വ​മ്പ​ന്മാ​ര​ാണ് നി​കേ​ഷി​ന്റെ കൊ​മ്പ​ന്മാ​ർ

കൊ​ട​ക​ര: കോ​ടാ​ലി​ക്ക​ടു​ത്ത്​ മു​രി​ക്കു​ങ്ങ​ല്‍ കു​ട്ടി​യ​മ്പ​ലം പാ​ല​ക്ക​ല്‍ വീ​ട്ടി​ല്‍ നി​കേ​ഷി​ന് സ്വ​ന്ത​മാ​യി ‘മൂ​ന്നാ​ന​ക​ളു​ണ്ട്’. ചേ​ക്കി​ലെ മാ​ധ​വ​ന്‍, കോ​ടാ​ലി വി​ക്രം, ക​ണ്ണ​ന്‍ എ​ന്നീ കൊ​മ്പ​ന്മാ​ർ 28കാ​ര​നാ​യ നി​കേ​ഷി​ന്‍റെ ക​ര​വി​രു​തി​ല്‍ ജ​ന്മം കൊ​ണ്ട​വ​രാ​ണ്. ഒ​റ്റ​നോ​ട്ട​ത്തി​ല്‍ എ​ണ്ണം​പ​റ​ഞ്ഞ ജീ​വ​നു​ള്ള ക​രി​വീ​ര​ന്മാ​രെ​ന്ന് തോ​ന്നി​ക്കു​ന്ന​വ​യാ​ണ് ഈ ​കൊ​മ്പ​ന്മാ​ര്‍. ചേ​ക്കി​ലെ മാ​ധ​വ​ന്‍ എ​ന്ന ല​ക്ഷ​ണ​മൊ​ത്ത കൊ​മ്പ​നെ ര​ണ്ടു​മാ​സം മു​മ്പാ​ണ് നി​ര്‍മി​ച്ച​ത്. നി​കേ​ഷ് നി​ര്‍മി​ക്കു​ന്ന എ​ട്ടാ​മ​ത്തെ ആ​ന​യാ​ണി​ത്. പ​തി​നെ​ട്ടാ​മ​ത്തെ വ​യ​സ്സി​ലാ​ണ് ഇ​ത്ത​ര​ത്തി​ലു​ള്ള ആ​ന​യെ ഈ ​ക​ലാ​കാ​ര​ന്‍ ആ​ദ്യ​മാ​യി നി​ര്‍മി​ച്ച​ത്. ആ​ദ്യ​മൊ​ക്കെ നി​കേ​ഷി​ന്റെ ക​ര​വി​രു​തി​ല്‍ പി​റ​വി​യെ​ടു​ത്ത​ത് ച​ലി​ക്കാ​ത്ത ആ​ന​ക​ളാ​യി​രു​ന്നു. പി​ന്നീ​ട് തു​മ്പി​ക്കൈ​യും ചെ​വി​ക​ളും ആ​ട്ടു​ന്ന ആ​ന​ക​ള്‍ക്ക് രൂ​പം ന​ല്‍കി.

ഏ​റ്റ​വും ഒ​ടു​വി​ല്‍ നി​ര്‍മി​ച്ച ചേ​ക്കി​ലെ മാ​ധ​വ​ന് ഒ​ത്ത ആ​ന​യു​ടെ ഉ​യ​ര​മു​ണ്ട്. പ​ത്ത​ടി ഉ​യ​ര​മു​ള്ള ഈ ​ക​രി​വീ​ര​ന്‍ തു​മ്പി​ക്കൈ ഉ​യ​ര്‍ത്തു​ക​യും ചെ​വി​ക​ളാ​ട്ടു​ക​യും മ​സ്ത​കം കു​ലു​ക്കു​ക​യും ചെ​യ്യും. ഇ​രു​വ​ശ​ത്തേ​ക്കും ക​ണ്ണു​ക​ള്‍ ച​ലി​പ്പി​ക്കാ​നും ഈ ​കൊ​മ്പ​ന് ക​ഴി​യും. ര​ണ്ടു​ല​ക്ഷം രൂ​പ​യോ​ളം ചെ​ല​വ​ഴി​ച്ച് മൂ​ന്നു​മാ​സ​മെ​ടു​ത്താ​ണ് ഈ ​കൊ​മ്പ​ൻ പിറവിയെടുത്തത്. ക​മ്പി കൊ​ണ്ടു​ള്ള ഫ്രെ​യി​മി​ല്‍ ഘ​ട്ടം ഘ​ട്ട​മാ​യി തെ​ര്‍മോ​കോ​ള്‍, വൈ​റ്റ് ഫോം, ​തു​ണി, റ​ബ​ര്‍ എ​ന്നി​വ ഉ​പ​യോ​ഗി​ച്ചാ​ണ് ആ​ന​ക്ക് രൂ​പം ന​ല്‍കു​ന്ന​ത്. ഏ​റ്റ​വും ഒ​ടു​വി​ല്‍ അ​നു​യോ​ജ്യ​മാ​യ രീ​തി​യി​ലു​ള്ള പെ​യി​ന്റ് ചെ​യ്താ​ണ് ജീ​വ​നു​ള്ള​തെ​ന്ന് തോ​ന്നി​ക്കും വി​ധ​ത്തി​ല്‍ ഒ​രു​ക്കു​ന്ന​ത്.

