കാനായിയിലേക്ക് വരൂ, അഞ്ച് ഗാന്ധിയെ കാണാം

പ​യ്യ​ന്നൂ​ർ: രാ​ജ്യം സ്വാ​ത​ന്ത്ര്യ ദി​ന​മാ​ഘോ​ഷി​ക്കു​മ്പോ​ൾ ശി​ൽ​പി ഉ​ണ്ണി ​കാ​നാ​യി​യു​ടെ പ​ണി​പ്പു​ര​യി​ൽ ഒ​രു​ങ്ങു​ന്ന​ത് അ​ഞ്ച് ഗാ​ന്ധിശി​ൽ​പ​ങ്ങ​ൾ. വി​വി​ധ സ്ഥ​ല​ങ്ങ​ളി​ലേ​ക്കു​ള്ള ഗാ​ന്ധിശി​ൽ​പ​ങ്ങ​ളാ​ണ് കാ​നാ​യി​യി​ൽ ഒ​രു​ങ്ങു​ന്ന​ത്.

ഇ​രു​പ​ത്തി​യൊ​മ്പ​താ​മ​ത്തെ ഗാ​ന്ധിശി​ൽ​പ​മാ​ണ് ഇ​പ്പോ​ൾ ഉ​ണ്ണി നി​ർ​മി​ക്കു​ന്ന​ത്. ആ​ദ്യ​മാ​യി ഉ​ണ്ണി​യു​ടെ ഗാ​ന്ധി ശി​ൽ​പം പി​റ​ന്ന​ത് പ​യ്യ​ന്നൂ​ർ പൊ​ലീ​സ് സ്റ്റേ​ഷ​നു മു​ന്നി​ലാ​ണ്. പെ​രു​മ്പ​യി​ൽ പൊ​ലീ​സ് വാ​ഹ​ന പ​രി​ശോ​ധ​ന​ക്കി​ട​യി​ൽ അ​ന്ന​ത്തെ സ​ർ​ക്കി​ൾ ഇ​ൻ​സ്പെ​ക്ട​ർ സു​ധാ​ക​ര​ൻ ഇ​രു​ച​ക്ര​വാ​ഹ​നം പ​രി​ശോ​ധി​ച്ച​താ​ണ് ഗാ​ന്ധിശി​ൽ​പ​ത്തി​ന്റെ പി​റ​വി​ക്ക് ഇ​ട​യാ​യ​തെ​ന്ന് ഉ​ണ്ണി പ​റ​ഞ്ഞു. ബു​ക്കും പേ​പ്പ​റും കൈ​യി​ൽ ഇ​ല്ലാ​ത്ത​തി​നാ​ൽ വ​ണ്ടി​ക്ക് പി​ഴ​യി​ട്ടു. ഒ​റ​ജി​ന​ൽ ബു​ക്കും പേ​പ്പ​റും കൊ​ണ്ട് സ്റ്റേ​ഷ​നി​ലേ​ക്ക് വ​രാ​നും പ​റ​ഞ്ഞു. പി​റ്റേ​ന്നാ​ൾ സ്റ്റേ​ഷ​നി​ലെ​ത്തി​യ​പ്പോ​ഴാ​ണ് ഉ​ണ്ണി ശി​ൽ​പി​യാ​ണെ​ന്ന് സി.​ഐ അ​റി​ഞ്ഞ​ത്. അ​ന്ന് സി.​ഐ നി​ർ​ദേശി​ച്ച​തി​ന്റെ അ​ടി​സ്ഥാ​ന​ത്തി​ലാ​ണ് സ്റ്റേ​ഷ​നു മു​ന്നി​ൽ മ​ഹാ​ത്മാ​ഗാ​ന്ധിപ്ര​തി​മ നി​ർ​മി​ച്ച​ത്.

പോ​ട്ട്റെ​യി​റ്റ് ശി​ൽ​പ​ങ്ങ​ൾ ചെ​യ്ത് പ​രി​ച​യ​മി​ല്ലാ​ത്ത​തി​നാ​ൽ അ​ൽ​പം ഭ​യ​മു​ണ്ടാ​യി​രു​ന്നു. എ​ന്നാ​ൽ തി​ക​ഞ്ഞ ആ​ത്മ​വി​ശ്വാ​സ​വു​മാ​യി ആ​ദ്യ​മാ​യി ഗാ​ന്ധിശി​ൽ​പം ചെ​യ്തു. അ​ത് ന​ന്നാ​വു​ക​യും ചെ​യ്തു. അ​ങ്ങ​നെ ചെ​യ്ത ആ ​ഗാ​ന്ധിശി​ൽ​പം ജീ​വി​ത​ത്തി​ലെ വ​ഴി​ത്തി​രി​വാ​യ​താ​യി ഉ​ണ്ണി കാ​നാ​യി പ​റ​ഞ്ഞു. സു​ധാ​ക​ര​ന്റെ ആ​വ​ശ്യ​പ്ര​കാ​രം ത​ളി​പ്പ​റ​മ്പ്, ആ​ല​ക്കോ​ട്, കാ​സ​ർ​കോ​ട് പൊ​ലീ​സ് സ്റ്റേ​ഷ​നു​ക​ളി​ലും ഉ​ണ്ണി​യു​ടെ ഗാ​ന്ധിശി​ൽ​പ​ങ്ങ​ൾ ഇ​ടം ക​ണ്ടു. ഇ​തി​നു ശേ​ഷം കേ​ര​ള​ത്തി​ലെ നി​ര​വ​ധി പൊ​ലീ​സ് സ്റ്റേ​ഷ​നു​ക​ളി​ൽ ഉ​ണ്ണി​യു​ടെ കൈ​യൊ​തു​ക്കം കൊ​ണ്ട് സ​മ്പ​ന്ന​മാ​യ മ​ഹാ​ത്മാ​ഗാ​ന്ധി ശി​ൽ​പ​ങ്ങ​ൾ ഉ​ണ്ടാ​യി.

