വൈകിയുറങ്ങിയാൽ വൈകാതെ രോഗിയാവും

  • നിരന്തരമായി ഉറക്കം കുറയുന്നവരിൽ ഒാർമക്കുറവ്​ ധാരാളമായി കണ്ടു വരുന്നുണ്ട്​. വിദ്യാർഥികളിൽ ഇത്​ പഠന വൈകല്യത്തിനും കാരണമാകുന്നുണ്ട്.

lack of sleeping

പുതുതലമുറയിൽപെട്ട ഭൂരിപക്ഷം പേരും വൈകിയുറങ്ങുന്നവരാണ്​. അർധരാത്രിവരെയെങ്കിലും സിനിമ കണ്ടും മൊബൈലിൽ ചാറ്റ്​ ചെയ്​തും സോഷ്യൽ മീഡിയകളിൽ അഭിരമിച്ചും സമയംപോക്കു​േമ്പാൾ ഇക്കൂട്ടർ അറിയുന്നില്ല, ഇ​വ രോഗങ്ങളുടെ ലോകത്തേക്കുള്ള യാത്രയാണെന്ന്​​. യാത്രകളും നൈറ്റ്​ പാർട്ടികളും യൂറോപ്യൻ രാജ്യങ്ങളിൽ നടക്കുന്ന ക്രിക്കറ്റ്​-ഫുട്​​ബാൾ മാച്ചുകളും നമ്മുടെ യുവത്വത്തി​​​​െൻറ ഉറക്കം ഒ​െട്ടാന്നുമല്ല കളയുന്നത്​. ഇതിനോടൊപ്പം കൂട്ടിവായിക്കേണ്ടതാണ്​ വർധിച്ചുവരുന്ന ജീവിതശൈലീ രോഗങ്ങളെക്കുറിച്ചുള്ള വാർത്തകളും. യുവാക്കളിൽ ഒാർമക്കുറവ്​, ഏകാഗ്രതക്കുറവ്, ​പ്രമേഹം, പൊണ്ണത്തടി, ചർമരോഗങ്ങൾ, കരൾരോഗങ്ങൾ എന്നിവ വലിയതോതിൽ വർധിച്ചുവരുന്നതായാണ്​ പഠനങ്ങൾ സൂചിപ്പിക്കുന്നത്​. 

കൃത്രിമ ഘടകങ്ങൾ അടങ്ങിയ ഭക്ഷണം, വിശ്രമമില്ലായ്​മ, വ്യായാമമില്ലായ്​മ, മാനസികസമ്മർദം, രാസവസ്​തുക്കളുടെ ഉപയോഗം തുടങ്ങി നിരവധി കാരണങ്ങളാണ്​ ആധുനികകാലത്തെ ജീവിതശൈലീ രോഗങ്ങൾക്ക്​ കാരണമായി ചൂണ്ടിക്കാണിക്കാനുള്ളത്​. ഇതിൽ പ്രധാനപ്പെട്ട ഒന്നാണ്​ ഉറക്കക്കുറവ്​. വൈദ്യുതി സാർവത്രികമായതോടെയാണ്​ രോഗങ്ങൾ മനുഷ്യരിൽ ഇ​ത്രയധികം കൂടിയതെന്ന്​ പ്രകൃതിചികിത്സ വിദഗ്​ധർ പറയാറുണ്ട്​. മുൻകാലങ്ങളിൽ സന്ധ്യ കഴിഞ്ഞാൽ വിളക്കൂതിക്കെടുത്തി ഉറങ്ങുകയും സൂര്യനുദിച്ചാൽ എഴുന്നേറ്റ്​ ശാരീരിക വ്യായാമമുള്ള ജോലികളിൽ ഏർപ്പെടുകയും ചെയ്​തുവന്നിരുന്ന തലമുറ, വൈദ്യുതി ബൾബി​​​​െൻറ വെളിച്ചത്തിൽ ടെലിവിഷൻകണ്ടും ​െ​െമാബൈലിൽ നോക്കിയും ഉറങ്ങാൻ വൈകിത്തുടങ്ങി. വൈദ്യുതിയുടെ ആവിർഭാവത്തോടെയുണ്ടായ യന്ത്രവത്​കരണവും  വാഹനങ്ങളുടെ ആധിക്യവും നടത്തമടക്കമുള്ള മിനിമം വ്യായാമം പോലും ഇല്ലാതാക്കിക്കളഞ്ഞതാണ്​ രോഗകാരണമായി ഇക്കൂട്ടർ ചൂണ്ടിക്കാട്ടുന്നത്​.    

