പ​ത്ര വി​ത​ര​ണ​ത്തി​ന്റെ നാ​ല് പ​തി​റ്റാ​ണ്ട്; ആ​വ​റു​ക്ക നാ​ട്ടി​ലേ​ക്ക്

അ​ബൂ​ദ​ബി: നാ​ല് പ​തി​റ്റാ​ണ്ടു മു​മ്പ്, കൃ​ത്യ​മാ​യി പ​റ​ഞ്ഞാ​ല്‍ 1984 ജൂ​ലൈ 10 - അ​ന്നാ​ണ് മ​ല​പ്പു​റം​കാ​ര​ന്‍ ആ​വ​റു ജീ​വി​ത​പ്പ​ച്ച തേ​ടി യു.​എ.​ഇ​യി​ലെ​ത്തു​ന്ന​ത്. അ​ന്നു​മു​ത​ല്‍ ഇ​ന്നു​വ​രെ 41 വ​ര്‍ഷ​ക്കാ​ലം അ​ല്‍ഐ​നി​ലെ ജ​ന​ങ്ങ​ളെ പ​ത്രം വാ​യി​പ്പി​ച്ച മ​റ്റൊ​രു പ​ത്ര വി​ത​ര​ണ​ക്കാ​ര​ന്‍ ഉ​ണ്ടാ​വാ​നേ ത​ര​മി​ല്ല. ഒ​രേ ക​മ്പ​നി​യി​ല്‍, ഒ​രേ വി​സ​യി​ല്‍ തു​ട​ക്കം മു​ത​ല്‍ നാ​ട്ടി​ലേ​ക്ക് മ​ട​ങ്ങും​വ​രെ ജോ​ലി ചെ​യ്യു​ക എ​ന്ന​തും അ​പൂ​ര്‍വ​മാ​യി​രി​ക്കും. തു​ട​ക്ക​ത്തി​ല്‍ അ​ല്‍ഐ​നി​ലെ സി​ഗ്ന​ലു​ക​ളി​ല്‍ പ​ത്രം വി​ല്‍ക്ക​ലാ​യി​രു​ന്നു ജോ​ലി. അ​ന്ന് സി​ഗ്ന​ലു​ക​ളും ഹ​മ്പു​ക​ളും ഉ​ള്ളി​ട​ത്തെ​ല്ലാം പ​ത്ര വി​ത​ര​ണ​ക്കാ​രു​മു​ണ്ടാ​കും. അ​ല്‍ ഇ​ത്തി​ഹാ​ദ് ക​മ്പ​നി​യു​ടെ വി​സ​യി​ലാ​യി​രു​ന്നു ജോ​ലി ചെ​യ്ത​ത്. ഫ്രീ ​ലാ​ന്‍സ​ര്‍ ആ​യ​തി​നാ​ല്‍ ഏ​തു പ​ത്ര​വും വി​ല്‍ക്കാം.

മൂ​ന്ന് വ​ര്‍ഷ​മാ​ണ് സി​ഗ്ന​ലു​ക​ളി​ല്‍ പ​ത്രം വി​റ്റ​ത്. പി​ന്നീ​ട് സൈ​ക്കി​ളി​ലാ​യി വി​ത​ര​ണം. 1988ല്‍ ​ബൈ​ക്കി​ന്റെ ലൈ​സ​ന്‍സ് എ​ടു​ത്തു. അ​ല്‍ ഇ​ത്തി​ഹാ​ദ്, അ​ല്‍ ഖ​ലീ​ജ്, അ​ല്‍ ബ​യാ​ന്‍ തു​ട​ങ്ങി അ​റ​ബി പ​ത്ര​ങ്ങ​ളും ‘മാ​ധ്യ​മം’ അ​ട​ങ്ങു​ന്ന ഇ​ത​ര ഭാ​ഷാ പ​ത്ര​ങ്ങ​ളും ആ​ണ് വി​ത​ര​ണം ചെ​യ്തി​രു​ന്ന​ത്. സാ​മ്പ​ത്തി​ക​മാ​യി ഏ​റെ മെ​ച്ച​മാ​യി​രു​ന്നു ഈ ​ജോ​ലി. പൊ​തു​വെ ആ​വ​റു​ക്ക​യു​ടെ മ​ഹ​ല്ലാ​യ കോ​ട്ട​ക്ക​ല്‍ പു​ലി​ക്കോ​ടു​കാ​രു​ടെ പ്ര​ധാ​ന പ്ര​വാ​സ ജോ​ലി​ത​ന്നെ പ​ത്ര വി​ത​ര​ണ​മാ​യ​ത് അ​ങ്ങ​നെ​യാ​ണ്. കാ​ലം മാ​റി​യ​പ്പോ​ൾ, ചാ​ന​ലു​ക​ളും സോ​ഷ്യ​ല്‍ മീ​ഡി​യ​ക​ളും വ​ർ​ധി​ച്ച​തോ​ടെ, വി​ത​ര​ണം ചെ​യ്യു​ന്ന പ​ത്ര​ങ്ങ​ളു​ടെ​യും മാ​ഗ​സി​നു​ക​ളു​ടെ​യും എ​ണ്ണം പ​തി​യെ​പ്പ​തി​യെ കു​റ​യു​ക​യാ​ണെ​ന്ന് ആ​വ​റു​ട്ടി​യു​ടെ സാ​ക്ഷ്യം.

