു​ള്ളയോ​ട്​ നേ​രി​ട്ടുചോ​ദി​ച്ചു. അ​ങ്ങ​നെ ഒ​രാ​ളു​ണ്ട്​ എ​ന്നാ​യി​രു​ന്നു മ​റു​പ​ടി. ന​മ്പൂ​തി​രി​യു​ടെ വ​ര​യി​ൽ പി​ന്നെ ത​ങ്ങ​ൾ മു​ടിനീ​ട്ടി ച​രി​ത്ര​ത്തി​ലേ​ക്ക്​ ന​ട​ന്നു.

സെൽഫ്​ പോർട്രൈറ്റ്​

 

സ്​​മാ​ര​ക​ശി​ല​ക​ൾ​ക്കു ശേ​ഷ​വും മു​മ്പും ന​മ്പൂ​തി​രി കു​ഞ്ഞ​ബ്​​ദു​ള്ളക്കാ​യി വ​ര​ച്ചു. ഒാ​ർ​ത്തെ​ടു​ക്കാ​ൻ ക​ഴി​യാ​ത്ത​വി​ധം അ​തൊക്കെ എ​വിടെ​യൊ​​െക്ക​യോ ന​ഷ്​​ട​പ്പെ​ട്ടു. ഒാ​ർ​ക്കാ​ൻ ഒ​രു സ്​​മാ​ര​ക​ശി​ല​യു​ള്ള​പ്പോ​ൾ മ​റ്റു വ​ര​ക​ളൊ​ക്കെ എ​ന്തി​നെ​ന്ന്​ ന​മ്പൂ​തി​രി. കൂ​ടെ സൗ​ര​ഭ്യം പ​ര​ത്തു​ന്ന ആ ​സൗ​ഹൃ​ദ​മു​ണ്ട​ല്ലോ... വ​ട​ക​രയി​ലെ എ​ഴു​ത്തു​കാ​ര​ന്‍റെ വീ​ട്ടി​ൽ പ​ല​ത​വ​ണ എ​ത്തി​യ​ത്​ ന​മ്പൂ​തി​രി ഒാ​ർ​ക്കു​ന്നു. ആ ​സൗ​ഹൃ​ദ​ത്തി​ന്‍റെ തു​ട​ർ​ച്ച​യാ​യാണ്​ ന​വ​തി ആ​ഘോ​ഷ​ത്തി​ന്​ കു​ഞ്ഞ​ബ്​​ദു​ള്ള ന​മ്പൂ​തി​രി​യു​ടെ വീ​ട്ടി​ലെ​ത്തി​യ​ത്. കു​ഞ്ഞ​ബ്​​ദു​ള്ള എ​ഴു​ത്തു നി​ർ​ത്തി യാ​ത്ര​യാ​യ​പ്പോ​ൾ​ ന​മ്പൂ​തി​രി​ക്ക്​ ഒ​രി​ക്ക​ൽകൂ​ടി വ​ട​ക​ര​യി​ലെ​ത്താ​നാ​യി​ല്ല. ഇ​നി പോ​കു​േ​മ്പാ​ൾ വെ​ളു​ക്കെ ചി​രി​ച്ച്​ കെ​ട്ടി​പ്പി​ടി​ക്കാ​ൻ കു​ഞ്ഞ​ബ്​​ദു​ള്ള അ​വി​ടെ കാ​ത്തി​രി​ക്കാ​നു​മി​ല്ല. കാ​ലം കാ​ത്തു​വെ​ക്കു​ന്ന വ​ലി​യ ന​ഷ്​​ട​ങ്ങ​ളി​ൽ ഒ​ന്നാ​ണ്​ ഇ​തെ​ന്ന്​ ന​മ്പൂ​തി​രി.  