ഇ​പ്പോ​ൾ കോ​ട്ട​യം ജി​ല്ല​യി​ലെ കു​റു​വി​ല​ങ്ങാ​ട് ബ​സ് സ്റ്റാ​ൻ​ഡി​ലേ​ക്ക് പ​ത്ത​ടി ഉ​യ​ര​മു​ള്ള മെ​റ്റ​ൽ ഗ്ലാ​സ് ഗാ​ന്ധിശി​ൽ​പ​വും ഭീ​മ​ന​ടി വ​ര​ക്കാ​ട് ഹ​യ​ർ സെ​ക്ക​ൻ​ഡ​റി സ്കൂ​ൾ, ചെ​റു​പു​ഴ യു.​പി സ്കൂ​ൾ എ​ന്നി​വി​ട​ങ്ങ​ളി​ലേ​ക്കു​ള്ള ശി​ൽ​പ​വും മാ​ത​മം​ഗ​ലം ഹ​യ​ർ സെ​ക്ക​ൻ​ഡ​റി സ്കൂ​ളി​ലെ 93 എ​സ്.​എ​സ്.​എ​ൽ.​സി ബാ​ച്ചി​ന് വേ​ണ്ടി ഫൈ​ബ​ർ ഗ്ലാ​സി​ൽ നി​ർ​മി​ക്കു​ന്ന ഗാ​ന്ധിശി​ൽ​പ​വും പ​ണി​പ്പു​ര​യി​ൽ അ​ന്തി​മ​ഘ​ട്ട​ത്തി​ലാ​ണ്. കൂ​ട്ട​ത്തി​ൽ ഒ​രു ഗാ​ന്ധിശി​ൽ​പം ഈ ​ഡി​സം​ബ​റി​ൻ പൊ​ലീ​സ് ജീ​വി​ത​ത്തി​ൽനി​ന്ന് വി​ര​മി​ക്കു​ന്ന ഡി​വൈ.​എ​സ്.​പി സു​ധാ​ക​ര​ൻ ജോ​ലി ചെ​യ്യു​ന്ന കാ​സ​ർ​കോ​ട് എ​സ്.​പി ഓ​ഫി​സി​ലേ​ക്ക് വേ​ണ്ടി​യും നി​ർ​മി​ച്ചു.

കേ​ര​ള​ത്തി​ലെ വെ​ങ്ക​ല​ത്തി​ൽ പ​ണി​ത ഏ​റ്റ​വും വ​ലി​യ മ​ഹാ​ത്മാ​ഗാ​ന്ധിശി​ൽ​പം കാ​സ​ർ​കോ​ട് ക​ല​ക്ട​റേ​റ്റി​ൽ നി​ർ​മി​ച്ച​തും ഉ​ണ്ണി കാ​നാ​യി​യാ​ണ്. ഇ​തി​നു പു​റ​മെ തി​രു​വ​ന​ന്ത​പു​ര​ത്തെ ശ്രീ​നാ​രാ​യ​ണ ഗു​രു ശി​ൽ​പം, ത​ല​ശ്ശേ​രി​യി​ലെ ഡോ. ​അ​ബ്ദു​ൾ ക​ലാം ശി​ൽ​പം തു​ട​ങ്ങി നൂ​റു​ക​ണ​ക്കി​ന് ശി​ൽ​പ​ങ്ങ​ൾ ഉ​ണ്ണി​യു​ടേ​താ​യി​ട്ടു​ണ്ട്. വി​നേ​ഷ് കെ​യ​ക്കീ​ൽ, സു​രേ​ഷ് അ​മ്മാ​ന​പ്പാ​റ, ബാ​ല​ൻ പാ​ച്ചേ​നി, ബി​ജു കൊ​യ​ക്കീ​ൽ എ​ന്നി​വ​രാ​ണ് ഉ​ണ്ണി​കാ​നാ​യി​യു​ടെ സ​ഹാ​യി​ക​ൾ.