സൺഡേ സ്​റ്റാർ അഥവാ പ്രകാശം പരത്തുന്ന പെൺകുട്ടി

  • ന​ട്ടെ​ല്ലി​ന് പ​രി​ക്കേ​റ്റ് പാ​തി​ത​ള​ർ​ന്ന ശ​രീ​ര​വു​മാ​യി ചി​കി​ത്സക്ക് ശേ​ഷം മ​ട​ങ്ങു​ന്ന രോ​ഗി​ക​ൾ​ക്ക് ദൈ​നം​ദി​ന ജീ​വി​ത പ​രി​ശീ​ല​നം ന​ൽ​കു​ന്ന പാ​ലി​യം ഇ​ന്ത്യ​യു​ടെ ‘ഹാ​ഫ് വേ ​ഹോ​മി’​ലെ പ്ര​ധാ​ന കൗ​ൺ​സ​ല​ർ ആ​ഷ്​​ല റാ​ണി മനസ് തുറക്കുന്നു... 

ashla-rani
ആ​ഷ്​​ല റാ​ണി

ചാ​രു​ക​സേ​ര​യി​ൽ കാ​ലും നീ​ട്ടി​യി​രി​ക്കു​ന്ന സു​ഖ​മു​ണ്ട് ഞാ​യ​റാ​ഴ്ച​ ഒാർ​മ​ക​ൾ​ക്ക്. ആ​ല​സ്യ​ത്തിെൻ​റ പു​ത​പ്പ​ണി​ഞ്ഞ എ​ത്ര​യെ​ത്ര ഞാ​യ​റാ​ഴ്ച​പ്പു​ല​രി​ക​ൾ... ര​ണ്ട് ഞാ​യ​റാ​ഴ്ചക​ൾ ജീ​വി​ത​ത്തിെ​ൻ​റ ഗ​തി​മാ​റ്റി​യ ആ​ഷ്​​ല റാ​ണി​യെ​ന്ന പെ​ൺ​കു​ട്ടി​യാ​ണി​ന്ന് ന​മു​ക്ക് മു​ന്നി​ൽ. ചാ​രു​ക​സേ​ര​യി​ല​ല്ല, ച​ക്ര ക​സേ​ര​യി​ലാ​ണ് അ​വ​ളി​രി​ക്കു​ന്ന​ത്. പ​ക്ഷേ,  ഇ​രു​കാ​ലു​ക​ളും ക​വ​ർ​ന്നെ​ടു​ത്ത ഒ​രു ഞാ​യ​റാ​ഴ്ച​ക്ക്​ ഇ​ച്ഛാ​ശ​ക്തി​യും ക​രു​ണ​യും കൊ​ണ്ട് മ​റു​പ​ടി​ കൊ​ടു​ത്ത​പ്പോ​ൾ മ​റ്റൊ​രു ഞാ​യ​ർ അ​വ​ൾ​ക്ക് ശ​ല​ഭ​ച്ചി​റ​കു​ക​ളേ​കി. അ​ങ്ങനെ അ​വ​ൾ കാ​ലു​കൊ​ണ്ട് ന​മു​ക്കെ​ത്താ​നാ​വാ​ത്ത ദൂ​ര​ങ്ങ​ളി​ലേ​ക്ക് പാ​തി​ത​ള​ർ​ന്ന ഉ​ട​ലു​മാ​യി പ​റ​ന്നെ​ത്തു​ന്നു, വേ​ദ​നി​ക്കു​ന്ന​വ​ർ​ക്ക് സാ​ന്ത്വ​ന സ്പ​ർ​ശ​മേ​കു​ന്നു. 

തി​രു​വ​ന​ന്ത​പു​ര​ത്തെ അ​രു​മ​ന ആ​ശു​പ​ത്രി​യു​ടെ ര​ണ്ടാം നി​ല​യി​ലേ​ക്കു​ള്ള ഗോ​വ​ണി ക​യ​റി ഇ​ട​ത്തോ​ട്ട് തി​രി​ഞ്ഞാ​ൽ വ​ല​ത്തേ മു​റി​യി​ൽ ആ​ഷ് ല​യു​ടെ പു​ഞ്ചി​രി​ തൂ​കു​ന്ന മു​ഖം കാ​ണാം. ഇ​ന്ത്യ​യി​ലെ സാ​ന്ത്വ​ന പ​രി​ച​ര​ണ​ത്തിെൻ​റ പി​താ​വെ​ന്ന​റി​യ​പ്പെ​ടു​ന്ന ഡോ. ​എം.​ആ​ർ. രാ​ജ​ഗോ​പാ​ലിെൻ​റ ഒാ​ഫിസ് മു​റി​യാ​ണി​ത്. രോ​ഗ​ശ​മ​ന​ത്തി​ന​പ്പു​റ​ത്തേ​ക്ക് പ​രി​ച​ര​ണ​ത്തിെൻ​റ ക​രം​നീ​ട്ടി​യ പാ​ലി​യം ഇ​ന്ത്യ​യു​ടെ ആ​സ്ഥാ​നം. ജീ​വി​ത​ത്തി​ലെ ആ​കസ്​മി​ക തി​രി​വു​ക​ളി​ൽ വീ​ണു​പോ​യി​ട്ടും ആ​ത്മ​വി​ശ്വാ​സ​വും കൊ​ണ്ട് ജീ​വി​ത​ത്തിെൻ​റ ര​ണ്ടാംനി​ല ക​യ​റി ഇ​വി​ടെ​യെ​ത്തി​യ ആ​ഷ്​ലക്ക് ചി​ല​ത് പ​റ​യാ​നു​ണ്ട്. ജീ​വി​ത​യാ​ത്ര​യി​ൽ കാ​ലി​ട​റി വീ​ണ സ​ഹ​ജീ​വി​യു​ടെ കൈ ​പി​ടി​ക്കാ​ൻ ആ​ളു​ കു​റ​യു​ന്ന കാ​ല​ത്ത് അ​നു​ക​മ്പ​യു​ടെ ചെ​റു​വി​ര​ൽ നീ​ട്ടാ​നെ​ങ്കി​ലും അ​ത് ഉ​പ​ക​രി​ച്ചെ​ങ്കി​ലോ...

