ചിരട്ടയിൽ വിസ്മയ ശിൽപങ്ങൾ തീർത്ത്​ സതീഷ്

ചാ​ല​ക്കു​ടി: ചി​ര​ട്ട​യി​ൽ പ​ണി​തീ​ർ​ത്ത പ്ര​മു​ഖ വ്യ​ക്തി​ക​ളു​ടെ ശി​ൽ​പ​ങ്ങ​ൾ അ​വ​ർ​ക്ക് നേ​രി​ട്ട് സ​മ​ർ​പ്പി​ക്കാ​ൻ കാ​ത്തി​രി​ക്കു​ക​യാ​ണ്​ സ​തീ​ഷ്. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, വ്യ​വ​സാ​യി യൂ​സു​ഫ​ലി, മാ​ധ്യ​മ പ്ര​വ​ർ​ത്ത​ക​ൻ ശ്രീ​ക​ണ്ഠ​ൻ നാ​യ​ർ തു​ട​ങ്ങി​യ​വ​രു​ടെ ശി​ൽ​പ​ങ്ങ​ളാ​ണ് സ​തീ​ഷ് ഒ​രു​ക്കി​യി​ട്ടു​ള്ള​ത്.

ഇ​തി​ൽ ശ്രീ​ക​ണ്ഠ​ൻ നാ​യ​രു​ടെ ശി​ൽ​പം ക​ഴി​ഞ്ഞ ദി​വ​സം അ​ദ്ദേ​ഹ​ത്തി​ന് സ​മ​ർ​പ്പി​ച്ച​തി​ന്‍റെ സ​ന്തോ​ഷ​ത്തി​ലാ​ണ് സ​തീ​ഷ്‌. മ​റ്റു​ള്ള​വ വൈ​കാ​തെ സ​മ്മാ​നി​ക്കാ​ൻ അ​വ​സ​രം കി​ട്ടു​മെ​ന്ന് ഇ​ദ്ദേ​ഹം ക​രു​തു​ന്നു. മാ​വേ​ലി, മ​ദ​ർ തെ​രേ​സ തു​ട​ങ്ങി​യ​വ​രു​ടെ രൂ​പ​ങ്ങ​ളും നി​ർ​മി​ച്ചി​ട്ടു​ണ്ട്. ടേ​ബി​ൾ ലാം​പ്, പാ​ത്ര​ങ്ങ​ൾ, ഫ്ള​വ​ർ വെ​യ്സ്, ട്രോ​ഫി​ക​ൾ തു​ട​ങ്ങി​യ​വ ഇ​ദ്ദേ​ഹം വി​ൽ​പ​ന​ക്കാ​യി ഒ​രു​ക്കി​യി​ട്ടു​ണ്ട്.

ചി​ര​ട്ട​യി​ൽ സാ​ദാ രൂ​പ​ങ്ങ​ൾ ഉ​ണ്ടാ​ക്കാ​ൻ അ​ത്ര പ്ര​യാ​സ​മി​ല്ല. എ​ന്നാ​ൽ, ക​ലാ​രൂ​പ​ങ്ങ​ൾ സൃ​ഷ്ടി​ക്കു​ക ശ്ര​മ​ക​ര​മാ​യ പ​ണി​യാ​ണ്, പ്ര​ത്യേ​കി​ച്ച് അ​റി​യ​പ്പെ​ടു​ന്ന വ്യ​ക്തി​ക​ളു​ടെ രൂ​പം നി​ർ​മി​ക്ക​ൽ. ചി​ര​ട്ട ചെ​റി​യ ക​ഷ​ണ​ങ്ങ​ളാ​യി മു​റി​ച്ച് ഒ​ട്ടി​ച്ചു​ചേ​ർ​ത്താ​ണ് ഇ​ത് സാ​ധ്യ​മാ​ക്കി​യ​തെ​ന്നും സ​തീ​ഷ്​ പ​റ​യു​ന്നു.

ചാ​ല​ക്കു​ടി സു​ഭാ​ഷ് ന​ഗ​റി​ൽ മേ​പ്പു​റ​ത്ത് പ​ര​മേ​ശ്വ​ര​ന്‍റെ മ​ക​നാ​ണ് സ​തീ​ഷ്. സ്വ​ർ​ണ​പ്പ​ണി​ക്കാ​ര​നാ​യ ഇ​ദ്ദേ​ഹ​ത്തി​ന് ആ​ഴ്ച​യി​ൽ ഒ​ന്നോ ര​ണ്ടോ ദി​വ​സം മാ​ത്ര​മേ ജോ​ലി​യു​ള്ളൂ. ബാ​ക്കി സ​മ​യ​ത്താ​ണ് ചി​ര​ട്ട​കൊ​ണ്ടു​ള്ള ക​ര​വി​രു​തു​ക​ൾ. കോ​വി​ഡ് കാ​ല​ത്ത് പ​ണി​യൊ​ന്നും ല​ഭി​ക്കാ​തി​രു​ന്ന​പ്പോ​ഴാ​ണ് കൂ​ടു​ത​ലാ​യി ചി​ര​ട്ട ശി​ൽ​പ​ങ്ങ​ൾ നി​ർ​മി​ച്ച​ത്. പ​ല​തും നി​ർ​മി​ക്കാ​ൻ ആ​ഴ്ച​ക​ളും മാ​സ​ങ്ങ​ളു​മെ​ടു​ത്തു. ഭാ​ര്യ​യും വി​ദ്യാ​ർ​ഥി​ക​ളാ​യ മൂ​ന്ന്​ മ​ക്ക​ളു​മു​ണ്ട്.