ഈ കുട്ടികൾ പറയുന്നു,‘സുഹൃ​ത്തേ ഞാനുമുണ്ട്​ കൂടെ’

തൊ​ടു​പു​ഴ: ക്ലാ​സ്​ മു​റി​ക​ൾ​ക്ക്​ പു​റ​ത്ത്​ ന​ന്മ​യു​ടെ കൈ​ത്തി​രി തെ​ളി​ക്കാ​നും വേ​ദ​നി​ക്കു​ന്ന​വ​ർ​ക്ക്​ സാ​ന്ത്വ​ന​മേ​കാ​നും മൂ​ന്നാ​ർ ലി​റ്റി​ൽ ഫ്ല​വ​ർ ഹൈ​സ്കൂ​ൾ വി​ദ്യാ​ർ​ഥി​ക​ളു​ടെ നേ​തൃ​ത്വ​ത്തി​ൽ ആ​വി​ഷ്ക​രി​ച്ച പ​ദ്ധ​തി​ക​ൾ സ​ഹാ​നു​ഭൂ​തി​യു​ടെ​യും സ​ഹ​ജീ​വി സ്​​നേ​ഹ​ത്തി​ന്‍റെ​യും വേ​റി​ട്ട മാ​തൃ​ക​യാ​കു​ന്നു. സ്കൂ​ളി​ൽ ന​ട​പ്പാ​ക്കി​വ​രു​ന്ന സാ​ന്ത്വ​നം, സു​ഹൃ​ത്തേ ഞാ​നു​മു​ണ്ട്​ കൂ​ടെ എ​ന്നീ പ​ദ്ധ​തി​ക​ൾ ഇ​തി​ന​കം ഒ​ട്ടേ​റെ പേ​രു​ടെ ജീ​വി​ത​ത്തി​ൽ​ വെ​ളി​ച്ച​വും പ്ര​ത്യാ​ശ​യും പ​ക​ർ​ന്നു​ന​ൽ​കി.

വി​ഷ​ൻ ആ​ൻഡ്​ മി​ഷ​ൻ എ​ന്ന പേ​രി​ൽ സ്കൂ​ൾ രൂ​പം ന​ൽ​കി​യ സാ​മൂ​ഹി​ക​ സേ​വ​ന, ജീ​വ​കാ​രു​ണ്യ ദൗ​ത്യ​ത്തി​ന്‍റെ ഭാ​ഗ​മാ​യ 24 ഇ​ന പ​രി​പാ​ടി​ക​ളി​ൽ​പെ​ട്ട​താ​ണ്​ ‘സാ​ന്ത്വ​ന’​വും ‘സു​ഹൃ​ത്തേ ഞാ​നു​മു​ണ്ട്​ കൂ​ടെ’​യും. സ്കൂ​ളി​ൽ സ്ഥാ​പി​ച്ചി​ട്ടു​ള്ള പ്ര​ത്യേ​ക ബോ​ക്സ്​ വ​ഴി നി​ത്യോ​പ​യോ​ഗ സാ​ധ​ന​ങ്ങ​ൾ ശേ​ഖ​രി​ക്കു​ക​യാ​ണ്​ ‘സാ​ന്ത്വ​നം’ പ​ദ്ധ​തി​യി​ലൂ​ടെ ചെ​യ്യു​ന്ന​ത്. പി​ന്നീ​ട്​ കു​ട്ടി​ക​ൾ അ​നാ​ഥമ​ന്ദി​ര​ങ്ങ​ൾ സ​ന്ദ​ർ​ശി​ച്ച്​ അ​വി​ടു​ത്തെ താ​മ​സ​ക്കാ​ർ​ക്ക്​ ഇ​വ വി​ത​ര​ണം ചെ​യ്യും. ഒ​രു ദി​വ​സം അ​നാ​ഥ​മ​ന്ദി​ര​ത്തി​ലു​ള്ള​വ​ർ​ക്കൊ​പ്പം ചെ​ല​വ​ഴി​ക്കു​ന്ന കു​ട്ടി​ക​ൾ അ​വ​ർ​ക്കാ​യി വി​വി​ധ പ​രി​പാ​ടി​ക​ൾ അ​വ​ത​രി​പ്പി​ക്കു​ക​യും ചെ​യ്യും.

വി​ദ്യാ​ർ​ഥി​ക​ളി​ൽ നി​ന്ന്​ ധ​നം സ​മാ​ഹ​രി​ച്ച്​ നി​ർ​ധ​ന രോ​ഗി​ക​ൾ​ക്ക്​ സ​ഹാ​യ​മെ​ത്തി​ക്കു​ന്ന പ​ദ്ധ​തി​യാ​ണ്​ ‘സു​ഹൃ​ത്തേ ഞാ​നു​മു​ണ്ട്​ കൂ​ടെ’. ര​ക്ഷി​താ​ക്ക​ൾ​ക്ക്​ വാട്​സ്​ആപ്​ വ​ഴി സ​ന്ദേ​ശ​മ​യ​ച്ചാ​ണ്​ കു​ട്ടി​ക​ളി​ലൂ​ടെ പ​ണം സ​മാ​ഹ​രി​ക്കു​ന്ന​ത്. തു​ട​ർ​ന്ന്​ അ​ർ​ഹ​രാ​യ​വ​രെ ക​ണ്ടെ​ത്തി ഇ​ത്​ കൈ​മാ​റും. സ​ഹാ​യം തേ​ടി സ്കൂ​ളി​നെ സ​മീ​പി​ക്കു​ന്ന​വ​രു​മു​ണ്ട്. ഒ​രു അ​ർ​ബു​ദ രോ​ഗി​ക്കും ഹൃ​ദ്രോ​ഗി​ക്കു​മാ​ണ്​ ഏ​റ്റ​വും ഒ​ടു​വി​ൽ ഇ​ത്ത​ര​ത്തി​ൽ സാ​മ്പ​ത്തി​ക സ​ഹാ​യം ന​ൽ​കി​യ​ത്. ക്ലാ​സ്​ മു​റി​ക്ക്​ പു​റ​​ത്തെ ലോ​ക​വും ജീ​വി​ത​വും കു​ട്ടി​ക​ൾ​ക്ക്​ പ​രി​ച​യ​പ്പെ​ടു​ത്തു​ക​യും സ​മൂ​ഹ​ത്തി​ന്​ ന​ന്മ ചെ​യ്യാ​ൻ അ​വ​രെ പ്രേ​രി​പ്പി​ക്കു​ക​യു​മാ​ണ്​ പ​ദ്ധ​തി​യു​ടെ ല​ക്ഷ്യ​ങ്ങ​ളെ​ന്ന്​ ഹെ​ഡ്​​മി​സ്​​ട്ര​സ്​ സി​സ്റ്റ​ർ റോ​സ്​​ലി എം. ​തോ​മ​സ്​ പ​റ​ഞ്ഞു.