കുന്നത്ത് അബൂബക്കർ മാസ്റ്റർ; വിടവാങ്ങിയത് മാപ്പിളപ്പാട്ടിനെ നെഞ്ചേറ്റിയ അധ്യാപകൻ

പു​ലാ​മ​ന്തോ​ൾ: മാ​പ്പി​ള​ഗാ​ന​ത്തെ നെ​ഞ്ചേ​റ്റി​യ അ​ധ്യാ​പ​ക​നാ​യി​രു​ന്നു ഇ​ന്ന​ലെ വി​ട പ​റ​ഞ്ഞ കു​ന്ന​ത്ത് അ​ബൂ​ബ​ക്ക​ർ മാ​സ്റ്റ​ർ. 1968ൽ ​പു​ലാ​മ​ന്തോ​ൾ എ​ൽ.​പി സ്കൂ​ളി​ൽ അ​റ​ബി അ​ധ്യാ​പ​ക​നാ​യി ചേ​ർ​ന്ന ഇ​​ദ്ദേ​ഹം മാ​പ്പി​ള​ക​ല​ക​ളി​ൽ പ​ഠ​നം ന​ട​ത്തി. തു​ട​ർ​ന്ന് അ​റ​ബി സാ​ഹി​ത്യ​ത്തി​ലെ വി​ദ​ഗ്ധ പ​ഠ​ന​ത്തി​നാ​യി അ​വ​ധി​യെ​ടു​ത്ത് സൗ​ദി​യി​ലെ റി​യാ​ദ് യൂ​നി​വേ​ഴ്സി​റ്റി​യി​ൽ അ​ഞ്ച് വ​ർ​ഷ​ത്തെ പ​ഠ​നം. എ​ന്നാ​ൽ, പ്ര​തി​കൂ​ല സാ​ഹ​ച​ര്യം നി​മി​ത്തം പാ​തി​വ​ഴി​യി​ൽ ഉ​പേ​ക്ഷി​ക്കേ​ണ്ടി​വ​ന്നു. ശാ​സ്ത്രീ​യ സം​ഗീ​ത​പ​ഠ​ന​ത്തി​ന് ചെ​റു​ക​ര മ​ണി മാ​സ്റ്റ​റു​ടെ​യും തു​വ്വൂ​ർ ഗോ​വി​ന്ദ പി​ഷാ​ര​ടി​യു​ടെ​യും ശി​ഷ്യ​ത്വം സ്വീ​ക​രി​ച്ചു.

ആ​കാ​ശ​വാ​ണി​യി​ലും ദൂ​ര​ദ​ർ​ശ​ൻ പ​രി​പാ​ടി​ക​ളി​ലും നി​റ​സാ​ന്നി​ധ്യ​മാ​യി​രു​ന്നു. മ​ക്ക​ളാ​യ സു​മ​യ്യ, സ​നി​യ്യ, സ​ജി​യ എ​ന്നി​വ​രെ​ല്ലാം മാ​സ്റ്റ​ർ​ക്കൊ​പ്പം ദൂ​ര​ദ​ർ​ശ​നി​ലും മ​റ്റും പ​രി​പാ​ടി​ക​ൾ അ​വ​ത​രി​പ്പി​ച്ചി​ട്ടു​ണ്ട്. മാ​പ്പി​ള ക​ല​യി​ൽ വ്യ​ക്തി​മു​ദ്ര പ​തി​പ്പി​ച്ച അ​​ദ്ദേ​ഹം ഇ​ത്ത​വ​ണ മി​ക​ച്ച ആ​ലാ​പ​ന​ത്തി​നു​ള്ള മ​ഹാ​ക​വി മോ​യി​ൻ​കു​ട്ടി വൈ​ദ്യ​ർ അ​വാ​ർ​ഡി​നും തെ​ര​ഞ്ഞെ​ടു​ക്ക​പ്പെ​ട്ടു. ഫെ​ബ്രു​വ​രി 21 ന് ​ന​ട​ന്ന ച​ട​ങ്ങി​ൽ മ​ല​യാ​ള സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ ഡോ. ​എ​ൽ. സു​ഷ​മ​യി​ൽ നി​ന്നാ​ണ് അ​വാ​ർ​ഡ് ഏ​റ്റു​വാ​ങ്ങി​യ​ത്. ഫെ​ബ്രു​വ​രി 25ന് ​പു​ലാ​മ​ന്തോ​ൾ എ.​യു.​പി സ്കൂ​ൾ ശ​താ​ബ്ദി ആ​ഘോ​ഷ​ത്തി​ൽ അ​ബൂ​ബ​ക്ക​ർ മാ​സ്റ്റ​ർ വി​ശാ​ഷ്ഠാ​തി​ഥി​യാ​യി​രു​ന്നു. അ​ന്ന് മാ​പ്പി​ള​ഗാ​ന​മാ​ല​പി​ച്ച് സ​ദ​സ്സി​നെ കൈ​യി​ലെ​ടു​ത്തു.