ഇന്ത്യയെ അടുത്തറിയാൻ കൊൽക്കത്ത സ്വദേശി സഞ്ചരിച്ചത് ആയിരക്കണക്കിന്​ കിലോമീറ്റർ

വി​ഴി​ഞ്ഞം: ഇ​ന്ത്യ​യെ​ക്കു​റി​ച്ച് അ​ടു​ത്ത​റി​യാ​ൻ കാ​ൽ​ന​ട​യാ​യും ലി​ഫ്റ്റ് ചോ​ദി​ച്ചും കൊ​ൽ​ക്ക​ത്ത സ്വ​ദേ​ശി സു​മി​ത്ത് സ​ഞ്ച​രി​ച്ച​ത് ആ​യി​ര​ക്ക​ണ​ക്കി​ന് കി​ലോ​മീ​റ്റ​റു​ക​ൾ. പി​ന്നി​ട്ട സം​സ്ഥാ​ന​ങ്ങ​ളി​ൽ കേ​ര​ള​വും കേ​ര​ള ജ​ന​ത​യും പ്രി​യ​പ്പെ​ട്ട​തെ​ന്ന് സു​മി​ത്ത്. കൊ​ൽ​ക്ക​ത്ത ബേ​ഹ​ള സ്വ​ദേ​ശി സു​മി​ത്ത് ഗാം​ഗു​ലി എ​ന്ന 26 കാ​ര​നാ​ണ് ഇ​ന്ത്യ​യെ​ക്കു​റി​ച്ച് താ​നെ​ഴു​തു​ന്ന പു​സ്ത​ക​ത്തി​ലേ​ക്കാ​യി രാ​ജ്യ​ത്തെ വി​വി​ധ സം​സ്കാ​ര​ങ്ങ​ൾ, വി​ദ്യാ​ഭ്യാ​സം, തൊ​ഴി​ൽ, ജ​നം, അ​തി​ജീ​വ​നം എ​ന്നി​വ​യെ അ​ടു​ത്ത​റി​യാ​നാ​യി കാ​ൽ​ന​ട​യാ​യും ബൈ​ക്കു​ക​ളി​ലും ലോ​റി​ക​ളി​ലും ലി​ഫ്റ്റ് ചോ​ദി​ച്ചും യാ​ത്ര ചെ​യ്യു​ന്ന​ത്.

ഇ​ക്ക​ഴി​ഞ്ഞ മാ​ർ​ച്ച് 14 ന്​ ​ഡ​ൽ​ഹി​യി​ലെ നി​സാ​മു​ദ്ദീ​ൻ ദ​ർ​ഗ​യി​ൽ​നി​ന്നാ​ണ് സു​മി​ത്ത് യാ​ത്ര തി​രി​ച്ച​ത്. നാ​ല് മാ​സം പി​ന്നി​ടു​മ്പോ​ൾ ഹ​രി​ദ്വാ​ർ, ഡെ​റാ​ഡൂ​ൺ, ഷിം​ല, മ​ണാ​ലി, ലെ​ഡാ​ക്, ജ​മ്മു- ക​ശ്മീ​ർ, പ​ഞ്ചാ​ബ്, ച​ണ്ഡി​ഗ​ഢ്, ജ​യ്പൂ​ർ, മും​ബൈ, പു​ണെ, ഗോ​വ, ക​ർ​ണാ​ട​ക, ക​ന്യാ​കു​മാ​രി എ​ന്നീ സ്ഥ​ല​ങ്ങ​ൾ സു​മി​ത്ത് സ​ന്ദ​ർ​ശി​ച്ചു.

ഡ​ൽ​ഹി മെ​ട്രോ സ്റ്റേ​ഷ​ന്​ സ​മീ​പ​മു​ള്ള ഒ​രു ഹോ​ട്ട​ലി​ൽ ഓ​പ​റേ​ഷ​ൻ മാ​നേ​ജ​രാ​യി ജോ​ലി ചെ​യ്തി​രു​ന്ന സു​മി​ത്ത് ഇ​വി​ടെ​നി​ന്ന് ല​ഭി​ച്ച അ​വ​സാ​ന​ത്തെ ശ​മ്പ​ള​ത്തി​ൽ​നി​ന്നു​ള്ള 12,000 രൂ​പ​യു​മാ​യാ​ണ് യാ​ത്ര തി​രി​ച്ച​ത്. അ​മൃ​ത്​​സ​ർ സു​വ​ർ​ണ ക്ഷേ​ത്ര​ത്തി​ലേ​ക്കു​ള്ള യാ​ത്ര​ക്കി​ടെ കൈ​വ​ശ​മു​ള്ള 12,000 രൂ​പ​യും മൊ​ബൈ​ലും മോ​ഷ​ണം പോ​യി. തു​ട​ർ​ന്ന് തെ​രു​വി​ൽ പാ​ട്ട് പാ​ടി ല​ഭി​ച്ച പ​ണം ഉ​പ​യോ​ഗി​ച്ച്​ സെ​ക്ക​ൻ​ഡ് ഹാ​ൻ​ഡ് മൊ​ബൈ​ൽ വാ​ങ്ങി. എ​ന്നാ​ൽ, ഉ​ടു​പ്പി​യി​ൽ വീ​ണ്ടും പ​ണ​വും മൊ​ബൈ​ലും മോ​ഷ​ണം പോ​യി.

വി​വി​ധ സ്ഥ​ല​ങ്ങ​ളി​ൽ പൊ​ലീ​സ്, പ​ട്ടാ​ളം, നാ​ട്ടു​കാ​ർ എ​ന്നി​വ​ർ ഭ​ക്ഷ​ണം ന​ൽ​കി. കൈ​യി​ൽ പ​ണ​മി​ല്ലാ​ത്ത​തി​നാ​ൽ പെ​ട്രോ​ൾ പ​മ്പു​ക​ളി​ലും ക​ട​വ​രാ​ന്ത​യി​ലും അ​ന്തി​യു​റ​ങ്ങും. തി​രു​വ​ന​ന്ത​പു​ര​ത്ത്​ ​​വെ​ള്ളി​യാ​ഴ്ച​യെ​ത്തി. ഇ​വി​ടെ​നി​ന്ന്​ ബം​ഗ​ളൂ​രു​വി​ലേ​ക്കാ​ണ് പോ​കു​ന്ന​ത്. ചെ​ന്നൈ, ആ​ന്ധ്ര, വി​ശാ​ഖ​പ​ട്ട​ണം എ​ന്നി​വി​ട​ങ്ങ​ൾ പോ​യ​ശേ​ഷം തി​രി​കെ കൊ​ൽ​ക്ക​ത്ത​യി​ലേ​ക്ക്​ മ​ട​ങ്ങും. നാ​ട്ടി​ലെ​ത്തി സ്റ്റാ​ർ​ട്ട​പ് തു​ട​ങ്ങി നി​ര​വ​ധി​പേ​ർ​ക്ക് തൊ​ഴി​ൽ ന​ൽ​കു​മെ​ന്നും യാ​ത്രാ​വി​വ​ര​ണ പു​സ്ത​കം ഇ​റ​ക്കു​മെ​ന്നും സു​മി​ത്ത് പ​റ​ഞ്ഞു.