കോൺഫിഡൻസ്, വേറെ ലെവൽ

പഠനത്തിലും ജോലിയിലും ശാരീരിക അവശതകൾ തടസ്സമല്ലെന്ന് തെളിയിച്ച് മുന്നേറുന്ന ചെറുപ്പക്കാരൻ, പാലക്കാട് ചിറ്റൂർ തത്തമംഗലം സ്വദേശി അ​ബ്ദു​ൽ റ​ഷീ​ദ്. സെറിബ്രൽ പാൾസി ശരീരത്തെ തളർത്തിയെങ്കിലും റഷീദിലെ സംരംഭകന് മുന്നേറാൻ അതൊന്നും ഒരു തടസ്സമായിരുന്നില്ല. ലൈ​റ്റ് ആ​ൻ​ഡ് സൗ​ണ്ട്, ഇ​വ​ന്‍റ് മാ​നേ​ജ്മെ​ന്‍റ് സ്ഥാ​പ​ന​ങ്ങ​ളു​ടെ ചു​മ​ത​ല​ക്കാ​ര​നാ​ണ് ഈ 29കാരനിപ്പോൾ.

നേ​ര​ത്തെ പി​താ​വ് മു​ഹ​മ്മ​ദ് റ​ഫി​യാ​യി​രു​ന്നു ഈ ​സ്ഥാ​പ​ന​ങ്ങ​ൾ ന​ട​ത്തി​യിരുന്നത്. എന്നാൽ, പിന്നീട് അ​ബ്ദു​ൽ റ​ഷീ​ദ് ഇതിന്റെ ചുമതല ഏറ്റെടുത്തു. വേറിട്ട ആശയങ്ങൾ ഉൾപ്പെടുത്തി സ്ഥാപനത്തെ മുന്നോട്ടു നയിച്ചു. പിന്നീട് അബ്ദുൽ റഷീദിനും കുടുംബത്തിനും പിന്നോട്ടുനോക്കേണ്ടി വന്നിട്ടില്ല.

ഇ​ര​ട്ട​ക്കു​ട്ടി​ക​ളി​ൽ ഒ​രാ​ളാ​യ അ​ബ്ദു​ൽ റ​ഷീ​ദി​ന്റെ രോ​ഗാ​വ​സ്ഥ തി​രി​ച്ച​റി​ഞ്ഞ് മാ​താ​പി​താ​ക്ക​ളാ​യ മു​ഹ​മ്മ​ദ് റ​ഫി​യും സ​മീ​ന​യും ചെറുപ്പത്തിലേ വ​ഴി​കാ​ട്ടി​ക​ളാ​യി. അ​ച്ഛ​നു​മ​മ്മ​യും സ​ഹോ​ദ​ര​നും കൈപിടിപ്പ് കൂടെനിന്നപ്പോൾ കു​ഞ്ഞി​ലേ​ത​ന്നെ പ്ര​തീ​ക്ഷ​ക​ളും അ​ബ്ദു​ൽ റ​ഷീ​ദി​ൽ വ​ള​ർ​ന്നുവ​ന്നു. എ​സ്.​എ​സ്.​എ​ൽ.​സി​യും പ്ല​സ് ടു​വു​മൊ​ക്കെ നി​ഷ്പ്ര​യാ​സം മ​റി​ക​ട​ന്ന് ചി​റ്റൂ​ർ ഗ​വ. കോ​ള​ജി​ൽനി​ന്ന് ബി​രു​ദ​വു​മെ​ടു​ത്തു. ഇതോടെ അബ്ദുൽ റഷീദിലെ നൂതന സംരംഭകനും ചിറകുമുളച്ചു.

മോ​ട്ടോ​ർ ഘ​ടി​പ്പി​ച്ച വീ​ൽ​ചെ​യറിലാണ് റഷീദിന്റെ യാത്രകൾ. ആ​ദ്യ ദി​വ​സ​ങ്ങ​ളി​ൽ മു​ഹ​മ്മ​ദ് റ​ഫി വീ​ൽ​ചെ​യ​റി​നു പി​റ​കെ സ്കൂ​ട്ട​റി​ൽ കൂട്ടുപോകുമായിരുന്നുവെങ്കിലും പിന്നീട് അതുമാറി ഒ​റ്റ​ക്കായി സ​ഞ്ചാ​രം. ഇ​നി​യൊ​രു കാ​ർ സ്വ​ന്ത​മാ​യി ഓ​ടി​ക്ക​ണം, ബി​സി​ന​സ് കൂടുതൽ വി​പു​ല​പ്പെ​ടു​ത്ത​ണം -അബ്ദുൽ റഷീദ് പറയുന്നു.