മ​ഞ്ഞലോ​ഹ​ത്തി​ല്‍ ജീ​വി​തം വി​ള​ക്കി​ച്ചേ​ര്‍ക്കു​ന്ന മ​ല​യാ​ളി​ക​ള്‍

ക​ട​ലി​ന​ക്ക​രെ പോ​യിവ​രു​ന്ന​വ​ര്‍ കൈ​നി​റ​യെ അ​റ​ബി​പ്പൊ​ന്ന്‌ കൊ​ണ്ടു​വ​രു​ന്ന ഒ​രു കാ​ല​മു​ണ്ടാ​യി​രു​ന്നു മ​ല​യാ​ളി​ക്ക്. ഗ​ള്‍ഫ് പ്ര​വാ​സ​മാ​ണ് മ​ഞ്ഞ ലോ​ഹ​ത്തി​ന് മ​ല​യാ​ള​ക്ക​ര​യി​ല്‍ ജ​ന​കീ​യ​ത സൃ​ഷ്ടി​ച്ച​ത്. അ​ത്ത​റ് മ​ണ​ക്കു​ന്ന പെ​ട്ടി​യു​മാ​യെ​ത്തു​ന്ന ഓ​രോ പ്ര​വാ​സി​യും മ​ഞ്ഞ ലോ​ഹ​വും കൈ​യി​ൽ ക​രു​തി​യി​രു​ന്നു. ഇ​ത് മ​ല​യാ​ളി​ക​ളു​ടെ സ്വ​ര്‍ണ്ണ ആ​ഭി​മു​ഖ്യം വ​ർ​ധി​പ്പി​ച്ചു. പ്ര​വാ​സ ലോ​ക​ത്ത് നി​ന്ന്​ പു​തു​പു​ത്ത​ന്‍ രൂ​പ​കൽപ​ന​യി​ല്‍ നാ​ട്ടി​ലെ​ത്തു​ന്ന മൊ​ഞ്ചു​ള്ള സ്വ​ര്‍ണ്ണാ​ഭ​ര​ണ​ങ്ങ​ള്‍ക്ക് പി​ന്നി​ലും മ​ല​യാ​ളി​യു​ടെ ക​ര​സ്പ​ര്‍ശ​ങ്ങ​ളാ​യി​രു​ന്നു.

കാ​ച്ചി​യെ​ടു​ക്കു​ന്ന​ത് വ​രെ ഇ​രു​ണ്ട നി​റം പേ​റു​ന്ന ഈ ​ലോ​ഹ​ത്തി​ന്‍റെ​യ​ത്ര തി​ള​ക്ക​മി​ല്ല പ​ണി​പ്പു​ര​ക്കാ​രു​ടെ ജീ​വി​ത​ത്തി​ന്. യു.​എ.​ഇ​യി​ലെ സ്വ​ര്‍ണ്ണ നി​ര്‍മ്മാ​താ​ക്ക​ളു​ടെ വ​ര്‍ഷ​ങ്ങ​ളാ​യു​ള്ള മു​ഖ്യ കേ​ന്ദ്ര​മാ​ണ് അ​ജ്മാ​നി​ലെ ഇ​ന്ന​ത്തെ 'പു​രാ​ന സോ​ന ബ​സാ​ര്‍'. നൂ​റു​ക​ണ​ക്കി​ന് സ്വ​ര്‍ണ്ണ​പ്പ​ണി​ക്കാ​ര്‍ ജി​വി​തം വി​ള​ക്കി​യെ​ടു​ക്കു​ന്ന നൂ​റി​ലേ​റെ സ്ഥാ​പ​ന​ങ്ങ​ളു​ണ്ട് ഈ ​പ്ര​ദേ​ശ​ത്ത്. ഈ ​ജോ​ലി ചെ​യ്യു​ന്ന​വ​രി​ല്‍ പ​കു​തി​യി​ലേ​റെ മ​ല​യാ​ളി​ക​ൾ. ഈ ​മേ​ഖ​ല​യും പ്ര​തി​സ​ന്ധി​ക​ളി​ലൂ​ടെ സ​ഞ്ച​രി​ച്ച​പ്പോ​ള്‍ നി​ര​വ​ധി പേ​ർ പു​തി​യ ലാ​വ​ണ​ങ്ങ​ള്‍ തേ​ടി​പ്പോ​യ​തെ​ങ്കി​ലും ഈ ​മേ​ഖ​ല​യി​ല്‍ മ​ല​യാ​ളി​ക​ളു​ടെ അ​പ്ര​മാ​ദി​ത്വം ഇ​ന്നും നി​ല​നി​ല്‍ക്കു​ന്നു.