എത്രയൊക്കെ ആരോഗ്യസംരക്ഷണം നടത്തിയാലും രാത്രി കൃത്യമായി  ഉറങ്ങിയില്ലെങ്കില്‍ അത്​ രോഗകാരണമാവും. പ്രായപൂര്‍ത്തിയായ ഒരാള്‍ ദിവസവും ചുരുങ്ങിയത് ഏഴ്-എട്ട് മണിക്കൂര്‍ ഉറങ്ങണമെന്നാണ്​ ഇൗ അടുത്ത കാലത്ത്​ നടത്തിയ പഠനങ്ങൾ പോലും പറയുന്നത്​. കൗമാരപ്രയത്തിലെത്തിയവരും വിദ്യാർഥികളും കുറഞ്ഞത്​ 10 മണിക്കൂറെങ്കിലും ഉറങ്ങണം. പ്രായപൂർത്തി എത്തിക്കഴിഞ്ഞാൽ ദിവസം എട്ട്​ മണിക്കൂറാണ്​ ആരോഗ്യവിദഗ്​ധർ ആവശ്യപ്പെടുന്ന ഉറക്കത്തി​​​​െൻറ സമയം.

ഉറക്കത്തി​​​​െൻറ ദൈർഘ്യം കുറഞ്ഞാൽ അത്​ ശരീരത്തി​​​​െൻറ ചയാപചയ പ്രവർത്തനങ്ങൾ (Metabolism) താറുമാറാക്കും. ഹൃദയം, കരൾ, വൃക്കകൾ, ശ്വാസകോശം തുടങ്ങിയ ആന്തരികാവയവങ്ങളുടെ പ്രവർത്തനങ്ങൾ ഏകോപിക്കുന്നതിന്​ തലച്ചോറിന്​ തുടർച്ചയായി എട്ട്​ മണിക്കൂറെങ്കിലും ഇടവിടാതുള്ള വിശ്രമം ആവശ്യമാണ്​. കരൾ അതിൽ അടിഞ്ഞുകൂടിയിട്ടുള്ള വിഷാംശങ്ങൾ ശുദ്ധീകരിക്കുന്നത്​ രാത്രിയാണ്​. ഉറക്കം തകരാറിലാവു​േമ്പാൾ ഇവയുടെയെല്ലാം താളം തെറ്റുകയും തുടർച്ചയായ ഉറക്കപ്രശ്​നങ്ങൾ ശരീരത്തെ രോഗങ്ങളിലേക്ക്​ നയിക്കുകയും ചെയ്യും.

ഒാർമകൾ ഇല്ലാതാകും
നിരന്തരമായി ഉറക്കം കുറയുന്നവരിൽ ഒാർമക്കുറവ്​ കണ്ടുവരുന്നുണ്ട്​. വിദ്യാർഥികളിൽ ഇത്​ പഠനവൈകല്യത്തിനും കാരണമാകുന്നുണ്ട്. മറവിരോഗത്തിന് കാരണമായി ശാസ്ത്രം കണ്ടെത്തിയ തലച്ചോറിലെ ബീറ്റ അമിലോയിഡ് പ്രോട്ടീന്‍ ഉറക്കക്കുറവുള്ളവരിൽ കൂടുതലായി ഉല്‍പാദിപ്പിക്കപ്പെടുമെന്ന്​ ഗവേഷകർ മുന്നറിയിപ്പ്​ നൽകുന്നു. നന്നായി ഉറങ്ങിയാല്‍ ഈ പ്രോട്ടീന്‍ കൂടുന്നത് ശരീരം ബാലന്‍സ് ചെയ്യും. കൂടാതെ ഉറക്കക്കുറവുള്ളവരുടെ തലച്ചോറില്‍ ‘ടോ’ എന്നുപേരുള്ള ഒരുതരം ​മാംസ്യത്തി​​​​െൻറ സാന്നിധ്യം ക്രമാതീതമായി കൂടുമെന്നും അത്​ മറവിരോഗത്തിലേക്ക് നയിക്കുമെന്നും വാഷിംഗ്ടണ്‍ യൂനിവേഴ്‌സിറ്റിയിലെ ഗവേഷകര്‍ നടത്തിയ പഠനത്തിൽ കണ്ടെത്തിയിട്ടുണ്ട്​. അൽഷൈമേഴ്സ് രോഗവും ഉറക്കക്കുറവും തമ്മിൽ വളരെയധികം ബന്ധമുണ്ടെന്നും കണ്ടെത്തലുകളിലുണ്ട്​. 60 വയസ്സ്​ കഴിഞ്ഞ 119 പേരിലാണ് പഠനം നടത്തിയത്. ‘ടോ’ യുടെ സാന്നിധ്യം വര്‍ധിക്കുകയും തലച്ചോറിലെ ചില പ്രധാന കോശങ്ങള്‍ നശിക്കുകയും ചെയ്യുന്നതാണ്​ ഒാർമക്കുറവ്​ സൃഷ്​ടിക്കുന്നത്​.

