36 വ​ർ​ഷ​ത്തെ പ്ര​വാ​സ​ത്തി​ന്​ വി​ട; ക​ബീ​ർ പാ​റോ​പ്പ​ടി മ​ട​ങ്ങു​ന്നു

ദു​ബൈ: 36 വ​ർ​ഷ​ത്തെ പ്ര​വാ​സ​ത്തി​നു​ശേ​ഷം കെ.​പി. ക​ബീ​ർ പാ​റോ​പ്പ​ടി പ്ര​വാ​സം അ​വ​സാ​നി​ച്ച്​ മ​ട​ങ്ങു​ക​യാ​ണ്. കോ​ഴി​ക്കോ​ട്​ പാ​റോ​പ്പ​ടി സ്വ​ദേ​ശി​യാ​യ ഇ​ദ്ദേ​ഹം ക​ഴി​ഞ്ഞ 15 വ​ർ​ഷ​മാ​യി കോ​ഴി​ക്കോ​ട്​ പ​റ​മ്പി​ൽ ബ​സാ​റി​ലാ​ണ്​ താ​മ​സം. 1989ലാ​ണ്​ ജെ.​ഡി.​ടി​യി​ൽ നി​ന്ന്​ ഐ.​ടി.​സി ഇ​ല​ക്​​ട്രോ​ണി​ക്സ്​ പ​ഠ​നം പൂ​ർ​ത്തി​യാ​ക്കി​യ ശേ​ഷമാണ് യു.​എ.​ഇ​യി​ലേ​ക്ക്​ പ്ര​വാ​സി​യാ​യി വ​രു​ന്ന​ത്. അ​ബൂ​ദ​ബി​യി​ലാ​ണ് പ്ര​വാ​സം ആ​രം​ഭി​ച്ച​ത്. തു​ട​ക്ക​ത്തി​ൽ ഓ​ൾ​ഡ് പാ​സ്​​പോ​ർ​ട്ട് ഓ​ഫി​സ് റോ​ഡി​ൽ മു​ബാ​റ​ക്ക് ഇ​ല​ക്ട്രോ​ണി​ക്സ് എ​ന്ന സ്ഥാ​പ​ന​ത്തി​ൽ 1993വ​രെ ജോ​ലി​ചെ​യ്തു. തു​ട​ർ​ന്ന് 1997വ​രെ വി​വി​ധ സ്ഥാ​പ​ന​ത്തി​ൽ ജോ​ലി​ചെ​യ്തു.

2001 ജൂ​ണി​ൽ സ​ഹോ​ദ​രീ ഭ​ർ​ത്താ​വി​ന്റെ സ​ഹാ​യ​ത്തി​ൽ യു.​എ.​ഇ ഫെ​ഡ​റ​ൽ പൊ​ലീ​സി​ൽ ജോ​ലി ല​ഭി​ച്ചു. ഇ​ല​ക്​​ട്രോ​ണി​ക്​ ടെ​ക്നീ​ഷ്യ​നാ​യി​ട്ടാ​ണ്​ ജോ​ലി ല​ഭി​ച്ച​ത്. പി​ന്നീ​ട്​ 2003 മു​ത​ൽ ഫെ​ഡ​റ​ൽ പൊ​ലീ​സ്​ സ്കൂ​ൾ ഷാ​ർ​ജ​യി​ലേ​ക്ക്​ ജോ​ലി മാ​റി. 2025 ഏ​പ്രി​ൽ വ​രെ ജോ​ലി​യി​ൽ തു​ട​ർ​ന്ന ശേ​ഷ​മാ​ണ്​ നാ​ട്ടി​ലേ​ക്ക്​ മ​ട​ങ്ങു​ന്ന​ത്. പൊ​ലീ​സ്​ സ്കൂ​ളി​ലെ എ​ജു​ക്കേ​ഷ​ൻ സ​പ്പോ​ർ​ട്ട്​ എ​ന്ന വി​ഭാ​ഗ​ത്തി​ലാ​യി​രു​ന്നു ജോ​ലി. മൂ​ന്ന​ര പ​തി​റ്റാ​ണ്ട്​ പി​ന്നി​ട്ട പ്ര​വാ​സം സ​ന്തോ​ഷം മാ​ത്ര​മാ​ണ്​ സ​മ്മാ​നി​ച്ച​തെ​ന്നാ​ണ്​ ക​ബീ​റി​ന്​ പ​റ​യാ​നു​ള്ള​ത്. യു.​എ.​ഇ​യു​ടെ വ​ള​ർ​ച്ച നേ​രി​ട്ട്​ കാ​ണാ​ൻ സാ​ധി​ച്ചു.

സ്വ​ദേ​ശി​ക​ളും ഒാ​ഫി​സ​ർ​മാ​രു​മാ​യൊ​ക്കെ ന​ല്ല ബ​ന്ധ​മാ​യി​രു​ന്നു. ഉ​ന്ന​ത ഓ​ഫി​സ​ർ​മാ​ർ അ​ട​ക്കം വ​ലി​യ അ​ടു​പ്പ​വും സ്​​നേ​ഹ​വു​മാ​ണ്​ പ്ര​ക​ടി​പ്പി​ച്ചി​രു​ന്ന​ത്​ -ക​ബീ​ർ പ​റ​യു​ന്നു. പ്ര​വാ​സ​ത്തി​ലൂ​ടെ ന​ല്ല ജീ​വി​തം കെ​ട്ടി​പ്പ​ടു​ക്കാ​നാ​യെ​ന്നും സ​ന്തോ​ഷ​ത്തോ​ടെ​യാ​ണ്​ പി​രി​യു​ന്ന​തെ​ന്നും നാ​ട്ടി​ലെ​ത്തി എ​ന്തെ​ങ്കി​ലും പ്ര​വ​ർ​ത്ത​ന മേ​ഖ​ല ക​ണ്ടെ​ത്ത​ണ​മെ​ന്നും ക​ബീ​ർ കൂ​ട്ടി​ച്ചേ​ർ​ത്തു. ഇ​ട​ക്കാ​ല​ത്ത്​ കു​റ​ച്ചു​കാ​ലം മാ​ത്ര​മാ​ണ്​ കു​ടും​ബം പ്ര​വാ​സ​ത്തി​ൽ കൂ​ടെ​യു​ണ്ടാ​യി​രു​ന്ന​ത്. ഭാ​ര്യ: മ​ലീ​ക​ത്ത്​ ക​ബീ​ർ. മ​ക്ക​ൾ: ആ​ദി​ൽ മു​ഹ​മ്മ​ദ്, അ​ൽ​ഷാ​ൻ മു​ഹ​മ്മ​ദ്, അ​മീ​ൻ. ആ​ദി​ൽ ദു​ബൈ​യി​ലെ ക​മ്പ​നി​യി​ൽ ഐ.​ടി സ​പ്പോ​ർ​ട്ട്​ എ​ൻ​ജി​നീ​യ​റാ​യി ജോ​ലി ചെ​യ്തു​ വ​രു​ക​യാ​ണ്.