തുല്യതയില്ലാത്ത ഉയരങ്ങൾ

അ​ഞ്ചു​വ​ർ​ഷം മു​മ്പ് ഒ​രു കേ​ര​ള​പ്പി​റ​വി​ദി​ന​ത്തി​ലാ​ണ് നീ​ന ആ​ദ്യ​മാ​യി ലോ ​കോ​ള​ജി​ൽ കാ​ലെ​ടു​ത്തു ​വെ​ക്കു​ന്ന​ത്. വ​ക്കീ​ൽ ഒാ​ഫി​സി​ലേ​ക്കു​ള്ള ഓ​ട്ട​പ്പാ​ച്ചി​ലി​നി​ട​യി​ൽ ഇ​ടം​ക​ണ്ണി​ട്ട് എ​ത്ര​യോ ത​ വ​ണ കൊ​തി​ച്ച അ​തേ ക​ലാ​ല​യ​ത്തി​ൽ വി​ദ്യാ​ർ​ഥി​യാ​യാ​ണ് കെ.​ജി. നീ​ന എ​ത്തി​യ​ത്. വ​ർ​ഷ​ങ്ങ​ൾ​ക്കു​മു​മ്പ് പ​ത്താം​ക്ലാ​സി​ൽ​ പ​ഠ​നം നി​ർ​ത്തി​യ, കൗ​മാ​ര​ക്കാ​രി​യാ​യ മ​ക​ളു​ടെ അ​മ്മ​യാ​യ, വ​ക്കീ​ൽ ഓ​ഫി​സി​ൽ ടൈ​പ് പി​സ്​​റ്റാ​യി ജോ​ലി ​നോ​ക്കു​ന്ന നീ​ന എ​ന്ന നാ​ൽ​പ​തു​കാ​രി നി​യ​മ​പ​ഠ​ന​ത്തി​നി​റ​ങ്ങി​യ​ത് ജീ​വി​ത​ത് തോ​ട് പ​ട​വെ​ട്ടി​യാ​ണ്. തു​ല്യ​താ പ​രീ​ക്ഷ​യി​ലൂ​ടെ നി​യ​മ​കോ​ള​ജി​ൽ പ​ഠ​നം ന​ട​ത്തി​യ സം​സ്ഥാ​ന​ത്തെ ആ​ദ ്യ വി​ദ്യാ​ർ​ഥി​നി​കൂ​ടി​യാ​യ നീ​ന​യു​ടെ ജീ​വി​തം ചെ​റി​യ വീ​ഴ്ച​ക​ളി​ൽ ത​ള​ർ​ന്നു​പോ​കു​ന്ന നൂ‍റു​ക​ണ​ക ്കി​ന് സ്ത്രീ​ക​ൾ​ക്ക് വെ​ളി​ച്ച​മാ​ണ്.

എ​റ​ണാ​കു​ളം വ​ടു​ത​ല ക​ണ്ണാ​ട്ടു​വീ​ട്ടി​ൽ ജോ​ർ​ജിന്‍റെ​യും ഫ ്ലോ​റി​യു​ടെ​യും മ​ക​ൾ പ​ത്താം ക്ലാ​സ് വ​രെ സ്കൂ​ളി​ലെ മി​ടു​മി​ടു​ക്കി​യാ​യ കു​ട്ടി​യാ​യി​രു​ന്നു. ക​ഥ​യി ​ലും ക​വി​ത​യി​ലും നൃ​ത്ത​ത്തി​ലു​മെ​ല്ലാം ഒ​ന്നാ​മ​ത്. പ​ത്താം​ക്ലാ​സി​ൽ പാ​തി​വ​ഴി​യി​ൽ പ​ഠ​നം നി​ർ​ത്ത ി​ പോ​കു​മ്പോ​ൾ മ​നോ​ഹ​ര​മാ​യ ജീ​വി​തം മാ​ത്ര​മാ​യി​രു​ന്നു മ​ന​സ്സി​ൽ. വീ​ട്ടു​കാ​രു​ടെ എ​തി​ർ​പ്പു​ക​ളു ​ണ്ടാ​യി​ട്ടും ഇ​ഷ്​​ട​പു​രു​ഷന്‍റെ കൂ​ടെ ജീ​വി​തം ആ​രം​ഭി​ച്ചു. പ്രാ​യ​ത്തിന്‍റെ അ​പ​ക്വ​ത​യെ​ന്ന് ഇ​ന് ന് പ​റ​യാ​മെ​ങ്കി​ലും അ​ന്ന​ത് അ​റി​യി​ല്ലാ​യി​രു​ന്നു. സ്വ​പ്നം ക​ണ്ട​തു​പോ​ലൊ​രു ജീ​വി​തം കൈ​യി​ൽ കി​ട്ട ി​യെ​ന്ന് ക​രു​തി സ​ന്തോ​ഷി​ച്ചു. താ​മ​സി​യാ​തെ അ​ർ​ജുന്‍റെ​യും ആ​തി​ര​യു​ടെ​യും അ​മ്മ​യു​മാ​യി. കു​ടും​ബി ​നി​യാ​യി ക​ഴി​യു​മ്പോ​ഴും ക​ളി​ക്കൂ​ട്ടു​കാ​രെ​ല്ലാം സ്കൂ​ളി​ൽ പോ​കു​ന്ന​ത് നീ​റു​ന്ന വേ​ദ​ന​യോ​ടെ എ​ത് ര​യോ വ​ർ​ഷ​ങ്ങ​ൾ നോ​ക്കി​നി​ൽ​ക്കേ​ണ്ടി ​വ​ന്നി​ട്ടു​ണ്ട്.

