'സൈമൺ ആൻഡ് ദി സീ'; ബന്ധനത്തിന്റെ 60 ദിനങ്ങൾ

പ്ര​ക്ഷു​ബ്ധ​മാ​യ ക​ട​ല്‍... മൂ​ടി​ക്കെ​ട്ടി​യ ആ​കാ​ശം.ചൂ​ണ്ട​യി​ല്‍ അവസാനം കു​രു​ങ്ങി​യ സ്രാ​വി​നെ​യും പി​ടി​ച്ചു ക​യ​റ്റി ഞ​ങ്ങ​ള്‍ ബോ​ട്ട് തി​രി​ക്കാ​ന്‍ തു​ട​ങ്ങി. പെ​ട്ടെ​ന്ന് ഒ​രു സ്പീ​ഡ് ലോ​ഞ്ച് ബോ​ട്ടി​നെ വ​ള​ഞ്ഞു. അ​തി​ര്‍ത്തി ലം​ഘി​ച്ച​തി​നു പ​രി​ശോ​ധി​ക്കാ​നെ​ന്ന രീ​തി​യി​ല്‍ ര​ണ്ടു​പേ​ര്‍ സ​മീ​പി​ച്ചു. നി​മി​ഷ​നേ​രം​കൊ​ണ്ട് അ​വ​രു​ടെ ഭാ​വം​മാ​റി. 18-20 വ​യ​സ്സ് തോ​ന്നി​ക്കു​ന്ന ആ​യു​ധ​ധാ​രി​ക​ളാ​യ പ​ത്തോ​ളം പേ​ര്‍ പി​ന്നാ​ലെ​വ​ന്ന് അ​ടി​ച്ചു​വീ​ഴ്ത്തി. അ​വ​ര്‍ കൊ​ണ്ടു​വ​ന്ന ഭ​ക്ഷ​ണ​വും ഡീ​സ​ലും ബോ​ട്ടി​ലേ​ക്ക് ക​യ​റ്റാ​ന്‍ തു​ട​ങ്ങി. ബോ​ട്ടി​ന്റെ നി​യ​ന്ത്ര​ണം പൂ​ർ​ണ​മാ​യും അ​വ​രു​ടെ കൈ​യി​ലാ​യി. കു​റെ​ദൂ​രം സ​ഞ്ച​രി​ച്ച് ര​ണ്ടു​പേ​രെ വീ​തം അ​വ​ര്‍ ബോ​ട്ടി​ല്‍നി​ന്നും മാ​റ്റി​ക്കൊ​ണ്ടി​രു​ന്നു. ഒ​ടു​വി​ല്‍ ഞാ​ന്‍ മാ​ത്രം. പെ​ട്ടെ​ന്ന്് ഉ​ള്ളി​ലൊ​രു മി​ന്ന​ല്‍ പാ​ഞ്ഞു. പ്ര​ഭാ​ക​ര​ന്റെ സൈ​ന്യ​ത്താ​ല്‍ ഞാ​ന്‍ ത​ട​വി​ലാ​ക്ക​പ്പെ​ട്ടി​രി​ക്കു​ന്നു... യാ​ത്ര പു​ലി​മ​ട​യി​ലേ​ക്ക്...

പ​തി​നേ​ഴു വ​ർ​ഷം മു​മ്പ​ത്തെ ഓ​ർ​മ​ക​ളി​ല്‍ ഇ​ന്ന​ലെ​യെ​ന്ന​പോ​ലെ പൊ​ള്ളു​ക​യാ​ണ് വൈ​പ്പി​ന്‍ ഞാ​റ​ക്ക​ല്‍ സ്വ​ദേ​ശി​യും മു​ന​മ്പം ഹാ​ര്‍ബ​റി​ൽ ശ്രീ​കൃ​ഷ്ണ ബോ​ട്ടി​ലെ ഡ്രൈ​വ​റും മെ​ക്കാ​നി​ക്കു​മാ​യി​രു​ന്ന സൈ​മ​ണ്‍ സോ​സ. ഉ​ള്ളി​ലി​ന്നും ആ ​ഫ​യ​റി​ങ് സ്‌​ക്വാ​ഡി​ന്റെ ശ​ബ്ദ​മു​ണ്ടാ​ക്കി​യ നെ​ഞ്ചി​ടി​പ്പ്. ത​മി​ഴ്പു​ലി പ്ര​ഭാ​ക​ര​ന്റെ സൈ​ന്യ​ത്തോ​ടൊ​പ്പം സോ​സ ബ​ന്ദിയാ​യി കഴിഞ്ഞത് ര​ണ്ടു​മാ​സ​ക്കാ​ലം.

ഒ​ടു​വി​ല്‍ മ​ര​ണ​ത്തി​ന്റെ നൂ​ൽ​പാ​ല​ത്തി​ല്‍നി​ന്നും ജീ​വി​ത​ത്തി​ലേ​ക്ക് അ​തി​സാ​ഹ​സി​ക​മാ​യി തി​രി​ച്ചു​ക​യ​റി. ബാ​ക്കി​യാ​യ​ത് അ​ര​ക്കെ​ട്ടി​ലും ക​ഴു​ത്തി​ലും സ​യ​നൈ​ഡ് ഒ​ളി​പ്പി​ച്ച പു​ലി​ക​ളു​ടെ ര​ക്ത​രൂ​ഷിത​മാ​യ സാ​യു​ധ പോ​രാ​ട്ട​ത്തി​ന്റെ ഭീ​തി​ദ​മാ​യ ഓ​ർ​മ​ക​ള്‍.