ബ്ലാ​ക്ക് സ​ൺ​ഡേ
മു​റി​യി​ലേ​ക്ക് ക​ട​ക്കു​മ്പോ​ൾ ഇ​രു​ കൈ​പ്പ​ത്തി​ക​ളും കൊ​ണ്ട് മൊ​ബൈ​ൽ മു​ഖ​ത്തോ​ട് ചേ​ർ​ത്തുപി​ടി​ച്ച് വി​ര​ൽ​മ​ട​ക്കു​ക​ൾ ​കൊ​ണ്ട് എ​സ്.​എം.​എ​സ് ടൈ​പ്​ ചെ​യ്തു​ കൊ​ണ്ടി​രി​ക്കു​ക​യാ​ണ് ആ​ഷ്​ല. ​സ​ഹാ​യം തേ​ടി​യും വി​വ​ര​ങ്ങ​ൾ അ​റി​യാ​നും ഡോ. ​രാ​ജ​ഗാ​പാ​ലി​നെ അ​ന്വേ​ഷി​ച്ചും ര​ണ്ട് മൊ​ബൈ​ലു​ക​ളി​ലേ​ക്ക് നി​ര​ന്ത​രം കാ​ളു​ക​ൾ വ​രു​ന്നു​ണ്ട്. എ​ല്ലാ​വ​രോ​ടും പു​ഞ്ചി​രി​യോ​ടെ മ​റു​പ​ടിപ​റ​ഞ്ഞ് ഫോ​ൺ സൈ​ല​ൻ​റ്​ മോ​ഡി​ലാ​ക്കി സം​സാ​രി​ക്കാ​നി​രു​ന്നു. ര​ണ്ട് കാ​ലു​ക​ളി​ൽ നി​വ​ർ​ന്നുനി​ന്ന 28 വ​ർ​ഷ​ങ്ങ​ൾ​ക്ക് സ​ഡ​ൻ ബ്രേ​ക്ക് വീ​ണ ആ ​രാ​ത്രി​യെ​ക്കു​റി​ച്ച് പ​റ​യു​മ്പോ​ൾ ആ​ഷ്​​ല​യു​ടെ ന​ട്ടെ​ല്ലി​ലൂ​ടെ ഒ​രു മി​ന്ന​ൽ പാ​യും... ഇ​രു​ട്ടി​ൽ കു​തി​ച്ചുപാ​യു​ന്ന ചെ​ന്നൈ എ​ക്സ്പ്ര​സിെ​ൻ​റ ശ​ബ്​​ദം ചെ​വി​യി​ൽ നി​റ​യും. ക​ണ്ണൂ​രി​ലെ ഇ​രി​ട്ടി​യാ​ണ് ആ​ഷ്​​ല​യു​ടെ ദേ​ശം. എ​യ​ർ​ഫോ​ഴ്സി​ൽനി​ന്ന് വി​ര​മി​ച്ച ക​ല്യാ​ട​ൻ ഹൗ​സി​ലെ കു​ഞ്ഞി​കൃ​ഷ്​ണ​​​​​െൻറയും ജാ​ന​കി​യു​ടെ​യും ര​ണ്ടാ​മ​ത്തെ മ​ക​ൾ. ആ​ഷ്​​ല​ക്ക് ഏ​ഴ് വ​യ​സ്സു​ള്ള​പ്പോ​ൾ  അ​ച്ഛ​ൻ മ​ര​ണ​പ്പെ​ട്ടു. പി​ന്നീ​ട് അ​മ്മ​യും ചേ​ച്ചി അ​ൽ​ഷ​യു​മാ​യി​രു​ന്നു ആ​ഷ് ല​യു​ടെ ലോ​കം. അ​ച്ഛ െൻ​റ പെ​ൻ​ഷ​നും കാ​ർ​ഷി​ക വ​രു​മാ​ന​വും കൊ​ണ്ട് ആ ​അ​മ്മ ര​ണ്ട് മ​ക്ക​ളെ​യും പ​ഠി​പ്പി​ച്ചു. പ​ഠ​ന​ത്തി​ൽ മി​ടു​ക്കി​യാ​യി​രു​ന്ന ആ​ഷ് ല ​ബി. എ​സ് സി ​ക​മ്പ്യൂ​ട്ട​ർ സ​യ​ൻ​സ് പ​ഠ​നം ക​ഴി​ഞ്ഞ് കോ​യ​മ്പ​ത്തൂ​ർ എ​ട്ടി​മ​ടൈ​യി​ലെ അ​മൃ​ത വി​ശ്വ​വി​ദ്യാ പീ​ഠ​ത്തി​ൽ എം.​സി.​എ​ക്ക് ചേ​ർ​ന്നു. 2006ൽ ​അ​വി​ടെ നി​ന്ന് കോ​ഴ്സ് ക​ഴി​യു​മ്പോ​ഴേ​ക്ക് കാ​മ്പ​സ് സെ​ല​ക്​ഷൻ വ​ഴി ജോ​ലി​യും കി​ട്ടി. ചെ​ന്നൈ​യി​ലെ സ്​​റ്റെ​റി​യ എ​ന്ന ഫ്ര​ഞ്ച് െഎ.​ടി ക​മ്പ​നി​യി​ൽ സോ​ഫ്റ്റ് വെ​യ​ർ എ​ൻ​ജി​നീ​യ​റാ​യി. ജീ​വി​തം ഒ​രു താ​ളം ക​ണ്ടെ​ത്തി​യ നേ​രം. പ​ക്ഷേ, വി​ധി ആ​ഷ്​​ല​ക്കാ​യി കാ​ത്തു​വെ​ച്ച​ത് മ​റ്റൊ​ന്നാ​യി​രു​ന്നു. 

