ഇവിടെ ബാക്കിയുണ്ട്, ഉരു​ളെടുക്കാത്ത സ്നേഹം

ക​ൽ​പ​റ്റ: ‘‘ചി​ഞ്ചൂ, അ​തെ​നി​ക്ക് വേ​ണം, നീ​യ​ത് ക​ഴു​കു​ക​യോ വൃ​ത്തി​യാ​ക്കു​ക​യോ ഒ​ന്നും ചെ​യ്യ​ല്ലേ, എ​നി​ക്ക​ത് അ​തേ​പോ​ലെ ത​ന്നെ ത​ര​ണം’’ -കൂ​ട​പ്പി​റ​പ്പി​ന്റെ ഉ​റ്റ സു​ഹൃ​ത്ത് മ​നു​പ്ര​സാ​ദ് ഗ​ൾ​ഫി​ൽ​നി​ന്ന് അ​യ​ച്ച ശ​ബ്ദ സ​ന്ദേ​ശ​ത്തി​ലെ ആ​വ​ശ്യം പോ​ലെ ഫി​ർ​ഷാ​ദ് അ​വ കാ​ത്തു​വെ​ച്ചു. ച​ളി നി​റ​ഞ്ഞ ക​വ​റി​ൽ പ​ഴ​യ​യൊ​രു വാ​ച്ചും മൊ​ബൈ​ൽ ഫോ​ണും പാ​തി മു​റി​ഞ്ഞു​പോ​യ ഡ്രൈ​വി​ങ് ലൈ​സ​ൻ​സും. മ​റ്റൊ​രു കു​ഞ്ഞു​ക​വ​റി​ൽ ഏ​താ​നും നാ​ണ​യ​ത്തു​ട്ടു​ക​ളും.

ജൂ​ലൈ 30ന് ​ഇ​രു​ളി​ന്റെ മ​റ​വി​ൽ മൂ​ന്ന് ഗ്രാ​മ​ങ്ങ​ളെ ക​ശ​ക്കി​യെ​റി​ഞ്ഞ മു​ണ്ട​ക്കൈ ഉ​രു​ൾ​ദു​ര​ന്ത​ത്തി​ൽ കാ​ണാ​മ​റ​യ​ത്തു​ള്ള പു​തു​പ്പ​റ​മ്പി​ൽ ഫി​റോ​സി​​​ന്റെ ഓ​ർ​മ​യു​ടെ ഈ ​ശേ​ഷി​പ്പു​ക​ളാ​ണ് സ​ഹോ​ദ​ര​ൻ ഫി​ർ​ഷാ​ദ് മാ​സ​ങ്ങ​ളാ​യി കൂ​ടെ​പ്പി​റ​പ്പി​നെ പോ​ലെ കാ​ത്തു​വെ​ച്ച​ത്, പ്രി​യ പെ​ങ്ങ​ൾ ചോ​ദി​ച്ചി​ട്ടു​പോ​ലും ന​ൽ​കാ​തെ. ഫി​റോ​സു​മാ​യി സ്കൂ​ൾ ത​ലം മു​ത​ൽ ഒ​ന്നി​ച്ച് പ​ഠി​ച്ചും ക​ളി​ച്ചും ഉ​ണ്ടും ഉ​റ​ങ്ങി​യും കൂ​ട​പ്പി​റ​പ്പി​നു​മ​പ്പു​റ​ത്തെ ബ​ന്ധം കോ​ർ​ത്തി​ണ​ക്കി​യ മ​നു​പ്ര​സാ​ദി​നു​വേ​ണ്ടി. ദു​ര​ന്ത സ​മ​യ​ത്ത് വി​ദേ​ശ​ത്താ​യി​രു​ന്നു ഫി​റോ​സി​ന്റെ പ്രി​യ കൂ​ട്ടു​കാ​ര​ൻ മു​ട്ടി​ച്ചി​റ മ​നു​പ്ര​സാ​ദ്.

