തെ​യ്യു​ണ്ണി മാ​ഷി​ന്റെ ഓ​ർ​മ​യി​ലെ വ​റു​തി​ക്കാ​ലം

മ​ങ്ക​ട: വ​റു​തി​യു​ടെ കാ​ല​ത്ത് പ്ര​യാ​സ​ങ്ങ​ള്‍ സ​ഹി​ച്ച് പ​ഠി​ച്ച് അ​ധ്യാ​പ​ക​നാ​യ ഓ​ര്‍മ​യി​ല്‍ തെ​യ്യു​ണ്ണി മാ​ഷ്. വാ​ണി​യ​മ്പ​ല​ത്തെ ഏ​കാ​ധ്യാ​പ​ക സ്കൂ​ളി​ലെ ജീ​വി​ത​മാ​ണ് മാ​ഷി​ന് മ​റ​ക്കാ​നാ​വാ​ത്ത അ​നു​ഭ​വ​ങ്ങ​ള്‍ സ​മ്മാ​നി​ച്ച​ത് .

സ്കൂ​ളി​ല്‍ വ​രാ​ന്‍ വ​സ്ത്ര​വും പ​ഠ​നോ​പ​ക​ര​ണ​ങ്ങ​ളും ഇ​ല്ലാ​തെ പ​ഠ​നം മു​ട​ങ്ങി​യ വി​ദ്യാ​ർ​ഥി​ക​ള്‍. ഇ​വ​രെ​യെ​ല്ലാം തേ​ടി​പ്പി​ടി​ച്ച് പ​ണം ചെ​ല​വാ​ക്കി വ​സ്ത്ര​വും പ​ഠ​നോ​പ​ക​ര​ണ​ങ്ങ​ളും ന​ല്‍കി സ്കൂ​ളി​ലേ​ക്ക് കൊ​ണ്ടു​വ​ന്ന ഓ​ർ​മ​ക​ളു​ണ്ട് മാ​ഷി​ന്. മി​ക്ക കു​ട്ടി​ക​ള്‍ക്കും പെ​ന്‍സി​ല്‍പോ​ലും ഉ​ണ്ടാ​വി​ല്ല. മാ​ഷ് ഒ​രു​പെ​ട്ടി പെ​ന്‍സി​ല്‍ മേ​ശ വ​ലി​പ്പി​ല്‍ സൂ​ക്ഷി​ച്ചി​രു​ന്നു. ഒ​രി​ക്ക​ൽ മാ​ഷി​ന്റെ പെ​ട്ടി​യി​ല്‍നി​ന്ന് ഒ​രു​വി​ദ്യാ​ർ​ഥി പെ​ന്‍സി​ല്‍ മോ​ഷ്ടി​ച്ചു. സം​ഭ​വം അ​റി​യു​ന്ന​ത് പ​തി​റ്റാ​ണ്ടു​ക​ള്‍ക്കു​ശേ​ഷം റി​ട്ട​യ​ര്‍ ആ​യി വീ​ട്ടി​ല്‍ ഇ​രി​ക്ക​വെ​യാ​ണ്. ആ​റു​വ​ര്‍ഷം മു​മ്പ്, ഒ​രു പൂ​ര്‍വ​വി​ദ്യാ​ർ​ഥി മാ​ഷെ കാ​ണാ​ന്‍ വീ​ട്ടി​ല്‍ വ​രു​ക​യാ​യി​രു​ന്നു. ‘‘മാ​ഷേ, ഞാ​നൊ​രി​ക്ക​ൽ മാ​ഷി​ന്റെ വ​ലി​പ്പി​ൽ​നി​ന്ന് ഒ​രു പെ​ന്‍സി​ല്‍ മോ​ഷ്ടി​ച്ചി​രു​ന്നു. എ​ന്നോ​ട് പൊ​റു​ക്ക​ണം’’ -അ​ങ്ങ​നെ​യാ​യി​രു​ന്നു ​തു​റ​ന്നു​പ​റ​ച്ചി​ൽ. അ​ത്ത​രം അ​നു​ഭ​വ​ങ്ങ​ളു​ടെ പാ​ഠ​ശാ​ല​യാ​ണ് മാ​ഷി​ന്റെ ജീ​വി​തം.

മ​ങ്ക​ട​ക്കാ​രു​ടെ പ്രി​യ അ​ധ്യാ​പ​ക​ന്‍ 90ന്റെ ​നി​റ​വി​ലും ക​ര്‍മ​നി​ര​ത​നാ​ണ്. അ​ധ്യാ​പ​ക സം​ഘ​ട​ന​യി​ല്‍ പ്ര​വ​ര്‍ത്തി​ച്ച​തി​ന്റെ പേ​രി​ല്‍ മൂ​ന്ന് ദി​വ​സം ജ​യി​ല്‍വാ​സ​വും അ​നു​ഭ​വി​ച്ചി​ട്ടു​ണ്ട്. ചേ​രി​യം സ്കൂ​ളി​ല്‍നി​ന്നാ​ണ് വി​ര​മി​ച്ച​ത്.