ashla-rani

2010 ആ​ഗ​സ്​​റ്റ്​ ഒ​ന്ന്​ ഞാ​യ​ർ. മാ​സാ​ന്ത്യ അ​വ​ധി ക​ഴി​ഞ്ഞ് പ​തി​വു​പോ​ലെ വീ​ട്ടി​ൽ നി​ന്ന് ചെ​ന്നൈ​യി​ലേ​ക്ക് മ​ട​ങ്ങു​ക​യാ​യി​രു​ന്നു അ​ന്ന് ആ​ഷ്​​ല. വൈ​കീട്ട് ആ​റ​ര​ക്കാ​ണ് ക​ണ്ണൂ​രി​ൽനി​ന്ന് ചെ​ന്നൈ എ​ക്സ്പ്ര​സി​ൽ ക​യ​റു​ന്ന​ത്. പി​റ്റേ​ന്ന് ഉ​ച്ച​യോ​ടെ ചെ​ന്നൈ​യി​ലെ​ത്തു​ന്ന വ​ണ്ടി ഇ​രു​ട്ടി​ലൂ​ടെ കു​തി​ച്ചു​പാ​യു​ക​യാ​ണ്. യാ​ത്ര​ക്കാ​രെ​ല്ലാ​വ​രും ഭ​ക്ഷ​ണം ക​ഴി​ച്ച് ഉ​റ​ക്ക​ത്തി​നു​ള്ള ത​യാ​റെ​ടു​പ്പി​ലാ​ണ്. വ​ണ്ടി അ​പ്പോ​ൾ പ​ട്ടാ​മ്പി​ക്ക​ടു​ത്തെ​ത്തി​യി​രു​ന്നു. അ​മ്മ കൊ​ടു​ത്ത​യ​ച്ച പൊ​തി​ച്ചോ​ർ ക​ഴി​ച്ച് ഇ​ല പു​റ​ത്തേ​ക്ക് ക​ള​യാ​ൻ ഞാ​ൻ ട്രെ​യി​നിെൻ​റ വാ​തി​ല​ിന​ടു​ത്തെ​ത്തി​യ​താ​യി​രു​ന്നു. പെ​ട്ടെ​ന്ന് കാ​റ്റി​ൽ ട്രെ​യി​നിെ​ൻ​റ വാ​തി​ൽ ശ​ക്തി​യാ​യി വ​ന്ന് പു​റ​ത്തിടി​ച്ചു. ​പ​റ​ക്കു​ന്ന പോ​ലൊ​രു തോ​ന്ന​ൽ, അ​ത്ര​യേ ആ ​ദി​വ​സ​ത്തെ​ക്കു​റി​ച്ച് എ​​​​​​െൻറ ഒാ​ർ​മ​യി​ലു​ള്ളൂ. ര​ണ്ട് ദി​വ​സം ക​ഴി​ഞ്ഞ് ബോ​ധ​മു​ണ​രു​മ്പോ​ൾ ശ​രീ​രം നു​റു​ങ്ങു​ന്ന വേ​ദ​ന​യു​മാ​യി തൃ​ശൂ​ർ അ​മ​ല ഹോ​സ്പി​റ്റ​ലി​ലെ െഎ.​സി.​യു​വി​ലാ​ണ് ഞാ​ൻ.  

അ​പ​ക​ട​ത്തെ​ക്കു​റി​ച്ച് പി​ന്നീ​ട് എ​ല്ലാം മ​റ്റു​ള്ള​വ​ർ പ​റ​ഞ്ഞ് അ​റി​ഞ്ഞ​താ​ണെ​ന്ന് ആ​ഷ്​​ല. വ​ണ്ടി​യി​ൽ നി​ന്ന് ഒ​രാ​ൾ വീ​ണെ​ന്ന് മ​ന​സ്സി​ലാ​യ​തോ​ടെ ആ​രോ ച​ങ്ങ​ല വ​ലി​ച്ചു. ട്രെ​യി​ൻ ഇ​രു​ട്ടി​ൽനി​ന്നു. യാ​ത്ര​ക്കാ​രും ജീ​വ​ന​ക്കാ​രും ചേ​ർ​ന്ന് ട്രാ​ക്കി​ലാ​കെ പ​ര​തി​യെ​ങ്കി​ലും ആ​രെ​യും ക​ണ്ടി​ല്ല. അ​ന്ന് ഏഷ്യാ​ന​റ്റ്​  െഎ​ഡി​യ സ്​​റ്റാ​ർ സിം​ഗ​ർ പ​രി​പാ​ടി​യു​ടെ ഗ്രാ​ൻ​ഡ് ഫി​നാ​ലെ ന​ട​ക്കു​ന്ന സ​മ​യ​മാ​ണ്. പ​ട്ടാ​മ്പി​ക്ക​ടു​ത്തു​ള്ള ആ​ ഗ്രാ​മ​ത്തി​ൽ വ​ലി​യ സ്ക്രീ​നി​ൽ പ്ര​ദ​ർ​ശ​ന​മു​ണ്ടാ​യി​രു​ന്നു. ട്രാ​ക്കി​ൽ ആ​രെ​യും ക​ണ്ടെ​ത്താ​നാ​വാ​തെ ട്രെ​യി​ൻ യാ​ത്ര തു​ട​ർ​ന്ന​പ്പോ​ൾ പ​രി​പാ​ടി കാ​ണാ​ൻ അ​വി​ടെക്കൂടി​യ നാ​ട്ടു​കാ​രാ​ണ് തി​ര​ച്ചി​ൽ തു​ട​ർ​ന്ന​ത്. ഒ​ടു​വി​ൽ രാ​ത്രി വൈ​കി​യാ​ണ് ട്രാ​ക്കി​ന​രി​കി​ലെ കു​റ്റി​ക്കാ​ട്ടി​ൽ വീ​ണു​കി​ട​ക്കു​ന്ന ആ​ഷ്​ല​യെ ക​ണ്ടെ​ത്തി​യ​ത്. ക​ഴു​ത്തി​ന്​ ഗു​രു​ത​രമാ​യി പ​രി​ക്കേ​റ്റ ആ​ഷ്​ല​യെ അ​വ​ർ ചു​മ​ന്നും പി​ന്നീ​ട് ഒാ​ട്ടോ​യി​ൽ ക​യ​റ്റി​യും അ​ടു​ത്തു​ള്ള ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. പ​രി​ക്ക് ഗു​രു​ത​ര​മാ​യ​തി​നാ​ൽ അ​വി​ടെനി​ന്ന് തൃ​ശൂ​ർ അ​മ​ല​യി​ലേ​ക്കും. 