സ്വ​പ്നം കാ​ണു​ന്ന​ത​ല്ല ജീ​വി​ത​മെ​ന്ന് പ​തി​യെ മ​ന​സ്സി​ലാ​യിത്തുട​ങ്ങി. കു​ടും​ബ ​ജീ​വി​ത​ത്തി​ലെ സ​ന്തോ​ഷ​ങ്ങ​ൾ അ​ധി​ക​നാ​ൾ നീ​ണ്ടു​നി​ന്നി​ല്ല. ഒ​ത്തു​പോ​കാ​ൻ പ​റ്റി​ല്ലെ​ന്ന് ഉ​റ​പ്പാ​യ​തോ​ടെ​യാ​ണ് പി​രി​യാ​ൻ തീ​രു​മാ​നി​ച്ച​ത്. മ​ക​ൾ അ​ഞ്ചാം ക്ലാ​സി​ൽ പ​ഠി​ക്കു​മ്പോ​ഴാ​ണ് ആ ​വീ​ട്ടി​ൽ​ നി​ന്ന് ഇ​റ​ങ്ങു​ന്ന​ത്. മു​ന്നി​ൽ ശൂ​ന്യ​ത മാ​ത്ര​മാ​യി​രു​ന്നെ​ന്ന് നീ​ന ഓ​ർ​ക്കു​ന്നു. തി​രി​ച്ചു​വ​ന്ന​പ്പോ​ൾ വീ​ട്ടു​കാ​ർ ര​ണ്ടു​കൈ​യും നീ​ട്ടി സ്വീ​ക​രി​ച്ചെ​ങ്കി​ലും സ്വ​ന്ത​മാ​യൊ​രു ജോ​ലി​യു​ണ്ടെ​ങ്കി​ൽ മാ​ത്ര​മേ മു​ന്നോ​ട്ടു​നീ​ങ്ങാ​ൻ പ​റ്റൂ എ​ന്ന് വൈ​കാ​തെ തി​രി​ച്ച​റി​ഞ്ഞു. മ​ര​ക്ക​ട​യി​ലും മ​റ്റു​മാ​യി കു​റ​ച്ചുകാ​ലം ജോ​ലി ചെ​യ്തു. ഒ​ടു​വി​ൽ ഹൈ​കോ​ട​തി​യി​ലെ അ​റി​യ​പ്പെ​ടു​ന്ന സി​വി​ൽ ലോ​യ​റു​ടെ ഓ​ഫി​സി​ൽ ടൈ​പ്പി​സ്​​റ്റാ​യി ജോ​ലി കി​ട്ടി.

സാ​ക്ഷ​ര​ത മി​ഷ​ൻ തി​രി​കെ ന​ൽ​കി​യ ജീ​വി​തം
ജോ​ലി ജീ​വി​ത​ത്തി​ൽ വ​ലി​യൊ​രു പി​ടി​വ​ള്ളി​യാ​യി​രു​ന്നു. മ​ക​ളു​ടെ വി​ദ്യാ​ഭ്യാ​സ​വും വാ​ട​ക​കൊ​ടു​ക്ക​ലു​മെ​ല്ലാം പ്ര​യാ​സ​മി​ല്ലാ​തെ മു​ന്നോ​ട്ടു​പോ​യി, എ​ല്ലാ​വ​രു​ടെ മു​ന്നി​ലും ഡി​ഗ്രി​യൊ​ക്കെ ഉ​ള്ള​ പോ​ലെ​യാ​യി​രു​ന്നു അ​ഭി​ന​യി​ച്ചി​രു​ന്ന​ത്. പ​ക്ഷേ, ഉ​ള്ള് നീ​റി​ക്കൊ​ണ്ടി​രി​ക്കു​ക​യാ​യി​രു​ന്നു. ആ ​സ​മ​യ​ത്ത് സാ​ക്ഷ​ര​ത മി​ഷ​ന്‍റെ പ്രേ​ര​ക്മാ​ർ ഓ​രോ വീ​ടു​ക​ളി​ലു​മെ​ത്തി പാ​തി​വ​ഴി​യി​ൽ പ​ഠ​നം നി​ർ​ത്തി​യ​വ​രെ ക​ണ്ടെ​ത്തു​ന്നു​ണ്ടാ​യി​രു​ന്നു. അ​വ​രാ​ണ് മു​ട​ങ്ങി​പ്പോ​യ സ്വ​പ്ന​ത്തെ ക​ണ്ടു​പി​ടി​ച്ച് നീ​ന​ക്ക് തി​രി​കെ ന​ൽ​കി​യ​ത്. ഒ​ഴി​വു​ ​വ​സ​ങ്ങ​ളി​ലാ​ണ് ക്ലാ​സു​ണ്ടാ​കു​ക എ​ന്ന​തി​നാ​ൽ ഓ​ഫി​സ് ജോ​ലി​ക്കും ത​ട​സ്സ​മാ​യി​ല്ല. 2010ൽ 600​ൽ 405 മാ​ർ​ക്കോ​ടെ പ​ത്താം ക്ലാ​സ് പ​രീ​ക്ഷ പാ​സാ​യി. എ​റ​ണാ​കു​ളം ജി​ല്ല​യി​ൽ ​ത​ന്നെ ഏ​റ്റ​വും മി​ക​ച്ച മാ​ർ​ക്കാ​യി​രു​ന്നു അ​ത്. മു​ന്നോ​ട്ടു​ള്ള വ​ഴി​യി​ൽ ആ ​വി​ജ​യം വ​ലി​യൊ​രു ക​ച്ചി​ത്തു​രു​മ്പാ​യി.