കു​ഞ്ഞ​ബ്​​ദു​ള്ളയെ കു​റി​ച്ചുള്ള ഒാ​ർ​മ മ​റ്റു എ​ഴു​ത്തു​കാ​രി​ലേ​ക്കെ​ത്തി​ച്ചു. കാ​ല​ത്തെ അ​തി​ജീ​വി​ച്ച ക​ഥാ​പാ​ത്ര​ങ്ങ​ളാ​ൽ മ​ല​യാ​ള​ത്തെ സ​മ്പു​ഷ്​​ട​മാ​ക്കി​യ പ്രി​യ​പ്പെ​ട്ട​വ​ർ. ന​മ്പൂ​തി​രി​ക്കൊപ്പ​വും മു​മ്പും പി​മ്പും ക​ഥ​യൊ​രു​ക്കി​യ​വ​ർ. അ​വ​രി​ൽ പ​ല​രു​ടെ​യും ഭാ​വ​നാ​ലോ​ക​ങ്ങ​ളെ വി​ശാ​ല​മാ​ക്കി​യ​ത്​ ന​മ്പൂ​തി​രി ചി​ത്ര​ങ്ങ​ൾ​കൊ​ണ്ടു​കൂ​ടി​യാ​ണ്. എ​ഴു​ത്തു​കാ​ര​നും ചി​ത്ര​കാ​ര​നു​മി​ട​യി​ലെ അ​തി​ർ​വ​ര​മ്പു​ക​ൾ ആ​ർ​ക്കു​മി​ട​യി​ലും ന​മ്പൂ​തി​രി വ​ര​ച്ചി​ല്ല. എ​ഴു​ത്തു​കാ​ർ​ക്കെ​ല്ലാം ന​മ്പൂ​തി​രി പ്രി​യ​പ്പെ​ട്ട​വ​നാ​യി, തി​രി​ച്ചും. ആ ​ആ​ത്മബ​ന്ധ​ത്തി​ൽ രൂ​പം​കൊ​ണ്ട വ​ര​ക​ൾ വാ​യ​ന​ക്കാ​ർ​ക്കും പ്രി​യ​പ്പെ​ട്ട​താ​യി. ബ​ഷീ​ർ ചി​ത്ര​ങ്ങ​ൾ കൂ​ടു​ത​ൽ വ​ര​ച്ച​വ​രി​ൽ ഒ​രാ​ൾ ന​മ്പൂ​തി​രി ആ​യി​രി​ക്കും. ഒാ​ർ​മ​ക​ളി​ൽ തി​ള​ക്ക​ത്തോ​ടെ നി​ൽ​ക്കു​ന്നു​ണ്ട്​ ബ​ഷീ​ർ. അ​തി​ൽ ബ​ഷീ​റി​നൊ​പ്പം ന​മ്പൂ​തിരി പ്ര​സി​ദ്ധ​മാ​യ ആ ​മാ​േ​ങ്കാ​സ്​​റ്റി​ൻ ചു​വ​ട്ടി​ലി​രി​ക്കു​ക​യാ​ണ്. ഗ്രാ​മ​േ​ഫാ​ണി​ൽ നി​ന്ന്​ നി​ർ​ഗ​ളം ഏതോ ഗ​സ​ലൊ​ഴു​കു​ന്നു. ചാ​രു​ക​സേ​ര​യി​ലി​രു​ന്ന്​ ‘സു​ൽ​ത്താ​ൻ’ ത​മാ​ശ പ​റ​യു​ക​യാ​ണ്. കോ​ഴി​ക്കോ​ട​ൻ വൈ​കു​ന്നേ​ര​ങ്ങ​ളാ​ണ്​ ന​മ്പൂ​തി​രി​യെ ബ​ഷീ​റു​മാ​യി അ​ടു​പ്പി​ച്ച​ത്. ഒ​ഴി​വു​േ​വ​ള​ക​ളി​ലെ​ല്ലാം അ​നു​ഭ​വ​ത്തി​ന്‍റെ ആ ​മ​ര​ച്ചു​വ​ട്ടി​ലേ​ക്ക്​ ന​മ്പൂ​തി​രി ഒാ​ടി​യെ​ത്തി​ക്കൊണ്ടേ​യി​രു​ന്നു. എം.​എ.