ലോ​ക​ത്ത് സ്വ​ര്‍ണ്ണം ഏ​റ്റ​വും കൂ​ടു​ത​ല്‍ വി​ല്‍പ്പ​ന ന​ട​ക്കു​ന്ന ആ​ദ്യ​ത്തെ അ​ഞ്ച് രാ​ജ്യ​ങ്ങ​ളി​ല്‍ യു.​എ.​ഇ​യും ഉ​ള്‍പ്പെ​ടും. യു.​എ.​ഇ​യി​ലെ സു​വ​ര്‍ണ്ണ ച​രി​ത്ര​ത്തി​ല്‍ അ​ജ്മാ​ൻ സോ​ന ബ​സാ​ര്‍ വ​ലി​യ പ​ങ്കാ​ണ് വ​ഹി​ക്കു​ന്ന​ത്. പ്ര​മു​ഖ ജ്വ​ല്ല​റി​ക​ളു​ടെ ആ​വ​ശ്യ​ത്തി​നു അ​നു​സ​രി​ച്ച് പു​തി​യ ഡി​സൈ​നു​ക​ള്‍ നി​ര്‍മ്മി​ക്കു​ന്ന​തോ​ടൊ​പ്പം സ്വ​ന്ത​മാ​യി സ്വ​ര്‍ണ്ണം വാ​ങ്ങി ആ​ഭ​ര​ണ​ങ്ങ​ള്‍ ഉ​ണ്ടാ​ക്കി ജ്വ​ല്ല​റി​ക​ള്‍ക്ക് വി​ല്‍ക്കു​ന്ന​വ​രു​മു​ണ്ട്. ജ്വ​ല്ല​റി​ക​ളു​ടെ സ്വ​ര്‍ണ്ണം കൊ​ണ്ട് നി​ര്‍മ്മി​ക്കു​ന്ന​തി​ന് വെ​റും പ​ണി​ക്കൂ​ലി മാ​ത്ര​മാ​ണ് ഇ​വ​ര്‍ക്ക് ല​ഭി​ക്കു​ക.

സ്വ​ന്ത​മാ​യി സ്വ​ര്‍ണ്ണം വാ​ങ്ങി ആ​ഭ​ര​ണം ഉ​ണ്ടാ​ക്കി ആ​വ​ശ്യ​ക്കാ​രാ​യ മൊ​ത്ത ക​ച്ച​വ​ട​ക്കാ​ര്‍ക്ക് ന​ല്‍കു​മ്പോ​ള്‍ മാ​ത്ര​മാ​ണ് അൽപം മെ​ച്ചം കി​ട്ടു​ക​യെ​ന്ന്‍ തി​രൂ​ര്‍ സ്വ​ദേ​ശി കൃ​ഷ്ണ​ദാ​സ് പ​റ​യു​ന്നു. സ്വ​ന്ത​മാ​യി സ്ഥാ​പ​നം ന​ട​ത്തു​ന്ന​വ​രി​ല്‍ അ​ധി​ക​പേ​രും ഇ​വി​ട​ങ്ങ​ളി​ല്‍ ആ​ദ്യം പ​ണി​ക്കാ​രാ​യി വ​ന്ന​വ​രാ​ണ്. വ്യ​ത്യ​സ്ത ത​ര​ത്തി​ലു​ള്ള ആ​യി​ര​ക്ക​ണ​ക്കി​ന് ഡൈ​യും അ​നു​ബ​ന്ധ മെ​ഷീ​നു​ക​ളു​മൊ​രു​ക്കി ഒ​രു സ്ഥാ​പ​നം സെ​റ്റാ​ക്കി എ​ടു​ക്കു​മ്പോ​ഴേ​ക്ക്​ ല​ക്ഷ​ക്ക​ണ​ക്കി​ന്‌ ദി​ര്‍ഹം ചി​ല​വ്​ വ​രും.