തോ​ക്കി​ന്‍ മു​ന​യി​ല്‍

‘‘2007 മാ​ര്‍ച്ച് ഏ​ഴി​നാ​ണ് സു​ഹൃ​ത്തു​ക്ക​ളും കു​ള​ച്ച​ല്‍ സ്വ​ദേ​ശി​ക​ളു​മാ​യ 11 പേ​ര്‍ക്കൊ​പ്പം ഞാ​ന്‍ മ​ത്സ്യ​ബ​ന്ധ​ന​ത്തി​നാ​യി കൊ​ല്ല​ത്തു​നി​ന്നും പു​റ​പ്പെ​ട്ട​ത്. പ​ത്തു പ​തി​ന​ഞ്ചു ദി​വ​സ​ത്തോ​ളം പു​റം ക​ട​ലി​ല്‍. ഭ​ക്ഷ​ണ​മൊ​ക്കെ തീ​ര്‍ന്നു. അ​വ​സാ​ന​ത്തെ സ്രാ​വി​നെ​യും ക​യ​റ്റി ബോ​ട്ട് തി​രി​ച്ചു​കൊ​ണ്ടി​രി​ക്കു​ക​യാ​ണ്. ആ ​സ​മ​യ​ത്താ​ണ് ഒ​രു സം​ഘം ആ​ളു​ക​ള്‍ വ​ന്ന് ബോ​ട്ട് വ​ള​യു​ന്ന​തും ഞ​ങ്ങ​ളെ അ​ടി​ച്ചു​വീ​ഴ്ത്തി ബ​ന്ദിയാ​ക്കു​ന്ന​തും. ആ​റു​ല​ക്ഷ​ത്തോ​ളം രൂ​പ​യു​ടെ മീ​ന്‍ ബോ​ട്ടി​ലു​ണ്ടാ​യി​രു​ന്നു.

അ​തെ​ല്ലാം അ​വ​ര്‍ ക​ട​ലി​ല്‍ ക​ള​ഞ്ഞു. എ​ന്തു​ചെ​യ്യ​ണ​മെ​ന്ന​റി​യാ​തെ ഞ​ങ്ങ​ള്‍ പേ​ടി​ച്ചു​വി​റ​ച്ചു. പ​ര​സ്പ​രം ആ​ക്രോ​ശി​ച്ചു​കൊ​ണ്ട് അ​വ​ര്‍ ബോ​ട്ട് നി​യ​ന്ത്രി​ച്ചു. തോ​ക്കി​ന്‍മു​ന​യി​ല്‍ എ​ല്ലാ​വ​രെ​യും വി​റ​പ്പി​ച്ചു​കൊ​ണ്ടി​രു​ന്നു. യാ​ത്ര​യ്ക്കി​ടെ എ​ന്നെ നി​ര്‍ത്തി ബാ​ക്കി​യു​ള്ള​വ​രെ​യെ​ല്ലാം മ​റ്റെ​ങ്ങോ​ട്ടോ മാ​റ്റി. അ​ന്ന് ആ​ദ്യ​മാ​യി ഞാ​ന്‍ ക​ട​ലി​നെ ഭീ​തി​യോ​ടെ നോ​ക്കി. വ​രാ​നി​രി​ക്കു​ന്ന ഭ​യ​പ്പെ​ടു​ത്തു​ന്ന ദി​ന​ങ്ങ​ളെ ഓ​ർ​ത്ത് ച​ങ്കി​ടി​പ്പ് നി​ന്നു​പോ​കു​ന്ന​തു​പോ​ലെ തോ​ന്നി. ഡെ​ക്കി​ല്‍നി​ന്ന് മു​ക​ളി​ലേ​ക്ക് നോ​ക്കി...​ കാ​റ്റും അ​ല​ക​ളും സൂ​ര്യ​നും മാ​ത്രം.

ക​ണ്ണീ​രി​ൽ കു​തി​ർ​ന്ന ദി​ന​ങ്ങ​ൾ

അ​വ​ര്‍ മു​ന്നി​ലേ​ക്ക് ഭ​ക്ഷ​ണം വെ​ച്ചു​നീ​ട്ടി. ഞാ​ന്‍ ക​ഴി​ച്ചി​ല്ല. ദി​വ​സ​ങ്ങ​ളോ​ളം പ​ട്ടി​ണി​കി​ട​ന്നു. ക​ര​ഞ്ഞു ത​ള​ര്‍ന്നു​വീ​ണ ഒ​രു ദി​വ​സം തോ​ക്ക് ചൂ​ണ്ടി ഭ​ക്ഷ​ണം ക​ഴി​ക്കാ​ന്‍ ആ​വ​ശ്യ​പ്പെ​ട്ടു. ഭീ​ഷ​ണി​യെ​ക്കാ​ള്‍ ര​ക്ഷ​പ്പെ​ടാ​നു​ള്ള ആ​ഗ്ര​ഹം കൊ​ണ്ട് ഞാ​ന​ത് വാ​ങ്ങി ക​ഴി​ച്ചു. രാ​ത്രി​യും പ​ക​ലും ബോ​ട്ട് ഓ​ടി​ക്കൊ​ണ്ടേ​യി​രു​ന്നു.