പ​ത്താം ക്ലാ​സ് പ​ഠി​ക്കു​മ്പോ​ൾ ​ത​ന്നെ വ​ക്കീ​ലാ​ക​ണം എ​ന്ന ആ​ഗ്ര​ഹം ഉ​ള്ളി​ലു​ണ്ടാ​യി​രു​ന്നു. റി​സ​ൽ​ട്ട് വ​ന്ന​തോ​ടെ ആ ​ല​ക്ഷ്യം അ​ക​ല​യ​ല്ലെ​ന്ന് മ​ന​സ്സ്​ പ​റ​ഞ്ഞു​തു​ട​ങ്ങി. ദി​വ​സ​വും കാ​ണു​ന്ന​തും ഇ​ട​പ​ഴ​കു​ന്ന​തും വ​ക്കീ​ല​ന്മാ​രെ​യാ​ണ്. സ്വാ​ഭാ​വി​ക​മാ​യും ആ ​വേ​ഷ​ത്തോ​ടും ജോ​ലി​യോ​ടും വ​ല്ലാ​ത്തൊ​രു അ​ടു​പ്പം ആ​ദ്യം ​മു​ത​ലേ ഉ​ണ്ടാ​യി​രു​ന്നു. ഓ​പ​ൺ സ്കൂ​ൾ വ​ഴി​യാ​ണ് പ്ല​സ് വ​ൺ, പ്ല​സ്ടു പാ​സാ​യ​ത്. ഹ്യു​മാ​നി​റ്റീ​സാ​യി​രു​ന്നു തി​ര​ഞ്ഞെ​ടു​ത്ത​ത്. മൂ​ന്നുമാ​സം മാ​ത്ര​മാ​ണ് ഓ​പ​ൺ സ്കൂ​ളു​കാ​ർ​ക്ക് ക്ലാ​സ് കി​ട്ടു​ന്ന​ത്. അ​തും ഒ​ഴി​വു​ ദി​വ​സ​ങ്ങ​ളി​ൽ. പ​ക്ഷേ, സ്​​റ്റേ​റ്റ് സി​ല​ബ​സ് പ​ഠി​ക്കു​ന്ന കു​ട്ടി​ക​ൾ​ക്കൊ​പ്പം​ ത​ന്നെ​യാ​ണ് പ​രീ​ക്ഷ എ​ഴു​തു​ന്ന​തും മൂ​ല്യ​നി​ർ​ണ​യം ന​ട​ത്തു​ന്ന​തും. പ്ല​സ് വ​ണി​ന് 75 ശ​ത​മാ​ന​വും പ്ല​സ്ടു​വി​ന് 80 ശ​ത​മാ​ന​വും മാ​ർ​ക്ക്​ കി​ട്ടി.

ക​ട​മ്പ​ക​ൾ ക​ട​ന്ന് നി​യ​മ​പ​ഠ​ന​ത്തി​ലേ​ക്ക്
എ​ൽ​എ​ൽ.​ബി​ക്ക് അ​ഡ്മി​ഷ​ൻ കി​ട്ട​ണ​മെ​ങ്കി​ൽ എ​ൻ​ട്ര​ൻ​സ് പാ​സാ​ക​ണം. ജോ​ലി​ക്ക് പോ​കു​മ്പോ​ഴും വ​രു​മ്പോ​ഴു​മെ​ല്ലാം ഓ​രോ ബോ​ർ​ഡു​ക​ൾ നോ​ക്കും. അ​ങ്ങ​നെ പ​ര​സ്യ​ബോ​ർ​ഡി​ൽ ക​ണ്ട ന​മ്പ​റി​ൽ വി​ളി​ച്ചു. പ​രീ​ക്ഷ​ക്ക് 50 ദി​വ​സം​പോ​ലും തി​ക​ച്ചി​ല്ലെ​ന്ന് പ​റ​ഞ്ഞ് അ​വ​ർ ആ​ദ്യം നി​രു​ത്സാ​ഹ​പ്പെ​ടു​ത്തി. തു​ല്യ​താ പ​രീ​ക്ഷ​യൊ​ക്കെ പാ​സാ​യി വ​ന്ന ആ​ൾ. പി​ന്നെ ഡി​ഗ്രി​യു​മി​ല്ല. എ​ൻ​ട്ര​ൻ​സ് പ​രീ​ക്ഷ​യി​ൽ ഒ​രാ​ൾ തോ​റ്റാ​ൽ അ​വ​രു​ടെ ക്രെ​ഡി​റ്റ് ന​ഷ്​​ട​പ്പെ​ടു​മെ​ന്ന ഭ​യം വേ​റെ​യും. ഒ​രു​വി​ധ​ത്തി​ൽ കോ​ച്ചി​ങ്ങി​ന് ചേ​ർ​ന്ന് പ​ഠി​ക്കാ​ൻ തു​ട​ങ്ങി. രാ​വി​ലെ എ​ട്ട​ര​മു​ത​ൽ 11 വ​രെ കോ​ച്ചി​ങ്​ ക്ലാ​സി​ൽ വ​രും. അ​തി​നുേ​ശ​ഷം ഓ​ഫി​സി​ൽ പോ​കും. അ​ങ്ങ​െ​ന എ​ൻ​ട്ര​ൻ​സ് പ​രീ​ക്ഷ​യു​ടെ റി​സ​ൽ​ട്ട് വ​ന്ന​പ്പോ​ൾ 155ാം റാ​ങ്ക്. കോ​ച്ചി​ങ്​ സെ​ന്‍റ​റു​കാ​ർ​ക്ക് വ​ലി​യ സ​ന്തോ​ഷം. സാ​ക്ഷ​ര​ത മി​ഷ​നി​ലു​ള്ള​വ​ർ​ക്ക് അ​തി​ലേ​റെ സ​ന്തോ​ഷം. പ​ക്ഷേ, ത​ട​സ്സ​ങ്ങ​ൾ അ​തു​കൊ​ണ്ടും തീ​ർ​ന്നി​ല്ല. 22 വ​യ​സ്സി​നും മു​ക‍ളി​ലു​ള്ള​വ​ർ​ക്ക് നി​യ​മ​പ​ഠ​നം ന​ട​ത്താ​ൻ പ​റ്റി​ല്ലെ​ന്ന ഉ​ത്ത​ര​വ് വ​ന്നു.

പി​ന്നോ​ട്ടു​മാ​റാ​ൻ ഒ​രു​ക്ക​മ​ല്ലാ​യി​രു​ന്നു. പ്രാ​യ​പ​രി​ധി നീ​ക്ക​ണ​മെ​ന്നാ​വ​ശ്യ​പ്പെ​ട്ട് അ​പ്പീ​ൽ കൊ​ടു​ത്തു. ഒ​ടു​വി​ൽ പ്രാ​യ​പ​രി​ധി നീ​ക്കം​ചെ​യ്ത്​ വി​ധി​യു​ണ്ടാ​യി. ഞാ​ന​ട​ക്കം ഒ​രു​പാ​ട് പേ​ർ​ക്ക് ആ ​അ​പ്പീ​ലു​ കൊ​ണ്ട് നി​യ​മ​പ​ഠ​നം ന​ട​ത്താ​ൻ സാ​ധി​ച്ചു. ഡി​ഗ്രി​യി​ല്ലാ​ത്ത​തു​കൊ​ണ്ട് പ​ഞ്ച​വ​ത്സ​ര എ​ൽ​എ​ൽ.​ബി​യാ​ണ് ചെ​യ്ത​ത്. പ​ക്ഷേ, എ​റ​ണാ​കു​ളം ലോ ​കോ​ള​ജി​ൽ കി​ട്ടു​മോ ഇ​ല്ല​യോ എ​ന്ന പേ​ടി​യു​ണ്ടാ​യി​രു​ന്നു. കോ​ഴി​ക്കോ​ടോ തൃ​ശൂ​രോ തി​രു​വ​ന​ന്ത​പു​ര​ത്തോ കി​ട്ടി​യാ​ൽ പെ​ട്ടു​പോ​കു​മാ​യി​രു​ന്നു. ഓ​ഫി​സി​ലെ ജോ​ലി ഒ​ഴി​വാ​ക്കാ​ൻ പ​റ്റി​ല്ല. മ​ക​ൾ പ​ഠി​ക്കു​ന്നു​ണ്ട്. അ​വ​ളു​ടെ പ​ഠ​ന​ച്ചെ​ല​വെ​ല്ലാം ഞാ​ൻ​ ത​ന്നെ നോ​ക്ക​ണം. ഒ​ടു​വി​ൽ എ​ല്ലാ​വ​രു​ടെ​യും പ്രാ​ർ​ഥ​ന​ കൊ​ണ്ട് ആ​ഗ്ര​ഹി​ച്ച സ്ഥ​ല​ത്തു​ ത​ന്നെ പ​ഠി​ക്കാ​ൻ ക​ഴി​ഞ്ഞു. കൂ​ടാ​തെ സെ​ബാസ്റ്റ്യൻ പോ​ൾ ചെ​യ​ർ​മാ​നാ​യി​ട്ടു​ള്ള മൂ​ഞ്ഞ​പ്പി​ള്ളി ഫൗ​ണ്ടേ​ഷന്‍റെ അ​മ്മ​മ്മ​പോ​ൾ ബൂ​ൺ​ടോം പു​ര​സ്കാ​ര​ത്തി​ന് അ​ർ​ഹ​യാ​യി. അ​ത് ജീ​വി​ത​ത്തി​ലെ മ​റ​ക്കാ​ത്ത നി​മി​ഷ​ങ്ങ​ളി​ലൊ​ന്നാ​ണ്.

