റൈഡർ റഹീം

പ്ര​ധാ​ന​മാ​യും ഇ​മാ​റാ​ത്തി​ക​ളെ ല​ക്ഷ്യ​മി​ട്ട്​ ന​ട​ത്തു​ന്ന സൈ​ക്ലി​ങ്​ ചാ​മ്പ്യ​ൻ​ഷി​പ്പാ​ണ്​ അ​ൽ സ​ലാം ചാ​മ്പ്യ​ൻ​ഷി​പ്പ്. ഒ​രു​കാ​ല​ത്ത്​ ഇ​മാ​റാ​ത്തി​ക​ൾ​ക്ക്​ മാ​ത്ര​മാ​യി​രു​ന്ന ഈ ​ചാ​മ്പ്യ​ൻ​ഷി​പ്പി​ലേ​ക്ക്​ അ​ടു​ത്തി​ടെ​യാ​ണ്​ മ​റ്റ്​ രാ​ജ്യ​ക്കാ​ർ​ക്കും എ​ൻ​ട്രി ന​ൽ​കി തു​ട​ങ്ങി​യ​ത്. ര​ണ്ട്​ ല​ക്ഷം ദി​ർ​ഹം സ​മ്മാ​ന​തു​ക​യു​ള്ള ഈ ​ചാ​മ്പ്യ​ൻ​ഷി​പ്പ്​ യു.​എ.​ഇ വൈ​സ്​​പ്ര​സി​ഡ​ന്‍റും പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ ഓ​ഫി​സ്​ നേ​രി​ട്ട്​ ന​ട​ത്തു​ന്ന​താ​ണ്. ഇ​തി​ന്‍റെ ക​ഴി​ഞ്ഞ എ​ഡി​ഷ​നി​ലെ ഏ​ക ഇ​ന്ത്യ​ൻ സാ​ന്നി​ധ്യ​മാ​യി മാ​റി​യി​രി​ക്കു​ക​യാ​ണ്​ പാ​ല​ക്കാ​ട്​ മ​ണ്ണാ​ർ​കാ​ട്​ സ്വ​ദേ​ശി അ​ബ്​​ദു​ൽ റ​ഹീം. യോ​ഗ്യ​ത ക​ട​മ്പ​യി​ൽ പ​രീ​ക്ഷ​ണം ന​ട​ത്താ​ൻ പ​ല ഇ​ന്ത്യ​ക്കാ​രു​മു​ണ്ടാ​യി​രു​ന്നെ​ങ്കി​ലും യോ​ഗ്യ​ത ല​ഭി​ച്ച​ത്​ റ​ഹീ​മി​ന്​ മാ​ത്ര​മാ​യി​രു​ന്നു. സൈ​ക്ലി​ങ്​ ഫെ​ഡ​റേ​ഷ​നി​ൽ ര​ജി​സ്റ്റ​ർ ചെ​യ്ത​വ​രെ​യും ഇ​ൻ​ഷ്വ​ർ ചെ​യ്ത സൈ​ക്കി​ളു​ള്ള​വ​രെ​യും മാ​ത്ര​മാ​ണ്​ അ​ൽ സ​ലാം ചാ​മ്പ്യ​ൻ​ഷി​പ്പി​ലേ​ക്ക്​ പ​രി​ഗ​ണി​ക്കു​ന്ന​ത്.

ഷി​ന്ദ​ഗ മ്യൂ​സി​യം മു​ത​ൽ അ​ൽ ഖു​ദ്ര വ​രെ 172 കി​ലോ​മീ​റ്റ​റാ​ണ്​ അ​ൽ സ​ലാം ചാ​മ്പ്യ​ൻ​ഷി​പ്പ്. ഈ ​ഭാ​ഗ​ത്തെ റോ​ഡു​ക​ൾ ​​േബ്ലാ​ക്ക്​ ചെ​യ്താ​യി​രു​ന്നു മ​ത്സ​രം. 4.45 മ​ണി​ക്കൂ​റി​ലാ​ണ്​ റ​ഹീം ഈ ​ദൂ​രം താ​ണ്ടി​യ​ത്. 4.10 മ​ണി​ക്കൂ​ർ ആ​യി​രു​ന്നു ക​ട്ട്​ ഓ​ഫ്​ സ​മ​യ​മെ​ങ്കി​ലും അ​ൽ​പം വൈ​കി​യാ​ണെ​ങ്കി​ലും ല​ക്ഷ്യ​ത്തി​ലെ​ത്തി​യ​ത്​ വ​ലി​യ നേ​ട്ട​മാ​ണ്. 160ഓ​ളം പേ​ർ പ​​ങ്കെ​ടു​ത്ത മ​ത്സ​ര​ത്തി​ൽ ഷ​ബാ​ബ്​ അ​ൽ അ​ഹ്​​ലി ടീ​മി​ന്‍റെ താ​ര​മാ​ണ്​ കി​രീ​ടം സ്വ​ന്ത​മാ​ക്കി​യ​ത്. ഷാ​ർ​ജ ന​സ്​​വ​യി​ലാ​യി​രു​ന്നു യോ​ഗ്യ​ത മ​ത്സ​രം. 100 കി​ലോ​മീ​റ്റ​ർ മൂ​ന്ന്​ മ​ണി​ക്കൂ​റി​നു​ള്ളി​ൽ താ​ണ്ടു​ന്ന​വ​ർ​ക്കാ​യി​രു​ന്നു യോ​ഗ്യ​ത.