​ റ​ഹ്​​മാ​ന്‍റെ ‘ബ​ഷീ​ർ ദി ​മാ​ൻ’ ഡോ​ക്യു​മന്‍റെ​റി​ക്കാ​യി ന​മ്പൂ​തി​രി വ​ര​ച്ച ബ​ഷീ​ർ ചി​ത്ര​ങ്ങ​ൾ എ​ത്ര​യെ​ത്ര. ദേ​വ​ൻ വ​ര​ച്ച ചി​ത്ര​ങ്ങ​ൾ എം.​എ. റ​ഹ്​​മാ​ന്​ വേ​ണ്ടി ന​മ്പൂ​തി​രി വീ​ണ്ടും വ​ര​ച്ച​പ്പോ​ൾ അ​ത്​ മ​റ്റൊ​രു കാ​ഴ്​​ച​യാ​യി. ന​മ്പൂ​തി​രി വ​ര​ക​ളി​ൽ ബ​ഷീ​ർ വീ​ണ്ടു​​മാ ക​സേ​ര​യി​ലി​രു​ന്നു. ഗ്രാ​മ​ഫോ​ണി​ൽ പാ​ട്ടു​കേ​ട്ടു. സൈ​ക്കി​ളി​ൽ അ​തു​മാ​യി എ​വി​ടേ​ക്കോ ച​വി​ട്ടിനീ​ങ്ങി. ചെ​ന്നൈ​യി​ലെ ആ​ർ​ട്ട്​ വി​ല്ലേ​ജി​ൽ ന​മ്പൂ​തി​രി വ​ര​ച്ച ആ ​ചി​ത്രം മി​ഴി​വോ​ടെ ഇ​ന്നു​മു​ണ്ട്. മ​റ്റു എ​ഴു​ത്തു​കാ​രു​ടെ ക​ഥാ​പാ​ത്ര​ങ്ങ​ൾ ചി​ത്ര​ങ്ങ​ളാ​യ​പ്പോ​ൾ ബ​ഷീ​ർ ക​ഥ​ക​ളി​ൽ മി​ക്ക​തി​ലും അ​ദ്ദേ​ഹം ത​ന്നെ നാ​യ​ക​നും ചി​ത്ര​വു​മാ​യി. 

നമ്പൂതിരിയുടെ ‘സ്​കൂൾ കുട്ടികൾ ’എന്ന ചിത്രം

 

അ​ങ്ങ​നെ​യി​രി​ക്കെ, പ​ഴ​യ കോ​ഴി​ക്കോ​ടും മ​ാനാ​ഞ്ചി​റ​യും വ​ലി​യ​ങ്ങാ​ടി​യും പാ​ര​ഗ​ൺ ഹോ​ട്ട​ലു​മൊ​ക്കെ ചി​ത്ര​കാ​ര​ന്‍റെ മ​ന​സ്സി​ലെ​ത്തും. നി​റ​വ​ർ​ണ​ങ്ങ​ളു​ള്ള ഒാ​ർ​മ​ക​ൾ. അ​വി​ടെ ചി​രി​തൂ​കി നി​ൽ​പു​ണ്ട്​- വ​ട​ക്കേ കൂ​ട്ടാ​ല നാ​രാ​യ​ണ​ൻ​കു​ട്ടി​നാ​യ​ർ എ​ന്ന വി.​കെ.​എ​ൻ. വി.​കെ.​എ​ന്നിന്‍റെ ‘പി​താ​മ​ഹ​ൻ’ നോ​വ​ൽ, സ​ർ​ ചാ​ത്തു തേ​രി​ൽപോ​കു​ന്ന ചി​ത്ര​മാ​ണ്​ ന​മ്പൂ​തി​രി വ​ര​ക്കേ​ണ്ട​ത്. ര​ഥ​മു​രു​ളു​ന്ന വ​ഴി​യി​ൽ അ​ത്താ​ണി വ​ര​ച്ച​പ്പോ​ൾ ന​മ്പൂ​തി​രി​ക്കൊ​രു കൗ​തു​കം. അ​ത്താ​ണി​യി​ൽ എ​ന്തേ​ലും എ​ഴു​ത്തു​ണ്ടേ​ൽ ഭം​ഗി​യ​ല്ലേ...​ ഏ​റെ ആ​ലോ​ചി​ച്ചി​ല്ല. വി.​കെ.