ഓ​ഫി​സും കോ​ള​ജും പ​ഠ​ന​വും
രാ​വി​ലെ വീ​ട്ടി​ലെ ജോ​ലി​ക​ളെ​ല്ലാം തീ​ർ​ത്ത് ഓ​ഫി​സി​ലേ​ക്ക് ഓ​ടി​യെ​ത്തും. കോ​ട​തി തു​ട​ങ്ങും​മു​മ്പേ കു​റെ അ​പേ​ക്ഷ​ക​ളും മ​റ്റു​മെ​ല്ലാം പൂ​രി​പ്പി​ക്കാ​നൊ​ക്കെ ഉ​ണ്ടാ​കും. അ​തൊ​ക്കെ ചെ​യ്തു​ കൊ​ടു​ത്ത ​ശേ​ഷം ക്ലാ​സി​ലേ​ക്ക് പോ​കും. ആ​ദ്യ​മൊ​ക്കെ ഓ​ഫി​സി​ൽ​നി​ന്ന് വീ​ട്ടി​ൽ വ​ന്ന് പി​ന്നീ​ടാ​ണ് കോ​ള​ജി​ൽ പോ​യി​രു​ന്ന​ത്. ഇ​പ്പോ​ൾ സ്​​കൂ​ട്ട​ർ വാ​ങ്ങി​യി​ട്ടു​ണ്ട്. അ​തു​ള്ള​തു​കൊ​ണ്ട് ഓ​ഫി​സി​ൽ​നി​ന്ന് നേ​രെ ക്ലാ​സി​ലോ​ട്ട് പോ​കും. 10.30നാ​ണ്​ അ​റ്റ​ൻ​ഡ​ൻ​സ് എ​ടു​ക്കു​ക. അ​തി​നു​മു​മ്പ് എ​ങ്ങ​നെ​യെ​ങ്കി​ലും എ​ത്താ​ൻ ശ്ര​മി​ക്കും. അ​ൽ​പം വൈ​കി​യാ​ലും അ​ധ്യാ​പ​ക​ർ ഒ​ന്നും ചീ​ത്ത​പ​റ​യാ​റി​ല്ല. അ​വ​ർ​ക്കെ​ല്ലാ​വ​ർ​ക്കും അ​റി​യാം ഞാ​ൻ ഓ​ഫി​സി​ൽ പോ​യി​ട്ടാ​ണ് വ​രു​ന്ന​ത് എ​ന്നൊ​ക്കെ. ലെഞ്ച് ബ്രേ​ക്കി​ന് വീ​ണ്ടും ഓ​ഫി​സി​ലേ​ക്ക് പോ​കും. അ​വി​ട​ത്തെ ജോ​ലി തീ​ർ​ത്ത് പി​ന്നെ​യും ക്ലാ​സി​ലേ​ക്ക്. അ​ങ്ങ​നെ ഓ​ഫി​സി​ലെ മേ​ലുദ്യോ​ഗ​സ്​​ഥന്‍റെയും കോ​ള​ജി​ലെ അ​ധ്യാ​പ​ക​രു​ടെ​യും സ​ഹാ​യ​ത്തോ​ടെ അ​ഞ്ചു​വ​ർ​ഷം പൂ​ർ​ത്തി​യാ​ക്കി. എ​ൻെ​റ കൂ​ടെ പ​ഠി​ച്ച​വ​രും സീ​നി​യേ​ഴ്സി​ലെ കു​റെ പേ​രും വി​വി​ധ കാ​ര​ണ​ങ്ങ​ൾ ​കൊ​ണ്ട് പാ​തി​വ​ഴി​യി​ൽ നി​ർ​ത്തി​യി​ട്ടു​ണ്ട്. കോ​ള​ജി​ൽ അ​ഡ്മി​ഷ​ൻ എ​ടു​ത്ത​തു​ കൊ​ണ്ട് മാ​ത്രം കാ​ര്യ​മി​ല്ല​ലോ. അ​ത് മു​ഴു​മി​ക്കു​ക എ​ന്ന​താ​ണ് പ്ര​ധാ​ന കാ​ര്യം. ദൈ​വം അ​ക്കാ​ര്യ​ത്തി​ൽ കൈ​വി​ട്ടി​ല്ല.

