ഓ​ർ​മ​ക​ളു​ടെ പത്തേ​മാ​രി​യി​ൽ മൂ​സ​ക്ക നാ​ട്ടി​ലേ​ക്ക്​

46 വ​ർ​ഷ​മാ​യി യു.​എ.​ഇ​യു​ടെ ഹൃ​ദ​യ​മി​ടി​പ്പു​ക​ളി​ൽ ഒ​പ്പ​മു​ണ്ടാ​യി​രു​ന്ന അ​പൂ​ർ​വം മ​ല​യാ​ളി​ക​ളി​ൽ ഒ​രാ​ൾ​കൂ​ടി നാ​ട​ണ​യു​ന്നു. അ​ര​നൂ​റ്റാ​ണ്ടു കാ​ല​ത്തെ പ്ര​വാ​സം അ​വ​സാ​നി​പ്പി​ച്ച്​ മൂ​സ​ക്ക​യെ​ന്ന കെ.​കെ.​പി. മൂ​സ​ക്കു​ഞ്ഞി​യാ​ണ്​ നാ​ട്ടി​ലേ​ക്കു​ മ​ട​ങ്ങു​ന്ന​ത്​. 64ാമ​ത്തെ വ​യ​സ്സി​ൽ പ്ര​വാ​സ​ത്തി​ന്​ വി​രാ​മ​മി​ടു​മ്പോ​ൾ ഒ​രു​പി​ടി ന​ല്ല ഓ​ർ​മ​ക​ളാ​ണ്​ മൂ​സ​ക്ക​ക്ക്​ കൂ​ട്ട്. നാ​ട്ടി​ലേ​ക്കു​ പോ​കാ​നു​ള്ള ഒ​രു​ക്ക​ത്തി​നി​ട​യി​ൽ താ​ൻ പി​ന്നി​ട്ട വ​ഴി​ക​ൾ മൂ​സ​ക്ക ഓ​ർ​ത്തെ​ടു​ക്കു​ക​യാ​ണ്​. ക​ണ്ണൂ​ർ പ​യ്യ​ന്നൂ​രി​ലെ കു​ഞ്ഞി​മം​ഗ​ല​ത്തു​നി​ന്ന്​ 1977ലാ​ണ്​ മും​ബൈ​യി​ൽ​നി​ന്ന്​ ‘ഹ​ർ​ഷ​വ​ർ​ധ​ന’ എ​ന്ന പ​ത്തേ​മാ​രി​യി​ൽ​ മൂ​സ​ക്ക​ ദു​ബൈ തു​റ​മു​ഖ​ത്ത്​ വ​ന്നി​റ​ങ്ങു​ന്ന​ത്.

അ​ന്ന്​ അം​ബ​ര​ചും​ബി​ക​ളാ​യ കെ​ട്ടി​ട​ങ്ങ​ളോ ലോ​ക​നി​ല​വാ​ര​മു​ള്ള റോ​ഡു​ക​ളോ വി​ക​സ​ന​മോ ഒ​ന്നു​മു​ണ്ടാ​യി​രു​ന്നി​ല്ല. സു​ര​ക്ഷാ മ​തി​ൽ​കെ​ട്ടു​ക​ൾ​ക്കു പ​ക​രം ക​മ്പി​വേ​ലി കെ​ട്ടി​യ ഒ​രു ക​വാ​ടം മാ​ത്ര​മാ​യി​രു​ന്നു അ​ന്ന്​​ ദു​ബൈ തു​റ​മു​ഖ​ത്തു​ണ്ടാ​യി​രു​ന്ന​ത്​​. തു​റ​മു​ഖ​ത്തെ പ്ര​ധാ​ന റോ​ഡു​മാ​യി ബ​ന്ധി​പ്പി​ക്കാ​ൻ ഒ​രു ഒ​റ്റ​വ​രി പാ​ത​യാ​യി​രു​ന്നു ഉ​ണ്ടാ​യി​രു​ന്ന​ത്. തു​റ​മു​ഖ​ത്തി​ന​ക​ത്ത്​ അ​റ​ബി​ക​ൾ​ക്കു​ മാ​ത്ര​മാ​യി​രു​ന്നു​ പ്ര​വേ​ശ​നം.

