ഇതാണ് ആ രക്ഷകന്‍; സുധീഷിന് അഭിനന്ദനപ്രവാഹം

കോ​ട്ട​ക്ക​ല്‍: നി​ര്‍ത്തി​യി​ട്ട കാ​ര്‍ പി​റ​കി​ലേ​ക്കു​രു​ണ്ട​തി​നെ​ത്തു​ട​ർ​ന്ന് ഉ​ണ്ടാ​വു​മാ​യി​രു​ന്ന ദു​ര​ന്ത​മൊ​ഴി​വാ​ക്കി ര​ക്ഷ​ക​നാ​യ​ത് കോ​ഴി​ച്ചെ​ന ആ​ര്‍.​ആ​ര്‍.​ആ​ര്‍.​എ​ഫ് ക്യാ​മ്പി​ന് സ​മീ​പം താ​മ​സി​ക്കു​ന്ന പു​ളി​ക്ക​ല്‍ ല​ക്ഷ്മ​ണ​ന്‍റെ​യും സു​മ​തി​യു​ടേ​യും മ​ക​ന്‍ സു​ധീ​ഷ് (30). തി​ങ്ക​ളാ​ഴ്ച ഉ​ച്ച​ക്ക് ര​ണ്ട​ര​യോ​ടെ​യാ​യി​രു​ന്നു കോ​ട്ട​ക്ക​ല്‍ ന​ഗ​ര​ത്തി​ലു​ണ്ടാ​യ അ​പ​ക​ടം. പി​ന്നി​ലേ​ക്ക് വേ​ഗ​ത്തി​ല്‍ സ​ഞ്ച​രി​ച്ച കാ​റി​ല്‍ ഇ​തു​വ​ഴി​യെ​ത്തി​യ സു​ധീ​ഷ് ചാ​ടി​ക്ക​യ​റു​ക​യും വാ​ഹ​നം നി​ര്‍ത്തു​ക​യു​മാ​യി​രു​ന്നു.

ദൃ​ശ്യം സ​മീ​പ​ത്തെ വ്യാ​പാ​ര​സ്ഥാ​പ​ന​ത്തി​ലെ നി​രീ​ക്ഷ​ണ കാ​മ​റ​യി​ല്‍ പ​തി​ഞ്ഞി​രു​ന്നെ​ങ്കി​ലും യു​വാ​വ് ആ​രാ​ണെ​ന്ന് അ​റി​ഞ്ഞി​രു​ന്നി​ല്ല. ഈ ​ദ്യ​ശ്യ​ങ്ങ​ള​ട​ക്കം ’മാ​ധ്യ​മം’ ചൊ​വ്വാ​ഴ്ച വാ​ര്‍ത്ത ന​ല്‍കി​യി​രു​ന്നു. ഇ​തോ​ടെ​യാ​ണ് കോ​ട്ട​ക്ക​ല്‍ കെ.​എ​സ്.​എ​ഫ്.​ഇ ഓ​ഫി​സ് അ​റ്റ​ന്‍ഡ​ന്‍റാ​യ സു​ധീ​ഷാ​ണ് ര​ക്ഷ​ക​നാ​യ​തെ​ന്ന് മ​ന​സ്സി​ലാ​യ​ത്.

ച​ങ്കു​വെ​ട്ടി​യി​ല്‍ നി​ന്ന് ഉ​ച്ച​ഭ​ക്ഷ​ണം ക​ഴി​ച്ച് വ​രു​ന്ന​തി​നി​ടെയാ​ണ് നി​ര്‍ത്തി​യി​ട്ട വാ​ഹ​നം വേ​ഗ​ത്തി​ല്‍ പി​റ​കി​ലേ​ക്ക് പോ​കു​ന്ന​തും കാ​റി​ലു​ണ്ടാ​യി​രു​ന്ന കു​ട്ടി​യ​ട​ക്ക​മു​ള്ളവ​ര്‍ നി​ല​വി​ളി​ക്കു​ന്ന​തും സു​ധീ​ഷി​ന്‍റെ ശ്ര​ദ്ധ​യി​ല്‍പ്പെ​ട്ട​ത്. പി​ന്നെ​യൊ​ന്നും ആ​ലോ​ചി​ക്കാ​ന്‍ നി​ന്നി​ല്ലെ​ന്ന് സു​ധീ​ഷ് പ​റ​ഞ്ഞു. കാ​ര്‍ ഓ​ടി​ച്ച് പ​രി​ച​യ​മു​ള്ള​തി​നാ​ല്‍ ധൈ​ര്യ​മാ​യി. ഡോ​ർ തു​റ​ന്നു കി​ട​ക്കു​ന്ന​തി​നാ​ല്‍ ലോ​ക്ക​ല്ല വാ​ഹ​ന​മെ​ന്നും മ​ന​സ്സി​ലാ​യി. ഓ​ഫി​സി​ന് മു​ന്‍വ​ശ​ത്ത് ന​ട​ന്ന സം​ഭ​വം ഓ​ഫി​സി​ലു​ള്ള​വ​രോ​ട് പ​റ​ഞ്ഞി​രു​ന്നു. ചൊ​വ്വാ​ഴ്ച രാ​വി​ലെ ഓ​ഫി​സി​ലെ​ത്തി വാ​ര്‍ത്ത​ക​ളും ദൃ​ശ്യ​ങ്ങ​ളും ക​ണ്ട​പ്പോ​ഴാ​ണ് സം​ഭ​വ​ത്തി​ന്റെ പ്രാ​ധാ​ന്യം കൂ​ടു​ത​ൽ മ​ന​സ്സി​ലാ​യ​ത്. ഹൃ​ദ്യ​മാ​യ സ്വീ​ക​ര​ണ​മാ​ണ് ഓ​ഫി​സി​ല്‍ നി​ന്ന് ല​ഭി​ച്ച​ത്. മ​ല​പ്പു​റം എ.​ജി.​എം കെ.​വി​ജ​യ​ന്‍ സു​ധീ​ഷി​നെ പൊ​ന്നാ​ട​യ​ണി​യി​ച്ച് ആ​ദ​രി​ച്ചു. വാ​ഹ​ന​മോ​ടി​ച്ചി​രു​ന്ന​യാ​ള്‍ കു​ടും​ബ​ത്തെ കാ​റി​ലി​രു​ത്തി​യ ശേ​ഷം ബാ​ങ്കി​ല്‍ പോ​യ​പ്പോ​ഴാ​ണ് വ​ൻ അ​പ​ക​ട​ത്തി​ന് വ​ഴി​വെ​ക്കു​ന്ന സം​ഭ​വ​ങ്ങ​ള്‍ കോ​ട്ട​ക്ക​ല്‍ ബീ​രാ​ന്‍ റോ​ഡി​ന് സ​മീ​പം അ​ര​ങ്ങേ​റി​യ​ത്.