ഈ അ​ഞ്ചു​വ​ർ​ഷം അ​മ്മ ചെ​യ്യേ​ണ്ട ക​ട​മ​ക​ൾ ഒ​ന്നും ചെ​യ്യാ​ൻ സാ​ധി​ച്ചി​ട്ടി​ല്ല. പ​ഠി​ക്കാ​ൻ കു​ന്നോ​ളം ഉ​ണ്ടാ​കും. അ​സൈ​ൻ​മെ​ന്‍റ്, പ്രോ​ജ​ക്ട് ഉ​ണ്ടാ​കും. പ​ഠ​ന​ത്തി​ൽ വി​ട്ടു​വീ​ഴ്ച ചെ​യ്യാ​ൻ പ​റ്റി​ല്ല. ജോ​ലി​ക്ക് പോ​കു​ന്ന ആ​ളാ​ണ്, പ്രാ​ര​ബ്​​ധ​ങ്ങ​ളു​ണ്ട് എ​ന്നൊ​ന്നും പേ​പ്പ​ർ മൂ​ല്യ​നി​ർ​ണ​യം ചെ​യ്യു​ന്ന​വ​ർ​ക്ക് നോ​ക്കേ​ണ്ട കാ​ര്യ​മി​ല്ല. മ​ല​യാ​ള മീ​ഡി​യ​ത്തി​ലാ​ണ് പ​ഠി​ച്ച​ത്. പ്ല​സ് ടു​വി​നും മ​ല​യാ​ളം ചെ​യ്യേ​ണ്ടി​വ​ന്നു. കൂ​ടെ​യു​ള്ള കു​ട്ടി​ക​ളൊ​ക്കെ മ​ല​യാ​ള​മാ​ണ് തി​ര​ഞ്ഞെ​ടു​ത്ത​ത്. എ​നി​ക്കു​വേ​ണ്ടി മാ​ത്രം ഇം​ഗ്ലീ​ഷ് പ​റ​ഞ്ഞു​ത​രി​ല്ല. ഒ​ന്നാംവ​ർ​ഷ​ത്തി​ൽ വ​ലി​യ പ്ര​ശ്ന​മാ​യി​രു​ന്നു അ​ത്. ഇ​ന്ന​ത്തെ​പ്പോ​ലെ മൊ​ബൈ​ലു​ക​ൾ അ​ന്ന് വ്യാ​പ​ക​മ​ല്ലാ​യി​രു​ന്നു. ഓ​ഫി​സി​ലെ ക​മ്പ്യൂ​ട്ട​റി​ൽ അ​ടി​ച്ചു​നോ​ക്കി​യൊ​ക്കെ​യാ​ണ് അ​റി​യാ​ത്ത വാ​ക്കു​ക​ളു​ടെ അ​ർ​ഥം പ​ഠി​ച്ച​ത്. ഇ​ന്നാ​ണെ​ങ്കി​ൽ മൊ​ബൈ​ൽ നോ​ക്കാം. വ​ക്കീ​ൽ ഓ​ഫി​സി​ലെ ജോ​ലി​യാ​യ​തു​കൊ​ണ്ട് കു​റെ വാ​ക്കു​ക​ൾ ഒ​ക്കെ അ​റി​യാ​മാ​യി​രു​ന്നു. പ​ത്തു​മു​ത​ൽ പ്ല​സ്ടു​വ​രെ ഞാ​ൻ അ​വി​ടെ രാ​ജാ​വാ​യി​രു​ന്നു. കാ​ര​ണം അ​വി​ടെ​യു​ള്ള​വ​രു​ടെ കൂ​ട്ട​ത്തി​ൽ ന​ന്നാ​യി പ​ഠി​ക്കു​ന്ന​തും ഞാ​നാ​യി​രു​ന്നു. ഇ​വി​ടെ എ​ത്തി​യ​പ്പോ​ൾ എ​ല്ലാ​വ​രും ജീ​നി​യ​സ് പി​ള്ളേ​ർ. മി​ക്ക​വ​രും വ​ക്കീ​ല​ന്മാ​രു​ടെ​യും ജ​ഡ്ജി​മാ​രു​ടെ​യും മ​ക്ക​ൾ.

മ​ക​ളാ​ണ് ക​രു​ത്ത്
അ​മ്മ​യും മ​ക​ളു​മാ​യ​ല്ല, കൂ​ട്ടു​കാ​ർ ആ​യാ​ണ് ഞ​ങ്ങ​ൾ ക​ഴി​യു​ന്ന​ത്. മ​ക​ൾ ആ​തി​ര മ​ഹാ​രാ​ജാ​സി​ൽ നി​ന്ന് ഡി​ഗ്രി ക​ഴി​ഞ്ഞു. ബ​സി​ൽ ക​ൺ​സെ​ഷ​നും കൊ​ടു​ത്ത് ഞ​ങ്ങ​ൾ ഒ​രു​മി​ച്ചാ​യി​രു​ന്നു കോ​ള​ജി​ലേ​ക്ക് പോ​യി​രു​ന്ന​ത്. കോ​ള​ജു​ക​ൾ അ​ടു​ത്താ​യ​തി​നാ​ൽ അ​വ​ളു​ടെ കൂ​ട്ടു​കാ​രൊ​ക്കെ എ​ൻെ​റ​യും കൂ​ട്ടു​കാ​രാ​യി​രു​ന്നു. തി​രി​ച്ചും അ​തു​പോ​ലെ ​ത​ന്നെ. അ​വ​ളെ ഇം​ഗ്ലീ​ഷ് മീ​ഡി​യ​ത്തി​ലാ​ണ് പ​ഠി​പ്പി​ച്ച​ത്. അ​തു​കൊ​ണ്ട് ഭാ​ഷാ​പ​ര​മാ​യ സം​ശ​യ​ങ്ങ​ളൊ​ക്കെ പ​റ​ഞ്ഞു​ത​രും. മോ​ഡ​ലി​ങ്ങും ഫാ​ഷ​ൻ ഡി​സൈ​നി​ങ്ങു​മൊ​ക്കെ​യാ​ണ് അ​വ​ൾ​ക്ക് താ​ൽ​പ​ര്യം. െച​റു​താ​യി ആ​ങ്ക​റി​ങ്​ ഒ​ക്കെ ചെ​യ്ത് അ​വ​ൾ​പോ​ക്ക​റ്റ് മ​ണി​യൊ​ക്കെ ഉ​ണ്ടാ​ക്കും. എ​നി​ക്കും എെ​ന്ത​ങ്കി​ലു​മൊ​ക്കെ വാ​ങ്ങി​ത്ത​രും. കാ​മ്പ​സ് ലൈ​ഫൊ​ന്നും ആ​സ്വ​ദി​ക്കാ​ൻ എ​നി​ക്ക് സാ​ധി​ച്ചി​ട്ടി​ല്ല. ഉ​ച്ച​ക​ഴി​ഞ്ഞാ​ണ് കാ​മ്പ​സി​ൽ എ​ല്ലാ​വ​രും ഒ​ത്തു​കൂ​ടു​ന്ന​ത്. പ​ക്ഷേ, അ​പ്പോ​ഴേ​ക്കും ഞാ​ൻ ഓ​ഫി​സി​ലെ​ത്തി​യി​ട്ടു​ണ്ടാ​കും.