നി​ര​വ​ധി പേ​രെ ഒ​രു​മി​ച്ച്​​ ഇ​വ​ർ ടാ​ക്സി കാ​റി​ൽ പു​റ​ത്തെ​ത്തി​ക്കും. പു​റ​ത്ത്​ സ്വീ​ക​രി​ക്കാ​നെ​ത്തു​ന്ന​വ​ർ സ്വ​ന്ത​ക്കാ​രു​ടെ പേ​രു​ക​ൾ ഉ​റ​ക്കെ വി​ളി​ക്കും. ആ ​വി​ളി​കേ​ൾ​ക്കു​ന്ന​വ​ർ​ക്ക്​ ഒ​പ്പം പോ​കാം. അ​ങ്ങ​നെ വി​ളി​കേ​ട്ട മൂ​സ​ക്ക​യെ​യും കൊ​ണ്ട്​ അ​മ്മാ​വ​ൻ യൂ​സു​ഫ്, ബ​ക്ക​ർ റോ​ഡി​ലെ വി​ല്ല​യി​ലേ​ക്കു​​ പോ​യി. ഇ​ന്ന്​ യൂ​റോ​പ്യ​ൻ രാ​ജ്യ​ങ്ങ​ളി​ലേ​തു​പോ​ലെ അ​ന്ന്​ ഒ​ന്നോ ര​ണ്ടോ മ​ണി​ക്കൂ​ർ ജോ​ലി എ​ടു​ക്കാ​ൻ ദു​ബൈ​യി​ൽ അ​നു​വാ​ദ​മു​ണ്ടാ​യി​രു​ന്നു.

കു​റ​ച്ചു കാ​ല​ത്തെ അ​ല​ച്ചി​ലി​നു​ശേ​ഷം ഒ​രു അ​റ​ബി​വീ​ട്ടി​ൽ ജോ​ലി ല​ഭി​ച്ചു. താ​മ​സം റ​ഹ്​​മാ​നി​യ ഹോ​ട്ട​ലി​ൽ. ആ​യി​ട​ക്കാ​ണ്​ ഷാ​ർ​ജ കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ക​ട​ൽ​ഭി​ത്തി കെ​ട്ടു​ന്ന ആ​ർ​കോ​സി എ​ന്ന ക​മ്പ​നി​യി​ൽ ജോ​ലി ഒ​ഴി​വു​ണ്ടെ​ന്ന​റി​ഞ്ഞ​ത്. പ​ക്ഷേ, പോ​കാ​ൻ അ​മ്മാ​വ​ൻ സ​മ്മ​തി​ക്കി​ല്ല. ഒ​രി​ക്ക​ൽ അ​മ്മാ​വ​ൻ നാ​ട്ടി​ൽ പോ​യ​പ്പോ​ൾ ച​ങ്ങാ​തി​മാ​രെ വി​ളി​ച്ച്​ ഷാ​ർ​ജ​ക്കു​ പോ​യി.

അ​വി​ടെ ആ ​ക​മ്പ​നി​യി​ൽ അ​സി. മെ​ക്കാ​നി​ക്ക​ൽ ഫി​റ്റ​റാ​യി കു​റ​ച്ചു കാ​ലം. ഇ​തി​നി​ട​യി​ൽ ഒ​ന്ന്​ നാ​ട്ടി​ൽ പോ​യി തി​രി​കെ​യെ​ത്തി. ശേ​ഷം കോ​സ്​​റ്റൈ​ൻ ടൈ​ല​ർ വു​ഡ്​​റോ ജോ​യ​ന്‍റ്​ വെ​ൻ​ച്വ​ർ എ​ന്ന പ്ര​മു​ഖ ക​മ്പ​നി​യി​ൽ ജോ​ലി ല​ഭി​ച്ചു. ആ​ ​ജോ​ലി തീ​ർ​ന്ന​തോ​ടെ അ​വി​ടം​വി​ട്ടു.തു​ട​ർ​ന്ന്​ അ​ബൂ​ദ​ബി ക​ര​സേ​ന​യി​ൽ ഡ്രൈ​വ​റാ​യി ജോ​ലി ല​ഭി​ച്ചു. ജോ​ലി​ക്കൊ​പ്പം സാ​മൂ​ഹി​ക പ്ര​വ​ർ​ത്ത​ന​ത്തി​ലും പ​ങ്കാ​ളി​യാ​യി. നാ​ട്ടി​ൽ ക​ണ്ണൂ​ർ ഏ​ഴി​മ​ല ഇ​ട്ടി​കു​ള​ത്താ​ണ്​ ഇ​പ്പോ​ൾ കു​ടും​ബം താ​മ​സി​ക്കു​ന്ന​ത്. ഭാ​ര്യ സൈ​റ ബാ​നു. നാ​ലു​ മ​ക്ക​ൾ.