2018ലെ ഉരുൾപൊട്ടൽ: മണിക്കും ഭാര്യക്കും നടുക്കുന്ന ഓർമ

ചെ​റു​തോ​ണി: 2018ലെ ​പ്ര​ള​യ​ത്തി​ൽ ഗാ​ന്ധി​ന​ഗ​ർ കോ​ള​നി​യി​ലു​ണ്ടാ​യ വ​ൻ ഉ​രു​ൾ​പൊ​ട്ട​ലി​ൽ പൊ​ന്നോ​മ​ന​ക​ളും മാ​താ​പി​താ​ക്ക​ളും ന​ഷ്ട​പ്പെ​ട്ട​തി‍െൻറ തീ​രാ​ദുഃ​ഖ​ത്തി​ൽ​നി​ന്ന്​ ശാ​ന്തി​നി​ല​യം വീ​ട്ടി​ൽ മ​ണി​യും ഭാ​ര്യ ശ​ര​ണ്യ​യും ഇ​നി​യും ക​ര​ക​യ​റി​യി​ട്ടി​ല്ല.

അ​ഞ്ചു​ വ​ർ​ഷം മു​മ്പ്​ രാ​ജ്യം സ്വാ​ത​ന്ത്ര്യ​ദി​നം ആ​ഘോ​ഷി​ക്കു​മ്പോ​ഴാ​ണ്​ മ​ണി​യു​ടെ മാ​താ​പി​താ​ക്ക​ളാ​യ വ​ന​രാ​ജ്​ (60), ക​ലാ​വ​തി (53), മ​ക്ക​ളാ​യ വി​ഷ്ണു (4), വൈ​ഷ്ണ​വി (ഒ​ന്ന്) എ​ന്നി​വ​രെ ആ​ർ​ത്ത​ല​ച്ചെ​ത്തി​യ ഉ​രു​ൾ വി​ഴു​ങ്ങി​യ​ത്. വീ​ട്ടി​ലെ കി​ട​പ്പു​മു​റി​യി​ൽ മൊ​ബൈ​ൽ ഫോ​ണി​ൽ ക​ളി​ച്ചു കൊ​ണ്ടി​രു​ന്ന മൂ​ത്ത​മ​ക​ൻ വി​ഷ്ണു​വി​നൊ​പ്പം സ​മ​യം ചെ​ല​വി​ടു​ക​യാ​യി​രു​ന്നു.

ഭാ​ര്യ അ​ടു​ക്ക​ള ജോ​ലി​യി​ലാ​യി​രു​ന്നു. അ​മ്മ​യും വീ​ട്ടി​ലു​ണ്ടാ​യി​രു​ന്നു. വീ​ടി​ന്​ മു​ക​ളി​ലാ​യു​ള്ള ഷെ​ഡി​ൽ അ​ച്ഛ​നും ഇ​ള​യ മ​ക​ൾ വൈ​ഷ്ണ​വി​യും ഉ​റ​ക്ക​ത്തി​ലാ​യി​രു​ന്നു. പെ​ട്ടെ​ന്നാ​ണ് ഗാ​ന്ധി​ന​ഗ​ർ കോ​ള​നി​മ​ല​യു​ടെ മു​ക​ൾ ഭാ​ഗ​ത്തു​നി​ന്ന് ഉ​രു​ൾ​പൊ​ട്ടി പ​തി​ച്ച​ത്. പെ​ട്ടെ​ന്ന് ഭാ​ര്യ​യു​ടെ കൈ​പി​ടി​ച്ച്​ പു​റ​ത്തെ​ത്തി​ച്ചു. തി​രി​ഞ്ഞ്​ നോ​ക്കു​മ്പോ​ൾ വി​ഷ്ണു ഒ​ലി​ച്ചു​പോ​യി​രു​ന്നു. വീ​ട്ടി​ലേ​ക്ക്​ ഓ​ടി​യെ​ങ്കി​ലും അ​മ്മ​യു​ടെ ശ​രീ​രം മ​ണ്ണി​ൽ പു​ത​യു​ന്ന​തു നോ​ക്കി നി​ൽ​ക്കാ​നേ ക​ഴി​ഞ്ഞു​ള്ളൂ. അ​ച്​ഛ​നെ​യും ഇ​ള​യ കു​ട്ടി​യെ​യും ഉ​രു​ൾ വി​ഴു​ങ്ങി.

മ​ണ്ണി​ൽ നി​ന്നു അ​മ്മ​യു​ടെ ശ​രീ​രം പു​റ​ത്തെ​ടു​ക്കാ​ൻ ശ്ര​മി​ച്ചെ​ങ്കി​ലും മ​ണി​യും അ​ര​ക്കൊ​പ്പം ച​ളി​യി​ലേ​ക്കു താ​ഴ്ന്നു പോ​യി​രു​ന്നു. വ​ലി​യ കോ​ൺ​ക്രീ​റ്റ്​ സ്ലാ​ബ് വ​ന്നി​ടി​ച്ച് കാ​ലൊ​ടി​ഞ്ഞു. പി​ന്നീ​ടൊ​ന്നും ഓ​ർ​മ​യി​ല്ല. ക​ണ്ണു​തു​റ​ക്കു​മ്പോ​ൾ ആ​ശു​പ​ത്രി​യി​ലാ​യി​രു​ന്നു. സ​ർ​ക്കാ​ർ ന​ഷ്ട​പ​രി​ഹാ​ര​വും വീ​ടും ന​ൽ​കി. ചെ​റു​തോ​ണി ടൗ​ണി​ൽ തേ​പ്പു​ക​ട ന​ട​ത്തി​യാ​ണ്​ മ​ണി​യും ഭാ​ര്യ​യും ക​ഴി​യു​ന്ന​ത്.