ഖ​ത്ത​ർ ലോ​ക​ക​പ്പ് പ​ശ്ചാ​ത്ത​ല​ത്തി​ൽ നോ​വ​ലെ​ഴു​തി സ്കൂ​ൾ അ​ധ്യാ​പ​ക​ൻ

ദോ​ഹ: ഖ​ത്ത​ർ ലോ​ക​ക​പ്പ് ഫു​ട്ബാ​ളി​നെ പ​ശ്ചാ​ത്ത​ല​മാ​ക്കി നോ​വ​ൽ പ്ര​സി​ദ്ധീ​ക​രി​ച്ച് മ​ല​പ്പു​റ​ത്തു​നി​ന്നൊ​രു സ്കൂ​ൾ അ​ധ്യാ​പ​ക​ൻ. മ​ല​യാ​ളം, ഇം​ഗ്ലീ​ഷ്, അ​റ​ബി​ക് എ​ന്നീ ഭാ​ഷ​ക​ളി​ലും ഓ​ഡി​യോ, വി​ഡി​യോ രൂ​പ​ത്തി​ലു​മാ​ണ് നോ​വ​ലി​റ​ങ്ങു​ന്ന​ത്. മ​ല​പ്പു​റം തി​രൂ​രി​ന​ടു​ത്ത് പു​തു​പ്പ​ള്ളി ശാ​സ്താ എ.​എ​ൽ.​പി സ്കൂ​ളി​ലെ അ​ധ്യാ​പ​ക​ൻ റി​ഫാ ഷെ​ലീ​സ് ചേ​ന്ന​ര​യാ​ണ് ര​ച​യി​താ​വ്.

‘ഖ​നീ​സ-​ഷോ​പ്പ് ന​മ്പ​ർ 13എ, ​സൂ​ഖ് വാ​ഖി​ഫ്’ എ​ന്നാ​ണ് നോ​വ​ലി​ന്റെ പേ​ര്. ലോ​ക​ക​പ്പി​ന്റെ ആ​വേ​ശം പ​ക​ർ​ന്ന 32 ദി​വ​സ​ങ്ങ​ളി​ലൂ​ടെ യാ​ത്ര ചെ​യ്ത അ​ത്ര​യും അ​ധ്യാ​യ​ങ്ങ​ൾ ഉ​ൾ​ക്കൊ​ള്ളി​ച്ചാ​ണ് നോ​വ​ലെ​ഴു​തി​യി​ട്ടു​ള്ള​ത്. ഭി​ന്ന​ശേ​ഷി​ക്കാ​രെ ചേ​ർ​ത്തു​പി​ടി​ച്ച​തി​ലൂ​ടെ ഖ​ത്ത​ർ ലോ​ക​ക​പ്പ് മു​ന്നോ​ട്ട് വെ​ച്ച മാ​ന​വി​ക മൂ​ല്യ​ങ്ങ​ൾ ഊ​ന്നി​യാ​ണ് നോ​വ​ൽ മു​ന്നോ​ട്ട് പോ​കു​ന്ന​തെ​ന്ന് റി​ഫാ ഷെ​ലീ​സ് പ​റ​ഞ്ഞു.

