Begin typing your search above and press return to search.
exit_to_app
exit_to_app
Homechevron_rightLIFEchevron_rightMenchevron_rightദി​േനാസറുകളുടെ...

ദി​േനാസറുകളുടെ ലോകത്ത്​ പത്​മനാഭന്​ റെക്കോഡ്​ വിസ്​മയം

text_fields
bookmark_border
ദി​േനാസറുകളുടെ ലോകത്ത്​ പത്​മനാഭന്​ റെക്കോഡ്​ വിസ്​മയം
cancel
camera_alt

പത്​മനാഭൻ മാതാപിതാക്കൾ​െക്കാപ്പം 

ദോഹ: ദിനോസറുകളുടെ വിസ്​മയലോകത്തിലേക്ക്​ ​കൈപിടിച്ച കുരുന്നുപ്രതിഭക്ക്​ ഒടുവിൽ റെക്കോർഡുകളുടെ വിസ്​മയനേട്ടം. ബിർള പബ്ലിക്​ സ്കൂളിലെ ഒന്നാം ക്ലാസ് വിദ്യാര്‍ഥി പത്​മനാഭൻ നായരാണ്​ ആറാം വയസിൽ നാല്​ റെക്കോഡുകൾ സ്വന്തം പേരിൽ കുറിച്ചത്​. വേള്‍ഡ് റെക്കോഡ്​സ്​ ഓഫ് യു.കെ, ലിംക ബുക് ഓഫ് റെക്കോഡ്​സ്​, ഏഷ്യ ബുക്ക് ഓഫ് റെക്കോഡ്​സ്​, ഇന്ത്യ ബുക്​സ്​ ഓഫ് റെക്കോഡ്​സ്​ എന്നിവയിലാണ്​ ഈ കുരുന്നുപ്രതിഭ ഇടംനേടിയിരിക്കുന്നത്​.

സഹസ്രാബ്​ദങ്ങള്‍ക്കു മുമ്പേ വംശനാശം സംഭവിച്ച ദിനോസറുകളെ പറ്റിയുള്ള അറിവുകളാണ്​ പത്​മനാഭ​െൻറ ആയുധം. വ്യത്യസ്ത ഇനം ദിനോസോറുകളെ ചുരുങ്ങിയ സമയത്തില്‍ തിരിച്ചറിഞ്ഞാണ് റെക്കോഡുകൾ തീർത്തത്​. 130 വ്യത്യസ്ത ഇനം ദിനോസോറുകളെ തിരിച്ചറിഞ്ഞ് ഇടതടവില്ലാതെ അവയുടെ പേരുവിവരം, പ്രത്യേകതകൾ തുടങ്ങിയവ പറയാന്‍ പത്​മനാഭനാകും. ചിത്രം കണ്ടാൽ അത് ഉരഗവര്‍ഗമോ പക്ഷിവര്‍ഗമോ എന്നതുള്‍പ്പെടെയുള്ള ഏറെ വിശദാംശങ്ങള്‍ നിഷ്പ്രയാസം പറയും.

ഒരുമിനിറ്റില്‍ 41 ഇനം ദിനോസറുകളെ തിരിച്ചറിഞ്ഞാണ്​ ലിംക റെക്കോഡ്​ സ്വന്തമാക്കിയത്​. അഞ്ചു മിനിറ്റില്‍ 97 ഇനങ്ങളെ തിരിച്ചറിഞ്ഞാണ്​ മറ്റ്​ റെക്കോഡ്​ ബുക്കുകളിൽ ഇടംനേടിയത്​. ഐ.സി.സി ഹാളിൽ കഴിഞ്ഞ സെപ്​റ്റംബറിലായിരുന്നു ലിംക അധികൃതരുടെ മാനദണ്ഡങ്ങളെല്ലാം പാലിച്ച്​ റെക്കോഡിനായുള്ള പ്രകടനം നടന്നത്​. ലിംക തെരഞ്ഞെടുത്ത ഖത്തറിലെ പ്രമുഖരുടെ സാന്നിധ്യത്തിലായിരുന്നു ഇത്​.

ഇതി​െൻറ വിഡിയോ ലിംകക്ക്​ അയച്ചുകൊടുത്തു. കഴിഞ്ഞ ദിവസമാണ്​ റെക്കോഡ്​ കിട്ടിയതി​െൻറ രേഖകൾ തപാലിൽ കൈപ്പറ്റിയത്​. പിറന്നാള്‍ സമ്മാനമായികിട്ടിയ പുസ്തകത്തില്‍നിന്നാണ് ദിനോസർ ചങ്ങാത്തം തുടങ്ങിയത്​. ആലപ്പുഴ മാന്നാര്‍ പള്ളിയമ്പിൽ വീട്ടിൽ ജയപ്രകാശി​െൻറയും ചെട്ടികുളങ്ങര നെടുവേലിൽ വീട്ടിൽ ജ്യോതിലക്ഷ്മിയുടെയും മകനാണ്. ദോഹയിലെ തൈസീർ സർവിസസ് കമ്പനിയിൽ ബിഡ് മാനേജറാണ്​ ജയപ്രകാശ്​.

ദോഹ മോഡേൺ ഇന്ത്യൻ സ്​കൂൾ മുൻഅധ്യാപികയാണ്​ ജ്യോതിലക്ഷ്മി. മക​െൻറ താല്‍പര്യം തിരിച്ചറിഞ്ഞ് ദിനോസോറുകളെക്കുറിച്ച് കൂടുതല്‍ അറിവു പകരുന്ന പുസ്തകങ്ങളും യുട്യൂബ് വിഡിയോകളും മാതാപിതാക്കൾ എത്തിച്ചു. ഇതോടെ പത്​മനാഭൻ ദിനോസറുകളുടെ വിസ്​മയലോകത്തായി. ഗിന്നസ് ബുക്ക് ഓഫ് വേൾഡ് റെക്കോർഡ്സിനായി അപേക്ഷ നൽകിയിട്ടുമുണ്ട്​.

Show Full Article
TAGS:dinosaurs Pathmanabhan amazing record 
Next Story