മലയാളിയെങ്കിലും ​ഐസിന്‍ അറബ്​ ​ലോകത്തിന്‍െറ കണ്ണിലുണ്ണി

14:32 PM
03/12/2018
Izin-Hash
ഐസിന്‍ എന്ന ഇൗ മലയാളിക്കുട്ടി അറബ്​ ലോകത്തെ വിലയേറിയ പരസ്യ താരമാണ്​

ഇത്രയും കാലം യൂഎ.ഇക്കാർ കരുതിയിരുന്നത്​ ഐസിന്‍ ഒരു അറബി കുട്ടിയാണെന്നായിരുന്നു. അവനൊരു മലയാളി കുട്ടിയാണെന്ന്​ തിരിച്ചറിഞ്ഞിട്ടും അറബ്​ ലോകത്തിന്​ ഐസിനോടുള്ള പ്രിയം ഏറുകയാണ്​... യു.എ.ഇ 47ാം പിറന്നാൾ ആഘോഷിക്കു​മ്പോഴും ഐസിന്‍ എന്ന ആറു വയസ്സുകാരൻ എവിടെയും നിറഞ്ഞുനിൽക്കുന്നു..

യു.എ.ഇ ദേശീയ പതാകയുമായി ഐസിന്‍ പരസ്യ ചിത്രീകരണത്തിൽ
 

ഐസിന്‍െറ മുഖം അറബ്​ ലോകത്തുള്ളവർ ഇതിനകം കണ്ടു പരിചയിച്ചതാണ്​. പത്രങ്ങളിൽ, ടി.വി ചാനലുകളിൽ, വെബ്​സൈറ്റുകളിൽ എല്ലാം ഇസി​​​​​​​​​​​െൻറ മുഖം. ജഗ്വാറി​​​​​​​​​​​െൻറയും നിസാൻ പട്രോളി​​​​​​​​​​​െൻറയും ലിവർപൂളി​​​​​​​​​​​െൻറയും ഒക്കെ പരസ്യങ്ങളിലൂടെ ഇസിൻ ഒാരോ അറബ്​ ഗൃഹങ്ങളിലെയും ഇഷ്​ടക്കാരനാണ്. യു.എ.ഇയുടെ 47ാം പിറന്നാൾ ദിനത്തിൽ പത്രങ്ങളുടെ മുഴുപ്പേജിൽ നിറഞ്ഞു ചിരിക്കുകയാണ്​ ഐസിന്‍.

 

ജഗ്വാറിന്‍റെ പരസ്യത്തിൽ ഐസിന്‍
 

കാഴ്​ചയിലും ഭാവത്തിലുമെല്ലാം ഒരു അറബി കുട്ടിയെപ്പോലെ തോന്നിക്കുന്നു എന്നതാണ്​ അറബ്​ ലോകത്തെ ഏറ്റവും പ്രിയ​പ്പെട്ട പരസ്യതാരമായി ഐസിനെ മാറ്റിയിരിക്കുന്നത്​. വെളുത്ത കന്തൂറയും ഗുട്രയുമണിഞ്ഞ്​ പരമ്പരാഗത വേഷത്തിൽ നിൽക്കു​േമ്പാൾ ആരും പറയില്ല അതൊരു അറബി കുട്ടി അല്ല എന്ന്​.

 

പരസ്യ ചിത്രീകരണത്തിനിടയിൽ ഐസിന്‍
 

വാർണർ ബ്രദേഴ്​സ്​, സ്​റ്റാൻഡേർഡ്​ ചാർ​േട്ടർഡ്​ ബാങ്ക്​, സ​​​​​​​െൻറർ പോയൻറ്​, ജഗ്വാർ 'വേൾഡ്​, നിസാൻ പ​േട്രാൾ, ​ടോട്ടൽ, പീഡിയ ഷുവർ, റെഡ്​ ടാഗ്​, ഹോം സ​​​​​​​െൻറർ തുടങ്ങിയ വമ്പൻ ബ്രാൻഡുകള​ുടെ നിരവധി പരസ്യത്തിൽ ഐസിന്‍ ഇതിനകം പ്രത്യക്ഷപ്പെട്ടു കഴിഞ്ഞു. ദുബായ്​ ടൂറിസത്തി​​​​​​​​​​​െൻറ ഒൗദ്യോഗിക പരസ്യത്തിലും അബുദാബി ഗവർമ​​​​​​​െൻറി​​​​​​​​​​​െൻറ മറ്റു പരസ്യത്തിലും അഭിനയിച്ച ഐസിന്‍ സൗദി ഉൗർജ മ​ന്ത്രാലയത്തി​​​​​​​​​​​െൻറ പരസ്യത്തിലും ഇതിനകം അഭിനയിച്ചിരിക്കുന്നു.

