43 വ​ര്‍ഷം നീ​ണ്ട ഗ​ള്‍ഫ് ജീ​വി​തം; സെ​യ്ത്ക്ക പ​ന്താ​വൂ​രി​ലേ​ക്ക്

റാ​സ​ല്‍ഖൈ​മ: 43 വ​ര്‍ഷം നീ​ണ്ട യു.​എ.​ഇ ജീ​വി​തം അ​വ​സാ​നി​പ്പി​ച്ച് ആ​ല​ങ്കോ​ട് പ​ന്താ​വൂ​ര്‍ കോ​ലാ​ട്ടു​വ​ള​പ്പി​ല്‍ വീ​ട്ടി​ല്‍ പ​രേ​ത​നാ​യ കു​ഞ്ഞു​മൊ​യ്തു​വി​ന്റെ മ​ക​ന്‍ സെ​യ്തു​മു​ഹ​മ്മ​ദ് (പാ​ല​സ് സെ​യ്ത്ക്ക) നാ​ട്ടി​ലേ​ക്ക്. 1979 ഫെ​ബ്രു​വ​രി​യി​ല്‍ ദു​ബൈ​യി​ലാ​ണ് താ​ന്‍ വി​മാ​ന​മി​റ​ങ്ങി​യ​തെ​ന്ന് സെ​യ്തു​മു​ഹ​മ്മ​ദ് 'ഗ​ള്‍ഫ് മാ​ധ്യ​മ'​ത്തോ​ട് പ​റ​ഞ്ഞു.

ഒ​റ്റ​വ​രി പാ​ത​ക​ളും സൗ​ക​ര്യ​ങ്ങ​ള്‍ കു​റ​ഞ്ഞ വാ​സ​സ്ഥ​ല​ങ്ങ​ളും മാ​ത്ര​മു​ണ്ടാ​യി​രു​ന്ന യു.​എ.​ഇ​യു​ടെ വ​ള​ര്‍ച്ച അ​തി​ശ​യി​പ്പി​ക്കു​ന്ന​താ​ണ്. സ​മൃ​ദ്ധി​യി​ലേ​ക്കും നൂ​ത​ന സൗ​ക​ര്യ​ങ്ങ​ളി​ലേ​ക്കു​മു​ള്ള യു.​എ.​ഇ​യു​ടെ വ​ള​ര്‍ച്ച സ്വ​പ്ന​സ​മാ​നം.

43 വ​ര്‍ഷം നീ​ണ്ട ഗ​ള്‍ഫ് ജീ​വി​തം; സെ​യ്ത്ക്ക പ​ന്താ​വൂ​രി​ലേ​ക്ക്പി​താ​വ് റാ​സ​ല്‍ഖൈ​മ​യി​ല്‍ ന​ട​ത്തി​യി​രു​ന്ന ക​ച്ച​വ​ട സ്ഥാ​പ​ന​ത്തി​ലാ​യി​രു​ന്നു ആ​ദ്യ ജോ​ലി. '81ല്‍ ​അ​ഗ്രി​ക​ള്‍ച്ച​റ​ല്‍ വ​കു​പ്പി​ല്‍ ജോ​ലി ല​ഭി​ച്ചു. '84ല്‍ ​റാ​ക് ഖു​സാം ശൈ​ഖ് പാ​ല​സി​ല്‍ അ​ഗ്രി​ക​ള്‍ച്ച​റ​ല്‍ ഫോ​ര്‍മാ​നാ​യി അ​വ​സ​രം ല​ഭി​ച്ചു. ഇ​വി​ടെ​നി​ന്ന് മ​റ്റൊ​രു ജോ​ലി​യെ​ക്കു​റി​ച്ച് ചി​ന്തി​ക്കേ​ണ്ടി​വ​ന്നി​ട്ടി​ല്ല.

ഡ്രൈ​വ​റും കാ​ര്‍ഷി​ക​വൃ​ത്തി​യും ഇ​ത​ര ജോ​ലി​ക​ളു​മാ​യി 38 വ​ര്‍ഷ​മാ​യി ഖു​സാം പാ​ല​സി​ല്‍ തു​ട​രു​ന്ന സേ​വ​ന​ത്തി​ന് വി​ടു​ത​ല്‍ ന​ല്‍കി​യാ​ണ് നാ​ട്ടി​ലേ​ക്ക് മ​ട​ങ്ങു​ന്ന​ത്. അ​ധി​കൃ​ത​രും സ​ഹ​പ്ര​വ​ര്‍ത്ത​ക​രും ത​ദ്ദേ​ശീ​യ​രും വി​വി​ധ നാ​ട്ടു​കാ​രും ന​ല്‍കി​യ സ്നേ​ഹ​വാ​യ്പു​ക​ള്‍ക്ക് ന​ന്ദി​യു​ണ്ടെ​ന്ന് സെ​യ്തു​മു​ഹ​മ്മ​ദ് പ​റ​യു​ന്നു. ഭാ​ര്യ: ഖ​ദീ​ജ. മാ​താ​വ്: ഫാ​ത്തി​മ. മ​ക്ക​ള്‍: ഫാ​യി​സ് (ദു​ബൈ), റം​സി​യ, ആ​മി​ന. മ​രു​മ​ക്ക​ള്‍: അ​ഷ്റ​ഫ്, ഫാ​യി​സ് (ഖ​ത്ത​ര്‍). നി​സ്മ.