​എ​ന്നി​ന്‍റെ കു​ടും​ബ​പേ​ര്​ ‘നാ​ണി​യ​മ്മ’  വ​ക എ​ന്ന്​ വ​ര​ച്ചി​ട്ടു. ര​ഥ വ​ഴി​യി​ലെ അ​ത്താ​ണി​യും ഉ​ട​മ​യു​ടെ പേ​രും ക​ണ്ട വി.​കെ.​എ​ൻ സ​ന്തോ​ഷം അ​റി​യി​ച്ചു. വി.​കെ.​എ​ൻ സു​ഹൃ​ത്തി​ന്​ ന​ൽ​കി​യ സ്വാതന്ത്ര്യ​മായി കാണു​ന്നു ന​മ്പൂ​തി​രി ഇ​തി​നെ. ത​ന്‍റെ ക​ഥ​ക​ളി​ൽ ന​മ്പൂ​തി​രി​ക്ക്​ അ​ദ്ദേ​ഹം എ​ന്നും സ്വ​ന്ത​മാ​യ ഒ​രി​ടം ഒ​ഴി​ച്ചി​ട്ടു. സ്വ​ന്തം ആ​ശ​യ​ങ്ങ​ളും ചേ​ർ​ത്ത്​ ന​മ്പൂ​തി​രി അ​വ പൂ​രി​പ്പി​ച്ചു. സ​ർ ചാ​ത്തു​വും പ​യ്യ​നും വെ​ളി​ച്ച​പ്പാ​ടും ന​ങ്ങേ​മ​യും ലേ​ഡീ​ഷി​റ്റും ന​മ്പൂ​തി​രി​യി​ലൂ​ടെ തെ​ളി​ഞ്ഞു. എ​ഴു​ത്തു​കാ​ര​നും ചി​ത്ര​കാ​ര​നും ത​മ്മി​ലു​ള്ള ര​സ​ത​ന്ത്രം ഇ​രു​വ​രെ​യും ഒ​റ്റ​വ​ര​യി​ലാ​ക്കി. ‘അ​ന​ന്ത​രം’ എ​ന്ന നോ​വ​ൽ ന​മ്പൂ​തി​രി​യു​ടെ വ​ര​കാ​ണാ​ൻ മാ​ത്ര​മാ​ണ്​ വി.​കെ.​എ​ൻ എ​ഴു​തി​യ​തെ​ന്ന്​ പ​റ​യു​ന്നു. ‘അ​ന​ന്ത​രം’ വി.​കെ.​എ​ൻ സ​മ​ർ​പ്പി​ച്ച​തും ന​മ്പൂ​തി​രി​ക്കുത​ന്നെ ‘​വ​ര​യു​ടെ പ​ര​മ​ശി​വ​നാ​യ വാ​സുദേ​വ​ൻ ന​മ്പൂ​തി​രി​ക്ക്​’ എ​ന്ന വാ​ക്കി​ൽ. അ​ഭി​മാ​നി​ക്കാ​വു​ന്ന ആ​ദ​രം. വി.​കെ.​എ​ൻ ന​മ്പൂ​തി​രി​ക്ക്​ നി​ര​ന്ത​രം ക​ത്തു​ക​ള​യ​ച്ചു, തി​രി​ച്ചും. ഒാ​രോ ത​വ​ണ​യും വി​ലാ​സ​ത്തി​ൽ​വ​രെ ഹാ​സ്യം ക​ല​ർ​ത്തി വി.​കെ.​എ​ൻ മ​റു​പ​ടി അ​യ​ച്ചു. കോ​ഴി​ക്കോ​ട്​ ബി​ലാ​ത്തി​കു​ള​ത്ത്​ ന​മ്പൂ​തി​രി താ​മ​സി​ക്കു​ന്ന സ​മ​യം, വി​ലാ​സ​ത്തി​ൽ വി.​കെ.​എ​ൻ ഇ​ങ്ങ​നെ എ​ഴു​തി: ‘​ന​മ്പൂ​തി​രി, ചാ​ക്കോ​ർ​കു​ളം  തോ​ണ്ടി​യ​തി​ന്​ സ​മീ​പം’.  അ​വ​യൊ​ക്ക​യും ന​മ്പൂ​തി​രി​ സൂ​ക്ഷി​ച്ചുവെ​ച്ചു. ആ​ത്മ ക​ഥ​യു​ടെ ഭാ​ഗ​വു​മാ​ക്കി.