ക​ഴു​ത്തി​ൽ സു​ഷു​മ്ന നാ​ഡി​ക്ക് ഗു​രു​ത​ര​മാ​യി പ​രി​ക്കേ​റ്റ ആ​ഷ്​ല​യു​ടെ അ​ര​ക്ക് കീ​ഴ്പ്പോ​ട്ട് ത​ള​ർ​ന്നു​പോ​യി. കൈ​വി​ര​ലു​ക​ൾ​ക്ക് ച​ല​ന​ശേ​ഷി ന​ഷ്​​ട​മാ​യി. സി 5 ​സി 6 ക​ശേ​രു​ക്ക​ൾ​ക്ക് ഇ​ട​യി​ലാ​യി​രു​ന്നു പ​രിക്കെ​ന്ന് ആ​ഷ്​ല​. ​അ​ടി​യ​ന്ത​ര ശ​സ്ത്ര​ക്രി​യ​യും തു​ട​ർ​ചി​കി​ത്സയും ക​ഴി​ഞ്ഞ് ഒ​രുമാ​സ​ത്തി​ന് ശേ​ഷം അ​മ​ല​യി​ൽനി​ന്ന് പു​റ​ത്തി​റ​ങ്ങു​മ്പോ​ഴും ത​നി​ക്ക് ഇ​നി ഒ​രി​ക്ക​ലും എ​ഴു​ന്നേ​റ്റ് നി​ൽ​ക്കാ​നാ​വി​ല്ലെ​ന്ന് ആ​ഷ്​ല​ക്ക് അ​റി​യി​ല്ലാ​യി​രു​ന്നു. ‘‘ഡോ​ക്ട​ർ​മാ​രോ ബ​ന്ധു​ക്ക​ളോ അ​ന്ന​ത് പ​റ​യാ​തി​രു​ന്ന​ത് ഒ​രുത​ര​ത്തി​ൽ ന​ന്നാ​യെ​ന്ന് ഇ​ന്ന് തോ​ന്നു​ന്നു. കു​റേ​ക്കാ​ലം ഫി​സി​യോ​ തെ​റപ്പി ചെ​യ്യ​ണമെ​ന്ന് മാ​ത്ര​മേ അ​റി​യു​മാ​യി​രു​ന്നു​ള്ളൂ. പി​ന്നീ​ടു​ള്ള നാ​ലുവ​ർ​ഷം ആ​ശു​പ​ത്രി​ക​ളി​ൽനി​ന്ന് ആ​ശു​പ​ത്രി​ക​ളി​ലേ​ക്കു​ള്ള ഒാ​ട്ട​മാ​യി​രു​ന്നു. ഫി​സി​യോ​തെ​റ​പ്പി​യും ആ​യു​ർ​വേ​ദ ചി​കി​ത്സയു​മൊ​ക്കെ​യാ​യി എ​റ​ണാ​കു​ള​ത്ത് അ​മൃ​ത​യി​ലും വെ​ല്ലൂ​രി​ലും കോ​ട്ട​ക്ക​ൽ ആ​ര്യ​വൈ​ദ്യ​ശാ​ല​യി​ലു​മൊ​ക്കെ​യാ​യി. അ​തി​നി​ടെ ത​ള​ർ​ന്ന കൈ​കൊ​ണ്ട് ക​മ്പ്യൂ​ട്ട​ർ കൈ​കാ​ര്യം ചെ​യ്യാ​നും പേ​ന പി​ടി​ച്ച് എ​ഴു​താ​നും അ​ത്യാ​വ​ശ്യ കാ​ര്യ​ങ്ങ​ൾ സ്വ​യം ചെ​യ്യാ​നു​മൊ​ക്കെ പ​ഠി​ച്ചു. എ​ല്ലാ​ത്തി​നും കൂ​ടെ അ​മ്മ​യാ​യി​രു​ന്നു. ചി​കി​ത്സക്കാ​യി ഉ​ള്ള​തെ​ല്ലാം വി​റ്റു​പെ​റു​ക്കി. ആ​ഷ്​ല​ ജോ​ലി ചെ​യ്തി​രു​ന്ന ക​മ്പ​നി​യും ന​ല്ല രീ​തി​യി​ൽ സ​ഹാ​യി​ച്ചു. പ​ക്ഷേ, വീ​ൽ​ചെ​യ​ർ ജീ​വി​ത​ത്തി​ൽ ഒ​രു സ​ഹാ​യി സ​ദാ കൂ​ടെ​യി​ല്ലാ​തെ പ​റ്റി​ല്ലെ​ന്ന് മെ​ല്ലെ ആ​ഷ്​​ല തി​രി​ച്ച​റി​ഞ്ഞു. 
 

