‘േകാക്രി’കൾക്കൊപ്പം ചേരാം, അൽപം ക്രിയേറ്റിവിറ്റിയാവാം

വെറുതെ ഇരിക്കു​േമ്പാൾ വീട്ടുകാരെ കോക്രി കാട്ടിയാൽ ചിലപ്പോൾ വഴക്കുകേ​ട്ടെന്നുവരും. എന്നാൽപിന്നെ നാട്ടുകാരെയും കൂട്ടുകാരെയും ​േകാക്രി കാട്ടിയാലോ. കോവിഡ്​ ലോക്​ഡൗൺ കാലത്ത്​ ഉറങ്ങിക്കിടക്കുന്ന​ സർഗവാസനങ്ങൾ പുറത്തെടുക്കുകയാണ്​ ​േഫസ്​ബുക്കിലെ ‘കോക്രി’ സംഘം.

‘കൊറോണ കാലത്തെ ക്രിയേറ്റിവിറ്റി’യെ ചുരുക്കിയാണ്​ ഇവർ ‘കോക്രി’ ആക്കിയത്​. പേരുപോലെ തന്നെ കൂട്ടായ്​മ നിങ്ങളിലെ കഴിവുകൾ പുറത്തെടുപ്പിക്കും. ഒരു കൂട്ടം യുവ ടെക്കികൾ തുടങ്ങിയ കൂട്ടായ്​മയാണ്​ കോക്രി. ഇതിൽ വീട്ടിലിരുന്ന്​ തയാറാക്കുന്ന എന്തും നിങ്ങൾക്ക്​ ​േപാസ്​റ്റ്​ ചെയ്യാം. ചുരുങ്ങിയ ദിവസങ്ങൾക്കുള്ളിൽതന്നെ വൻ സ്വീകാര്യതയാണ്​ ഗ്രൂപ്പിന്​ ലഭിച്ചത്​.

ടി.വിയിലും മൊബൈലിലും നോക്കിയിരുന്ന്​ കോവിഡ്​ വാർത്തകൾ കണ്ട്​ മനസ്സുമടുക്കാതെ പുത്തൻ കണ്ടുപിടുത്തങ്ങൾ നടത്തി ഗ്രൂപ്പിൽ അവയുടെ ചിത്രങ്ങളും വിഡിയോകളുമൊക്കെ പങ്കുവെക്കാം. വീട്ടിലിരുന്ന്​ ഒറ്റപ്പെടൽ അനുഭവിക്കുന്നവർക്കും മാനസിക സംഘർഷങ്ങൾ അനുഭവിക്കുന്നവർക്കും കോക്രി ആശ്വാസമാകുകയാണ്​.

പാചകം, ചിത്രരചന, നൃത്തം, പാട്ട്​, കരകൗശല വേലകൾ, കൈവേലകൾ തുടങ്ങിയവക്ക്​ പുറമെ ഫോ​ട്ടോഗ്രഫിയും അടുക്കളതോട്ട നിർമാണവും പൂന്തോട്ടനിർമാണവും കോക്രി പേജിൽ നിറയുന്നുണ്ട്​. നാലു ദിവസത്തിനുള്ളിൽ 2000 ഫത്തോളം ഫോ​ട്ടോകളാണ്​ ​ഗ്രൂപ്പിൽ ​അംഗങ്ങൾ പോസ്​റ്റ്​ ചെയ്​തത്​. 2000ത്തിൽ അധികം അംഗങ്ങളും ഗ്രൂപ്പിലുണ്ട്​.

മൊബൈലും ടി.വിയും നോക്കിയിരുന്ന്​ ഏറെ നെഗറ്റീവായി പോകുന്ന മനസുകൾക്ക്​ ഒരു ശുശ്രൂഷയാണ്​ കോക്രി പേജി​​​െൻറ ലക്ഷ്യമെന്ന്​ ഈ ആശയത്തി​​​െൻറ അമരക്കാരി കളമശ്ശേരി സ്വദേശിയും യുവ എൻജിനീയറുമായ ഗീതു മോഹൻ ദാസ്​ പറയുന്നു. ‘ലെറ്റ്​ അസ്​ ഗോ ഫോർ എ ക്യാമ്പ്’​ എന്ന യാത്രാ സംഘമാണ്​ ഈ കൂട്ടായ്​മയുടെ പ്രവർത്തനം ഏ​േകാപിപ്പിക്കുന്നത്​. പ്രസാദ്​, അദീഷ്​ ജയകുമാർ, സങ്കീർത്ത്​ ശ്രീശൻ, ടി.പി. റംഷാദ്​, അനശ്വര കൃഷ്​ണൻ, ചേതസ്​ പവിത്രൻ, അർഷാദ്​ ഖാൻ തുടങ്ങിയ പതിനാലംഗ സംഘമാണ്​ അണിയറ പ്രവർത്തകർ. ​

കോക്രിയിൽ പോസ്​റ്റ്​ ചെയ്​ത ചില ചിത്രങ്ങൾ കാണാം