 

യു.എ.ഇ ദേശീയ ദിനത്തിൽ ഐസിന്‍െറ ചിത്രവുമായി ഇറങ്ങിയ അറബ്​ പത്രത്തിന്‍െറ മുഴുപേജ്​ പരസ്യം
 

അജ്​മാനിലെ ഇൻറർനാഷനൽ ഇന്ത്യൻ സ്​കൂളിലെ കെ.ജി 2 വിദ്യാർഥിയാണ്​ ഐസിന്‍. അവന്​ രണ്ട്​ വയസ് പ്രായമുള്ളപ്പോൾ പിതാവ്​ ഹാഷ്​ ജവാദ്​ മൊബൈലിൽ പകർത്തിയ ചില ചിത്രങ്ങളും വീഡിയോകളും പ്രവാസികൾക്കിടയിൽ വൈറൽ ആയതോടെയാണ്​ ഐസിന്‍െറ ‘രഹസ്യം’ പരസ്യമായി തുടങ്ങിയത്​. ചില പരസ്യങ്ങളിൽ കരാറായെങ്കിലും ലിവർപൂളി​​​​​​​​​​​െൻറ പരസ്യത്തോടെ ലോകത്തി​​​​​​​​​​​െൻറ ശ്രദ്ധയും ഐസിനിൽ പതിഞ്ഞു. ഫുട്​ബാൾ ഇതിഹാസങ്ങളായ സ്​റ്റീവൻ ജെറാർഡ്​, ഗാരി മക്​ അലിസ്​റ്റർ എന്നിവർക്കൊപ്പം അഭിനയിക്കാൻ കുട്ടികളിൽ നടത്തിയ ഇൻറർവ്യുവിൽ ഐസിന്‍ തെരഞ്ഞെടുക്കപ്പെടുകയായിരുന്നു. സ്​റ്റീവൻ ജെറാർഡിനെയും ഗാരി മക്​ അലിസ്​റ്ററിനെയും ഐസിന്‍ ഇൻറർവ്യു ചെയ്യുന്ന വീഡിയോ ഏറെ ശ്രദ്ധിക്കപ്പെട്ടിരുന്നു.

 

ഐസിനും സഹോദരി ഹവാസിനും
 

‘ലിവർപൂളി​​​​​​​​​​​െൻറ ഷൂട്ടിങ്ങിൽ മറ്റു കുട്ടികളെക്കാൾ ശ്രദ്ധയോടെ ഐസിന്‍ കാഴച്​വെച്ച പ്രകടനമായിരുന്നു അവന്​ തുണയായത്​’ -ഐസിന്‍െറ മാതാവ്​ നസീഹ പറയുന്നു. സംവിധായകർ പറയുന്നത്​ അതേപടി പിഴവ​ുകളില്ലാതെ ചെയ്യാനുള്ള മിടുക്ക്​ ഐസിനെ പരസ്യ സിനിമയുടെ പ്രധാന ഘടകമാക്കി.

​ഐസിൻ ഹാഷ് പിതാവ്​ ഹാഷ്​ ജവാദിനും മാതാവ്​ നസീഹയ്​ക്കും സഹോദരി ഹവാസിനുമൊപ്പം
 

ഇൻസ്​റ്റഗ്രാമിലും ഫേസ്​ബുക്കിലും ഐസിന്​ നിരവധി ഫേ​ാളോവേഴ്​സാണുള്ളത്​. മലപ്പുറം ജില്ലയിലെ നിലമ്പൂർ സ്വദേശിയാണ്​​ ഐസിന്‍െറ പിതാവ്​ ഹാഷ്​ ജവാദ്. മാതാവ്​ നസീഹ കോഴിക്കോട്​ നല്ലളം മുല്ലവീട്ടിൽ കുടുംബാംഗമാണ്​.​ നേരത്തെ ദുബായിൽ റേഡിയോ ജോക്കിയായിരുന്ന ഹാഷ്​ ജവാദ് ഇപ്പോൾ സോഷ്യൽ മീഡിയ മാനേജർ ആയി ​ജോലി ചെയ്യുന്നു​. ആറ്​ മാസം പ്രായമുള്ള ഹവാസിനാണ്​ ഐസിന്‍െറ സഹോദരി.

ഐസിൻ സുരാജ്​ വെഞ്ഞാറമൂടിനൊപ്പം
 


(കടപ്പാട്​: ഗൾഫ്​​ ന്യുസ്​)

Loading...
COMMENTS