പൂ​ർ​ത്തി​യാ​കാ​ത്തൊ​രു മാ​ജി​ക്​ ട്രി​ക്ക്​ പോ​ലെ...

മ​സ്ക​ത്ത്​: ഒ​രു പ​തി​റ്റാ​ണ്ടി​ലേ​റെ ജാ​ല​വി​ദ്യ​ക​ൾ​കൊ​ണ്ട് ഒ​മാ​നി​ലെ കു​ട്ടി​ക​ളെ​യും മു​തി​ർ​ന്ന​വ​രെ​യും ഒ​രു​പോ​ലെ ആ​ന​ന്ദി​പ്പി​ക്കു​ക​യും അ​മ്പ​ര​പ്പി​ക്കു​ക​യും ചെ​യ്ത മ​ജീ​ഷ്യ​ൻ പി.​എ. സ​മീ​റി​ന്‍റെ അ​പ്ര​തീ​ക്ഷി​ത വേ​ർ​പാ​ട് വി​ശ്വ​സി​ക്കാ​നാ​വാ​തെ സ്വ​ദേ​ശി​ക​ളും വി​ദേ​ശി​ക​ളു​മാ​യ സു​ഹൃ​ത്തു​ക്ക​ളും മാ​ജി​ക് ആ​സ്വാ​ദ​ക​രും. കോ​ട്ട​യം ജി​ല്ല​യി​ലെ വൈ​ക്കം ത​ല​യോ​ല​പ്പ​റ​മ്പ് സ്വ​ദേ​ശി​യാ​യ സ​മീ​ർ ബി.​ഇ.​സി ക​മ്പ​നി​യി​ൽ പ്ല​മ്പി​ങ് സൂ​പ്പ​ർ​വൈ​സ​റാ​യി​ട്ടാ​ണ് ജോ​ലി​ക്ക് വ​രു​ന്ന​ത്.

ത​ല​യോ​ല​പ്പ​റ​മ്പ് ദേ​വ​സ്വം ബോ​ർ​ഡ് കോ​ള​ജി​ലെ പൂ​ർ​വ വി​ദ്യാ​ർ​ഥി​യാ​ണ്. മാ​ജി​ക് എ​ന്ന ജ​ന​കീ​യ ക​ല​യി​ലൂ​ടെ​യാ​ണ് സ​മീ​ർ ഒ​മാ​നി​ൽ അ​റി​യ​പ്പെ​ട്ടി​രു​ന്ന​ത്. ഒ​മാ​നി​ലെ ഇ​ന്ത്യ​ൻ സ്കൂ​ളു​ക​ളി​ലെ പ​രി​പാ​ടി​ക​ളി​ലും കോ​ർ​പ​റേ​റ്റ് ഇ​വ​ന്റു​ക​ളി​ലും കു​ടും​ബ സം​ഗ​മ​ങ്ങ​ളി​ലും മാ​ളു​ക​ളി​ലും പ്ര​വാ​സി സം​ഘ​ട​ന വേ​ദി​ക​ളി​ലു​മൊ​ക്കെ അ​ദ്ദേ​ഹം ഇ​ന്ദ്ര​ജാ​ല പ്ര​ക​ട​നം ന​ട​ത്തി. നി​ര​വ​ധി പു​ര​സ്കാ​ര​ങ്ങ​ളും അ​ദ്ദേ​ഹ​ത്തെ തേ​ടി​യെ​ത്തി. പ്ര​ശ​സ്ത മ​ജീ​ഷ്യ​ൻ വൈ​ക്കം ചി​ത്ര​ഭാ​നു​വി​ന്റെ ശി​ക്ഷ​ണ​ത്തി​ലാ​ണ് സ​മീ​ർ മാ​ജി​ക് പ​രി​ശീ​ലി​ച്ച​ത്.

സ​മൂ​ഹ​മാ​ധ്യ​മ​ങ്ങ​ളി​ൽ സ​ജീ​വ​മാ​യി​രു​ന്ന സ​മീ​ർ സ്വ​തഃ​സി​ദ്ധ ശൈ​ലി​യി​ൽ നി​ര​വ​ധി കു​റി​പ്പു​ക​ൾ പ​ങ്കു​വെ​ക്കു​മാ​യി​രു​ന്നു. ഒ​മാ​നി​ലെ ക​ല-​സാ​മൂ​ഹി​ക-​സാം​സ്കാ​രി​ക മേ​ഖ​ല​ക​ളി​ൽ നി​റ​ഞ്ഞു​നി​ന്നി​രു​ന്നു. ന​ല്ലൊ​രു ക​ർ​ഷ​ക​ൻ​കൂ​ടി​യാ​യി​രു​ന്ന സ​മീ​ർ ഫ്ലാ​റ്റി​ലെ പ​രി​മി​ത സൗ​ക​ര്യ​ങ്ങ​ൾ​ക്കി​ട​യി​ൽ കൃ​ഷി ചെ​യ്ത്​ ഒ​മാ​ൻ കൃ​ഷി​ക്കൂ​ട്ടം അ​വാ​ർ​ഡും നേ​ടി. 36ാം വ​യ​സ്സി​ൽ തി​ക​ച്ചും അ​പ്ര​തീ​ക്ഷി​ത​മാ​യി​രു​ന്നു വൈ​ക്കം ത​ല​യോ​ല​പ്പ​റ​മ്പ് ഉ​ളു​ക്കാ​ത്ത വീ​ട്ടി​ൽ അ​ഹ​മ്മ​ദി​ന്റെ മ​ക​നാ​യ സ​മീ​റി​ന്റെ വേ​ർ​പാ​ട്.

ഒ​മാ​നി​ൽ സ്വ​കാ​ര്യ ആ​ശു​പ​ത്രി​യി​ൽ ന​ഴ്സാ​യ കോ​ട്ട​യം കൂ​ട്ടി​ക്ക​ൽ സ്വ​ദേ​ശി​നി സ​ജ​ന​യാ​ണ് ഭാ​ര്യ. ഐ​റ മ​റി​യം, ഐ​സം എ​ന്നി​വ​രാ​ണ്​ മ​ക്ക​ൾ. കോ​ട്ട​യം മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ടം ന​ട​പ​ടി​ക​ൾ പൂ​ർ​ത്തി​യാ​ക്കി​യ​ശേ​ഷം ത​ല​യോ​ല​പ്പ​റ​മ്പി​ലെ മു​ഹ്​​യു​ദ്ദീ​ൻ ജു​മാ മ​സ്ജി​ദ് ഖ​ബ​ർ​സ്ഥാ​നി​ൽ ഖ​ബ​റ​ട​ക്കി.