നമ്മുടെ കുട്ടികളെ മിടുക്കരായി വളർത്താം!

ഇന്ന്​ ഒരു ശരാശരി മലയാളിയുടെ ആശങ്കകളുടെ പട്ടികയിൽ ഒന്നാം സ്​ഥാനത്താണ്​ കുട്ടികളുടെ സ്വഭാവം, പഠനം, ഭാവി എന്നി വയെക്കുറിച്ചുള്ള ചിന്തകൾ. മുൻകാലങ്ങളെ അപേക്ഷിച്ച്​ കൗൺസലർമാരുടെ അടുത്ത്​ കുട്ടികളുടെ പ്രശ്​നങ്ങളുമായി എത്ത ുന്ന മാതാപിതാക്കളുടെ എണ്ണം ക്രമാതീതമായി വർധിച്ചിരിക്കുന്നു. മക്കൾക്ക്​ കൗമാര ​പ്രായമാകുന്നതോടെ മാതാപിതാക് കളുടെ മനസ്സ്​ ആശങ്കൾകൊണ്ട്​ നിറയുകയാണ്​.

ഇൗ വിഷയത്തിലെ പ്രധാന പോരായ്​മ കുട്ടികൾ സമൂഹത്തിൽ എന്തെങ്കിലു ം തരത്തിലുള്ള പ്രശ്​നങ്ങൾ സൃഷ്​ടിക്കു​േമ്പാൾ മാത്രമാണ്​ മാതാപിതാക്കൾ അവരുടെ ‘സ്വഭാവം നന്നാക്കാനായി’ ശ്രമിക ്കുന്നത്​ എന്നതാണ്​. രോഗം രൂക്ഷമായതിന്​ ശേഷം ചികിത്സ തേടുന്നതിന്​ തുല്യമാണിത്​. അതുകൊണ്ട്​ ചെറുപ്രായം മുതൽ കുഞ്ഞുങ്ങളെ വളർത്തിക്കൊണ്ടു വരു​േമ്പാൾ അവരുടെ സ്വഭാവ രൂപവത്​കരണത്തിൽ ശ്രദ്ധിക്കുകയാണ്​ വേണ്ടത്​​. നിത്യജ ീവിതത്തിൽ അൽപം ചില കാര്യങ്ങൾ പ്രാവർത്തികമാക്കിയാൽ നമുക്ക്​ കുട്ടികളെ മിടുക്കരായും ധാർമികബോധത്തോടെയും വളർ ത്തിക്കൊണ്ടുവരാൻ കഴിയും.

സാമൂഹിക പശ്ചാത്തലം, കുടുംബ പശ്ചാത്തലം, കൂട്ടുകാർ, അധ്യാപകർ തുടങ്ങി നിരവധി കാര്യ ങ്ങളുടെ സ്വാധീനം ഒരു വ്യക്​തിയുടെ സ്വഭാവരൂപവത്​കരണത്തിൽ പങ്കു വഹിക്കുന്ന​ുണ്ടെങ്കിലും കുട്ടികൾ ഏറ്റവും അടുത്ത്​ ഇടപഴകുന്ന മാതാപിതാക്കളും വീട്ടിലുള്ള മറ്റ്​ അംഗങ്ങളുമാണ്​ അവരുടെ ജീവിതത്തിൽ ഏറ്റവും കൂടുതൽ സ്വാധീനം ചെലുത്തുന്നത്​. അതുകൊണ്ടുതന്നെ കുട്ടികൾ കണ്ടു വളരുന്ന വീട്ടിലെ പെരുമാറ്റ രീതികളുടെ കാര്യത്തിൽ കർശനമായ ശ്രദ്ധ പുലർത്തേണ്ടിയിരിക്കുന്നു.

കുട്ടികൾ കാണാനാഗ്രഹിക്കുന്ന നല്ല പെരുമാറ്റങ്ങളുടെ മാതൃകകളായിരിക്കണം വീട്ടിൽ ഉണ്ടായിരിക്കേണ്ടത്​. കുഞ്ഞുങ്ങളെ എപ്പോഴും ശകാരിച്ചും ശിക്ഷിച്ചും വളർത്തിയാൽ അവർ മറ്റുള്ള​വരോടും അതേരീതിയിൽ തന്നെയായിരിക്കും പെരുമാറുക. പരസ്​പര ബഹുമാനത്തോടെയും സ്​നേഹത്തോടെയും പെരുമാറുന്ന മാതാപിതാക്കളുടെ കുഞ്ഞുങ്ങൾ അതുപോലെത്തന്നെയായിരിക്കും അവരോട്​ തിരിച്ചും സമൂഹത്തിലെ മറ്റുള്ളവരോടും പെരുമാറുക.

ദിനചര്യകളുടെ കാര്യത്തിലും കുഞ്ഞുങ്ങൾക്ക്​ ചെറുപ്പത്തിലേ പരിശീലനം നൽകുകയും അതോടൊപ്പം അവ പ്രാവർത്തികമാക്കി അവർക്ക്​ മാതൃകയാവുകയും വേണം. ശരീര ശുചിത്വത്തി​​​​​െൻറ ഭാഗമായി കുളി, കൈ കഴുകൽ, പല്ലും വായും വൃത്തിയാക്കൽ, മലമൂത്ര വിസർജനം എന്നിവയിൽ വളരുന്ന പ്രായത്തിൽ തന്നെ പരിശീലനം നൽകുകയും ശുചിത്വത്തി​​​​​െൻറ ആവശ്യകത അവർക്ക്​ മനസ്സിലാക്കിക്കൊടുക്കുകയും വേണം. അതുപോലെത്തന്നെ ആഹാരം കഴിക്കൽ, ഉറക്കം, പുസ്​തകങ്ങളും മറ്റും സൂക്ഷിച്ചുവെക്കൽ തുടങ്ങി ദൈനംദിന പ്രവൃത്തികൾ അടുക്കും ചിട്ടയോടും കൂടെ സ്വയം ചെയ്യാൻ അവരെ പ്രാപ്​തരാക്കണം.

