Top
Begin typing your search above and press return to search.
keyboard_arrow_down
Login
exit_to_app
exit_to_app
റൺസടിക്കാൻ രമേശുമുണ്ട്​
cancel
camera_alt

ദുബൈ ക്രിക്കറ്റ്​ സ്​റ്റേഡിയത്തിൽ ഐ.പി.എൽ സ്​കോറിങ്​ ​േജാലിക്കിടെ രമേശ്​ മന്നത്ത്

അതിവേഗം ചലിക്കുന്ന ഐ.പി.എല്ലി​െൻറ കലാശപ്പോരിന്​ ദുബൈ ഇൻറർനാഷനൽ സ്​റ്റേഡിയം വേദിയൊരുക്കു​േമ്പാൾ അണിയറയിൽ സ്​കോറെഴുതാൻ ഒരു മലയാളിയുമുണ്ട്​. ബി.സി.സി.ഐയുടെ ഇലക്​ട്രോണിക്​ സ്​കോർബോർഡി​െൻറ ചുമതലയിലാണ്​ തൃശൂർ കണ്ടശ്ശാൻകടവ് സ്വദേശി രമേശ്​ മന്നത്ത്​ ഐ.പി.എല്ലി​െൻറ ഭാഗമായത്​. ബി.സി.സി.ഐയുടെയും ഐ.പി.എല്ലി​െൻറയും വെബ്​സൈറ്റുകളിൽ തത്സമയ സ്​കോറുകൾ അപ്​ഡേറ്റ്​ ചെയ്യുന്നത്​ രമേശാണ്​. ആദ്യമായല്ല രമേശ്​ ദുബൈയിൽ സ്​കോറർ പട്ടം അണിയുന്നത്​. ആറു​ വർഷത്തിനിടെ ദു​ൈബ സ്​റ്റേഡിയത്തിൽ നടന്ന എല്ലാ മത്സരങ്ങളിലും സ്​കോററുടെ കുപ്പായത്തിൽ രമേശ്​ ഉണ്ടായിരുന്നു. ഈ ഐ.പി.എല്ലിൽ ദുബൈയിലെ എല്ലാ മത്സരങ്ങളിലും അദ്ദേഹം സ്​കോർ കുറിച്ചിരുന്നു.

രണ്ടുതവണ സൂപ്പർ ഓവർ വേണ്ടിവന്ന പഞ്ചാബ്​ -മുംബൈ മത്സരമാണ്​ ഈ സീസണിൽ രമേശി​െൻറ മറക്കാനാകാത്ത അനുഭവം. മുമ്പ്​​ ഇങ്ങനെയൊരു സാഹചര്യം ഉണ്ടാകാത്തതിനാൽ സോഫ്​റ്റ്​വെയർ പോലും ആദ്യമായാണ്​ പരീക്ഷിക്കപ്പെട്ടത്​. വളരെ പെട്ടെന്ന്​ കളിക്കാരെ ചേർക്കുക, ഒഴിവാക്കുക, ഓരോ ബാളിലും അപ്​ഡേറ്റ്​ ചെയ്യുക എന്നിവ വലിയ വെല്ലുവിളിയായിരുന്നു. മൂന്നാമതും സൂപ്പർ ഓവർ വേണ്ടിവന്നാൽ എന്താണ്​ ചെയ്യേണ്ടത്​ എന്നുപോലും ആലോചിച്ചു. എന്നാൽ, സമയപരിമിതി മൂലം മൂന്നാം സൂപ്പർ ഓവർ ഉണ്ടാവില്ലെന്ന്​ മാച്ച്​ റഫറി ജവഗൽ ശ്രീനാഥ്​ അറിയിച്ചത്​ ആശ്വാസമായി.