ദു​ബൈ ഡി.​എ​ക്സ്.​ബി റൈ​ഡേ​ഴ്​​സ്​ അം​ഗ​മാ​യ റ​ഹീം വ​ർ​ഷ​ങ്ങ​ളാ​യി സൈ​ക്കി​ൾ റൈ​ഡ്​ തു​ട​ങ്ങി​യി​ട്ട്. എ​ന്നാ​ൽ, ഒ​രു വ​ർ​ഷം മു​ൻ​പാ​ണ്​ റേ​സി​ങ്​ മ​ത്സ​രം ഗൗ​ര​വ​മാ​യെ​ടു​ത്ത​ത്. നാ​ട്ടി​ൽ മ​ണ്ണാ​ർ​കാ​ട്​ പെ​ഡ​ലേ​ഴ്​​സ്​ എ​ന്ന സെ​ക്ലി​ങ്​ ക്ല​ബ്ബ്​ അം​ഗ​മാ​ണ്. നാ​ല്​ റൈ​ഡ്​ ഫി​നി​ഷ്​ ചെ​യ്ത്​ സൂ​പ്പ​ർ റാ​ൻ​ഡോ​ണെ​യ​ർ പ​ദ​വി നേ​ടി​യി​രു​ന്നു. 200, 300, 400, 600 കി​ലോ​മീ​റ്റ​ർ റൈ​ഡു​ക​ൾ നി​ശ്​​ചി​ത സ​മ​യ​ത്ത്​ പൂ​ർ​ത്തീ​ക​രി​ച്ചാ​ണ്​ ഈ ​നേ​ട്ടം കൊ​യ്ത​ത്. ചെ​ന്നൈ​യി​ലെ​ത്തി​യാ​ണ്​ 400 കി​ലോ​മീ​റ്റ​ർ റൈ​ഡ്​ ചെ​യ്ത​ത്. കോ​ഴി​ക്കോ​ട്ട്​​ നി​ന്ന്​ ഉ​ടു​പ്പി​യി​ലേ​ക്കാ​യി​രു​ന്നു 600 കി​ലോ​മീ​റ്റ​ർ യാ​ത്ര. യു.​എ.​ഇ​യി​ൽ 200 കി​ലോ​മീ​റ്റ​ർ ബി.​ആ​ർ.​എം പൂ​ർ​ത്തി​യാ​ക്കി. റി​ഡ്​​ലി​യു​ടെ​ സൈ​ക്കി​ളി​ലാ​ണ്​ പ്ര​യാ​ണം. ദു​ബൈ​യി​ൽ ചെ​റി​യ മൗ​​ണ്ടെ​യ്​​ൻ റേ​സു​ക​ളി​ലും പ​​ങ്കെ​ടു​ത്തു​വ​രു​ന്നു. 10​ വ​ർ​ഷ​മാ​യി യു.​എ.​ഇ​യി​ലു​ള്ള റ​ഹീം സ​ർ​ക്യൂ​ട്ട്​ വീ​ൽ​സ്​ സൈ​ക്കി​ൾ ഷോ​പ്പ്​ മാ​നേ​ജ​രാ​ണ്. സൈ​ക്കി​ളി​നോ​ടു​ള്ള ഇ​ഷ്ട​മാ​ണ്​ ഈ ​ഫീ​ൽ​ഡി​ൽ റ​ഹീ​മി​നെ എ​ത്തി​ച്ച​ത്. ഫെ​ബ്രു​വ​രി​യി​ൽ ന​ട​ക്കു​ന്ന സ്പി​ന്നീ​സ്​ റേ​സി​ലും പ​​ങ്കെ​ടു​ക്കു​ന്നു​ണ്ട്.