ഇ​ന്ത്യ​യി​ലെ വി​വി​ധ കേ​ന്ദ്ര​ങ്ങ​ളി​ല്‍ നി​ന്നാ​ണ് ആ​ഭ​ര​ണ​ങ്ങ രൂ​പ​ക​ല്‍പ്പ​ന​ക്ക് ആ​വ​ശ്യ​മാ​യ ഡൈ ​എ​ത്തി​ക്കു​ന്ന​ത്. ഡൈ​യി​ല്‍ മു​റി​ച്ചെ​ടു​ക്കു​ന്ന ഡി​സൈ​ന്‍ കൈ​കൊ​ണ്ട് പ​ണി​താ​ണ് ഇ​വ​ര്‍ ആ​ഭ​ര​ണ​ങ്ങ​ള്‍ നി​ര്‍മ്മി​ക്കു​ന്ന​ത്. നാ​ട്ടി​ല്‍ നി​ന്ന് കു​ടും​ബ​പ​ര​മാ​യി ഇ​തേ ജോ​ലി ചെ​യ്ത് വ​ന്ന​വ​രും അ​ല്ലാ​തെ ഇ​വി​ടെ വ​ന്ന്‌ പ​ണി​ക്കാ​രാ​യ​വ​രും ഇ​വി​ടെ തൊ​ഴി​ലെ​ടു​ക്കു​ന്നു​ണ്ട്.

ഇ​റ്റ​ലി, സിം​ഗ​പ്പൂ​ര്‍ തു​ട​ങ്ങി​യ രാ​ജ്യ​ങ്ങ​ളി​ല്‍ നി​ന്ന് അ​ത്യാ​ധു​നി​ക യ​ന്ത്ര​ങ്ങ​ളി​ല്‍ നി​ര്‍മ്മി​ക്കു​ന്ന ആ​ഭ​ര​ണ​ങ്ങ​ളു​ടെ ഇ​റ​ക്കു​മ​തി വ​ർ​ധി​ച്ച​തോ​ടെ കൈ​കൊ​ണ്ട് നി​ര്‍മ്മി​ക്കു​ന്ന ആ​ഭ​ര​ണ​ങ്ങ​ള്‍ക്ക് ക​മ്പോ​ള​ത്തി​ല്‍ ആ​വ​ശ്യ​ക​ത കു​റ​ഞ്ഞ​ത് ഈ ​മേ​ഖ​ല​യെ പ്ര​തി​സ​ന്ധി​യി​ലേ​ക്ക് ത​ള്ളി വി​ട്ടി​ട്ടു​ണ്ടെ​ന്ന് ഇ​വി​ടെ സ്ഥാ​പ​നം ന​ട​ത്തു​ന്ന മ​ല​പ്പു​റം വേ​ങ്ങ​ര സ്വ​ദേ​ശി ഹ​രി​ദാ​സ് വി​വ​രി​ക്കു​ന്നു.

കൊ​റോ​ണ ​പ്ര​തി​സ​ന്ധി​യി​ൽ ആ​ഭ​ര​ണ​ങ്ങ​ളു​ടെ ആ​വ​ശ്യ​ക​ത കു​ത്ത​നെ ഇ​ടി​ഞ്ഞ​തും കൂ​നി​ന്മേ​ല്‍ കു​രു​വാ​യി മാ​റി. അ​തി രാ​വി​ലെ ജോ​ലി​ക്ക് ക​യ​റി രാ​ത്രി ഏ​റെ വൈ​കും വ​രെ പ​ണി​യെ​ടു​ത്താ​ലേ ക​ഴി​ഞ്ഞു കൂ​ടാ​നു​ള്ള വ​ക പി​രി​ഞ്ഞു കി​ട്ടു​ക​യു​ള്ളൂ. ഇ​ത്ത​രം പ്ര​തി​സ​ന്ധി​ക​ള്‍ പു​തു ത​ല​മു​റ​യെ ഈ ​മേ​ഖ​ല​യി​ല്‍ നി​ന്ന്​ പി​റ​കോ​ട്ട​ടി​ച്ചി​ട്ടു​ണ്ട്. ത​ങ്ങ​ളു​ടെ മ​ക്ക​ള്‍ പോ​ലും ഈ ​മേ​ഖ​ല​യെ ഉ​പേ​ക്ഷി​ച്ച് മ​റ്റു മേ​ഖ​ല​യി​ലേ​ക്ക് ചേ​ക്കേ​റു​ന്ന​ത​താ​യി ഇ​വ​ര്‍ തി​രി​ച്ച​റി​യു​ന്നു.

