പ്രായവും ദൂരവും പ്രശ്‌നമല്ല; 74ലും സാലി മുസ്​ലിയാർ സൈക്കിള്‍ സവാരിയിൽ

കാ​ഞ്ഞി​ര​പ്പ​ള്ളി: തോ​ട്ടു​മു​ഖം പ​ള്ളി​യി​ലെ മു​അ​ദ്ദി​ന്‍ ആ​ന​ക്ക​ല്‍ മേ​ത്ത​ര്‍വീ​ട്ടി​ല്‍ സാ​ലി മു​സ്​​ലി​യാ​ര്‍ കാ​ഞ്ഞി​ര​പ്പ​ള്ളി​ക്കാ​ര്‍ക്ക് കൗ​തു​ക​മാ​ണ്. കൂ​ട​പ്പി​റ​പ്പി​നെ പോ​ലെ​യാ​ണ് ഉ​സ്താ​ദി​ന് സൈ​ക്കി​ള്‍. എ​വി​ട​പ്പോ​യാ​ലും സൈ​ക്കി​ളി​ൽ ത​ന്നെ; യാ​ത്ര ചെ​റു​താ​യാ​ലും വ​ലു​താ​യാ​ലും. ചെ​റു​പ്രാ​യ​ത്തി​ല്‍ തു​ട​ങ്ങി​യ സൈ​ക്കി​ള്‍ ക​മ്പം മു​സ്​​ലി​യാ​ര്‍ 74ലും ​തു​ട​രു​ക​യാ​ണ്.

കാ​ഞ്ഞി​ര​പ്പ​ള്ളി​യി​ല്‍നി​ന്ന്​ ത​മി​ഴ്‌​നാ​ട്ടി​ലെ ഏ​ര്‍വാ​ടി​ക്ക്​ 400 കി​ലോ​മീ​റ്റ​ര്‍ യാ​ത്ര​ചെ​യ്ത​പ്പോ​ൾ വീ​ട്ടു​കാ​രോ​ടു​പോ​ലും പ​റ​ഞ്ഞി​ല്ല. ഒ​രു​ദി​വ​സം കാ​ഞ്ഞി​ര​പ്പ​ള്ളി​യി​ല്‍ നി​ല്‍ക്കു​മ്പോ​ള്‍ ഒ​രു തോ​ന്ന​ലാ​യി​രു​ന്നു ഏ​ര്‍വാ​ടി​യി​ൽ എ​ത്ത​ണ​മെ​ന്ന്.​ പി​ന്നെ ഒ​ന്നും ആ​ലോ​ചി​ച്ചി​ല്ല. കൈ​വ​ശം പ​ണ​വു​മി​ല്ല.

സൈ​ക്കി​ളി​ല്‍ സ​ഞ്ച​രി​ച്ച്​ മൂ​ന്നാം ദി​വ​സം ദ​ര്‍ഗ​യി​ലെ​ത്തി. പോ​യ​വ​ഴി​യി​ല്‍ ഭ​ക്ഷ​ണ​ത്തി​നാ​യും വി​ഷ​മം തോ​ന്നി​യി​ല്ല. വ​ഴി​യോ​ര​ങ്ങ​ളി​ല്‍നി​ന്ന്​ ല​ഭി​ച്ച പേ​ര​ക്ക​യും പാ​റ​ക​ളി​ല്‍നി​ന്ന്​ ഒ​ഴു​കി​യെ​ത്തു​ന്ന ഉ​റ​വ​വെ​ള്ള​വു​മാ​യി​രു​ന്നു ഉ​സ്താ​ദി​ന്‍റെ ഭ​ക്ഷ​ണം. ആ​റാം ദി​വ​സം തി​രി​കെ​യെ​ത്തി.

50 വ​ര്‍ഷ​ത്തി​ല​ധി​ക​മാ​യി സൈ​ക്കി​ള്‍ ഉ​പ​യോ​ഗി​ക്കു​ന്ന​തെ​ങ്കി​ലും ഇ​തു​വ​രെ ഉ​ണ്ടാ​യി​രു​ന്ന​ത്​ ര​ണ്ടെ​ണ്ണം മാ​ത്രം. 22​ വ​ര്‍ഷ​മാ​യി ഉ​പ​യോ​ഗി​ക്കു​ന്ന സൈ​ക്കി​ളാ​ണ് ഇ​പ്പോ​ഴും കൈ​വ​ശ​മു​ള്ള​ത്. ചി​ല്ല​റ പ​ണി​ക​ളെ​ല്ലാം തീ​ര്‍ത്ത് എ​പ്പോ​ഴും ന​ന്നാ​യി സൂ​ക്ഷി​ക്കും. സൈ​ക്കി​ള്‍ മ​റ്റാ​രും കൈ​കാ​ര്യം ചെ​യ്യാ​റു​മി​ല്ല. ഇ​ട​ക്കി​ടെ​യു​ള്ള കോ​ട്ട​യം, ച​ങ്ങ​നാ​ശ്ശേ​രി യാ​ത്ര​യും സൈ​ക്കി​ളി​ലാ​ണ്.

പ​ള്ളി​ക​ളി​ല്‍ ഇ​മാ​മാ​യും മു​അ​ദ്ദി​നാ​യും സേ​വ​നം അ​നു​ഷ്ഠി​ച്ചി​ട്ടു​ണ്ട്. ആ​ന​ക്ക​ല്‍, പൂ​ത​ക്കു​ഴി, കൂ​വ​പ്പ​ള്ളി, ഇ​ട​പ്പ​ള്ളി, ഇ​ട​യ​രി​ക്ക​പ്പു​ഴ എ​ന്നി​വി​ട​ങ്ങ​ളി​ൽ ജോ​ലി ചെ​യ്തു. 35 വ​ര്‍ഷ​മാ​യി കാ​ഞ്ഞി​ര​പ്പ​ള്ളി തോ​ട്ടു​മു​ഖം പ​ള്ളി​യി​ൽ ജോ​ലി ചെ​യ്യു​ന്നു. ഈ​രാ​റ്റു​പേ​ട്ട സ്വ​ദേ​ശി സ​ല്‍മ​ത്താ​ണ് ഭാ​ര്യ. മ​ക്ക​ള്‍: താ​ജു​ന്നി​സ, നെ​ജു​മി​ന്നി​സ, നി​സ​മോ​ള്‍, ഫൈ​സ​ല്‍.