ഒ​ന്ന​ര വ​ര്‍ഷം കൂ​ടു​മ്പോ​ള്‍ നാ​ട്ടി​ല്‍ പോ​വും. ആ​റു​മാ​സം നി​ല്‍ക്കും. അ​പ്പോ​ള്‍, ഇ​വി​ടെ പ​ത്രം വി​ത​ര​ണം ചെ​യ്യാ​ന്‍ പ​ക​രം ആ​ളെ നി​ര്‍ത്ത​ണം. വി​സ, വാ​ഹ​നം, മ​റ്റു ചെ​ല​വു​ക​ള്‍ എ​ല്ലാം ത​നി​യെ ചെ​ല​വ​ഴി​ക്ക​ണം. കൂ​ടു​ത​ല്‍ പ​ത്രം വി​റ്റാ​ല്‍ കൂ​ടു​ത​ല്‍ വ​രു​മാ​നം. അ​താ​ണ് ഈ ​ജോ​ലി​യു​ടെ പ്ര​ത്യേ​ക​ത. ജീ​വി​ത​ത്തി​ല്‍ ഏ​റെ സ​ന്തോ​ഷ​ങ്ങ​ളും നേ​ട്ട​ങ്ങ​ളും സ​മ്മാ​നി​ച്ച ജോ​ലി​യും പ്ര​വാ​സ​വും സ​ങ്ക​ട​ങ്ങ​ളു​ടേ​തു​കൂ​ടി​യാ​ണ്. 2003ല്‍ ​ര​ണ്ട​ര വ​യ​സ്സി​ല്‍ മ​ക​ന്‍ ഫ​വാ​സ് വെ​ള്ള​ത്തി​ല്‍ വീ​ണ് മ​രി​ച്ച​ത് നെ​ഞ്ചി​ലെ നെ​രി​പ്പോ​ടാ​ണ്. അ​ന്ന് വി​മാ​ന​ങ്ങ​ള്‍ കു​റ​വാ​ണ്. അ​ത്യാ​വ​ശ്യ​ത്തി​ന് ഓ​ടി​യെ​ത്താ​ന്‍ ആ​വി​ല്ല. രാ​വി​ലെ മ​ക​ന്‍ മ​രി​ച്ചു, വൈ​കീ​ട്ടോ​ടെ ഖ​ബ​റ​ട​ക്കി. കാ​ണാ​ന്‍, അ​ടു​ത്തെ​ത്താ​ന്‍ സാ​ധി​ച്ചി​ല്ല. പ്ര​വാ​സ ജീ​വി​ത​ത്തി​ലെ ചി​ല നി​സ്സ​ഹാ​യ​ത​ക​ളി​ല്‍ ഒ​ന്ന്.

നാ​ട്ടി​ല്‍ കു​റ​ച്ചു സ്ഥ​ല​മു​ണ്ട്. കൃ​ഷി ന​ട​ത്ത​ണം. വ​രും​വ​ര്‍ഷം ഹ​ജ്ജി​ന് പോ​വ​ണം. പ​തി​യെ എ​ന്തെ​ങ്കി​ലും ബി​സി​ന​സി​ലേ​ക്ക് തി​രി​യ​ണം. 19ാം വ​യ​സ്സി​ല്‍ തു​ട​ങ്ങി​യ പ്ര​വാ​സ​മാ​ണ്. ഇ​പ്പോ​ള്‍ 59 വ​യ​സ്സ്. അ​ങ്ങ​നെ​യ​ങ്ങ​നെ ജീ​വി​ത​ത്തി​ന്റെ മ​റ്റൊ​രു ഘ​ട്ട​ത്തി​ലേ​ക്ക് യാ​ത്ര തു​ട​രു​ക​യാ​ണ് മ​ല​പ്പു​റം പു​ലി​ക്കോ​ട് കൊ​ള​ക്കാ​ട​ന്‍ വീ​ട്ടി​ല്‍ ആ​വ​റു​ട്ടി. കെ. ​സാ​ജി​ദ​യാ​ണ് ഭാ​ര്യ. മ​റ്റു മ​ക്ക​ള്‍: ഫൗ​സി​യ, മു​ഹ​മ്മ​ദ് ഫാ​യി​സ്, ഫ​ഹ​ദ.