മ​ഹാ​ഭാ​ര​ത കാ​ല​ഘ​ട്ടം പ​ശ്ചാ​ത്ത​ല​ത്തി​ലെ​ത്തു​മ്പോ​ൾ ചി​ത്ര​കാ​ര​നെ കു​ഴ​ക്കു​ന്ന പ​ല​തു​മു​ണ്ട്. കാ​ണാ​ത്ത കാ​ല​ത്തെ വ​സ്ത്ര​ധാ​ര​ണം, ആ​ഭ​ര​ണ​ങ്ങ​ൾ, ഗൃ​ഹോ​പ​ക​ര​ണ​ങ്ങ​ൾ, ആ​യു​ധ​ങ്ങ​ൾ എ​ന്നി​വ​യെ​ല്ലാം അ​റി​യ​ണം. എം.​ടി​യു​ടെ ര​ണ്ടാ​മൂ​ഴ​ത്തി​ൽ വാ​ക്കും വ​ര​ക​ളും അ​തെ​ല്ലാ​മ​റി​ഞ്ഞു ഒ​ത്തു​ചേ​ർ​ന്നു. ര​ണ്ടാ​മൂ​ഴ​ത്തി​ലെ ദ്രൗ​പ​ദി​യും ഭീ​മ​നും ക​ഥ​​ക്കൊപ്പം ജ്വ​ലി​ച്ചുനി​ന്നു. ഇ​ന്ത്യ​യി​ലെ പ്ര​സി​ദ്ധ​മാ​യ ക്ഷേ​ത്ര​ങ്ങ​ളി​ൽ ക​ണ്ടു പ​രി​ച​യി​ച്ച രൂ​പ​ങ്ങ​ൾ ര​ണ്ടാ​മൂ​ഴ വ​ര​ക്ക്​ ഗു​ണം​ ചെ​യ്​​തെ​ന്ന്​ ന​മ്പൂ​തി​രി. ത​നി പ്രാ​ദേ​ശി​ക സ്വ​ഭാ​വ​ത്തി​ലാ​യി​രു​ന്നു ആ ​വ​ര​ക​ൾ. കോ​ഴി​ക്കോ​ട്​ ബി​ലാ​ത്തി​കു​ള​ത്തെ വീ​ട്ടി​ലി​രു​ന്നാ​യി​രു​ന്നു ര​ണ്ടാ​മൂ​ഴ​ത്തി​ന്​ വ​ര​ച്ച​ത്. വ​ര​ക്കാ​ൻ ഏ​റ്റ​വും ഇ​ണ​ങ്ങി​യ ഇ​ട​മാ​യി ഇ​ന്നും അ​തി​നെ കാ​ണു​ന്നു. വാ​ക്കു​ക​ളി​ൽ എ​നി​ക്ക്​ ന​ൽ​കാ​ൻ ക​ഴി​ഞ്ഞ രൂ​പ​ങ്ങ​ൾ​ക്കെ​ല്ലാം മ​റ്റേ​തോ ചി​ല മാ​ന​ങ്ങ​ൾ കൂ​ടി ചേ​ർ​ത്തു​കൊ​ണ്ടാ​ണ്​ ന​മ്പൂ​തി​രി വ​ര​ച്ച​തെ​ന്ന്​ ര​ണ്ടാ​മൂ​ഴ​ത്തെ കു​റി​ച്ച്​ എം.​ടി എ​ഴു​തി. ന​മ്പൂ​തി​രി​യു​ടെ സി​ദ്ധി​ക​ളെ​യും സാ​ധ​ന​യെ​യും നോ​ക്കി അ​ത്ഭുത​വും ആ​ദ​ര​വു​ം തോ​ന്നി​യ അ​നേ​ക​രി​ൽ ഒ​രാ​ളാ​ണ്​  താ​നെ​ന്നും. ന​മ്പൂ​തി​രി​ക്കും എം.​ടി എ​ന്നും പ്രി​യ​പ്പെ​ട്ട​വ​ൻ ത​ന്നെ. എ​ട​പ്പാ​ളി​ലെ വീ​ടി​ന്‍റെ അ​ക​ത്ത​ള​ത്തി​ൽ തൂ​ങ്ങു​ന്ന സ്വ​യം വ​ര​ച്ച എം.​ടി ചി​ത്രം ആ ​അ​ടു​പ്പം വെ​ളി​പ്പെ​ടു​ത്തു​ന്നു. വാ​ന​പ്ര​സ്ഥം പു​സ്ത​ക​മാ​യ​പ്പോ​ള്‍ വ​ര​ച്ച​തും ന​മ്പൂ​തി​രി. വി​നോ​ദി​നി​യും ക​രു​ണാ​ക​ര​ന്‍ മാ​സ്​റ്ററും പു​റ​ത്ത് മൗ​ന​വും അ​കം വാ​ചാ​ല​മാ​യും ക​ഥ​​െക്കാപ്പംനി​ന്നു. ഒ​രു​മി​ച്ചു​ള്ള ജോ​ലി, ഒ​രേ ന​ഗ​ര​ത്തി​ലെ വാ​സം, നാ​ട്ടി​ൽ ഗ്രാ​മ​ത്തി​ന്‍റെ അ​പ്പു​റ​വും ഇ​പ്പു​റ​വും നി​ന്ന് ഭാ​ര​ത​പ്പുഴ ക​ണ്ട​വ​ർ, ന​മ്പൂ​തി​രി​യെ​യും എം.​ടി​യെയും ഒ​രു​മി​പ്പി​ക്കു​ന്ന ഘ​ട​ക​ങ്ങ​ൾ പി​ന്നെ​യു​മെ​ത്ര​യോ.

