വണ്ടൂരിന്‍റെ ആധാരമെഴുത്തിന് അരനൂറ്റാണ്ടിന്‍റെ കൈവഴക്കവുമായി ‘കുഞ്ഞു’

വ​ണ്ടൂ​ർ: കു​ഴി​ക്കാ​ട​ൻ സാ​ക്കി​ർ ഹു​സൈ​ൻ എ​ന്ന കു​ഞ്ഞു ആ​ധാ​ര​മെ​ഴു​താ​ൻ തു​ട​ങ്ങി​യി​ട്ട് 50 വ​ർ​ഷം പി​ന്നി​ടു​ക​യാ​ണ്. 1970ൽ ​സ്കൂ​ൾ പ​ഠ​ന​ത്തോ​ടൊ​പ്പം പി​താ​വ് കു​ഴി​ക്കാ​ട​ൻ മു​ഹ​മ്മ​ദി​ന്‍റെ​യും എ​ളാ​പ്പ കു​ഴി​ക്കാ​ട​ൻ അ​ല​വി​ക്കു​ട്ടി​യു​ടേ​യും കൂ​ടെ സ​ർ​ക്കാ​ർ ഓ​ഫി​സു​ക​ളി​ലേ​ക്ക് ആ​ളു​ക​ൾ​ക്ക് ആ​വ​ശ്യ​മു​ള്ള ഫോം ​പൂ​രി​പ്പി​ച്ചു കൊ​ടു​ത്താ​യി​രു​ന്നു തു​ട​ക്കം. പി​ന്നീ​ട് വ​ണ്ടൂ​ർ-​മ​ഞ്ചേ​രി റോ​ഡി​ലെ ക​രു​മാ​ര​പ്പ​റ്റ ബി​ൽ​ഡിങ്ങിൽ ആ​ധാ​ര​മെ​ഴു​ത്തു​കാ​ര​നാ​യി​രു​ന്ന പി​താ​വി​ന്‍റെ ഗു​രു​ക്ക​ന്മാ​രു​കൂ​ടി​യാ​യി​രു​ന്ന ചാ​ത്തോ​ലി മ​ര​ക്കാ​ർ ഹാ​ജി​യു​ടേ​യും കൊ​ള​ക്കാ​ട്ട് മാ​ധ​വ​ൻ​നാ​യ​രു​ടേ​യും ശി​ഷ്യ​നാ​വു​ക​യും കു​റ​ഞ്ഞകാ​ലം കൊ​ണ്ടു​ത​ന്നെ കൈ​യ്യെ​ഴു​ത്തി​ലും പ​ക​ർ​പ്പെ​ഴു​ത്തി​ലും മി​ക​വു തെ​ളി​യി​ക്കു​ക​യും ചെ​യ്തു.

തു​ട​ർ​ന്ന് എം.​ഡി.​എ, (എം.​എ​സ്.​എ) പാ​സാ​വു​ക​യും 1976ൽ ​കേ​ര​ള സ്റ്റേ​റ്റ് ലൈ​സ​ൻ​സ് ല​ഭി​ക്കു​ക​യും ചെ​യ്തു. അ​തോ​ടെ ചെ​റു​പ്രാ​യ​ത്തി​ൽ ത​ന്നെ ആ​ധാ​രം എ​ഴു​തി ത​യാ​റാ​ക്കാ​നു​ള്ള ലൈ​സ​ൻ​സ് ല​ഭി​ച്ച എ​ഴു​ത്തു​കാ​ര​നാ​യി.

വ​ണ്ടൂ​രി​ലെ പൂ​ർ​വി​ക ആ​ധാ​ര​മെ​ഴു​ത്ത് കു​ടും​ബാം​ഗം എ​ന്ന​തി​ന​പ്പു​റം ആ​ളു​ക​ളേ​റെ വി​ശ്വാ​സ​മ​ർ​പ്പി​ക്കു​ന്ന​തി​നാ​ലും 68ാം വ​യ​സ്സി​ലും സാ​ക്കി​ർ ഹു​സൈ​ൻ തി​ര​ക്കേ​റി​യ ആ​ധാ​ര​മെ​ഴു​ത്തു​ക്കാ​ര​നാ​യി തു​ട​രു​ക​യാ​ണ്. ജോ​ലി എ​ന്ന​തി​ന​പ്പു​റം നാ​നാ​തു​റ​ക​ളി​ലു​ള്ള ആ​ളു​ക​ളു​മാ​യി സ​മ്പ​ർ​ക്കം പു​ല​ർ​ത്തു​ന്ന​തി​ൽ നി​ർ​വൃ​തി ക​ണ്ടെ​ത്ത​ൽ​കൂ​ടി​യാ​ണ് ആ​ധാ​ര​മെ​ഴു​ത്തു ജോ​ലി തു​ട​രാ​ൻ വ​ണ്ടൂ​രു​കാ​രു​ടെ കു​ഴി​ക്കാ​ട​ൻ കു​ഞ്ഞു​വി​ന് പ്ര​ചോ​ദ​ന​മേ​കു​ന്ന​ത്.