കൃ​ഷ്ണ​യ്യ​രെ കണ്ടപ്പോൾ
മ​ര​ക്ക​ട​യി​ൽ ജോ​ലി​ചെ​യ്യു​ന്ന സ​മ​യം. ന​ല്ല​രീ​തി​യി​ൽ വ​സ്ത്രം ധ​രി​ച്ച ഒ​രാ​ൾ ക​യ​റി​വ​ന്നു. ക​ണ്ടാ​ൽ​ത​ന്നെ അ​റി​യാം ഏ​തോ ഉ​ന്ന​ത​പ​ദ​വി​യി​ലി​രി​ക്കു​ന്ന ആ​ളാ​ണെ​ന്ന്. ആ​വ​ശ്യ​മു​ണ്ടാ​യി​ട്ടാ​ണോ അ​ല്ല​യോ എ​ന്ന​റി​യി​ല്ല. മ​ര​ത്തിെ​ൻ​റ വി​ല​യൊ​ക്കെ ചോ​ദി​ച്ചു. ഞാ​ൻ പ​റ​ഞ്ഞ​തി​ലും കു​റ​ച്ച് ത​രാ​മോ എ​ന്ന​ദ്ദേ​ഹം ചോ​ദി​ച്ചു. സാ​റേ ഏ​റ്റ​വും കു​റ​ഞ്ഞ വി​ല​യി​ലാ​ണ് ഇ​വി​ടെ വി​ൽ​ക്കു​ന്ന​ത്. ഇ​നി​യും കു​റ​ക്കാ​ൻ പ​റ്റി​ല്ല. അ​ത് നീ​തി​കേ​ടാ​ണെ​ന്ന് ഞാ​ൻ പ​റ​ഞ്ഞു. എെ​ൻ​റ മ​റു​പ​ടി കേ​ട്ടി​ട്ടാ​ക​ണം അ​ദ്ദേ​ഹം ചി​രി​ച്ചു​കൊ​ണ്ട് പ​റ​ഞ്ഞു: ‘‘കു​ട്ടീ യു​ആ​ർ റൈ​റ്റ്’’. ജ​സ്​​റ്റി​സ്​ വി.​ആ​ർ. കൃ​ഷ്​​ണ​യ്യ​ർ എ​ന്ന മ​ഹാ​നാ​യി​രു​ന്നു അ​ത്. അ​ന്ന്​ എ​നി​ക്ക്​ അ​ദ്ദേ​ഹ​ത്തെ മ​ന​സ്സി​ലാ​യി​ല്ല. ലോ ​കോ​ള​ജി​ലെ​ത്തി​യ​തി​നു​ ശേ​ഷം അ​ദ്ദേ​ഹ​ത്തെ കാ​ണാ​ൻ അ​തി​യാ​യി ആ​ഗ്ര​ഹി​ച്ചി​രു​ന്നു. ഒ​രി​ക്ക​ൽ ക്ലാ​സി​ലു​ള്ള​വ​രൊ​ക്കെ അ​ദ്ദേ​ഹ​ത്തെ കാ​ണാ​ൻ പോ​യി. ഓ​ഫി​സു​ള്ള​തു കൊ​ണ്ട് എ​നി​ക്ക് പോ​കാ​ൻ പ​റ്റി​യി​ല്ല. ഒ​രി​ക്ക​ലെ​ങ്കി​ലും അ​ദ്ദേ​ഹ​ത്തെ പോ​യി ക​ണ്ട് അ​ന്ന​ത്തെ സം​ഭ​വം പ​റ​യ​ണം എ​ന്നു​ണ്ടാ​യി​രു​ന്നു. അ​ത് ന​ട​ന്നി​ല്ല.