അപകടകരമായ ഏകാഗ്രതക്കുറവ്  
വർധിച്ചുവരുന്ന വാഹനാപകട വാർത്തകൾ ശ്രദ്ധിച്ചാൽ അതിൽ ഭൂരിപക്ഷവും പുലർകാലത്തും അർധരാത്രിക്കുശേഷവും ഉച്ചക്കുശേഷവും നടക്കുന്നതായി കാണാം. ഡ്രൈവർമാരിൽ ഉറക്കച്ചടവ്​ സൃഷ്​ടിക്കുന്ന ഏകാഗ്രതക്കുറവാണ്​ ഇതിന്​ കാരണം. എല്ലാ കാര്യങ്ങളിലും പൂര്‍ണമായി ശ്രദ്ധ ചെലുത്താന്‍ ഉറക്കം ആവശ്യമാണ്​. ശാന്തമായ അന്തരീക്ഷത്തിൽ തടസ്സങ്ങളില്ലാതെ ഉറങ്ങിയാല്‍ മാത്രമേ ഉന്മേഷത്തോടെ ഉണരാനും കാര്യങ്ങള്‍ കൃത്യമായി ചെയ്യാനും കഴിയുകയുള്ളൂ.

പ്രമേഹം പിടിപെടാനുള്ള സാധ്യത രണ്ടിരട്ടി
പ്രമേഹരോഗമില്ലാത്തവരിൽ പോലും രാത്രിമുഴുവൻ ഉറക്കമൊഴിച്ചശേഷം പരി​േശാധിച്ചാൽ രക്​തത്തിൽ പഞ്ചസാരയുടെ സാന്നിധ്യം കൂടുന്നതായിക്കാണാം. പ്രമേഹരോഗികളിൽ ഉറക്കക്കുറവ്​ രോഗം വഷളാക്കുന്നതായി കണ്ടെത്തിയിട്ടുണ്ട്​. അതുകൊണ്ടുതന്നെ മറ്റുള്ളവരെ അപേക്ഷിച്ച്​ ഉറക്കം കുറവുള്ളവരിൽ  പ്രമേഹം പിടിപെടാനുള്ള സാധ്യത രണ്ടിരട്ടിയാണ്. 
ശരീരത്തിലെ ഇൻസുലി​​​​െൻറ ചയാപചയ പ്രവർത്തനങ്ങൾ (InsulinMetabolism) തടസ്സപ്പെടുന്നതാണ്​ ഇതിന്​ കാരണം. 

ചർമരോഗത്തിന്​ വഴിതുറക്കും 
പകല്‍ സമയങ്ങളില്‍ തൊലിപ്പുറത്ത്​ പതിക്കുന്ന  അള്‍ട്രാവയലറ്റ് രശ്മികളുടെ ദൂഷ്യഫലങ്ങളില്‍നിന്ന്​ ശരീരം ചര്‍മത്തെ വിമുക്​തമാക്കുന്നത്​ രാത്രിയിൽ ഉറങ്ങുന്ന സമയത്താണ്​. ഇതിന്​ ഏറ്റവും ചുരുങ്ങിയത്​ ആറ്​ മണിക്കൂർ നേരമെങ്കിലും തുടർച്ചയായി, ഇടയിൽ ഉണരാതെ ഉറങ്ങേണ്ടതുണ്ട്​. നല്ല ഉറക്കം ലഭിക്കാത്തവരില്‍ കടുത്ത ത്വഗ്​രോഗങ്ങള്‍ സാധാരണമാണ്​. രാത്രി ഷിഫ്​റ്റുകളിൽ ജോലിചെയ്യുന്നവരിൽ ചർമരോഗത്തിനുള്ള സാധ്യത ഇരട്ടിയിലധികമാണെന്ന്​ ലോകാരോഗ്യ സംഘടന മുന്നറിയിപ്പ്​ നൽകിയിട്ടുണ്ട്​. രാത്രി​േജാലിക്കാരിൽ കാണുന്ന മാനസിക സമ്മർദം, പൈൽസ്​ എന്നിവയുടെ കാരണവും ഉറക്കക്കുറവു​തന്നെ. 