ashla-rani
ആ​ഷ്​​ല റാ​ണി​ ഡോ. ​എം.​ആ​ർ. രാ​ജ​ഗോ​പാ​ലിനൊപ്പം
 


ബ്രൈ​റ്റ് സ​ൺ​ഡേ
2014 ൽ ​എ​റ​ണാ​കു​ളം ലൈ​ഫ് കെ​യ​ർ റീ​ഹാ​ബി​ലി​റ്റേ​ഷ​ൻ സെ​ൻ​റ​റി​ൽ ചി​കി​ത്സ​യി​ലാ​ണ് അ​ന്ന്​ ആ​ഷ്​​ല. ശ​രീ​ര​ത്തി​നും മ​ന​സ്സി​നു​മേ​റ്റ ആ​ഘാ​ത​ത്തി​നൊ​പ്പം ചി​കി​ത്സ ചെ​ല​വും അ​പ്പോ​ഴേ​ക്കും ബു​ദ്ധി​മു​ട്ടി​ച്ചു തു​ട​ങ്ങി. അ​ങ്ങ​നെ​യാ​ണ് ജോ​ലി ചെ​യ്തി​രു​ന്ന ക​മ്പ​നി​യി​ൽ ബ​ന്ധ​പ്പെ​ടു​ന്ന​ത്. അ​പ​ക​ട​ത്തി​ൽ കൂ​ടെ നി​ന്ന ക​മ്പ​നി വ​ർ​ക്ക് ഫ്രം ​ഹോം അ​വ​സ​രം ന​ൽ​കി. ആ​ശു​പ​ത്രി​യി​ലി​രി​ക്കെത്തന്നെ അ​ങ്ങനെ വീ​ണ്ടും ജോ​ലി ചെ​യ്തു തു​ട​ങ്ങി. എ​ന്നാ​ൽ, നാ​ടായ ഇ​രി​ട്ടി​യി​ലേ​ക്കു​ള്ള മ​ട​ക്കം ചി​ന്തി​ക്കാ​നാ​വി​ല്ലാ​യി​രു​ന്നു. ഗ്രാ​മ​ത്തി​ലെ വീ​ട്ടി​ലി​രു​ന്ന് ഇ​ൻ​റ​ർ​െ​ന​റ്റ് വ​ഴി ജോ​ലി ചെ​യ്യാ​നോ ഫി​സി​യോ​തെ​റ​പ്പി സ​ഹാ​യം തേ​ടാ​നോ മാ​ർ​ഗ​മി​ല്ലാ​യി​രു​ന്നു. ത​ന്നെ സ​ഹാ​യി​ക്കാ​ൻ ക​ഴി​യു​ന്ന, ത​നി​ക്ക് തി​രി​ച്ചെ​ന്തെ​ങ്കി​ലും സ​ഹാ​യം ചെ​യ്യാ​ൻ ക​ഴി​യു​ന്ന ഒ​രു സം​വി​ധാ​ന​ത്തെ​ക്കു​റി​ച്ചാ​യി അ​വ​രു​ടെ ചി​ന്ത. അ​ങ്ങനെ​യി​രി​ക്കെ​യാ​ണ് ത​ന്നെ​പ്പോ​ലെ പാ​രാ​പ്ലീ​ജി​ക്കാ​യ രോ​ഗി​ക​ൾ​ക്കാ​യി സാമൂ​ഹി​ക നീ​തി​വ​കു​പ്പും പാ​ലി​യം ഇ​ന്ത്യ​യും ചേ​ർ​ന്ന് ഒ​രു പ​ദ്ധ​തി തു​ട​ങ്ങു​ന്ന കൊ​ച്ചു​വാ​ർ​ത്ത ആ​ഷ്​ല​യു​ടെ ശ്ര​ദ്ധ​യി​ൽ​പ്പെ​ടു​ന്ന​ത്. നെ​റ്റി​ൽ സെ​ർ​ച്​ ചെ​യ്ത് പാ​ലി​യം ഇ​ന്ത്യ ചെ​യ​ർ​മാ​ൻ ഡോ. ​എം.​ആ​ർ. രാ​ജ​ഗോ​പാ​ലിെ​ൻ​റ മെ​യി​ൽ െഎ.​ഡി ക​ണ്ടെ​ത്തി. ഫു​ൾ​ടൈം വള​ൻ​റി​യ​ർ ആ​കാ​ൻ താ​ൽ​പ​ര്യ​മു​ണ്ടെ​ന്ന് പ​റ​ഞ്ഞ് അ​ന്നുത​ന്നെ ഒ​രു​ മെ​യി​ൽ അ​യ​ച്ചു. ര​ണ്ട് മ​ണി​ക്കൂ​റി​നു​ള്ളിൽ ഡോ​ക്ട​ർ തി​രി​ച്ചുവി​ളി​ച്ചു. ആ​ത്മ​വി​ശ്വാ​സ​വും സാ​ന്ത്വ​ന​വു​മേ​കി. ഇ​ന്ത്യ​യി​ലും പു​റ​ത്തു​മൊ​ക്കെ​യാ​യി നി​ര​ന്ത​രം യാ​ത്ര ചെ​യ്യേ​ണ്ടി​ വ​രു​ന്ന​തി​നാ​ൽ ഒാ​ഫിസി​ൽ ഒ​രു സ​ഹാ​യി​യെ ഡോ​ക്​ട​ർ തേ​ടു​ന്ന സ​മ​യ​മാ​യി​രു​ന്നു അ​ത്. അ​സി​സ്​​റ്റ്​ ചെ​യ്യാ​ൻ സ​മ്മ​ത​മാ​ണെ​ങ്കി​ൽ പോ​ന്നോ​ളൂ എ​ന്ന് ഡോ​ക്ട​ർ പ​റ​ഞ്ഞ​പ്പോ​ൾ ആ​ഷ്​​ല​ക്ക് ര​ണ്ടാ​മ​തൊ​ന്ന് ആ​ലോ​ചി​ക്കാ​നു​ണ്ടാ​യി​രു​ന്നി​ല്ല.