സ്വ​ര്‍ണ്ണം കാ​ച്ചാ​ന്‍ നെ​രി​പ്പോ​ടി​ലേ​ക്ക് ഊ​തു​ന്ന രീ​തി വി​ട്ടു ഗ്യാ​സ് ബ​ര്‍ണ​ര്‍ ഉ​പ​യോ​ഗി​ക്കു​ന്ന സൗ​ക​ര്യം വ​ന്നു എ​ന്ന​താ​ണ് ഈ ​മേ​ഖ​ല​യി​ല്‍ ഇ​വ​ര്‍ക്കു​ണ്ടാ​യ പ്ര​ക​ട​മാ​യ ഏ​ക മാ​റ്റം. മ​റ്റൊ​രു പ​ണി​യും അ​റി​യി​ല്ല എ​ന്ന​താ​ണ് മ​ഞ്ഞ ലോ​ഹ​ത്തി​ല്‍ വി​സ്മ​യം തീ​ര്‍ക്കു​ന്ന ഇ​വ​രെ ഇ​പ്പോ​ഴും ഈ ​മേ​ഖ​ല​യി​ല്‍ പി​ടി​ച്ചു നി​ര്‍ത്തു​ന്ന​ത്. മു​പ്പ​തും നാ​ല്‍പ​തും വ​ര്‍ഷ​മാ​യി ഈ ​മേ​ഖ​ല​യി​ല്‍ ജോ​ലി ചെ​യ്യു​ന്ന​വ​രെ ന​മു​ക്കി​വി​ടെ കാ​ണാം. ജോ​ലി ഉ​പേ​ക്ഷി​ച്ച് നാ​ട​ണ​യേ​ണ്ടി വ​രു​ന്ന ഇ​വ​രു​ടെ ജീ​വി​തം പ​ണ​യം​വെ​ച്ച​പൊ​ന്നു​പോ​ലെ​യാ​ണ്.

ഈ ​മേ​ഖ​ല​യി​ല്‍ വ​ര്‍ഷ​ങ്ങ​ളു​ടെ പ​രി​ജ്ഞാ​ന​മു​ള്ള മു​തി​ര്‍ന്ന​വ​രു​ടെ അ​റി​വും, പു​തു ത​ല​മു​റ​യു​ടെ ജ​ന്മ​സി​ദ്ധ​മാ​യ താ​ല്‍പ​ര്യ​വും ആ​ധു​നി​ക സാ​ങ്കേ​തി​ക വി​ദ്യ​യും ഉ​പ​യോ​ഗ​പ്പെ​ടു​ത്തി ന​മ്മു​ടെ നാ​ട്ടി​ല്‍ ത​ന്നെ ലോ​കോ​ത്ത​ര​മാ​യ സ്വ​ര്‍ണ്ണ നി​ര്‍മ്മി​തി​ക​ള്‍ ഉ​ണ്ടാ​ക്കി​യെ​ടു​ക്കാ​ന്‍ ക​ഴി​യും എ​ന്ന​ത് വ​സ്തു​ത​യാ​ണ്. അ​തു വ​ഴി വി​ദേ​ശ​ത്തേ​ക്ക് ജോ​ലി തേ​ടി​പ്പോ​കു​ന്ന ആ​ളു​ക​ള്‍ക്ക് പ​ക​രം വി​ദേ​ശ നാ​ണ​യം നാ​ട്ടി​ലേ​ക്ക് ഒ​ഴു​കി​യെ​ത്തു​ന്ന സം​രം​ഭം തീ​ര്‍ക്കാ​ന്‍ മ​ല​യാ​ളി​ക്ക് ക​ഴി​യും.