സദസ്സ്​​ കീഴടക്കി സുഹ്റയും മജീദും; കഥാപ്രസംഗത്തിൽ ശരൺ തമ്പി

അ​മ്പ​ല​പ്പു​ഴ: ക​ഥാ​പ്ര​സം​ഗ​ക​ല​യെ ഗൗ​ര​വ​മാ​യി കാ​ണു​ന്ന ശ​ര​ൺ ത​മ്പി ഇ​ത്ത​വ​ണ​യും ഒ​ന്നാം സ്ഥാ​നം വി​ട്ടു​കൊ​ടു​ത്തി​ല്ല. വി​ഖ്യാ​ത എ​ഴു​ത്തു​കാ​ര​നാ​യ വൈ​ക്കം മു​ഹ​മ്മ​ദ് ബ​ഷീ​റി​ന്റെ ബാ​ല്യ​കാ​ല​സ​ഖി അ​തി​ന്റെ ഉ​ള്ള​ട​ക്ക പ്രാ​ധാ​ന്യ​ത്തോ​ടെ കാ​ണി​ക​ളി​ലേ​ക്ക് സ​ന്നി​വേ​ശി​പ്പി​ച്ചാ​ണ് ശ​ര​ൺ മി​ക​വ് കാ​ട്ടി​യ​ത്.

മ​ജീ​ദി​ന്റെ​യും സു​ഹ്​​റ​യു​ടെ​യും പ്ര​ണ​യ​വും അ​തി​ലെ സ​ങ്ക​ട​ങ്ങ​ളും അ​ത്യ​ന്തം നാ​ട​കീ​യ​മാ​യി ഗാ​ന​ങ്ങ​ളു​ടെ അ​ക​മ്പ​ടി​യോ​ടെ അ​വ​ത​രി​പ്പി​ച്ച​പ്പോ​ൾ സ​ദ​സ്സ്​ സാ​കൂ​തം കാ​തോ​ർ​ത്തി​രു​ന്നു. തി​രു​വ​ന​ന്ത​പു​രം വ​ർ​ക്ക​ല ചാ​വ​ർ​കോ​ട് സി.​എ​ച്ച്.​എം.​എം കോ​ള​ജി​ലെ ര​ണ്ടാം വ​ർ​ഷ ഇം​ഗ്ലീ​ഷ് ബി​രു​ദ വി​ദ്യാ​ർ​ഥി​യാ​ണ്. ക​ഴി​ഞ്ഞ ത​വ​ണ​യും ഒ​ന്നാം സ്ഥാ​നം ശ​ര​ണി​നാ​യി​രു​ന്നു. എ​ൽ.​പി പ​ഠ​ന​കാ​ലം മു​ത​ലെ ക​ഥാ​പ്ര​സം​ഗ​ത്തി​ൽ ത​ൽ​പ​ര​നാ​യി​രു​ന്നു.

എ​ട്ട് മു​ത​ൽ പ്ല​സ് ടു​വ​രെ അ​ഞ്ചു വ​ർ​ഷ​ത്തെ തി​രു​വ​ന​ന്ത​പു​രം ജി​ല്ല​യി​ലെ ക​ലോ​ത്സ​വ​ത്തി​ൽ ശ​ര​ണി​നെ പി​ന്ത​ള്ളാ​ൻ ആ​ർ​ക്കും ക​ഴി​ഞ്ഞി​രു​ന്നി​ല്ല. മ​ത്സ​രി​ച്ച​പ്പോ​ഴെ​ല്ലാം എ ​ഗ്രേ​ഡും സ്വ​ന്ത​മാ​ക്കി. സം​സ്ഥാ​ന കേ​ര​ളോ​ത്സ​വ​ത്തി​ലും ക​ഥാ​പ്ര​സം​ഗ​ത്തി​ലെ ഒ​ന്നാം സ്ഥാ​ന​ക്കാ​ര​നാ​ണ്.

ന​രി​ക്ക​ൽ രാ​ജീ​വ് കു​മാ​റാ​ണ് ബാ​ല്യ​കാ​ല​സ​ഖി ക​ഥാ​പ്ര​സം​ഗ രൂ​പ​ത്തി​ലേ​ക്ക് മാ​റ്റി ന​ൽ​കി​യ​ത്. പ​രി​ശീ​ല​ക​നും ഇ​ദ്ദേ​ഹ​മാ​യി​രു​ന്നു. ര​ണ്ടു മ​ണി​ക്കൂ​ർ നേ​രം സ്റ്റേ​ജു​ക​ളി​ൽ അ​വ​ത​രി​പ്പി​ക്കു​ന്ന ക​ഥ​യാ​ണ് സ​ത്ത​ചോ​രാ​തെ 20 മി​നി​റ്റി​നു​ള്ളി​ൽ മ​ത്സ​ര​ത്തി​നാ​യി അ​വ​ത​രി​പ്പി​ച്ച​ത്.

ബി​നോ​യി കൊ​ട്ടാ​ര​ക്ക​ര​യു​ടെ ത​ബ​ല വാ​യ​ന​യും സു​ഭാ​ഷ് പ​ത്ത​നം​തി​ട്ട​യു​ടെ ഹാ​ർ​മോ​ണി​യ​വും അ​ടൂ​ർ ജോ​ണി​യു​ടെ ക്ലാ​ർ​നെ​റ്റും ക​ഥ​ക്ക് പ​ശ്ചാ​ത്ത​ല സൗ​ന്ദ​ര്യം ന​ൽ​കി.

സ്റ്റേ​ജു​ക​ളി​ലും ക​ഥാ​പ്ര​സം​ഗം അ​വ​ത​രി​പ്പി​ക്കു​ന്ന ക​ലാ​കാ​ര​ൻ കൂ​ടി​യാ​ണ് ശ​ര​ൺ. ബാ​ല്യ​കാ​ല​സ​ഖി​യാ​ണ് ഇ​പ്പോ​ൾ അ​വ​ത​രി​പ്പി​ക്കു​ന്ന​ത്.