നമ്പൂതിരി ചിത്രം വരക്കുന്നു (ഫയൽ)

 

അ​ങ്ങ​നെ​യി​രി​ക്കെ റ​ബ​ർ ബോർ​ഡ് ഓ​ഫി​സ​റാ​യി അ​ര​വി​ന്ദ​ൻ കോ​ഴി​ക്കോ​ട്ടെ​ത്തി. പാ​ര​ഗ​ൺ ഹോ​ട്ട​ലി​ലാ​ണ് താ​മ​സം. നാ​ലാം ഗേ​റ്റി​ലാ​ണ് ന​മ്പൂ​തി​രി​യു​ടെ മു​റി. എം.​ടി​യും വി.​കെ.​എ​ന്നും തി​ക്കോ​ടി​യ​നു​മൊ​ക്കെ എ​ത്തു​ന്ന​തോ​ടെ വൈ​കു​ന്നേ​ര​ങ്ങ​ളി​ൽ ഹോ​ട്ട​ൽ മു​റി സാം​സ്കാ​രി​ക ച​ർ​ച്ച കേ​ന്ദ്ര​മാ​യി. പെ​ട്ട​ന്നൊ​രു ദി​നം ച​ർ​ച്ച സി​നി​മ​യെ കു​റി​ച്ചാ​യി. അ​ര​വി​ന്ദ​ന്‍റെ ഉ​ത്ത​രാ​യ​നം, കാ​ഞ്ച​ന​സീ​ത ചി​ത്ര​ങ്ങ​ളു​ടെ പി​റ​വി അ​തി​ൽ നി​ന്നാ​ണ്. സി​നിമക്ക് ആ​ർ​ട്ട് ഡ​യ​റ​ക്ട​റാ​യ​ത് ന​മ്പൂ​തി​രി. അ​തി​ലൊ​ന്നി​ന്​ പു​ര​സ്കാ​ര​വും കി​ട്ടി. ഓ​ർ​ക്കു​മ്പോ​ൾ ര​സ​ക​ര​മാ​യ കാ​ല​മാ​ണ​തെ​ന്ന് ന​മ്പൂ​തിരി. ഇ​ട​ക്ക് മു​റി​ഞ്ഞു​പോ​യ സി​നി​മ ബ​ന്ധ​ങ്ങ​ൾ പു​തു​ക്കാ​ൻ സം​വി​ധാ​യ​ക​ൻ ജ​യ​രാ​ജ് അ​ടു​ത്തി​ടെ എ​ട​പ്പാ​ളി​ലെ​ത്തി. ത​ക​ഴി​യു​ടെ ക​ഥ​യി​ൽ കു​ട്ട​നാ​ടി​ന്‍റെ പ​ശ്ചാ​ത്ത​ല​ത്തി​ൽ ഒ​രു​ക്കു​ന്ന സി​നി​മ​യു​ടെ​ ചി​ത്ര​ങ്ങ​ൾ​ക്ക്. സം​സാ​രം നീ​ണ്ടു​നീ​ണ്ടു പോ​യി. ചി​ത്ര​ക​ല​യും സാ​ഹി​ത്യ​വും പോ​യ​കാ​ല​ത്തി​ലെ ക​ഥ​ക​ളാ​യി വി​രി​ഞ്ഞു. കെ.​സി.​എ​സ്. പ​ണി​ക്ക​ർ, മ​ദ്രാ​സ് ജീ​വി​തം തു​ട​ങ്ങി പ​ല എ​ഴു​ത്തു​കാ​രി​ലൂ​ടെ അ​ത് സ​ഞ്ച​രി​ച്ചു. ​നേ​ട്ട​ങ്ങ​ളും ഒാ​ർ​മ​ക​ളും കാ​ഴ്​​ച​ക​ളു​മൊ​ക്കെ സം​സാ​ര​ത്തി​ലെ​ത്തി. വീ​ട്ടു​മു​റ്റ​ത്തെ പെ​ൺപ്ര​തി​മ​യു​ടെ നി​ഴ​ലി​ന് നീ​ളം കൂടി​ക്കൊ​ണ്ടി​രി​ക്കു​ന്നു.