നി​റം പെ​യി​ന്റ​ടി​ച്ച് വ്യ​ത്യാ​സ​പ്പെ​ടു​ത്തി​യി​രു​ന്നു. ലൈ​റ്റ് തെ​ളി​​ച്ചി​രു​ന്നി​ല്ല. ക​ണ്ണ​ട​ച്ചി​രു​ന്ന് ര​ണ്ടു​മൂ​ന്നു ദി​വ​സ​ങ്ങ​ള്‍ ത​ള്ളി​നീ​ക്കി. നാ​ട്ടി​ലു​ള്ള പ്രി​യ​പ്പെ​ട്ട​വ​രെ​യോ​ര്‍ത്ത് നെ​ഞ്ചു​പൊ​ട്ടി​ക്ക​ര​ഞ്ഞു.എ​ന്‍ജി​ന്‍ റി​പ്പ​യ​ര്‍ വ​രു​മ്പോ​ള്‍ എ​ന്നെ​ക്കൊ​ണ്ട് ജോ​ലി ചെ​യ്യി​ക്കും. എ​ല്‍.​ടി.​ടി.​ഇ സാ​യു​ധ വി​ഭാ​ഗ​ത്തി​ലെ ക​ട​ല്‍പ്പു​ലി​ക​ളാ​യി​രു​ന്നു അ​വ​ര്‍. പോ​രാ​ട്ട​ങ്ങ​ള്‍ക്കു​വേ​ണ്ടി​യു​ള്ള ആ​യു​ധ​ങ്ങ​ള്‍ എ​ത്തി​ക്ക​ലാ​ണ് ചെ​യ്തി​രു​ന്ന​ത്. തെ​ക്ക​ന്‍ ത​മി​ഴ്നാ​ട്ടി​ല്‍നി​ന്നും മ​ലേ​ഷ്യ​യി​ല്‍നി​ന്നും കി​ഴ​ക്ക​ന്‍ ശ്രീ​ല​ങ്ക​യി​ലേ​ക്ക് ആ​യു​ധ​ങ്ങ​ള്‍ നി​റ​ച്ച് ക​പ്പ​ലു​ക​ള്‍ വ​ന്നി​രു​ന്നു.

അ​ത് ബോ​ട്ടി​ല്‍ ക​യ​റ്റി മ​റ്റൊ​രി​ട​ത്തേ​ക്ക് കൊ​ണ്ടു​പോ​കും. ഇ​ങ്ങ​നെ ആ​യു​ധ​വും വെ​ടി​മ​രു​ന്നു​ക​ളും ഭ​ക്ഷ​ണ​വും ച​ര​ക്കു ക​പ്പ​ലു​ക​ളി​ല്‍ നി​റ​ച്ചു​കൊ​ണ്ടി​രു​ന്നു. അ​വ​ര്‍ ത​മ്മി​ല്‍ സം​സാ​രി​ച്ചി​രു​ന്നി​ല്ല. ഓ​രോ​രു​ത്ത​രും കൈ​യി​ല്‍ ക​രു​തി​യി​രു​ന്ന ഉ​പ​ക​ര​ണ​ത്തി​ലൂ​ടെ കോ​ഡ് ഭാ​ഷ​യി​ല്‍ ശ​ബ്ദ​ങ്ങ​ള്‍ പു​റ​പ്പെ​ടു​വി​ക്കും. ആ​ശ​യ​വി​നി​മ​യ​ത്തി​നു​ള്ള ക​മ്യൂ​ണി​റ്റി റേ​ഡി​യോ സം​വി​ധാ​ന​മാ​യി​രു​ന്നു അ​തെ​ന്ന് പി​ന്നീ​ട് മ​ന​സ്സി​ലാ​യി.

ദി​വ​സ​ങ്ങ​ള്‍ ക​ട​ന്നു​പോ​യി. ഞാ​നെ​ന്റെ ഭാ​ര്യ​യെ ഓ​ര്‍ത്തു, മ​ക്ക​ളെ​ക്കു​റി​ച്ചോ​ര്‍ത്തു, വ​യ്യാ​തി​രി​ക്കു​ന്ന അ​പ്പ​ച്ഛ​ന്‍, അ​മ്മ​ച്ചി, എ​നി​ക്കെ​ന്തു സം​ഭ​വി​ച്ചെ​ന്ന​റി​യാ​തെ അ​വ​ര്‍ നീ​റു​ക​യാ​യി​രി​ക്കും. എ​ന്റെ മ​ട​ങ്ങി​വ​ര​വി​നു​വേ​ണ്ടി​യു​ള്ള പ്രാ​ര്‍ഥ​ന​യി​ലാ​യി​രി​ക്കും... അ​ല്ലെ​ങ്കി​ല്‍ ഞാ​ന്‍ മ​രി​ച്ചെ​ന്ന് അ​വ​ര്‍ ക​രു​തി​യി​ട്ടു​ണ്ടാ​കു​മോ? അ​ങ്ങ​നെ പ​ല​വ​ഴി​ക്കു നീ​ണ്ടു ആ​ലോ​ച​ന​ക​ള്‍.... വെ​ടി​ക്കോ​പ്പു​ക​ളു​ടെ ഗ​ന്ധ​വും ശ​ബ്ദ​വും അ​ക​മ്പ​ടി​യാ​യി. മ​ന​സ്സു മ​ര​വി​ച്ചു​തു​ട​ങ്ങി. ബോ​ട്ടി​ല്‍ സൂ​ക്ഷി​ച്ചി​രു​ന്ന ബൈ​ബി​ള്‍ തു​റ​ന്നു.

ഓ​രോ വ​ച​ന​ങ്ങ​ളും പ്ര​തീ​ക്ഷ​യേ​കി. കൂ​ടു​ത​ല്‍ സ​മ​യ​വും ബൈ​ബി​ള്‍ വാ​യ​ന​യി​ല്‍ മു​ഴു​കി. ബോ​ട്ടി​ലു​ണ്ടാ​യി​രു​ന്ന 12 പേ​ര്‍ എ​ട്ടു​പേ​രാ​യി ചു​രു​ങ്ങി. ത​മി​ഴി​ലും സിം​ഹ​ള ഭാ​ഷ​യി​ലും അ​വ​ര്‍ എ​ന്നോ​ട് സം​സാ​രി​ച്ചു. ഗ​ള്‍ഫി​ലാ​യി​രു​ന്ന​പ്പോ​ള്‍ ശ്രീ​ല​ങ്ക​ക്കാ​രോ​ടൊ​പ്പം ജോ​ലി ചെ​യ്ത​തു​കൊ​ണ്ട് സിം​ഹ​ള ഭാ​ഷ എ​നി​ക്ക​റി​യാ​മാ​യി​രു​ന്നു.