പൊണ്ണത്തടിയന്മാരാകും 
ശരീരത്തിൽ കൊഴുപ്പ്​ അടിഞ്ഞുകൂടുന്നതും ഉറക്കക്കുറവും തമ്മില്‍ നേരിട്ട്​ ബന്ധമുണ്ട്. ഉറക്കം കുറയു​േമ്പാൾ ശരീരത്തി​​​​െൻറ ഹോര്‍മോണുകൾ കൃത്യമായി ഉൽ​പാദിപ്പിക്കപ്പെടാതിരിക്കുകയും ഹോർമോണുകളുടെ അസന്തുലിതാവസ്​ഥമൂലം ശാരീരിക പ്രവർത്തനങ്ങൾ തകരാറിലാവുകയും ചെയ്യും. കൂടാതെ ഉറക്കം കുറഞ്ഞാൽ വിശപ്പ്​ കൂടുകയും കൂടുതൽ ആഹാരം കഴിക്കാൻ നിർബന്ധിതരാകുകയും ചെയ്യും. 

ഉറക്കച്ചടവുള്ളവർ മടിയന്മാരും വ്യായാമമോ മറ്റു​ ജോലികളിലോ ഏർപ്പെടാൻ കഴിയാത്തവരുമായിത്തീരും. ഇതെല്ലാം ശരീരത്തില്‍ കൊഴുപ്പ് അടിഞ്ഞുകൂടുന്നതിനും തുടർന്ന്​ ശരീരഭാരം വര്‍ധിക്കുന്നതിനും കാരണമാവും. ഹൃദയം പിണങ്ങും എട്ടുമണിക്കൂറെങ്കിലും ദിനംപ്രതി ഉറങ്ങാത്തവരുടെ രക്തസമ്മര്‍ദം കുത്തനെ ഉയരുന്നതായി കണ്ടുവരുന്നുണ്ട്​. കൂടാതെ ഉറക്കക്കുറവ്​ ​ശരീരത്തിൽ കൊഴുപ്പി​​​​െൻറ സാന്നിധ്യം ഉയർത്തുകയും തുടർന്ന്​ ​രക്​തത്തിൽ കൊളസ്​ട്രോളി​​​​െൻറ അളവ്​ വർധിപ്പിക്കുകയും ചെയ്യുന്നു. ഇതും ഹൃദയധമനികളിൽ തടസ്സം സ​ൃഷ്​ടിച്ച്​ ഹൃദ്രോഗത്തിന്​ കാരണമാകുന്നു.

പ്രതിരോധശേഷി നശിക്കും 
നിരന്തരമായി ഉറക്കമൊഴിക്കുന്നവരിൽ തുടർച്ചയായ അണുബാധ സാധാരണമാണ്​. ശരീരത്തിൽ മുറിവുകളുണ്ടെങ്കിൽ ഉറക്കമൊഴിക്കുന്ന ദിവസങ്ങളിൽ അതിൽ പഴുപ്പ്​ കൂടുന്നതായി കാണാം. ശരീരത്തി​​​​െൻറ പ്ര​തിരോധശേഷി കുറയുന്നതുകൊണ്ടാണിത്​. ഉറക്കം കൃത്യമായി ലഭിക്കാത്തവരിൽ ശരീരത്തി​​​​െൻറ മെറ്റ​ബോളിസം തകരുന്നതാണ്​ ഇതിനു കാരണം.

മറ്റു രോഗങ്ങൾ
വിട്ടുമാറാത്ത തലവേദന, മൈഗ്രേന്‍, ദഹനപ്രശ്​നങ്ങൾ, കുടലിലെ അൾസർ, അകാലവാർധക്യം, ലൈംഗികശേഷിക്കുറവ്​, അമിതകോപം തുടങ്ങിയ രോഗങ്ങളും ഉറക്കമില്ലായ്​മയുടെ പാർശ്വഫലങ്ങളാണ്​. 

Loading...
COMMENTS