പാ​ലി​യം ഇ​ന്ത്യ​യി​ലെ ഡോ​ക്്ട​ർ​മാ​ർ എ​റ​ണാ​കു​ള​ത്തെ​ത്തി ആ​ഷ്​​ല​യു​ടെ ഫി​സി​യോ​തെ​റ​പ്പി ആ​വ​ശ്യ​ങ്ങ​ൾ മ​ന​സ്സി​ലാ​ക്കി. പി​ന്നീ​ട് എ​ല്ലാം പെ​ട്ടെ​ന്നാ​യി​രു​ന്നു. പാ​ലി​യം ഇ​ന്ത്യ ഒാ​ഫി​സി​ൽ ആ​ഷ്​​ല​ക്കാ​യി പ്ര​ത്യേ​കം മു​റി ഒ​രു​ക്കി. വീ​ൽ​ചെ​യ​ർ ക​യ​റാ​ൻ പാ​ക​ത്തി​ൽ വാ​തി​ൽ വ​ലു​താ​ക്കി. അ​ടു​ക്ക‍ള​യും ബാ​ത്ത് റൂ​മും ഒ​രു​ക്കി. സ്വി​ച്ചു​ക​ൾ ​ൈക​യെ​ത്തു​ന്ന പാ​ക​ത്തി​ലാ​ക്കി. ര​ണ്ട് മാ​സം കൊ​ണ്ട് അ​റ്റ​കു​റ്റ​പ്പ​ണി​ക​ൾ പൂ​ർ​ത്തി​യാ​ക്കി. 2014 സെ​പ്​റ്റം​ബ​ർ 28. മ​റ്റൊ​രു ഞാ​യ​ർ. അ​ന്നാ​ണ് ആ​ഷ്​ല​ എ​റ​ണാ​കു​ള​ത്തുനി​ന്ന് തി​രു​വ​ന​ന്ത​പു​ര​ത്തെ പാ​ലി​യം ഇ​ന്ത്യ ആ​സ്ഥാ​ന​ത്ത് എ​ത്തു​ന്ന​ത്. ദീ​ർ​ഘ​യാ​ത്ര​യും ത​െൻ​റ പ​രി​മി​തി​ക​ളും ഒ​ക്കെ​യാ​യി ഒ​ട്ടേ​റ ആ​ശ​ങ്ക​ക​ളു​മാ​യാ​ണ് യാ​ത്ര​തു​ട​ങ്ങി​യ​ത്. ഞാ​യ​റാ​ഴ്ച​യാ​യ​തി​നാ​ൽ അ​വി​ടെ ആ​രെ​ങ്കി​ലും ത​ന്നെ സ​ഹാ​യി​ക്കാ​നു​ണ്ടാ​വു​മോ, ത െ​ൻ​റ പ്ര​യാ​സ​ങ്ങ​ൾ അ​വ​ർ​ക്ക് മ​ന​സ്സി​ലാ​വു​മോ എ​ന്നൊ​ക്കെ​യു​ള്ള ആ​ധി​യു​മാ​യി തി​രു​വ​ന​ന്ത​പു​ര​ത്തെ​ത്തു​മ്പോ​ൾ പ​ക്ഷേ, ത​നി​ക്ക് ല​ഭി​ച്ച​ത് മ​റ​ക്കാ​നാ​വാ​ത്ത സ്വീ​ക​ര​ണ​മാ​യി​രു​ന്നു​വെ​ന്ന് ആ​ഷ്​​ല. പൂ​ക്ക​ളും പു​സ്ത​ക​ങ്ങ​ളു​മൊ​ക്കെ​യാ​യി പാ​ലി​യം ഇ​ന്ത്യ​യി​ലെ ജീ​വ​ന​ക്കാ​രും അ​ന്തേ​വാ​സി​ക​ളും ഒ​ക്കെ ചേ​ർ​ന്ന് ഗം​ഭീ​ര വ​ര​വേ​ൽപ്​ ന​ൽ​കി. ത​നി​ക്ക് ഒ​രു പ​രി​ച​യ​വു​മി​ല്ലാ​ത്ത​യി​ട​ത്ത് എ​ല്ലാ​വ​രും ത​ന്നെ പേ​ര് വി​ളി​ച്ച് വി​ശേ​ഷ​ങ്ങ​ൾ ചോ​ദി​ച്ച​തും മ​റ്റും ക​ഴി​ഞ്ഞ നാ​ലു വ​ർ​ഷ​മാ​യി കി​ട​ക്ക​യി​ലാ​യി​പ്പോ​യ ആ​ഷ്​ല​ക്ക് ന​ൽ​കി​യ ആ​ത്മ​വി​ശ്വാ​സ​വും ആ​ശ്വാ​സ​വും ചെ​റു​ത​ല്ല. ര​ണ്ട് മാ​സ​മാ​യി ആ​ഷ്​​ല​യെ അ​വ​ർ കാ​ത്തി​രി​ക്കു​ക​യാ​യി​രു​ന്നുെ​വ​ന്ന അ​റി​വ് പ​റ​ഞ്ഞ​റി​യി​ക്കാ​നാ​വാ​ത്ത സ​ന്തോ​ഷ​മാ​ണ് പ​ക​ർ​ന്ന​തെ​ന്ന് ആ​ഷ്​​ല. 