ആ​ദ്യ​മൊ​ക്കെ പ​രു​ക്ക​ന്‍ പെ​രു​മാ​റ്റ​മാ​യി​രു​ന്നെ​ങ്കി​ലും പി​ന്നീ​ട് സ​മാ​ധാ​ന​പൂ​ർ​വം അ​വ​ർ സം​സാ​രി​ച്ചു തു​ട​ങ്ങി. അ​പ്പൂ​ച്ചി എ​ന്നാ​ണ് അ​വ​രെ​ന്നെ വി​ളി​ച്ചി​രു​ന്ന​ത്. അ​വ​ര്‍ ചെ​യ്തു​കൊ​ണ്ടി​രി​ക്കു​ന്ന ക്രൂ​ര​ത​യെ​ക്കു​റി​ച്ചും ശി​ക്ഷ​യെ​ക്കു​റി​ച്ചും ഞാ​ന​വ​രോ​ട് പ​റ​ഞ്ഞു. ഒ​രു ഭാ​വ​മാ​റ്റ​വു​മി​ല്ലാ​തെ അ​തൊ​ക്കെ കേ​ട്ടു. ഒ​രി​ക്ക​ല്‍ ബൈ​ബി​ള്‍ ഞാ​ന​വ​രു​ടെ കൈ​യി​ല്‍ വെ​ച്ചു​കൊ​ടു​ത്തു. അ​ത​വ​ര്‍ അ​പ്പോ​ള്‍ത​ന്നെ എ​നി​ക്കു തി​രി​ച്ചു​ന​ല്‍കി.

ചാ​വേ​ർ പ​ട

ക​ട​ലി​ലെ പ്ര​തി​സ​ന്ധി​യേ​ക്കാ​ള്‍ ഭ​യാ​ന​കം ഇ​വ​രു​ടെ നീ​ക്ക​ങ്ങ​ള്‍ ത​ന്നെ​യാ​യി​രു​ന്നു. പ​ക്ഷേ, ഒ​രി​ക്ക​ല്‍പോ​ലും അ​വ​രെ​ന്നെ ഉ​പ​ദ്ര​വി​ച്ചി​ല്ല. ദി​ന​രാ​ത്ര​ങ്ങ​ള്‍ ക​ട​ന്നു​പോ​യി. പെ​ട്ടെ​ന്നൊ​രു ദി​വ​സം ത​ല​പി​ള​ര്‍ക്കും​പോ​ലെ വെ​ടി​വെ​പ്പി​ന്റെ ശ​ബ്ദം കേ​ട്ട് ചാ​ടി എ​ഴു​ന്നേ​റ്റു. മൂ​ന്നു ശ്രീ​ല​ങ്ക​ന്‍ ബോ​ട്ടു​ക​ളെ ആ​ക്ര​മി​ക്കു​ക​യാ​ണ്. ഒ​രാ​ളെ ഒ​ഴി​ച്ച് ബാ​ക്കി​യെ​ല്ലാ​വ​രെ​യും വെ​ടി​വെ​ച്ചു വീ​ഴ്ത്തി.

ര​ണ്ടു ബോ​ട്ടു​ക​ള്‍ പി​ടി​ച്ചെ​ടു​ത്തു. അ​തി​ലെ​യും ഡൈ​നാ​മോ എ​ന്നെ​ക്കൊ​ണ്ട് റി​പ്പ​യ​ര്‍ ചെ​യ്യി​ച്ചു. തോ​ക്ക് ത​ല​യി​ല്‍ വെ​ച്ച് ഭീ​ഷ​ണി​പ്പെ​ടു​ത്തി​യാ​ണ് ജോ​ലി​ചെ​യ്യി​ക്കു​ന്ന​ത്. ആ ​ബോ​ട്ടി​ലാ​ണ് പി​ന്നീ​ട് ശ്രീ​ല​ങ്ക​യി​ലേ​ക്ക് ആ​യു​ധ​ങ്ങ​ള്‍ ക​ട​ത്തി​യി​രു​ന്ന​ത്. ഭ​ക്ഷ​ണ​വും അ​വ​ശ്യ​വ​സ്തു​ക്ക​ളും ക​പ്പ​ലി​ലെ​ത്തും. അ​വ​ര്‍ ത​ന്നെ​യാ​യി​രു​ന്നു ഭ​ക്ഷ​ണം പാ​കം ചെ​യ്തി​രു​ന്ന​ത്. പ​ച്ച​രി ചോ​റും കൂ​ണ്‍ ക​റി​യു​മാ​യി​രു​ന്നു പ്ര​ധാ​ന ഭ​ക്ഷ​ണം.

കു​റ​ച്ചു ദി​വ​സ​ങ്ങ​ള്‍ക്കു​ശേ​ഷം പി​ടി​ച്ചെ​ടു​ത്ത ശ്രീ​ല​ങ്ക​ന്‍ ബോ​ട്ടി​നു നേ​രെ മ​റൈ​ന്‍ ഫോ​ഴ്സി​ന്റെ ആ​ക്ര​മ​ണ​മു​ണ്ടാ​യി. അ​തി​ല്‍ ഇ​വ​ര്‍ക്കൊ​പ്പ​മു​ണ്ടാ​യി​രു​ന്ന മൂ​ന്ന് എ​ല്‍.​ടി.​ടി.​ഇ​ക്കാ​ര്‍ കൊ​ല്ല​പ്പെ​ട്ടു. ബോ​ട്ടി​ലു​ണ്ടാ​യി​രു​ന്ന മി​സൈ​ലു​ക​ള്‍ വെ​ള്ള​ത്തി​ലേ​ക്കി​ട്ടു. അ​തൊ​ക്കെ ക​ണ്ടും കേ​ട്ടും എ​ല്ലാം എ​നി​ക്ക് സാ​ധാ​ര​ണ കാ​ഴ്ച​യാ​യി. ദി​വ​സ​ങ്ങ​ളും മാ​സ​ങ്ങ​ളും ക​ട​ന്നു​പോ​യ​ത​റി​ഞ്ഞി​ല്ല. ഒ​രു​ദി​വ​സം ഞാ​ന​വ​രു​ടെ കു​ടും​ബ​ത്തെ​ക്കു​റി​ച്ച് ചോ​ദി​ച്ചു. അ​തൊ​ന്നും അ​വ​ര്‍ക്കു പ​റ​യാ​നു​ണ്ടാ​യി​രു​ന്നി​ല്ല.