സ്വ​പ്ന​മാ​ണ് എ​ൻ​റോ​ൾ​മെ​ന്‍റ്
ഔ​ദ്യോ​ഗി​ക​മാ​യി നി​യ​മ​പ​ഠ​നം പൂ​ർ​ത്തി​യാ​യെ​ങ്കി​ലും പ​ത്താം സെ​മ​സ്​​റ്റ​റിന്‍റെ പ​രീ​ക്ഷ​കൂ​ടി ബാ​ക്കി​യു​ണ്ട്. അ​ടു​ത്ത വ​ർ​ഷം പ​കു​തി​യോ​ടു​കൂ​ടി എ​ൻ​റോ​ൾ​മെ​ൻ​റ് ഉ​ണ്ടാ​കു​മെ​ന്നാ​ണ് ക​രു​തു​ന്ന​ത്. വ​ക്കീ​ലാ​യി എ​ൻ​റോ​ൾ ചെ​യ്യു​ക എ​ന്ന​ത് വ​ലി​യ സ്വ​പ്ന​മാ​ണ്. സാ​ക്ഷ​ര​ത മി​ഷ​നി​ലു​ള്ള​വ​ർ​ക്കും എെ​ൻ​റ നാ​ട്ടി​ലു​ള്ള​വ​ർ​ക്കും വേ​ണ്ടി ആ ​ക​റു​ത്ത​കോ​ട്ട​ണി​യ​ണം. ഇ​പ്പോ​ൾ ജോ​ലി ചെ​യ്യു​ന്ന ഓ​ഫി​സി​ൽ​ത​ന്നെ വ​ക്കീ​ലാ​യി ഇ​രി​ക്ക​ണ​മെ​ന്നാ​ണ് ആ​ഗ്ര​ഹം. തു​ല്യ​ത കോ​ഴ്സ് വ​ഴി പ​ഠി​ച്ചു എ​ന്നൊ​ക്കെ പ​റ​ഞ്ഞാ​ൽ പ​ല ആ​ളു​ക​ൾ​ക്ക് ഇ​പ്പോ​ഴും പു​ച്ഛ​മാ​ണ്. പ​ക്ഷേ, സ്വ​ന്തം പേ​രു​പോ​ലും എ​ഴു​താ​ൻ അ​റി​യാ​ത്ത എ​ത്ര​യോ പേ​ർ ന​മു​ക്ക് ചു​റ്റു​മു​ണ്ട്. പ്രാ​യ​മാ​യി മ​ക്ക​ളാ​യി ഇ​നി പ​ഠി​ച്ചി​ട്ടെ​ന്താ​ണെ​ന്ന് ക​രു​തു​ന്ന​വ​രാ​ണ് ഭൂ​രി​ഭാ​ഗം പേ​രും. ആ ​ചി​ന്ത മാ​റ​ണം.

പ​ല​രും ചോ​ദി​ക്കാ​റു​ണ്ട് തു​ല്യ​താ പ​ഠ​നം ന​ട​ത്തി​യ​തും ലോ ​കോ​ള​ജി​ൽ ചേ​ർ​ന്ന​തു​മൊ​ക്കെ ഇ​നി​യും എ​ന്തി​നാ​ണ് ഇ​ട​ക്കി​ട​ക്ക് പ​റ​യു​ന്ന​ത്. മ​റ്റൊ​ന്നും​കൊ​ണ്ട​ല്ല, ഏ​തെ​ങ്കി​ലും കോ​ണി​ൽ ആ​രെ​ങ്കി​ലും പ്ര​തി​സ​ന്ധി​ക​ളി​ൽ​പെ​ട്ട് മാ​ള​ത്തി​ൽ പ​തു​ങ്ങി​യി​രി​പ്പു​ണ്ടെ​ങ്കി​ൽ അ​വ​ർ​ക്ക് പു​റ​ത്തു​വ​രാ​ൻ ചി​ല​പ്പോ​ൾ ഞാ​ൻ കാ​ര​ണ​മാ​യാ​ലോ. പൂ​ജ്യ​ത്തി​ൽ ​നി​ന്നാ​ണ് ഞാ​ൻ തു​ട​ങ്ങി​യ​ത്. ഇ​ത്ര​വ​രെ എ​ത്തി​യി​ല്ലേ. ന​മ്മ​ൾ വി​ചാ​രി​ച്ചാ​ൽ എ​ത്തി​പ്പി​ടി​ക്കാ​ൻ പ​റ്റാ​ത്ത​താ​യി ഒ​ന്നു​മി​ല്ല. ക​ഴി​ഞ്ഞു​പോ​യ കാ​ല​ത്തെ​ക്കു​റി​ച്ച് ഓ​ർ​ത്ത് വി​ഷ​മ​വു​മി​ല്ല. എ​നി​ക്ക് ഇ​ങ്ങ​നെ​യൊ​ക്കെ ആ​വാ​ൻ പ​റ്റി​യ​ത് ആ ​ഒ​രു ജീ​വി​ത​മാ​ണെ​ന്ന് ക​രു​താ​നാ​ണ് ഇ​ഷ്​​ടം. മു​ന്നേ​റാ​ൻ ഇ​നി​യും ഉ​ണ്ട്. സ്വ​ന്ത​മാ​യി വീ​ട്, മ​ക​ളു​ടെ തു​ട​ർ​പ​ഠ​നം. ഇ​ല്ലാ​യ്മ​ക​ളി​ൽ വി​ഷ​മി​ക്കാ​തെ ഉ​ള്ള​തി​ൽ സ​ന്തോ​ഷി​ക്കാ​ൻ ശ്ര​മി​ച്ചാ​ൽ എ​ല്ലാം നേ​ടാ​ൻ പ​റ്റും. ഇ​ത് വെ​റും വാ​ക്ക​ല്ലെ​ന്ന് ചെ​റു​ചി​രി​യോ​ടെ നീ​ന പ​റ​ഞ്ഞു​നി​ർ​ത്തി. ആ ​ചി​രി​യി​ൽ എ​ല്ലാ​മു​ണ്ടാ​യി​രു​ന്നു.