പൊരുതി നേടി; ലു​ഖ്​​മാ​ൻ ഡോ​ക്ട​റാ​യി

ആ​ല​പ്പു​ഴ: പ​ത്ര​വും പാ​ലും വി​റ്റ്​ ന​ട​ക്കു​മ്പോ​ഴും ലു​ഖ്​​മാ​ന്‍റെ മ​ന​സ്സു​നി​റ​യെ ആ ​വ​ലി​യ സ്വ​പ്ന​മാ​യി​രു​ന്നു. എ​ല്ലാ പ്ര​തി​സ​ന്ധി​ക​ൾ​ക്കി​ട​യി​ലും അ​വ​ൻ അ​ത്​ വി​ടാ​തെ പി​ന്തു​ട​ർ​ന്നു. ഒ​ടു​വി​ൽ ആ​ഗ്ര​ഹി​ച്ച​ത്​ നേ​ടി. ക​ഴി​ഞ്ഞ​ദി​വ​സം ക​ർ​ണാ​ട​ക​യി​ലെ ഹു​ബ്ലി​യി​ലു​ള്ള കിം​സ് മെ​ഡി​ക്ക​ൽ കോ​ള​ജ്​ ഓ​ഡി​റ്റോ​റി​യ​ത്തി​ൽ ന​ട​ന്ന എം.​ബി.​ബി.​എ​സ്​ ബി​രു​ദ​ദാ​ന ച​ട​ങ്ങ്​ അ​തി​ന്​ തെ​ളി​വാ​യി. നാ​ടി​നും വീ​ടി​നും അ​ഭി​മാ​ന​ക​ര​മാ​യ ആ ​നേ​ട്ടം പു​തു​ത​ല​മു​റ​ക്ക്​ മാ​തൃ​ക​യു​മാ​ണ്.

അ​മ്പ​ല​പ്പു​ഴ കോ​മ​ന കി​ഴ​ക്കേ​വൈ​മ്പാ​ല വീ​ട്ടി​ൽ കൂ​ലി​പ്പ​ണി​ക്കാ​ര​നാ​യ നൂ​റു​ദ്ദീ​ന്‍റെ മ​ക​ൻ ലു​ഖ്​​മാ​ൻ ഡോ. ​ലു​ഖ്​​മാ​ൻ ആ​യ​ത്​ പ്ര​േ​ചാ​ദ​നാ​ത്മ​ക​മാ​യ ഒ​രു ക​ഥ കൂ​ടി​യാ​ണ്. പ​ത്രം കൊ​ടു​ത്തും പാ​ൽ വി​റ്റു​മാ​യി​രു​ന്നു പ​ഠ​ന​ത്തി​ന് പ​ണം ക​ണ്ടെ​ത്തി​യ​ത്. ലു​ഖ്​​മാ​ന്‍റെ ചെ​റു​പ്പം മു​ത​ൽ ഉ​മ്മ ക​ണ്ട സ്വ​പ്നം കൂ​ടി​യാ​ണ്​ ഈ ​മി​ടു​ക്ക​ൻ സാ​ക്ഷാ​ത്​​ക​രി​ച്ച​ത്. മ​ഹ​നീ​യ നി​മി​ഷ​ത്തി​ന്, ക​ണ്ണു​നി​റ​ഞ്ഞ് സാ​ക്ഷ്യം വ​ഹി​ക്കാ​ൻ പി​താ​വ് നൂ​റു​ദ്ദീ​നും മാ​താ​വ് പാ​രി​സ​യും അ​ട​ങ്ങു​ന്ന കു​ടും​ബ​വും ഹു​ബ്ലി​യി​ൽ എ​ത്തി​യി​രു​ന്നു.

ഇ​രു​ച​ക്ര വാ​ഹ​ന​ത്തി​ൽ ആ​ളു​ക​ൾ ആ​വ​ശ്യ​പ്പെ​ടു​ന്ന സ്ഥ​ല​ത്ത്​ ച​ര​ക്കു​ക​ൾ എ​ത്തി​ച്ചാ​ണ് പി​താ​വ് നൂ​റു​ദ്ദീ​ൻ കു​ടും​ബം പു​ല​ർ​ത്തു​ന്ന​ത്. മാ​താ​വ് തൊ​ഴി​ലു​റ​പ്പ് തൊ​ഴി​ലാ​ളി​യാ​ണ്. വ​ർ​ഷ​ങ്ങ​ളാ​യി പ​ശു​വ​ള​ർ​ത്തി, വീ​ടു​ക​ളി​ൽ പാ​ൽ നേ​രി​ട്ട് എ​ത്തി​ക്കു​ന്ന ജോ​ലി​യും ഇ​വ​ർ ചെ​യ്യു​ന്നു. കാ​ക്കാ​ഴ​ത്തും അ​മ്പ​ല​പ്പു​ഴ​യി​ലെ കു​ഞ്ചു​പി​ള്ള ഹൈ​സ്‌​കൂ​ളി​ലു​മാ​യി​രു​ന്നു ലുഖ്​മാന്‍റെ പ​ഠ​നം. പ്ല​സ്​ ടു​വി​ന്​ 1200ൽ 1200 ​മാ​ർ​ക്കും നേ​ടി.

വീ​ട്ടി​ലു​ള്ള​പ്പോ​ഴൊ​ക്കെ മാ​താ​പി​താ​ക്ക​ളെ സ​ഹാ​യി​ക്കാ​ൻ മു​ന്നി​ൽ ത​ന്നെ​യു​ണ്ടാ​കു​മാ​യി​രു​ന്നു. പാ​വ​പ്പെ​ട്ട​വ​രു​ടെ ബു​ദ്ധി​മു​ട്ടു​ക​ളും പ്ര​യാ​സ​ങ്ങ​ളും അ​നു​ഭ​വി​ച്ച​റി​ഞ്ഞ് വ​ള​ർ​ന്ന ലു​ഖ്​​മാ​ൻ ഇ​നി നാ​ടി​നും വീ​ടി​നും ത​ണ​ലാ​കും. കു​ട്ടി​ക്കാ​ല​ത്ത്​ മ​ന​സ്സി​ൽ മു​ള​ച്ച ആ​ഗ്ര​ഹ​മാ​ണ്,​ വീ​ട്ടി​ൽ ഇ​തി​നു​ള്ള സാ​ഹ​ച​ര്യ​ങ്ങ​ൾ ഇ​ല്ലാ​തി​രു​ന്നി​ട്ടും നേ​ടി​യെ​ടു​ക്കാ​നാ​യ​തെ​ന്ന്​ ലു​ഖ്​​മാ​ൻ ‘മാ​ധ്യ​മ’​ത്തോ​ട്​ പ​റ​ഞ്ഞു. അ​ല്ലാ​ഹു​വി​ന്‍റെ അ​നു​ഗ്ര​ഹ​മാ​ണ്​ എ​ല്ലാ​ത്തി​ലും വ​ലു​ത്​- ലു​ഖ്​​മാ​ൻ പ​റ​യു​ന്നു. സ​ത്താ​ർ, നൗ​ഫി​ല എ​ന്നി​വ​രാ​ണ്​ സ​ഹോ​ദ​ര​ങ്ങ​ൾ.