യൂ​ത്ത് െഎ​ക്ക​ൺ
ഇ​ന്ന് പാ​ലി​യം ഇ​ന്ത്യ​യു​ടെ രാ​ജ്യ​മൊ​ട്ടു​ക്ക​ുമു​ള്ള ച​ല​ന​ങ്ങ​ൾ നി​യ​ന്ത്രി​ക്കു​ന്ന​വ​രി​ൽ പ്ര​ധാ​നി​യാ​ണ് ആ​ഷ്​​ല. അ​പ​ക​ട​ങ്ങ​ളി​ലും രോ​ഗ​ങ്ങ​ളി​ലും കി​ട​പ്പി​ലാ​യി​പ്പോ​യ രോ​ഗി​ക​ൾ​ക്ക് സ്വ​ന്തം ജീവി​തംകൊ​ണ്ട് അ​വ​ർ ആ​ത്മ​വി​ശ്വാ​സം പ​ക​ർ​ന്നുന​ൽ​കു​ന്നു. ഒ​റ്റ​പ്പെ​ട​ലി​ൽ കൂ​ടപ്പി​റ​പ്പി​നെ​പ്പോ​ലെ തു​ണ​യാ​കു​ന്നു. വീ​ൽ​ചെ​യ​ർ ജീ​വി​തം പ​ഠി​പ്പി​ച്ചുന​ൽ​കു​ന്നു. ന​ട്ടെ​ല്ലി​ന് പ​രി​ക്കേ​റ്റ് പാ​തി​ത​ള​ർ​ന്ന ശ​രീ​ര​വു​മാ​യി ചി​കി​ത്സക്ക് ശേ​ഷം മ​ട​ങ്ങു​ന്ന രോ​ഗി​ക​ൾ​ക്ക് ദൈ​നം​ദി​ന ജീ​വി​ത പ​രി​ശീ​ല​നം ന​ൽ​കു​ന്ന പാ​ലി​യം ഇ​ന്ത്യ​യു​ടെ ‘ഹാ​ഫ് വേ ​ഹോ​മി’​ലെ പ്ര​ധാ​ന കൗ​ൺ​സ​ല​റാ​ണ് ആ​ഷ്​​ല. അ​തി​നാ​യി കൗ​ൺ​സ​ലി​ങ്ങും പ​ഠി​ച്ചു.  മ​രി​ച്ചു​പോ​യ കി​ട​പ്പു​രോ​ഗി​ക​ളു​ടെ കു​ടും​ബാം​ഗ​ങ്ങ​ൾ​ക്കു​ള്ള ഉ​ണ​ർ​വ് ഗ്രൂ​പ്പി​ലും അ​ച്ഛ​ന​മ്മ​മാ​ർ ന​ഷ്​​ട​പ്പെ​ട്ട കു​ഞ്ഞു​ങ്ങ​ൾ​ക്കു​ള്ള കു​ട്ടി​ക്കൂ​ട്ട​ത്തി​ലും അ​വ​ർ സാ​ന്ത്വ​ന​വും ദി​ശാ​ബോ​ധ​വും പ​ക​ർ​ന്നു​ന​ൽ​കു​ന്നു. കു​ട്ടി​ക​ളെ പ​ഠി​പ്പി​ക്കു​ന്നു. കി​ട​പ്പി​ലാ​യി​പ്പോ​യ രോ​ഗി​ക​ൾ​ക്കു​വേ​ണ്ടി​യു​ള്ള അ​വ​കാ​ശ​പ്പോ​രാ​ട്ട​ങ്ങ​ളി​ൽ മു​ന്നി​ൽ നി​ൽ​ക്കു​ന്നു. ഡോ. ​എം.​ആ​ർ. രാ​ജ​ഗോ​പാ​ലി​​​​​​െൻറ ദൈ​നം​ദി​ന പ​രി​പാ​ടി​ക​ൾ നി​യ​ന്ത്രി​ക്കു​ന്ന ആ​ഷ്​​ല ച​ല​ന​ശേ​ഷി​യി​ല്ലാ​ത്ത കൈ​വി​ര​ൽ മ​ട​ക്കു​ക​ൾ​കൊ​ണ്ട് നൂ​റു​ക​ണ​ക്കി​ന് ഇ-​മെ​യി​ലു​ക​ൾ ത​യാ​റാ​ക്കു​ന്നു. സാ​ന്ത്വ​നം തേ​ടി​വ​രു​ന്ന​വ​രു​ടെ സ​ന്ദേ​ശ​ങ്ങ​ൾ​ക്ക് മ​റു​പ​ടി ന​ൽ​കു​ന്നു. രാ​വി​ലെ ഒ​മ്പ​തുമു​ത​ൽ അ​ഞ്ചുവ​രെ പാ​ലി​യം ഇ​ന്ത്യ​യി​ൽ സ​ന്ന​ദ്ധ​സേ​വ​നം ന​ട​ത്തു​ന്ന ആ​ഷ്​​ല, വൈ​കീട്ട് 5.30 മു​ത​ൽ 10. 30 വ​രെ സോ​പ്റ സ്​​റ്റെ​രി​യ ക​മ്പ​നി​യി​ൽ സോ​ഫ്റ്റ് വെ​യ​ർ അ​ന​ലി​സ്​​റ്റാ​യി ജോ​ലി​യും ചെ​യ്യു​ന്നു.