ചെ​വി​ക​ളും തു​മ്പി​ക്കൈ​യും ക​ണ്ണു​ക​ളും ച​ലി​പ്പി​ക്കാ​നാ​വ​ശ്യ​മാ​യ മോേ​ട്ടാ​റും അ​നു​ബ​ന്ധ സ​ജ്ജീ​ക​ര​ങ്ങ​ളും നി​കേ​ഷ് ത​ന്നെ​യാ​ണ് ഘ​ടി​പ്പി​ക്കു​ന്ന​ത്. ആ​ന​യു​ടെ പു​റ​ത്ത് മൂ​ന്നു​പേ​ര്‍ക്ക് ക​യ​റി ഇ​രി​ക്കാ​നാ​വു​ന്ന വി​ധ​ത്തി​ലാ​ണ് നി​ര്‍മി​തി. ചേ​ക്കി​ലെ മാ​ധ​വ​നു പു​റ​മെ എ​ട്ട​ടി ഉ​യ​ര​മു​ള്ള കോ​ടാ​ലി വി​ക്ര​മും അ​ഞ്ച​ടി മാ​ത്രം ഉ​യ​ര​മു​ള്ള ക​ണ്ണ​ന്‍ എ​ന്ന കു​ട്ടി​ക്കൊ​മ്പ​നും നി​കേ​ഷി​ന്റെ വീ​ട്ടു​മു​റ്റ​ത്ത് നി​ര​ന്നു​നി​ല്‍ക്കു​ന്നു​ണ്ട്. നി​കേ​ഷി​ന്റെ ആ​ന​ക​ളെ കാ​ണാ​ന്‍ നി​ര​വ​ധി​പേ​ര്‍ എ​ത്തു​ന്നു​ണ്ട്.

ഉ​ത്സ​വ​ത്തി​നും പെ​രു​ന്നാ​ളി​നും പ്ര​ദ​ര്‍ശി​പ്പി​ക്കാ​നാ​യി ഈ ​ആ​ന​ക​ളെ കൊ​ണ്ടു​പോ​കാ​റു​ണ്ട്. ഘോ​ഷ​യാ​ത്ര​ക​ളി​ലും നി​കേ​ഷി​ന്റെ കൊ​മ്പ​ന്‍മാ​ര്‍ ഇ​ടം​പി​ടി​ക്കാ​റു​ണ്ട്. ഇ​ങ്ങ​നെ പ്ര​ദ​ര്‍ശി​പ്പി​ക്കു​മ്പോ​ള്‍ കി​ട്ടു​ന്ന ‘ഏ​ക്ക’​ത്തു​ക​യാ​ണ് ഈ ​ക​ലാ​കാ​ര​നു​ള്ള പ്ര​തി​ഫ​ലം. വി​ദ്യാ​ര്‍ഥി​യാ​യി​രു​ന്ന കാ​ല​ഘ​ട്ടം മു​ത​ലേ ചി​ത്രം​വ​ര​യി​ലും ശി​ല്‍പ​നി​ര്‍മാ​ണ​ത്തി​ലും അ​ഭി​രു​ചി​യു​ള്ള നി​കേ​ഷ് വീ​ട്ടു​കാ​രുടേയും നാ​ട്ടു​കാ​രുടേയും ക​ണ്ണ​നാണ്.

യു.​പി ക്ലാ​സി​ല്‍ പ​ഠി​ക്കു​മ്പോ​ള്‍ ക​ളി​മ​ണ്‍ശി​ൽ​പ നി​ര്‍മാ​ണ​ത്തി​നും ചി​ത്ര​ര​ച​ന​ക്കും സ​മ്മാ​ന​ങ്ങ​ള്‍ വാ​രി​ക്കൂ​ട്ടി​യ നി​കേ​ഷ്, പ്ല​സ് ടു ​ക​ഴി​ഞ്ഞ് ഓ​ട്ടോ​മൊ​ബൈ​ല്‍ പ​ഠി​ക്കാ​നാ​ണ് പോ​യ​ത്. പി​താ​വി​ന്റെ വി​യോ​ഗ​ത്തെ തു​ട​ര്‍ന്ന് മാ​താ​വും സ​ഹോ​ദ​രി​യു​മ​ട​ങ്ങു​ന്ന കു​ടും​ബ​ത്തി​ന്റെ ചു​മ​ത​ല നി​കേ​ഷ് ഏ​റ്റെ​ടു​ത്തു. ഓ​ട്ടോ ഓ​ടി​ച്ചും വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലേ​യും പാ​ര്‍ക്കു​ക​ളി​ലേ​യും ചി​ത്ര -ശി​ല്‍പ നി​ര്‍മാ​ണ ജോ​ലി​ക​ള്‍ ചെ​യ്തു​മാ​ണ് മു​ന്നോ​ട്ടു​പോ​കു​ന്ന​ത്. ഗാ​ര്‍ഡ​ന്‍ സെ​റ്റി​ങ്ങി​ലും നി​കേ​ഷ് വി​ദ​ഗ്ധ​നാ​ണ്.