ക​ട​ലി​ലേ​ക്കെ​റി​യു​ന്ന ശ​രീ​ര​ങ്ങ​ൾ

ഒ​രു​ദി​വ​സം രാ​ത്രി​യോ​ട​ടു​ക്കു​ന്ന നേ​രം, അ​വ​രി​ല്‍ ഒ​രാ​ള്‍ നി​ല​ത്തു വീ​ണു​കി​ട​ക്കു​ന്നു. ഞ​ങ്ങ​ള്‍ എ​ല്ലാ​വ​രും ഓ​ടി​ച്ചെ​ന്നു നോ​ക്കി. വി​ളി​ച്ചി​ട്ട് അ​വ​ന്‍ എ​ഴു​ന്നേ​ല്‍ക്കു​ന്നി​ല്ല. അ​വ​ര്‍ പ​ര​സ്പ​രം സം​സാ​രി​ച്ചു. എ​നി​ക്കൊ​ന്നും മ​ന​സ്സി​ലാ​യി​ല്ല. കു​റ​ച്ചു നേ​രം ക​ഴി​ഞ്ഞ​പ്പോ​ൾ അ​വ​ർ അ​വ​ന്റെ കൈ​കാ​ലു​ക​ള്‍ പി​ടി​ച്ച് പൊ​ക്കി​യെ​ടു​ത്തു, നേ​രെ ക​ട​ലി​ലേ​ക്കെ​റി​ഞ്ഞു. ഞാ​ൻ അ​ല​റി​വി​ളി​ച്ചു.

എ​ന്താ​ണ് സം​ഭ​വി​ക്കു​ന്ന​തെ​ന്ന​റി​യാ​തെ അ​ങ്ങോ​ട്ടും ഇ​ങ്ങോ​ട്ടും ഓ​ടി. അ​വ​ന്‍ മ​രി​ച്ചു​കി​ട​ക്കു​ക​യാ​യി​രു​ന്നെ​ന്ന് അ​വ​രി​ലൊ​രാ​ള്‍ എ​ന്നോ​ട് പ​റ​യു​ന്നു​ണ്ടെ​ങ്കി​ലും ഞാ​നൊ​രു ഭ്രാ​ന്ത​നെ​പ്പോ​ലെ വെ​പ്രാ​ള​പ്പെ​ട്ടു ക​ര​ഞ്ഞു. അ​വ​ര്‍ അ​തൊ​ന്നും ശ്ര​ദ്ധി​ക്കാ​തെ അ​വി​ടം മ​ഞ്ഞ​ള്‍ വെ​ള്ളം ക​ല​ക്കി​യൊ​ഴി​ച്ചു ക​ഴു​കി. ഭ​ക്ഷ​ണം ക​ഴി​ക്കാ​നി​രു​ന്നു. പ​ല​ദി​വ​സ​ങ്ങ​ളി​ലും എ​നി​ക്കു നേ​രെ ഭ​ക്ഷ​ണം ​െവ​ച്ചു​നീ​ട്ടി​യ​വ​ന്‍... ആ ​സം​ഭ​വം എ​ന്നെ വ​ല്ലാ​തെ ത​ള​ര്‍ത്തി. ആ ​രാ​ത്രി​യി​ലെ ഞെ​ട്ട​ലി​ല്‍ ഭ​ക്ഷ​ണ​വും വെ​ള്ള​വു​മി​ല്ലാ​തെ മൂ​ന്നു ദി​ന​രാ​ത്ര​ങ്ങ​ള്‍ മ​യ​ങ്ങി​യ​ത് ഞാ​ന​റി​ഞ്ഞി​ല്ല.

പി​ന്നെ​യും ബോ​ട്ട് സ​ഞ്ച​രി​ച്ചു​കൊ​ണ്ടി​രു​ന്നു. ഇ​നി ഒ​രു ര​ക്ഷ​പ്പെ​ട​ലി​ന് സാ​ധ്യ​ത​യി​ല്ലെ​ന്ന് മ​ന​സ്സി​ലു​റ​പ്പി​ച്ചു. മ​ര​ണ​ത്തെ​ക്കു​റി​ച്ചു ചി​ന്തി​ച്ചു. മ​ക്ക​ളെ​ക്കു​റി​ച്ചോ​ര്‍ത്ത​പ്പോ​ഴൊ​ക്കെ പൊ​ട്ടി​ക്ക​ര​ഞ്ഞു.​ അ​വ​രു​ടെ ത​ന്നെ ആ​യു​ധ​ങ്ങ​ള്‍ക്കൊ​ണ്ട് ബോ​ട്ടി​ലു​ള്ള​വ​രെ വെ​ടി​വെ​ച്ചു​വീ​ഴ്ത്തി ര​ക്ഷ​പ്പെ​ടു​ന്ന​തി​നെ​ക്കു​റി​ച്ചാ​ലോ​ചി​ച്ചു. അ​തൊ​ന്നും എ​ന്നെ​ക്കൊ​ണ്ട് സാ​ധി​ക്കി​ല്ലെ​ങ്കി​ലും അ​ങ്ങ​നെ​യൊ​ക്കെ ഞാ​ന്‍ സ്വ​പ്‌​നം ക​ണ്ടു. എ​ന്റെ ഓ​ർമയി​ല്‍ അ​റു​പ​തോ​ളം ദി​ന​രാ​ത്ര​ങ്ങ​ള്‍ അ​തി​നകം പി​ന്നി​ട്ടു ക​ഴി​ഞ്ഞി​രു​ന്നു. അ​ല​ക​ള്‍ക്കൊ​പ്പം മ​ന​സ്സും ആ​ടി​യു​ല​ഞ്ഞു. പ്ര​തീ​ക്ഷ​ക​ളെ​ല്ലാം കൈ​വി​ട്ടു.