ആൺകുട്ടികളായാലും പെൺകുട്ടികളായാലും പക്ഷഭേദമില്ലാതെ ഒരുപോലെ ഇത്തരം കാര്യങ്ങൾ നിർബന്ധിച്ച്​ പരിശീലിപ്പിക്കണം. വളരുന്നതോടെ ഭക്ഷണം കഴിച്ച പാത്രങ്ങൾ കഴുകിവെക്കാനും പാചകം ചെയ്യാനും കുട്ടികൾ പഠിച്ചിരിക്കണം. കുട്ടികളിൽ കാണുന്ന നല്ല പെരുമാറ്റങ്ങളെ പരസ്യമായിത്തന്നെ അഭിനന്ദിക്കുകയും പ്രോത്സാഹിപ്പിക്കുകയും ​േവണം. അതേസമയം, മോശമായ പ്രവൃത്തികളെയും വാക്കുകളെയും പെരുമാറ്റങ്ങളെയും അവഗണിക്കുകയാണ്​ വേണ്ടത്​. മോശം കാര്യങ്ങളോട്​ പ്രതികൂലമായി പ്രതികരിച്ചാൽ ചെറിയ കുട്ടികളാണെങ്കിൽ അവ ഒാർമിച്ചുവെക്കാനും പിന്നീട്​ സമാന സാഹചര്യത്തിൽ ആവർത്തിക്കാനും സാധ്യതയുണ്ട്​.

അടി, നുള്ളൽ, വഴക്ക്​, പരിഹാസം, ഭീഷണി, മറ്റു കുട്ടികളുമായി താരതമ്യം ചെയ്യൽ എന്നിവ പൂർണമായും ഒഴിവാക്കണം. കുട്ടികളുടെ സ്വാഭാവിക വളർച്ചയെ മുതിർന്നവരിൽനിന്നുള്ള ഇത്തരം പെരുമാറ്റം പ്രതികൂലമായി ബാധിക്കും. വീട്ടിൽ എല്ലാ കാര്യങ്ങൾക്കും വ്യക്​തമായ നിയമങ്ങൾ ഉണ്ടാക്കുകയും അവ എല്ലാവർക്കും ഒരു പോലെ ബാധകമാക്കുകയും വേണം. പ്രത്യേക പരിഗണന ലഭിക്കുന്നതായി കുട്ടികൾക്ക്​ ഒരിക്കലും തോന്നരുത്​. അത്​ അവരെ ദുർവാശിക്കാരായി മാറ്റും.

രക്ഷിതാക്കളെ നിയന്ത്രിക്കാൻ കുട്ടികളെ ഒരിക്കലും അനുവദിക്കരുത്​. ശിക്ഷയല്ല, മറിച്ച്​ വ്യക്​തമായ നിർദേശങ്ങളും ക്ഷമയോടെയുള്ള വിശദീകരണങ്ങളും മാതൃകാ പ്രവർത്തനങ്ങളുമാണ്​ കുട്ടികൾക്ക്​ നൽകേണ്ടത്​. കുട്ടികളെ അനുസരിപ്പിക്കാനായി നിയമപരിപാലനം മറ്റൊരാളുടെ തലയിൽ ഒരിക്കലും കെട്ടിവെക്കരുത്​. ഉദാഹരണത്തിന്​ ഭൂതം വരും, പൊലീസ്​ പിടിക്കും, ടീച്ചർ അടിക്കും, പുലി വരും, ഡോക്​ടർ ഇൻജക്​ഷൻ ചെയ്യും തുടങ്ങിയ ഭീഷണികൾ ഒഴിവാക്കുക.

അപരിചിതരെപ്പോലും ആത്മവിശ്വാസത്തോടെ നേരിടാനും അഭിമുഖീകരിക്കാനുമുള്ള കഴിവ്​ അവർക്ക്​ നൽകണം. വീട്ടിൽ അതിഥികൾ വരു​േമ്പാൾ അവരോട്​ മര്യാദയോടെ പെരുമാറാനും സംസാരിക്കാനും അവരെ പരിശീലിപ്പിക്കണം. അമിത വാത്സല്യവും പരിഗണനയും സംരക്ഷണവും സഹായവും അവര​ുടെ വളർച്ചയെ പ്രതികൂലമായി ബാധിക്കും. അതുകൊണ്ടു തന്നെ നടക്കാൻ പഠിച്ചുകഴിഞ്ഞാൽ ആവശ്യമില്ലാതെ അവരെ എടുത്ത്​ നടക്കരുത്​. സ്വയം ഭക്ഷണം കഴിക്കാൻ പഠിച്ചാൽ ഭക്ഷണം വാരിക്കൊടുക്കുന്ന രീതി നിർത്തണം. എല്ലാ കാര്യത്തിലും ഇൗ രീതി പിന്തുരുക. അവരെ സ്വയം പര്യാപ്​തരാകുന്നതിന്​ തടസ്സം നിൽക്കുന്ന സഹായങ്ങൾ അവസാനിപ്പിക്കുക.

(കോഴിക്കോട്​ മിംസ്​ ഹോസ്​പിറ്റൽ പീഡിയാട്രിക്​ വിഭാഗം സീനിയർ കൺസൽട്ടൻറ്​ ആണ് ലേഖകൻ)