അച്ഛന്റെ ഓർമകൾക്ക് മകന്റെ സമ്മാനം...

കാ​റ​ഡു​ക്ക: മ​ഞ്ചേ​ശ്വ​രം എ​സ്.​എ.​ടി ഹൈ​സ്കൂ​ളി​ൽ​നി​ന്ന് ഇ​ങ്ങ് കാ​റ​ഡു​ക്ക​യി​ലേ​ക്ക് അ​ച്ഛ​ന്റെ ഓ​ർ​മ​ക​ൾ​ക്ക് സ​മ്മാ​ന​മാ​യി ഒ​ര​ധ്യാ​പ​ക​നെ​ത്തി. ത​ന്റെ ശി​ഷ്യ​രു​മാ​യി ചി​ത്ര​ര​ച​നാ​മ​ത്സ​ര​ത്തി​ന് വ​ന്ന​താ​യി​രു​ന്നു കു​മ്പ​ള​യി​ലെ ജ​യ​പ്ര​കാ​ശ് ഷെ​ട്ടി മാ​ഷ്. മ​ഞ്ചേ​ശ്വ​രം എ​സ്.​എ.​ടി ഹൈ​സ്കൂ​ളി​ലെ ചി​ത്ര​ക​ലാ അ​ധ്യാ​പ​ക​നാ​ണ്.

1961ൽ ​യു.​പി മാ​ഷാ​യി ആ​ദ്യ പോ​സ്റ്റി​ങ്ങി​ൽ പി​താ​വ് ദൂ​മ​ണ്ണ ഷെ​ട്ടി ബേ​ള പ​ഠി​പ്പി​ച്ച സ്കൂ​ളി​ലേ​ക്കാ​ണ് ഇ​ന്ന് ശി​ഷ്യ​രു​മൊ​ത്ത് പി​താ​വി​ന്റെ ഓ​ർ​മ​ക​ൾ തു​ളു​മ്പു​ന്ന സ്കൂ​ൾ വ​രാ​ന്ത​യി​ലൂ​ടെ അ​ദ്ദേ​ഹം ന​ട​ന്നു​വ​ന്ന​ത്.

പി​താ​വി​ന്റെ ഓ​ർ​മ​ക​ൾ​ക്ക് മു​ന്നി​ൽ നി​റം​ചാ​ലി​ച്ച് കു​ഞ്ഞു കാ​ൻ​വാ​സി​ൽ സ്വന്തം കൈ​പ്പ​ട​യി​ൽ ചി​ത്രം​വ​ര​ച്ച് പ്ര​ധാ​നാ​ധ്യാ​പ​ക​നാ​യ സ​ഞ്ജീ​വ​യെ അദ്ദേഹം ഏ​ൽ​പി​ച്ചു. അ​തി​ന് സാ​ക്ഷ്യം​വ​ഹി​ക്കാ​ൻ ഡി.​ഡി.​ഇ ന​ന്ദി​കേ​ശ​നും റി​ട്ട. എ.​ഇ.​ഒ യ​തീ​ഷ്കു​മാ​ർ റൈ​യു​മെ​ത്തി​യ​പ്പോ​ൾ മാ​ഷി​ന് ഏറെ സ​ന്തോ​ഷ​മാ​യി. കാ​ലം ബാ​ക്കി​വെ​ച്ചൊ​രു നി​യോ​ഗ​മാ​ണി​തെ​ന്ന് ജ​യ​പ്ര​കാ​ശ് മാ​ഷ് വി​കാ​രാ​ധീ​ന​നാ​യി പ​റ​ഞ്ഞു.

പ​ല ക​ലോ​ത്സ​വ​ങ്ങ​ളി​ലും ല​ഹ​രി​ബോ​ധ​വ​ത്ക​ര​ണ​ത്തി​ന്റെ ഭാ​ഗ​മാ​യി പ​​ങ്കെ​ടു​ക്കു​ക​യും കു​ട്ടി​ക​ളി​ൽ അ​വ​ബോ​ധം വ​രു​ത്താ​ൻ ചി​ത്രം​വ​ര​ക്കു​ക​യും ചെ​യ്യാ​റു​ണ്ട് ഇദ്ദേഹം. എ​ന്നാ​ൽ, ഇ​ത്തവണ മ​ത്സ​ര​ത്തി​ന്റെ തി​ര​ക്കി​ലാ​യ​തി​നാ​ൽ അ​തി​നു പ​റ്റാ​ത്ത​തി​ലു​ള്ള വി​ഷ​മത്തിലാണ്. പ​ത്താം ക്ലാ​സി​ൽ പ​ഠി​ക്കു​ന്ന മ​ക​നും നാ​ലാം ക്ലാസി​ൽ പ​ഠി​ക്കു​ന്ന മ​കളും അടങ്ങുന്നതാണ് കുടുംബം. ഭാ​ര്യ വി​ദ്യ.

ചി​ത്ര​ക​ല​യി​ലെ അ​ധ്യാ​പ​നം മാ​ത്ര​മ​ല്ല ജ​യ​പ്ര​കാ​ശ് മാ​ഷിെ​ന്റ ജീ​വി​ത​വ​ഴി. മി​ക​ച്ചൊ​രു ക​ർ​ഷ​ക​ൻ കൂ​ടി​യാ​ണി​ദ്ദേ​ഹം. കുറഞ്ഞ സ്ഥ​ല​ത്ത് വ​ലി​യ കൃ​ഷി പ​രീ​ക്ഷി​ച്ച് മി​ക​ച്ച ഫ​ല​മു​ണ്ടാ​ക്കി. ഒ​പ്പം സാ​മൂ​ഹി​ക​പ്ര​വ​ർ​ത്ത​ന​വും. ക​ല​യു​ടെ ഉ​ത്സ​വ​ത്തി​ൽ ക​ഥ​ക​ൾ ഒ​രു​പാ​ട് പ​റ​യാ​നു​ണ്ടാ​യി​രു​ന്നു മാ​ഷി​ന്. അ​ടു​ത്ത ക​ലോ​ത്സ​വ​ത്തി​ന് ല​ഹ​രി​ക്കെ​തി​രെ​യു​ള്ള വരയുടെ മു​ന്നൊ​രു​ക്ക​ത്തി​ലാണ് മാ​ഷ്. നാ​ള​ത്തെ ത​ല​മു​റ ല​ഹ​രി​മോ​ച​ന​ത്തി​ന് പ്ര​യ​ത്നി​ക്ക​ണ​മെ​ന്ന സ​ന്ദേ​ശ​വു​മാ​യി.