കാട്ടുമൃഗങ്ങൾക്കറിയില്ലല്ലോ ഈ ജീവന്റെ വില

ക​ൽ​പ​റ്റ: വ​യ​നാ​ട്ടി​ലെ വ​ന്യ​ജീ​വി പ​രാ​ക്ര​മ​ത്തി​ൽ ജീ​വ​നും ജീ​വി​ത​വും ന​ഷ്ട​പ്പെ​ടു​ന്ന​വ​ർ​ക്കി​ട​യി​ൽ, ജീ​വി​ക്കു​ന്ന ര​ക്ത​സാ​ക്ഷി​യാ​ണ് സി.​കെ. സ​ഹ​ദേ​വ​ൻ എ​ന്ന പൊ​തു​പ്ര​വ​ർ​ത്ത​ക​ൻ. കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ൽ പ​രി​ക്കേ​റ്റ് ആ​റു​മാ​സം അ​ബോ​ധാ​വ​സ്ഥ​യി​ലാ​യി മ​ര​ണ​ത്തി​ന്റെ വ​ക്കി​ൽ​നി​ന്ന് ര​ക്ഷ​പ്പെ​ട്ട് ജീ​വി​തം തി​രി​കെ പി​ടി​ച്ച് ക​ര​ക​യ​റി​ക്കൊ​ണ്ടി​രി​ക്കു​ക​യാ​ണ് സു​ൽ​ത്താ​ൻ ബ​ത്തേ​രി മു​ൻ ന​ഗ​ര​സ​ഭ ചെ​യ​ർ​മാ​നാ​യ സ​ഹ​ദേ​വ​ൻ.

നി​ര​ന്ത​ര ചി​കി​ത്സ​യും ദി​വ​സ​വും മു​ട​ങ്ങാ​ത്ത ഫി​സി​യോ​തെ​റ​പ്പി​യും മാ​സ​ത്തി​ലു​ള്ള പ​രി​ശോ​ധ​ന​ക​ളു​മാ​യി ഇ​നി​യും തി​രി​ച്ചു​കി​ട്ടാ​ത്ത ആ​രോ​ഗ്യ​വു​മാ​യി മു​ന്നോ​ട്ടു​പോ​കു​മ്പോ​ഴും ഇ​ട​ക്കി​ടെ അ​ദ്ദേ​ഹം ന​ഗ​ര​സ​ഭ​യി​ലു​​മെ​ത്തും. നി​ല​വി​​ലെ ക്ഷേ​മ​കാ​ര്യ​ സ്ഥി​രം സ​മി​തി അ​ധ്യ​ക്ഷ​നാ​യ സ​ഹ​ദേ​വ​ന്റെ പൂ​ർ​ണാ​രോ​ഗ്യ​ത്തി​ലേ​ക്കു​ള്ള തി​രി​ച്ചു​ന​ട​ത്ത​ത്തി​ന് അ​ത് ഫ​ല​പ്ര​ദ​മാ​കു​മെ​ന്ന് ഡോ​ക്ട​ർ നി​ർ​ദേ​ശി​ക്കു​ക​യാ​യി​രു​ന്നു.

2022 ഫെ​ബ്രു​വ​രി 14 ന് ​രാ​ത്രി ഏ​ഴു​മ​ണി​ക്കാ​ണ് സ​ഹ​ദേ​വ​ന്റെ ജീ​വി​തം മാ​റ്റി​മ​റി​ച്ച അ​പ​ക​ടം സം​ഭ​വി​ക്കു​ന്ന​ത്. വീ​ട്ടി​ലേ​ക്ക് ബൈ​ക്കി​ൽ വ​രു​മ്പോ​ൾ ദേ​ശീ​യ പാ​ത​യി​ൽ സു​ൽ​ത്താ​ൻ ബ​ത്തേ​രി​ക്ക് സ​മീ​പം ദൊ​ട്ട​പ്പ​ൻ​കു​ള​ത്തു​വെ​ച്ച് കു​റു​കെ ചാ​ടി​യ കാ​ട്ടു​പ​ന്നി സ​ഹ​ദേ​വ​നെ ഇ​ടി​ച്ചു താ​ഴെ​യി​ട്ടു. വീ​ഴ്ച​യു​ടെ ആ​ഘാ​ത​ത്തി​ൽ ത​ല​ക്ക് ഗു​രു​ത​ര പ​രി​ക്കേ​റ്റു.

കോ​ഴി​ക്കോ​ട് സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​ക്കി​ടെ 28 ദി​വ​സ​ത്തി​നു​ശേ​ഷം അ​ണു​ബാ​ധ​യു​ണ്ടാ​യി. അ​തോ​ടെ ആ​രോ​ഗ്യ​സ്ഥി​തി മോ​ശ​മാ​യി. ആ​റു മാ​സ​ത്തോ​ളം അ​ബോ​ധാ​വ​സ്ഥ​യി​ലാ​യി​രു​ന്നു. തു​ട​ർ​ന്ന​​ങ്ങോ​ട്ട് ആ​ശു​പ​ത്രി​ക​ൾ മാ​റി മാ​റി ചി​കി​ത്സ​യു​ടെ നാ​ളു​ക​ളാ​യി​രു​ന്നു.