ന​മ്പൂ​തി​രി വ​ര​യി​ലെ സ്ത്രീ​ക​ളെ കു​റി​ച്ച് ചോ​ദി​ക്കാ​തി​രി​ക്കു​ക എ​ങ്ങ​നെ! സ്ത്രീ ​ശ​രീ​രഘ​ട​ന​ക്ക് താ​ള​വും ഈ​ണ​വു​മു​ണ്ട്. അ​തി​നെ ഭാ​വാ​ത്മ​ക​മാ​ക്കു​മ്പോ​ൾ സൗ​ന്ദ​ര്യം ത​നി​യെ വ​ന്നുചേ​രു​മെ​ന്ന് ചി​ത്ര​കാ​ര​ൻ. ന​മ്പൂ​തി​രി​യു​ടെ സൗ​ന്ദ​ര്യ​ബോ​ധ​വും അ​തി​ൽ ഉ​ൾ​ചേ​രു​ന്നു. പൊ​ന്നാ​നി​ക്കാ​ര​നാ​ണ് ന​മ്പൂ​തി​രി. ‘സു​ന്ദ​രി​ക​ളു​ടെ​യും സു​ന്ദ​ര​ൻ​മാ​രു​ടെ​യും’ ക​ഥ പ​റ​ഞ്ഞ ഉ​റൂ​ബി​െ​ൻറ നാ​ട്ടു​കാ​ര​ൻ. മ​ല​യാ​ള​ത്തി​ലെ പ്ര​ഗ​ല്​ഭരാ​യ എ​ഴു​ത്തു​കാ​ർ​ക്ക്​ ജ​ന്മംന​ൽ​കി​യ പൊ​ന്നാ​നി. കു​ഞ്ഞാ​യി​രി​ക്കെ പൊ​ന്നാ​നി കാ​രു​വാ​ട്ട് മ​ന​ക്കലെ മു​റ്റ​ത്ത് ഈ​ര്‍ക്കി​ല്‍ കൊ​ണ്ടും ചു​വ​രു​ക​ളി​ല്‍ ക​രി​ക്ക​ട്ട​കൊ​ണ്ടും കോ​റി​യി​ട്ട് സ്വ​യം ഉ​ണ​ർ​ത്തി​യ ക​ലാ​കാ​ര​ൻ. വ​ര​യോ​ടു​ള്ള അ​ഭി​നി​വേ​ശം ത​ന്നെ​യാ​ണ് അ​യാ​ളെ ആ​ര്‍ട്ടി​സ്​റ്റ്​ ന​മ്പൂ​തി​രി​യാ​ക്കി​യ​ത്. ഇ​ക്ക​ഴി​ഞ്ഞ കാ​ല​മ​ത്ര​യും ന​മ്പൂ​തി​രി അ​തി​ൽനി​ന്ന് പി​റ​കോ​ട്ട് പോ​യി​ല്ല. ഇ​ന്നും തു​ട​രു​ന്ന സാ​ധ​കം. കു​ട്ടി​ക്കാ​ല​ത്ത് എ​ട​പ്പാ​ൾ ശു​ക​പു​രം ക്ഷേ​ത്ര​ത്തി​ൽ തൊ​ഴാ​നെ​ത്തി​യി​രു​ന്ന ന​മ്പൂ​തി​രി ചി​ല​തുകൂടി ശ്ര​ദ്ധി​ച്ചി​രു​ന്നു, ക്ഷേ​ത്ര ചു​മ​രു​ക​ളി​ൽനി​റ​ഞ്ഞ ദാ​രുശി​ൽ​പ​ങ്ങ​ൾ. അ​വ​ നോ​ക്കി കൗ​തു​ക​ത്തോ​ടെനി​ന്ന കു​ട്ടി ത​ന്നെ​യാ​ണ് താ​നി​പ്പോ​ഴു​മെ​ന്ന് ന​മ്പൂ​തി​രി പ​റ​യും. ഇൗ ​വി​ന​യംത​ന്നെ മ​ല​യാ​ള​ത്തി​ന്‍റെ പു​ണ്യം.