സമയം കഴിഞ്ഞാൽ പോയൻറ്​ തുല്യമായി വീതിക്കാനായിരുന്നു പദ്ധതി. ടി.വിയിൽ കളി കാണാൻ കഴിയാത്തവർ ഐ.പി.എല്ലി​െൻറയും ബി.സി.സി.ഐയുടെയും സൈറ്റുകളെ ആശ്രയിക്കാറുണ്ട്​. അതിനാൽ തന്നെ, സൂപ്പർ ഓവറുകളിലെ ഓരോ ബാളും തെറ്റില്ലാതെ നിമിഷങ്ങൾക്കകം ഉൾപ്പെടുത്തുക എന്നത്​ റിസ്​ക്കായിരുന്നുവെന്നും രമേശ്​ പറയുന്നു. പാകിസ്​താൻ സ്വദേശിയായ എൻജിനീയറാണ്​ രമേശിനൊപ്പം ഇലക്​ട്രോണിക്​​ സ്​കോററായുള്ളത്​.അമ്പയർമാർക്ക്​ തെറ്റുപറ്റിയാൽ തിരുത്തേണ്ടതും അവരു​െട സംശയം തീർക്കേണ്ടതും സ്​കോററുടെ ജോലിയാണ്​.

ഏത്​ നിമിഷമാണ്​ സംശയങ്ങൾ വരുക എന്ന്​ പറയാൻ കഴിയില്ല. അതിസൂക്ഷ്​മമായി ചെയ്യേണ്ട ജോലിയാണിത്​. ദുബൈയിലെ സ്വകാര്യ കമ്പനിയിൽ ജോലി ചെയ്യുന്ന രമേശ്​ ക്രിക്കറ്റ്​ കളിയിലൂടെയാണ്​ സ്​കോററായത്​. ദുബൈയിലുള്ള ഐ.സി.സി അക്കാദമിയിൽ ഇലക്​ട്രോണിക്​ സ്​കോറിങ്​ കോഴ്​സിലൂടെയായിരുന്നു ഈ രംഗത്തേക്കുള്ള ​പ്രവേശനം. ​ലോക്കൽ മാച്ചുകളായിരുന്നു ആദ്യം ചെയ്​തിരുന്നത്​.

ഏഴുവർഷം മുമ്പ്​​ ദുബൈയിൽ നടന്ന സെലിബ്രിറ്റി ക്രിക്കറ്റ്​ ലീഗിലൂടെയാണ്​ വലിയ മത്സരങ്ങളിലേക്ക്​ കാലെടുത്ത്​ വച്ചത്​. പാകിസ്​താ​െൻറ എല്ലാ അന്താരാഷ്​ട്ര മത്സരങ്ങളിലും സ്​കോർ ബോർഡിന്​ പിന്നിൽ രമേശെത്തി. പാകിസ്​താൻ സൂപ്പർ ലീഗ്​ ഉൾപ്പെടെ ടൂർണമെൻറുകളിലും സാന്നിധ്യം അറിയിച്ചു. ജോലിക്കിടെ സമയം കണ്ടെത്തിയാണ്​ സ്​കോർബോർഡിനു​ പിന്നാലെ പായുന്നത്​.

സ്​ഥാപനത്തി​െൻറ പിന്തുണയുള്ളതിനാൽ മത്സര ദിവസങ്ങളിൽ നേരത്തേ ഓഫിസിൽ നിന്നിറങ്ങും. സാധാരണ യു.എ.ഇയുടെ ഭാഗമായാണ്​ സ്കോറിങ്​. എന്നാൽ, ഇക്കുറി ബി.സി.സി.സിഐയുടെ ഭാഗമായാണ്​ സ്​കോറിങ്​ നിർവഹിക്കുന്നത്​. സ്​പോർട്​സ്​ മെക്കാനിസ്​ പോലുള്ള വലിയ കമ്പനികളുമായി ചേർന്ന്​ പ്രവർത്തിക്കാൻ ഇതുവഴി കഴിഞ്ഞത്​ ഭാഗ്യമായി കരുതുന്നുവെന്ന്​ രമേശ്​ പറയുന്നു.

Show Full Article
TAGS:BCCI IPL Ramesh 
Next Story