മു​ന്നി​ലും പി​ന്നി​ലും മ​ര​ണം മാ​ത്രം

യാ​ത്ര​യി​ല്‍ ഒ​രു പ്ര​ദേ​ശ​വും തി​രി​ച്ച​റി​യാ​ന്‍ സാ​ധി​ക്കു​ന്നു​ണ്ടാ​യി​രു​ന്നി​ല്ല. നി​മി​ത്തം പോ​ലെ ദൂ​രെ നി​ന്നും ഒ​രു ബോ​ട്ട് എ​ന്റെ ക​ണ്ണി​ൽ​പെ​ട്ടു. മാ​ല​ദ്വീ​പി​ൽ​നി​ന്നു​ള്ള ട്യൂ​ണ ബോ​ട്ടാ​യി​രു​ന്നു അ​ത്. അ​പ്പോ​ഴാ​ണ് മാ​ല​ദ്വീ​പ് പ​രി​സ​ര​ത്താ​ണെ​ന്ന് മ​ന​സ്സി​ലാ​യ​ത്. അ​ത് ഞ​ങ്ങ​ളെ ല​ക്ഷ്യം​വെ​ച്ചു​വ​രു​ന്ന​ത് ക​ണ്ട​പ്പോ​ള്‍ അ​പ​ക​ടം മ​ണ​ത്തു. അ​ക​ന്നു​പോ​കാ​ന്‍ ഞാ​ന്‍ അ​വ​രോ​ട് ആം​ഗ്യം കാ​ട്ടി. പ​ക്ഷേ, അ​വ​ര്‍ എ​ന്നി​ട്ടും മു​ന്നോ​ട്ടെ​ടു​ത്തു. ക​ണ്ണു​ചി​മ്മി തു​റ​ക്കു​ന്ന നേ​രം പു​ലി​ക​ള്‍ വെ​ടി​യു​തി​ര്‍ത്തു.

പ​ക്ഷേ, അ​വ​ര്‍ ക​ഷ്ടി​ച്ചു ര​ക്ഷ​പ്പെ​ട്ടു, ബോ​ട്ടു​മാ​യി നീ​ങ്ങി. പ​ക്ഷേ കോ​സ്റ്റ​ല്‍ ഗാ​ര്‍ഡി​ന് അ​വ​ർ അ​പ്പോ​ഴേ​ക്കും വി​വ​രം ന​ൽ​കി​ക്ക​ഴി​ഞ്ഞി​രു​ന്നു. മാ​ല​ദ്വീ​പി​ന്റെ ബോ​ട്ട് ര​ക്ഷ​പ്പെ​ട്ട​തോ​ടെ ഏ​തു നി​മി​ഷ​വും ത​ങ്ങ​ള്‍ ആ​ക്ര​മി​ക്ക​പ്പെ​ടാ​മെ​ന്ന് അ​വ​ർ​ക്ക് മ​ന​സ്സി​ലാ​യി. എ​ന്നെ​യും കൂ​ട്ടി ആ​റു​പേ​രാ​ണ് അ​ന്ന് ബോ​ട്ടി​ലു​ണ്ടാ​യി​രു​ന്ന​ത്. കോ​സ്റ്റ​ല്‍ പൊ​ലീ​സി​ല്‍നി​ന്നും ഒ​രു ആ​ക്ര​മ​ണം പ്ര​തീ​ക്ഷി​ച്ച് പു​ലി​ക​ൾ ത​യാ​റാ​യി.

ചെ​റി​യ ഗ്യാ​സ് കു​റ്റി​ക​ള്‍ ബോ​ട്ടി​ല്‍ നി​ര​ത്തി. എ​ന്റെ​യും അ​വ​രു​ടെ​യും ദേ​ഹ​ത്ത് ഡീ​സ​ല്‍ ഒ​ഴി​ച്ചു. പി​ടി​ക്ക​പ്പെ​ടു​ന്ന അ​വ​സ്ഥ ഉ​ണ്ടാ​യാ​ല്‍ ബോ​ട്ട് ക​ത്തി​ക്കു​ക. ശ​ത്രു​വി​ന്റെ മു​ന്നി​ല്‍ കീ​ഴ​ട​ങ്ങി, പീ​ഡ​ന​ങ്ങ​ളേ​റ്റ് സം​ഘ​ട​ന​യെ​ക്കു​റി​ച്ചു​ള്ള വി​വ​ര​ങ്ങ​ള്‍ ന​ൽ​കാ​ൻ അ​വ​ര്‍ ഒ​രി​ക്ക​ലും ത​യാ​റ​ല്ലാ​യി​രു​ന്നു. എ​ല്‍.​ടി.​ടി.​ഇ​യു​ടെ ഗ​റി​ല യു​ദ്ധ​മു​റ​ക​ളെ പ്ര​തി​ഫ​ലി​പ്പി​ക്കു​ന്ന​താ​യി​രു​ന്നു പി​ന്നീ​ടു​ള്ള അ​വ​രു​ടെ നീ​ക്ക​ങ്ങ​ള്‍.