സെ​വ​ൻ​സ് ഫു​ട്ബാ​ളി​ൽ സ​ജീ​വ​മാ​യി​രു​ന്ന മ​ല​പ്പു​റ​ത്തെ ഒ​രു ചെ​റു​പ്പ​ക്കാ​ര​ന് അ​പ്ര​തീ​ക്ഷി​ത​മാ​യു​ണ്ടാ​യ പ​രി​ക്കി​നെ​തു​ട​ർ​ന്ന് ക​ളി​ക്ക​ള​ത്തി​ൽ​നി​ന്ന് വി​ട്ടു​നി​ൽ​ക്കേ​ണ്ടി​വ​ന്നു. എ​ങ്കി​ലും ത​ന്റെ ഇ​ച്ഛാ​ശ​ക്തി​യും ഫു​ട്ബാ​ളി​നോ​ടു​ള്ള അ​ഭി​നി​വേ​ശ​വും കൊ​ണ്ട് ഫു​ട്ബാ​ൾ രം​ഗ​ത്തെ വ്ലോ​ഗ​റാ​യി മാ​റു​ന്നു. സെ​വ​ൻ​സ് മൈ​താ​ന​ത്തു​നി​ന്ന് ഖ​ത്ത​റി​ലെ​ത്തു​ന്ന വ്ലോ​ഗ​റു​ടെ കാ​ഴ്ച​യി​ലൂ​ടെ​യാ​ണ് നോ​വ​ൽ വി​ക​സി​ക്കു​ന്ന​ത്. ഫു​ട്ബാ​ൾ ന​ൽ​കു​ന്ന ഐ​ക്യ​സ​ന്ദേ​ശം, സി​റി​യ​ൻ ആ​ഭ്യ​ന്ത​ര​യു​ദ്ധം, യു​ദ്ധ അ​ഭ​യാ​ർ​ഥി​ക​ളു​ടെ പ്ര​ശ്ന​ങ്ങ​ൾ, മ​ല​ബാ​ർ സ​മ​രം, പ​രി​സ്ഥി​തി പ്ര​ശ്നം, ഭ​ക്ഷ​ണ ധൂ​ർ​ത്ത് തു​ട​ങ്ങി​യ വ്യ​ത്യ​സ്ത അ​ട​രു​ക​ളി​ലേ​ക്ക് വാ​യ​ന​ക്കാ​രെ കൊ​ണ്ടു​പോ​കു​ന്നു​ണ്ട്. മെ​സ്സി​യും റൊ​ണാ​ൾ​ഡോ​യും നെ​യ്മ​റും എം​ബാ​പ്പെ​യു​മൊ​ക്കെ ക​ഥാ​പാ​ത്ര​ങ്ങ​ളാ​യി വ​രു​ന്നു. വി​ഡി​യോ രൂ​പ​ത്തി​ലു​ള്ള നോ​വ​ലി​ൽ ഗ്ര​ന്ഥ​കാ​ര​ൻ ഖ​ത്ത​റി​ൽ​നി​ന്ന് പ​ക​ർ​ത്തി​യ ദൃ​ശ്യ​ങ്ങ​ളാ​ണ് ഉ​ൾ​പ്പെ​ടു​ത്തി​യി​ട്ടു​ള്ള​ത്.

നോ​വ​ലി​ന്റെ പ്ര​കാ​ശ​നം ഏ​പ്രി​ലി​ൽ ഖ​ത്ത​റി​ൽ ന​ട​ക്കും. നേ​ര​ത്തേ മൂ​ന്ന് ഷോ​ട്ട്ഫി​ലി​മു​ക​ൾ സം​വി​ധാ​ന ചെ​യ്ത റി​ഫ​യു​ടെ ആ​ദ്യ നോ​വ​ലാ​ണി​ത്. മി​ക​ച്ച ഡോ​ക്യു​മെ​ന്റ​റി സം​വി​ധാ​യ​ക​നു​ള്ള കേ​ര​ള ക​ലാ​മ​ണ്ഡ​ലം അ​വാ​ർ​ഡ് ക​ര​സ്ഥ​മാ​ക്കി​യി​ട്ടു​ണ്ട്. ചേ​ന്ന​ര പെ​രു​ന്തി​രു​ത്തി​യി​ലെ റി​ട്ട.​പ്ര​ഥ​മാ​ധ്യാ​പ​ക​രാ​യ സി.​പി. സൈ​നു​ദ്ദീ​ന്റെ​യും പി. ​ഫാ​ത്തി​മ​യു​ടെ​യും മ​ക​നാ​ണ് റി​ഫാ​ഷെ​ലീ​സ്. ഭാ​ര്യ: ഫി​ദ. മ​ക​ൻ: ഈ​ലാ​ഫ് സെ​യ്ൻ.