ഫി​റോ​സി​നൊ​പ്പം പി​താ​വും ഉ​മ്മ​യും ഭാ​ര്യ​യും ഒ​ന്ന​ര​വ​യ​സ്സു​ള്ള കു​ഞ്ഞും മ​ണ്ണി​ല​ലി​ഞ്ഞി​ല്ലാ​താ​യ​പ്പോ​ൾ ബാ​ക്കി​​വെ​ച്ച​ത് ഇ​വ മാ​ത്ര​മാ​യി​രു​ന്നു. ഫി​റോ​സി​ന്റേ​തെ​ന്ന് ക​രു​തി ഒ​രു മൃ​ത​ദേ​ഹം മേ​പ്പാ​ടി നെ​ല്ലി​മു​ണ്ട​യി​ലെ പ​ള്ളി​ക്കാ​ട്ടി​ൽ ഖ​ബ​റ​ട​ക്കി​യി​രു​ന്നെ​ങ്കി​ലും മാ​സ​ങ്ങ​ൾ ക​ഴി​ഞ്ഞ് ഡി.​എ​ൻ.​എ ഫ​ലം വ​ന്ന​പ്പോ​ഴാ​ണ് മ​റ്റൊ​രാ​ളു​ടേ​താ​ണെ​ന്ന് തി​രി​ച്ച​റി​യു​ന്ന​ത്. ഗ​ൾ​ഫി​ൽ ഷെ​ഫാ​യി ജോ​ലി ചെ​യ്യു​ന്ന മ​നു​പ്ര​സാ​ദി​ന്റെ 22 ബ​ന്ധു​ക്ക​ളാ​ണ് ഉ​രു​ളി​ൽ ഇ​ല്ലാ​താ​യ​ത്. ദു​ര​ന്ത​മ​റി​ഞ്ഞ മ​നു​പ്ര​സാ​ദി​ന് പാ​സ്പോ​ർ​ട്ട് കാ​ണാ​താ​യ​തി​നാ​ൽ നാ​ട്ടി​ലേ​ക്ക് വി​മാ​നം ക​യ​റാ​നാ​യി​ല്ല. കാ​ണാ​മ​റ​യ​ത്താ​യ ഫി​റോ​സ് ജീ​വി​ച്ചി​രി​പ്പു​ണ്ടെ​ന്നാ​യി​രു​ന്നു മ​നു ആ​ദ്യം ക​രു​തി​യ​ത്. ഇ​പ്പോ​ഴും അ​ങ്ങ​നെ​ത​ന്നെ വി​ശ്വ​സി​ക്കാ​നാ​ണ് ആ​ഗ്ര​ഹ​മെ​ന്ന് മ​നു പ​റ​യു​ന്നു.

ഫി​റോ​സും മ​നു​പ്ര​സാ​ദും മീ​ത്ത​ൽ ജം​ഷീ​റും എ​ന്തി​നും ഏ​തി​നും ഒ​രു​മി​ച്ചാ​യി​രു​ന്നു. പ​ഠ​ന​വും പെ​ണ്ണു​കാ​ണ​ലും ക​ല്യാ​ണ​വു​മെ​ല്ലാം. 2018ലെ ​പു​ത്തു​മ​ല ഉ​രു​ൾ​ദു​ര​ന്ത​ത്തി​നു​ശേ​ഷം മ​നു​പ്ര​സാ​ദ് മു​ണ്ട​ക്കൈ​യി​ൽ​നി​ന്ന് മാ​റി​ത്താ​മ​സി​ച്ച​പ്പോ​ഴും പ്രി​യ കൂ​ട്ടു​കാ​രെ തേ​ടി അ​വ​ൻ എ​പ്പോ​ഴു​മെ​ത്തും. ദു​ര​ന്തം ക​ഴി​ഞ്ഞ് ആ​റു മാ​സ​മാ​കാ​റാ​ക​ു​മ്പോ​ൾ എ​ത്തിയത് ഫി​റോ​സി​ന്റെ ശേ​ഷി​പ്പു​ക​ൾ ഏ​റ്റു​വാ​ങ്ങാ​ൻ.