വെ​ടി​ക്കോ​പ്പു​ക​ള്‍ കൈ​യി​ലേ​ന്തി നി​ര​ന്നു​നി​ന്നു. ന​ടു​ക്ക​ട​ല്‍... ഇ​താ​ണ് എ​ന്റെ​യും സ​മ​യം എ​ന്ന് ഞാ​നും മ​ന​സ്സി​ലു​റ​പ്പി​ച്ചു. മ​ര​ണം മു​ന്നി​ലും പി​ന്നി​ലു​മാ​യി വ​ന്നു​നി​ല്‍ക്കു​ന്നു. കൂ​ടു​ത​ല്‍ ചി​ന്തി​ച്ചി​ല്ല, നേ​രെ ക​ട​ലി​ലേ​ക്ക്. പി​ന്നാ​ലെ എ​നി​ക്കു​നേ​രെ പു​ലി​ക​ള്‍ വെ​ടി​യു​തി​ര്‍ത്തു. കോ​സ്റ്റ​ല്‍ ഗാ​ര്‍ഡും ത​മി​ഴ് പു​ലി​ക​ളു​മാ​യി ഏ​റ്റു​മു​ട്ടി. ന​ടു​ക്ക​ട​ലി​ല്‍ കി​ട​ന്നു കൊ​ണ്ട് ജീ​വി​ത​ത്തി​ലെ ഏ​റ്റ​വും ഭീ​തി​ദ​മാ​യ രം​ഗ​ങ്ങ​ള്‍ക്ക് സാ​ക്ഷി​യാ​യി.

ര​ണ്ടു​മ​ണി​ക്കൂ​റോ​ളം മു​ങ്ങി​പ്പോ​കാ​തെ നീ​ന്തി പി​ടി​ച്ചു​നി​ന്നു. ഒ​ടു​വി​ല്‍ മാ​ല​ദ്വീ​പ് തീ​ര​സം​ര​ക്ഷ​ണ സേ​ന​യു​ടെ ബോ​ട്ടി​ന​രി​കി​ലേ​ക്ക് നീ​ന്തി​ച്ചെ​ന്നു. അ​വ​ര്‍ എ​ന്നോ​ട് വ​സ്ത്ര​ങ്ങ​ള്‍ അ​ഴി​ക്കാ​ന്‍ ആ​വ​ശ്യ​പ്പെ​ട്ടു. വി​വ​സ്ത്ര​നാ​യി ഞാ​ൻ ബോ​ട്ടി​ൽ ക​യ​റി. ക​ട​ലി​ൽ നി​ന്നും പി​ടി​ച്ചി​ട്ട മ​ത്സ്യ​ത്തെ​പ്പോ​ലെ കി​ട​ന്ന് പി​ട​ഞ്ഞു. ശ്വാ​സം മു​ട്ടി... വെ​പ്രാ​ള​പ്പെ​ട്ട് ഞാ​ൻ പ​റ​ഞ്ഞു, ഞാ​റ​ക്ക​ല്‍ പ​ള്ളി... ഞാ​റ​ക്ക​ൽ പ​ള്ളി... വ​ട​ക്കു വ​ശം... വീ​ട്. പി​ന്നെ ഒ​ന്നും എ​നി​ക്കോ​ർ​മ​യി​ല്ല.

മാ​ല​ദ്വീ​പി​ലെ ത​ണ​ലി​ൽ

ബോ​ധം വീ​ഴു​മ്പോ​ള്‍ ഞാ​ന്‍ മാ​ലി ക്യാ​മ്പി​ലാ​യി​രു​ന്നു. അ​വ​ര്‍ എ​നി​ക്കു ഭ​ക്ഷ​ണം ത​ന്നു. ഞാ​ൻ ക​ണ്ണാ​ടി​യി​ൽ ഒ​ന്നു​നോ​ക്കി. മു​ഖം ആ​കെ വി​കൃ​ത​മാ​യി​രി​ക്കു​ന്നു. താ​ടി​യും മു​ടി​യും വ​ള​ര്‍ന്നി​ട്ടു​ണ്ട്. അ​പ്പോ​ഴും എ​ല്‍.​ടി.​ടി.​ഇ സേ​നാം​ഗ​ങ്ങ​ളു​ടെ പി​ടി​യി​ല്‍നി​ന്നും ര​ക്ഷ​പ്പെ​ട്ടു എ​ന്ന് വി​ശ്വ​സി​ക്കാ​നാ​യി​ല്ല. സ​യ​നൈ​ഡ് ക​ഴി​ക്കാ​ന്‍ ശ്ര​മി​ച്ച് അ​വ​ശ​നി​ല​യി​ലാ​യ​വ​രെ​യും അ​വി​ടേ​ക്ക് കൊ​ണ്ടു​വ​ന്നി​രു​ന്നു. അ​തി​ൽ ഒ​രാ​ൾ കൊ​ല്ല​പ്പെ​ട്ടു. അ​വ​ർ എ​ന്നോ​ട് കാ​ര്യ​ങ്ങ​ളെ​ല്ലാം ചോ​ദി​ച്ചു മ​ന​സ്സി​ലാ​ക്കി.

എ​ന്നെ ക​ണ്ടു​പി​ടി​ക്കാ​നും തി​രി​ച്ചു​കൊ​ണ്ടു​വ​രാ​നും കേ​ര​ള സ​ർ​ക്കാ​ർ ന​ട​ത്തു​ന്ന ശ്ര​മ​ങ്ങ​ളെ​ക്കു​റി​ച്ചൊ​ക്കെ അ​വ​ര്‍ പ​റ​ഞ്ഞു​ത​ന്നു. ഇ​നി ഒ​രി​ക്ക​ലും തി​രി​ച്ചു​കി​ട്ടി​ല്ലെ​ന്ന് ക​രു​തി​യ സ​ന്തോ​ഷ​വും സ​മാ​ധാ​ന​വും ഞാ​ന​ന്ന​നു​ഭ​വി​ച്ചു. വി​ശ​പ്പു​തോ​ന്നി. ചി​രി​ക്കാ​ന്‍ തോ​ന്നി. എ​ന്തു ധൈ​ര്യ​ത്തി​ലാ​ണ് സ്രാ​വു​ക​ള്‍ നി​റ​ഞ്ഞ ക​ട​ലി​ലേ​ക്ക് നി​ങ്ങ​ള്‍ എ​ടു​ത്തു​ചാ​ടി​യ​തെ​ന്ന് അ​വ​ര്‍ ചോ​ദി​ച്ചു. ഞാ​ന​ത്ര ധൈ​ര്യ​മു​ള്ള ആ​ള​ല്ല.