ashla-rani
ആ​ഷ്​​ല റാ​ണി അമ്മയോടൊപ്പം
 


പൂ​ർ​ണ ആ​രോ​ഗ്യ​വ​തി​യാ​യി​രു​ന്ന കാ​ല​ത്തേ​ക്കാ​ൾ കൂ​ടു​ത​ൽ സ​മ​യം ഇ​ന്ന് ജോ​ലി ചെ​യ്യു​ന്ന ആ​ഷ്​​ല പ​റ​യു​ന്ന​ത്, ക​ഴി​ഞ്ഞ 28 വ​ർ​ഷം ചെ​യ്ത​തി​നേ​ക്കാ​ൾ ഒ​ട്ടേ​റെ അ​ർ​ഥ​വ​ത്താ​യ കാ​ര്യ​ങ്ങ​ൾ ഇ​ന്ന് ത​നി​ക്ക് ചെ​യ്യാ​നാ​വു​ന്നു​ണ്ടെ​ന്നാ​ണ്. സം​ഭ​വി​ച്ച​തി​നെ​യെ​ല്ലാം പോ​സി​റ്റിവാ​യി കാ​ണു​ന്ന ആ​ഷ്​​ല ഡി​സ​ബി​ലി​റ്റി ആ​ക്ടി​വി​സ​ത്തിെ​ൻ​റ ഭാ​ഗ​മാ​യി മാ​ർ​ച്ചി​ൽ അ​മേ​രി​ക്ക​യി​ലേക്ക്​ പോ​കാ​നൊ​രു​ങ്ങു​ക​യാ​ണ്. സം​സ്ഥാ​ന യു​വ​ജ​ന​ക്ഷേ​മ​ ബോ​ർ​ഡിെൻ​റ ഇ​ത്ത​വ​ണ​ത്തെ യൂ​ത്ത് െഎ​ക്ക​ൺ പു​ര​സ്കാ​രം നേ​ടി​യ ആ​ഷ്​​ല​ക്ക് പ​റ​യാ​നു​ള്ള​ത് മു​ഴു​വ​ൻ ജീ​വി​ത​ത്തി​ൽ പൊ​ടു​ന്ന​നെ കി​ട​പ്പി​ലാ​യിപ്പോ​യ രോ​ഗി​ക​ൾ​ക്ക് ഒ​രു പ​രി​ഷ്കൃ​ത സ​മൂ​ഹ​മെ​ന്ന നി​ല​യി​ൽ നാം ​ചെ​യ്തു​ന​ൽ​കേ​ണ്ട കാ​ര്യ​ങ്ങ​ളെ​ക്കു​റി​ച്ചാ​ണ്. വീ​ൽ​ചെ​യ​റു​ക​ൾ​ക്ക് സ​ഞ്ച​രി​ക്കാ​വു​ന്ന റോ​ഡു​ക​ളും ക‍യ​റാ​വു​ന്ന ഒാ​ഫി​സു​ക​ളു​മൊ​ക്കെ​യു​ള്ള, വീ​ണു​പോ​യ​വ​രെ എ​ല്ലാ നി​ല​ക്കും ചേ​ർ​ത്തുപി​ടി​ക്കു​ന്ന കേ​ര​ള​മാ​ണ് അ​വ​രു​ടെ സ്വ​പ്നം. ജീ​വി​ത​യാ​ത്ര​യി​ൽ വീ​ണു​പോ​യ സ​ഹ​ജീ​വി​യെ സ​ഹാ​യി​ക്കേ​ണ്ട​ത് മ​റ്റു​ള്ള​വ​രു​ടെ ഉ​ത്ത​ര​വാ​ദി​ത്ത​വും അ​ത് ചോ​ദി​ച്ചു​വാ​ങ്ങേ​ണ്ട​ത് രോ​ഗി​ക​ളു​ടെ അ​വ​കാ​ശ​വു​മാ​ണെന്ന് പ​ഠി​പ്പി​ച്ച ഡോ. ​രാ​ജ​ഗോ​പാ​ലാ​ണ് ആ​ഷ്​ല​യു​ടെ വ​ഴി​കാ​ട്ടി. ത​ന്നേ​ക്കാ​ൾ അ​വ​ശ​രാ​യ​വ​ർ​ക്ക് ക​ഴി​യാ​വു​ന്ന​തെ​ല്ലാം ചെ​യ്തു​കൊ​ടു​ക്കാ​ൻ നി​റ​ഞ്ഞ​പു​ഞ്ചി​രി​യു​മാ​യി ച​ക്ര​ക​സേ​ര​യി​ൽ അ​തി​വേ​ഗം സ​ഞ്ച​രി​ക്കു​ക​യാ​ണ് ആ​ഷ്​ല​. “ഒ​രു അ​പ​ക​ടം പ​റ്റി​പ്പോ​യ​തു ​കൊ​ണ്ട് വെ​റു​തെ കി​ട​ക്ക​യി​ൽ തീ​രേ​ണ്ട​ത​ല്ല ആ​രു​ടെ​യും ജീ​വി​തം. രോ​ഗ​വും അ​പ​ക​ട​വും മ​റ്റു​ള്ള​വ​ർ​ക്ക് മാ​ത്രം സം​ഭ​വി​ക്കു​ന്ന​ത​ല്ല, അ​വ ആ​ർ​ക്കും എ​പ്പോ​ഴും വ​രാ​മെ​ന്നോ​ർ​ക്കു​ക’’​-ആ​ഷ്​ലയു​ടെ വാ​ക്കു​ക​ൾ ന​മ്മ​ൾ കേ​ൾ​ക്കു​ന്നു​ണ്ടോ...

COMMENTS