ഭാ​ര്യ ഷീ​ജ​യു​ടെ​യും പ​ഠ​നം​നി​ർ​ത്തി അ​ച്ഛ​നെ പ​രി​ച​രി​ച്ച മൂ​ത്ത​മ​ക​ൾ അ​മൃ​ത​യു​ടെ​യും ഇ​ള​യ​മ​ക​ൾ അ​ർ​ച്ച​ന​യു​ടെ​യും ബ​ന്ധു​ക്ക​ളു​ടെ​യും നി​ര​ന്ത​ര പ​രി​ച​ര​ണ​ത്തി​നും പ്രാ​ർ​ഥ​ന​ക്കു​മൊ​ടു​വി​ൽ ആ​റു​മാ​സ​ത്തി​ന് ശേ​ഷം അ​ദ്ദേ​ഹം ക​ണ്ണു​തു​റ​ന്നു. പ​തി​യെ ജീ​വി​ത​ത്തി​ലേ​ക്ക് ന​ട​ന്നു ക​യ​റി. ഇ​പ്പോ​ഴും ഓ​ർ​മ​ക​ൾ​ക്ക് വ​രു​ന്ന താ​ള​പ്പി​ഴ​ക​ളും സം​സാ​ര​ത്തി​ലെ ചെ​റി​യ പ്ര​യാ​സ​വും കൂ​ടെ​യു​ണ്ട്. വ​ല​തു ഭാ​ഗം ത​ല മു​ത​ൽ താ​ഴെ​വ​രെ ശ​രീ​ര​ത്തി​ന് പൂ​ർ​ണ ആ​രോ​ഗ്യ​വും തി​രി​കെ കി​ട്ടി​യി​ട്ടി​ല്ല.

ചി​കി​ത്സ​യു​ടെ ഭാ​ഗ​മാ​യി 50 ല​ക്ഷ​ത്തോ​ളം രൂ​പ​യാ​ണ് കു​ടും​ബ​ത്തി​ന് ​ചെ​ല​വാ​യ​ത്. ബ​ത്തേ​രി ന​ഗ​ര​സ​ഭ​യി​ലു​ള്ള​വ​രും പാ​ർ​ട്ടി​ക്കാ​രും നാ​ട്ടു​കാ​രും ബ​ന്ധു​ക്ക​ളു​മെ​ല്ലാം സാ​മ്പ​ത്തി​ക​സ​ഹാ​യ​വു​മാ​യി പി​ന്തു​ണ​ച്ചു. വ​നം​വ​കു​പ്പ് ല​ക്ഷം രൂ​പ ന​ഷ്ട​പ​രി​ഹാ​ര​മാ​യി ന​ൽ​കി. നി​ല​വി​ലു​ള്ള ക​ട​ബാ​ധ്യ​ത​ക​ൾ വീ​ട്ടാ​നു​ള്ള വ​ഴി തേ​ടു​ക​യാ​ണ് കു​ടും​ബ​മി​പ്പോ​ൾ.

കാ​ട്ടു​പ​ന്നി സ​ഹ​ദേ​വ​നെ ആ​ക്ര​മി​ച്ചി​ട്ടി​ല്ലെ​ന്നാ​യി​രു​ന്നു വ​നം വ​കു​പ്പി​ന്റെ അ​ന്വേ​ഷ​ണ​ത്തി​ൽ ക​ണ്ടെ​ത്തി​യ​ത്. സം​ഭ​വ​ത്തി​ൽ പാ​ർ​ട്ടി ഭേ​ദ​മെ​ന്യേ വ​നം​വ​കു​പ്പി​നെ ഉ​പ​രോ​ധി​ച്ച സം​ഭ​വം​വ​രെ ഉ​ണ്ടാ​യി. മ​നു​ഷ്യാ​വ​കാ​ശ ക​മീ​ഷ​ൻ വ​രെ ഇ​ട​പെ​ട്ടു. കാ​ട്ടു​പ​ന്നി ഇ​ടി​ച്ച​താ​യി തെ​ളി​വി​ല്ലെ​ന്നാ​യി​രു​ന്നു ബ​ത്തേ​രി ഫോ​റ​സ്റ്റ് ക​ൺ​സ​ർ​വേ​റ്റ​ർ മ​നു​ഷ്യാ​വ​കാ​ശ ക​മീ​ഷ​ന് ന​ൽ​കി​യ റി​പ്പോ​ർ​ട്ട്. ഇ​തി​നെ​തി​രെ വ​നം​മ​ന്ത്രി​യ​ട​ക്കം രം​ഗ​ത്തു​വ​രു​ക​യും ഈ ​റി​പ്പോ​ർ​ട്ട് ത​ള്ളു​ക​യും ചെ​യ്തു. ഇ​ത് പു​ന​ര​ന്വേ​ഷ​ണ​മ​ട​ക്ക​മു​ള്ള ന​ട​പ​ടി​യി​ൽ കൊ​ണ്ടെ​ത്തി​ച്ചു.

കേ​ര​ള​ത്തി​ലെ ഏ​റ്റ​വും വൃ​ത്തി​യു​ള്ള ന​ഗ​ര​മാ​യി സു​ൽ​ത്താ​ൻ ബ​ത്തേ​രി​യെ മാ​റ്റി​യെ​ടു​ക്കാ​ൻ സ​ഹ​ദേ​വ​ൻ ചു​ക്കാ​ൻ​പി​ടി​ച്ചു. ന​ഗ​ര​ത്തി​ൽ എ​ത്തു​ന്ന​വ​ർ​ക്കു മു​ന്നി​ൽ സ​ഹ​ദേ​വ​നെ​ന്ന പേ​ര് ഓ​ർ​മ​പ്പെ​ടു​ത്തും​വി​ധ​മാ​യി​രു​ന്നു അ​ത്. ഇ​നി​യും ആ​രോ​ഗ്യം മെ​ച്ച​പ്പെ​ടു​ത്തി ക​ർ​മ​നി​ര​ത​നാ​കു​മെ​ന്ന ആ​ത്മ​വി​ശ്വാ​സ​വും മ​ന​ക്ക​രു​ത്തു​മാ​യി ജീ​വി​തം മു​ന്നോ​ട്ടു ന​യി​ക്കു​ക​യാ​ണ് ഈ 54​കാ​ര​ൻ.