ലോകകപ്പ് ഫുട്ബാൾ; സ്റ്റേഡിയം നിർമാണത്തിലും സംഘാടനത്തിലും പങ്കാളിയായി തിരൂരുകാരൻ

തി​രൂ​ർ: ഖ​ത്ത​റി​ലെ അ​ൽ​ബെ​യ്ത് സ്റ്റേ​ഡി​യ​ത്തി​ൽ ഫു​ട്ബാ​ൾ മാ​മാ​ങ്ക​ത്തി​ന് ഞാ​യ​റാ​ഴ്ച വി​സി​ൽ മു​ഴ​ങ്ങി​യ​പ്പോ​ൾ, ഇ​തേ സ്റ്റേ​ഡി​യ​ത്തി​ന്റെ നി​ർ​മാ​ണ​ത്തി​ൽ തൊ​ഴി​ലാ​ളി​യാ​യും ഇ​പ്പോ​ൾ സം​ഘാ​ട​ന​ത്തി​ലും പ​ങ്കാ​ളി​യാ​യ​തി​ന്റെ ആ​വേ​ശ​ത്തി​ലാ​ണ് തി​രൂ​രു​കാ​ര​ൻ. പൂ​ഴി​ക്കു​ന്ന് തി​രു​ത്തു​മ്മ​ൽ വ​ള​പ്പി​ൽ റ​ഹൂ​ഫ് (46) ആ​ണ് ലോ​ക​ക​പ്പി​നാ​യി എ​ത്തു​ന്ന വി.​വി.​ഐ.​പി​ക​ളെ സ്വീ​ക​രി​ക്കാ​ൻ ഫി​ഫ നി​യോ​ഗി​ച്ച പ്ര​ത്യേ​ക വ​ള​ന്റി​യ​റാ​യി അ​ൽ​ബെ​യ്ത് സ്റ്റേ​ഡി​യ​ത്തി​ലു​ള്ള​ത്.

ഏ​ഴ് വ​ർ​ഷം മു​മ്പ് ഈ ​സ്റ്റേ​ഡി​യ​ത്തി​ന്റെ പ​ണി ന​ട​ക്കു​മ്പോ​ൾ തൊ​ഴി​ലാ​ളി​യാ​യി അ​തി​ന്റെ ഭാ​ഗ​മാ​യി​രു​ന്നു റ​ഹൂ​ഫ്. സ്റ്റേ​ഡി​യ​ത്തി​ൽ വെ​ള്ളം ന​ന​ച്ചും പി​ന്നീ​ട് ടാ​ങ്ക​ർ ലോ​റി​യി​ൽ ഡ്രൈ​വ​റാ​യും നി​ർ​മാ​ണ​ത്തി​ന്റെ ഭാ​ഗ​മാ​യി. അ​ന്ന് ഈ ​സ്റ്റേ​ഡി​യ​ത്തി​ൽ ലോ​ക​ക​പ്പ് വ​രു​മെ​ന്നോ ത​നി​ക്കും അ​തി​ന്റെ ഭാ​ഗ​മാ​കാ​ൻ ക​ഴി​യു​മെ​ന്നോ ഈ ​ഫു​ട്ബാ​ൾ ആ​രാ​ധ​ക​ൻ ക​ണ​ക്കു​കൂ​ട്ടി​യി​രു​ന്നി​ല്ല. എ​ന്നാ​ൽ, ഇ​പ്പോ​ൾ ഒ​മ്പ​ത് പ്ര​ധാ​ന മ​ത്സ​ര​ങ്ങ​ൾ ന​ട​ക്കു​ന്ന ഈ ​സ്റ്റേ​ഡി​യ​ത്തി​ലെ പ്ര​ധാ​ന ചു​മ​ത​ല​യു​ള്ള അം​ഗ​മാ​യി മാ​റി​യ​തി​ലെ സ​ന്തോ​ഷ​ത്തി​ലാ​ണ് റ​ഹൂ​ഫ്.

ഫി​ഫ അ​പേ​ക്ഷ ക്ഷ​ണി​ച്ച​പ്പോ​ൾ ആ​ദ്യം ത​ന്നെ ന​ൽ​കി കാ​ത്തി​രു​ന്നു. എ​ന്നാ​ൽ, മ​റ്റു പ​ല​ർ​ക്കും അ​വ​സ​ര​ങ്ങ​ൾ ല​ഭി​ച്ച​താ​യി അ​റി​ഞ്ഞ​പ്പോ​ൾ പ്ര​തീ​ക്ഷ അ​സ്ത​മി​ച്ചു. അ​വ​സാ​ന​മാ​ണ് വി.​വി.​ഐ.​പി​ക​ൾ ക​ളി കാ​ണാ​ൻ വ​രു​ന്ന സ്ഥ​ല​ത്ത് നി​യോ​ഗി​ച്ചു​കൊ​ണ്ടു​ള്ള ഫി​ഫ​യു​ടെ ഉ​ത്ത​ര​വ് വ​ന്ന​ത്. ക​ടു​ത്ത ബ്ര​സീ​ൽ ആ​രാ​ധ​ക​നാ​യ റ​ഹൂ​ഫി​ന് മു​ൻ​നി​ര​യി​ൽ​നി​ന്ന് ക​ളി കാ​ണാ​നാ​കും എ​ന്ന​താ​ണ് ഏ​റെ സ​ന്തോ​ഷം. പ​രി​ശീ​ല​ന​ത്തി​ന്റെ ഭാ​ഗ​മാ​യി ലോ​ക​ക​പ്പ് മ​ത്സ​ര​ങ്ങ​ൾ ന​ട​ക്കു​ന്ന മു​ഴു​വ​ൻ സ്റ്റേ​ഡി​യ​ങ്ങ​ളും റ​ഹൂ​ഫ് സ​ന്ദ​ർ​ശി​ച്ചി​രു​ന്നു.

അ​ൽ​ബെ​യ്ത് സ്റ്റേ​ഡി​യ​ത്തി​ൽ ക​ളി​യി​ല്ലാ​ത്ത ദി​വ​സ​ങ്ങ​ളി​ൽ ബ്ര​സീ​ൽ ടീ​മി​ന്റെ മ​ത്സ​ര​ങ്ങ​ൾ ന​ട​ക്കു​ന്ന​യി​ട​ങ്ങ​ളി​ൽ പോ​യി ക​ളി കാ​ണാ​നു​ള്ള ടി​ക്ക​റ്റ് റ​ഹൂ​ഫ് സം​ഘ​ടി​പ്പി​ച്ചി​ട്ടു​ണ്ട്.