ഗി​ന്ന​സ് റെ​ക്കോ​ഡ് ശ്ര​മ​വു​മാ​യി ഷ​ക്കീ​ർ ചീ​രാ​യി

ദോ​ഹ: ഗി​ന്ന​സ് ബു​ക്ക് ഓ​ഫ് വേ​ൾ​ഡ് റെ​ക്കോ​ഡി​ലേ​ക്കു​ള്ള ശ്ര​മ​വു​മാ​യി റ​ണ്ണ​ർ ഷ​ക്കീ​ർ ചീ​രാ​യി. ഖ​ത്ത​ർ മു​ഴു​വ​നാ​യി 200ഓ​ളം കി​ലോ​മീ​റ്റ​ർ ഓ​ടു​ക​യെ​ന്ന റെ​ക്കോ​ഡാ​ണ് ഷ​ക്കീ​ർ ല​ക്ഷ്യ​മി​ടു​ന്ന​ത്. ഫെ​ബ്രു​വ​രി 17ന് ​രാ​വി​ലെ ആ​റു​മ​ണി​ക്ക് അ​ബൂ സം​റ അ​തി​ർ​ത്തി​യി​ൽ​നി​ന്ന് ഓ​ട്ടം ഫ്ലാ​ഗ് ഓ​ഫ് ചെ​യ്യും.

പി​റ്റേ​ന്ന് രാ​വി​ലെ എ​ട്ടു​മ​ണി​യോ​ടെ അ​ൽ റു​വൈ​സി​ൽ ഫി​നി​ഷ് ചെ​യ്യു​ക​യെ​ന്ന​താ​ണ് ഷ​ക്കീ​റി​ന്റെ ഉ​ന്നം. നേ​രേ​ത്ത തു​നീ​ഷ്യ​ക്കാ​ര​ൻ സെ​ഡോ​ക് 34 മ​ണി​ക്കൂ​റി​ൽ ഈ ​ദൗ​ത്യം പൂ​ർ​ത്തി​യാ​ക്കി​യ​താ​ണ് നി​ല​വി​ലു​ള്ള റെ​ക്കോ​ഡ്. 28 മ​ണി​ക്കൂ​റി​ൽ ഈ ​റെ​ക്കോ​ഡ് ത​ന്റെ പേ​രി​ലേ​ക്ക് മാ​റ്റി​യെ​ഴു​തു​ക​യെ​ന്ന ല​ക്ഷ്യ​വു​മാ​യാ​ണ് ദോ​ഹ ബാ​ങ്കി​ൽ ജോ​ലി​നോ​ക്കു​ന്ന ഈ ​ത​ല​ശ്ശേ​രി സ്വ​ദേ​ശി ഉ​ദ്യ​മ​ത്തി​നി​റ​ങ്ങു​ന്ന​ത്.

വെ​ൽ​ന​സ് റ​ണ്ണി​ങ് ച​ല​ഞ്ചേ​ഴ്സാ​ണ് ഷ​ക്കീ​റി​ന്റെ ഗി​ന്ന​സ് ശ്ര​മ​ങ്ങ​ൾ​ക്ക് ചു​ക്കാ​ൻ പി​ടി​ക്കു​ന്ന​ത്. സി​റ്റി എ​ക്സ്ചേ​ഞ്ച് ഖ​ത്ത​റാ​ണ് സ്​​പോ​ൺ​സ​ർ​മാ​ർ. റ​ണ്ണി​ങ് ആ​വേ​ശ​മാ​യി മ​ന​സ്സി​ൽ കൊ​ണ്ടു​ന​ട​ക്കു​ന്ന ഷ​ക്കീ​ർ 12 വ​ർ​ഷ​മാ​യി ‘ഓ​ട്ടം’ തു​ട​ങ്ങി​യി​ട്ട്. ഗ​ൾ​ഫ് മാ​ധ്യ​മം ഖ​ത്ത​ർ റ​ൺ, മീ​ഡി​യ​വ​ൺ ദോ​ഹ റ​ൺ, ദോ​ഹ ബാ​ങ്ക് ഗ്രീ​ൻ റ​ൺ, ദു​ബൈ മാ​ര​ത്ത​ൺ, ഖ​ത്ത​ർ റ​ണ്ണി​ങ് സീ​രീ​സ് എ​ന്നി​വ​യി​ലെ​ല്ലാം പ​ങ്കെ​ടു​ക്കാ​റു​ണ്ട്.