ചെ​റി​യ സ​ങ്ക​ട​ങ്ങ​ളി​ല്‍പോ​ലും ത​ക​ര്‍ന്നു​പോ​കു​ന്ന​താ​ണ് എ​ന്റെ പ്ര​കൃ​തം. പ​ക്ഷേ, ജീ​വി​തം ന​മ്മ​ളെ ചി​ല​പ്പോ​ഴൊ​ക്കെ അ​മാ​നു​ഷി​ക​രാ​ക്കും. അ​ന്വേ​ഷ​ണ​വും ന​ട​പ​ടി​ക്ര​മ​ങ്ങ​ളു​മാ​യി ഒ​രു​മാ​സം മാ​ല​ദ്വീ​പി​ൽ ക​ഴി​ഞ്ഞു. അ​ങ്ങേ​യ​റ്റം സ്‌​നേ​ഹ​ത്തോ​ടെ​യാ​യി​രു​ന്നു അ​വി​ട​ത്തെ സേ​ന​യു​ടെ പെ​രു​മാ​റ്റം.

2007 ജൂ​ലൈ 4

നാ​ലു​മാ​സം നീ​ണ്ട അ​നി​ശ്ചി​ത​ത്വ​ത്തി​നും ഊ​ഹാ​പോ​ഹ​ങ്ങ​ള്‍ക്കും അ​റു​തി​വ​രു​ത്തി 2007 ജൂ​ലൈ നാ​ലി​ന് ഒ​രു ബു​ധ​നാ​ഴ്ച ഞാ​ന്‍ നാ​ട്ടി​ലെ​ത്തി. സ്‌​നേ​ഹ സ​മ്മാ​ന​ങ്ങ​ള്‍ നി​റ​ച്ച വ​ലി​യൊ​രു പെ​ട്ടി​യു​മാ​യാ​ണ് മാ​ല​ദ്വീ​പ് തീ​ര​സം​ര​ക്ഷ​സേ​ന എ​ന്നെ യാ​ത്ര​യാ​ക്കി​യ​ത്. ഇ​ന്ത്യ​ന്‍ എ​യ​ര്‍ലൈ​ന്‍സി​ന്റെ വി​മാ​ന​ത്തി​ല്‍ തി​രു​വ​ന​ന്ത​പു​ര​ത്ത് വ​ന്നി​റ​ങ്ങി.

കു​ടും​ബം, കൂ​ട്ടു​കാ​ര്‍, നാ​ട്ടു​കാ​ര്‍, ജി​ല്ല ക​ല​ക്ട​ര്‍, രാ​ഷ്ട്രീ​യ പ്ര​മു​ഖ​ര്‍ തു​ട​ങ്ങി വ​ന്‍ ജ​നാ​വ​ലി എ​യ​ര്‍പോ​ർ​ട്ടി​ല്‍ എ​ന്നെ സ്വീ​ക​രി​ക്കാ​നാ​യി കാ​ത്തു​നി​ൽ​പ്പു​ണ്ടാ​യി​രു​ന്നു. എ​ല്ലാ​വ​ർ​ക്കും ന​ന്ദി പ​റ​ഞ്ഞു. എ​ന്നെ മാ​ത്രം നി​ര്‍ത്തി ബോ​ട്ടി​ല്‍നി​ന്നും മോ​ചി​പ്പി​ച്ച മ​റ്റു മ​ത്സ്യ​​തൊ​ഴി​ലാ​ളി​ക​ളി​ലൂ​ടെ​യാ​ണ് താ​ന്‍ എ​ല്‍.​ടി.​ടി.​ഇ ത​ട​വി​ലാ​ണെ​ന്ന കാ​ര്യം ബ​ന്ധു​ക്ക​ള്‍ അ​റി​ഞ്ഞ​തെ​ന്ന് മ​ന​സ്സി​ലാ​യി. പ​ല​യി​ട​ങ്ങ​ളി​ല്‍ മാ​റ്റി​പ്പാ​ര്‍പ്പി​ച്ച് ഒ​ടു​വി​ല്‍ അ​വ​രെ രാ​മേ​ശ്വ​ര​ത്തു​നി​ന്ന് മോ​ചി​പ്പി​ക്കു​ക​യാ​യി​രു​ന്നു.

പി​ന്നീ​ട് ക​ട​ലി​ല്‍ പ​ണി​ക്കു പോ​യി​ല്ല. ഭാ​ര്യ ജോ​യ്‌​സി. മൂ​ന്ന് ആ​ണ്‍മ​ക്ക​ള്‍. ഷാ​റോ​ണ്‍, ഷാ​ന​ന്‍, ഷെ​ര്‍വി​ന്‍. ഒ​രു ബൈ​ക്ക​പ​ക​ട​ത്തി​ന്റെ രൂ​പ​ത്തി​ല്‍ മൂ​ത്ത​മ​ക​ന്‍ ഷാ​രോ​ണി​നെ ത​ട്ടി​യെ​ടു​ത്ത് പി​ന്നെ​യും പ​രീ​ക്ഷ​ണം. അ​വ​ന്‍ പ​ണി​ത വീ​ട്ടി​ലാ​ണി​പ്പോ​ൾ. ചു​വ​രി​ല്‍ തൂ​ക്കി​യി​ട്ടി​രി​ക്കു​ന്ന ഫോ​ട്ടോ​യി​ലേ​ക്ക് കൈ ​ചൂ​ണ്ടി സൈ​മ​ണ്‍ സോ​സ ക​ണ്ണു​ക​ള്‍ തു​ട​ച്ചു.