ഉസ്താദുമായുള്ള സൗ​ഹൃ​ദ ഓ​ർ​മ​ക​ളു​മാ​യി സ്റ്റാ​ൻ​ലി

അ​ജ്‌​മാ​ൻ: നി​ര്യാ​ത​നാ​യ യു.​എ.​ഇ​യി​ലെ മ​ല​യാ​ളി പ​ണ്ഡി​ത​ൻ ആ​ർ.​വി. അ​ലി മുസ്‍ലിയാരു​ടെ മാ​യാ​ത്ത ഓ​ർ​മ​ക​ളു​മാ​യി സു​ഹൃ​ത്ത് സ്റ്റാ​ൻ​ലി. അ​ജ്മാ​നി​ൽ വ​ർ​ഷ​ങ്ങ​ളാ​യി സ്റ്റേ​ഷ​ന​റി ബി​സി​ന​സ് ന​ട​ത്തി​യി​രു​ന്ന വ്യ​ക്തി​യാ​ണ് തി​രു​വ​ല്ല സ്വ​ദേ​ശി​യാ​യ ഇ​ദ്ദേ​ഹം. 15 വ​ർ​ഷം മു​മ്പ് ത​ന്‍റെ ക​ട​യി​ൽ വ​ന്ന പ​രി​ച​യ​മാ​ണ് സ്റ്റാ​ൻ​ലി​ക്ക് അ​ലി ഉ​സ്താ​ദു​മാ​യി​ട്ട്. അ​ജ്‌​മാ​ൻ ടൗ​ണി​ലെ ന​ഗ​ര​സ​ഭ കാ​ര്യാ​ല​യ​ത്തി​ന് പി​റ​കി​ലു​ള്ള സ്പീ​ഡ് മാ​സ്‌​റ്റ​ർ എ​ന്ന ഇ​ദ്ദേ​ഹ​ത്തി​ന്‍റെ സ്ഥാ​പ​ന​ത്തി​ൽ അ​ലി ഉ​സ്താ​ദ്‌ പി​ന്നീ​ട് നി​ര​ന്ത​ര സ​ന്ദ​ർ​ശ​ക​നാ​യി മാ​റി.

ഉ​സ്താ​ദ്‌ മി​ക്ക​പ്പോ​ഴും ക​ട​യി​ൽ വ​രും. ബൈ​ബി​ളും ഖു​ർ​ആ​നും ര​ണ്ടു​പേ​രും പ​ര​സ്പ​രം ച​ർ​ച്ച​ചെ​യ്യും. വി​ശ്വാ​സ​ത്തി​ലൂ​ന്നി​യ പ​ര​സ്‌​പ​ര ച​ർ​ച്ച​ക​ൾ സൗ​ഹൃ​ദ​ത്തി​ന് ഏ​റെ ഊ​ഷ്മ​ള​ത ന​ൽ​കി. വി​ദ്വേ​ഷ​ത്തി​ന്‍റെ വി​ത്തു​ക​ൾ വ​ള​രു​ന്ന ലോ​ക​ത്ത്‌ സ്നേ​ഹ​ത്തോ​ടെ പ​ര​സ്‌​പ​ര വി​ശ്വാ​സ​ങ്ങ​ൾ ഉ​സ്താ​ദു​മാ​യി പ​ങ്കു​വെ​ക്കാ​ൻ ക​ഴി​ഞ്ഞ​ത്‌ മാ​യാ​ത്ത ഓ​ർ​മ​ക​ളാ​യി സ്റ്റാ​ൻ​ലി ഇ​ന്നും മ​ന​സ്സി​ൽ സൂ​ക്ഷി​ക്കു​ന്നു.

മൂ​ല്യ​ങ്ങ​ള്‍ ന​ശി​ച്ചു​കൊ​ണ്ടി​രി​ക്കു​ന്ന കാ​ല​ത്ത് ഇ​ദ്ദേ​ഹ​ത്തെ​പ്പോ​ലു​ള്ള പ​ണ്ഡി​ത​ന്മാ​ര്‍ സ​മൂ​ഹ​ത്തി​നു​മു​ന്നി​ല്‍ ജീ​വി​ച്ചു​കാ​ണി​ച്ച മാ​തൃ​ക മ​ന​സ്സി​നെ വ​ല്ലാ​തെ സ്വാ​ധീ​നി​ച്ചെ​ന്ന് ഇ​ദ്ദേ​ഹം പ​റ​യു​ന്നു.

ഒ​ന്ന​ര പ​തി​റ്റാ​ണ്ട് കാ​ല​ത്തെ പ​ര​സ്പ​ര ബ​ന്ധ​ത്തി​ല്‍ ഒ​രി​ക്ക​ൽ​പോ​ലും മു​ഷി​പ്പു​ണ്ടാ​യി​ട്ടി​ല്ല എ​ന്ന​ത് അ​ലി മു​സ്​​ലി​യാ​ര്‍ എ​ന്ന പ​ണ്ഡി​ത​ന്‍റെ ഉ​ന്ന​ത​മാ​യ വ്യ​ക്തി​ത്വ​ത്തി​ന്‍റെ തി​ള​ക്ക​മാ​ണെ​ന്ന് ഇ​ദ്ദേ​ഹം അ​നു​സ്മ​രി​ക്കു​ന്നു. ക​ഴി​ഞ്ഞ​വ​ർ​ഷം സ്റ്റാ​ൻ​ലി സ്ഥാ​പ​നം ഒ​ഴി​ഞ്ഞ​തോ​ടെ നേ​രി​ട്ട് കാ​ണ​ലി​ന്‍റെ എ​ണ്ണം കു​റ​ഞ്ഞു.

ശ​നി​യാ​ഴ്ച്ച ഉ​സ്താ​ദ്‌ മ​ര​ണ​പ്പെ​ട്ട വി​വ​രം ഞാ​യ​റാ​ഴ്ച​യാ​ണ് സ്റ്റാ​ൻ​ലി അ​റി​യു​ന്ന​ത്. അ​പ്പോ​ഴേ​ക്കും ഖ​ബ​റ​ട​ക്കം ക​ഴി​ഞ്ഞി​രു​ന്നു. അ​വ​സാ​ന​മാ​യി ഒ​രു​നോ​ക്ക് കാ​ണാ​ൻ ക​ഴി​ഞ്ഞി​ല്ല എ​ന്ന വേ​ദ​ന ഉ​ള്ളി​ൽ പേ​റു​മ്പോ​ഴും ഉ​സ്താ​ദു​മാ​യു​ള്ള ന​ല്ല സൗ​ഹൃ​ദം ജീ​വി​ത​ത്തി​ലെ വ​ലി​യ നി​ധി​യാ​യി കാ​ണു​ക​യാ​ണ് സ്റ്റാ​ൻ​ലി.