തടവറക്കുള്ളിൽ ക​ണ്ണീ​രും ക​യ്പും നി​റ​ഞ്ഞ 24 വർഷം...ഒടുവിൽ പിറന്നനാട്ടിൽ തിരിച്ചെത്തി ബ​ഷീ​ർ

മ​നാ​മ: ജീവിതത്തിന്റെ വർണാഭമായ കാലം തടവറക്കുള്ളിൽ തള്ളിനീക്കിയതിനൊടുവിൽ പിറന്ന നാടിന്റെ പച്ചപ്പിൽ തിരിച്ചെത്തി സീ​റ​വ​ള​പ്പി​ൽ ബഷീർ. ഒന്നും രണ്ടുമല്ല, നീണ്ട 24 വർഷമായിരുന്നു ക​ണ്ണീ​രും ക​യ്പും നി​റ​ഞ്ഞ ആ ജ​യി​ൽ വാ​സം. ജോ​ലി സ്ഥ​ല​ത്തി​ന​ടു​ത്ത് ഉ​ണ്ടാ​യ ക​ല​ഹ​ത്തി​നി​ടെ സ്വ​ദേ​ശി കൊ​ല്ല​പ്പെ​ട്ട​തി​നെ​ത്തു​ട​ർ​ന്നാ​ണ് ക​ണ്ണൂ​ർ പാ​പ്പി​നി​ശ്ശേ​രി സ്വ​ദേ​ശി​യാ​യ ബ​ഷീ​ർ 1999ൽ ​ജ​യി​ലി​ൽ അ​ട​ക്ക​പ്പെ​ട്ട​ത്. അ​ന്ന് 23 വ​യ​സ്സാ​യി​രു​ന്നു ബ​ഷീ​റി​ന്റെ പ്രാ​യം. ബ​ഷീ​റി​ന്റെ മോ​ച​ന​ത്തി​നാ​യി സാ​മൂ​ഹി​ക പ്ര​വ​ർ​ത്ത​ക​ർ നി​ര​വ​ധി ഇ​ട​പെ​ട​ലു​ക​ൾ ന​ട​ത്തി​യെ​ങ്കി​ലും ഫ​ല​മൊ​ന്നു​മു​ണ്ടാ​യി​ല്ല.

കൊ​ല്ല​പ്പെ​ട്ട സ്വ​ദേ​ശി​യു​ടെ ബ​ന്ധു​ക്ക​ളെ നേ​രി​ട്ടു​ക​ണ്ട് മാ​പ്പ് അ​പേ​ക്ഷി​ക്കാ​നാ​യി ബ​ഷീ​റി​ന്റെ വൃ​ദ്ധ മാ​താ​വ് കു​ഞ്ഞീ​ബി ബ​ഹ്റൈ​നി​ലെ​ത്തി​യി​രു​ന്നു. സ്വ​ദേ​ശി​യു​ടെ മാ​താ​വും സ​ഹോ​ദ​രി​യും മ​രി​ച്ച​തി​നാ​ൽ അ​തു​കൊ​ണ്ട് പ്ര​യോ​ജ​ന​മു​ണ്ടാ​യി​ല്ല. ഇ​ന്ത്യ​യി​ലെ രാ​ഷ്ട്രീ​യ നേ​താ​ക്ക​ളു​ടെ​യും സാ​മൂ​ഹി​ക പ്ര​വ​ർ​ത്ത​ക​രു​ടെ​യും സ​ഹ​ക​ര​ണ​ത്തോ​ടെ മോ​ച​നം സാ​ധ്യ​മാ​ക്കാ​ൻ നി​ര​വ​ധി ​ത​വ​ണ ശ്ര​മി​ച്ചു. 2015 ജ​നു​വ​രി​യി​ൽ അ​ന്ന് വി​ദേ​ശ​കാ​ര്യ മ​ന്ത്രി​യാ​യി​രു​ന്ന സു​ഷ​മ സ്വ​രാ​ജ് ബ​ഹ്‌​റൈ​നി​ൽ എ​ത്തി​യ​പ്പോ​ൾ സ​ഹോ​ദ​ര​ൻ നി​വേ​ദ​നം ന​ൽ​കി​യി​രു​ന്നു.

2016ൽ ​ബ​ഹ്‌​റൈ​നും ഇ​ന്ത്യ​യും ത​മ്മി​ൽ കു​റ്റ​വാ​ളി​ക​ളെ കൈ​മാ​റ്റം ചെ​യ്യാ​നു​ള്ള ന​ട​പ​ടി​ക​ൾ അം​ഗീ​ക​രി​ച്ച​പ്പോ​ൾ നാ​ട്ടി​ലെ ജ​യി​ലി​ലേ​ക്ക് മാ​റാ​ൻ ക​ഴി​യു​മെ​ന്ന പ്ര​തീ​ക്ഷ​യു​ണ്ടാ​യി​രു​ന്നു. എ​ന്നാ​ൽ, അ​ക്കാ​ര്യ​ത്തി​ൽ തു​ട​ർ​ന​ട​പ​ടി​ക​ളു​ണ്ടാ​യി​ല്ല. നീ​ണ്ട ജ​യി​ൽ​വാ​സ​ത്തി​നി​ടെ ബ​ഷീ​റി​ന് മാ​ന​സി​ക പ്ര​ശ്ന​ങ്ങ​ളു​മു​ണ്ടാ​യി. ഇ​തി​നി​ടെ​യാ​ണ് മു​ഖ്യ​മ​ന്ത്രി വി.​എ​സ്. അ​ച്യു​താ​ന​ന്ദ​ൻ യാ​ത്ര​ചെ​യ്യു​ന്ന ദി​വ​സം എ​യ​ർ​പോ​ർ​ട്ടി​ൽ ബോം​ബ് വെ​ച്ച​താ​യി നാ​ട്ടി​ലേ​ക്ക് ഫോ​ൺ സ​ന്ദേ​ശ​മെ​ത്തി​യ​ത്.

ബ​ഹ്‌​റൈ​ൻ ജ​യി​ലി​ൽ​നി​ന്നാ​ണ് കാ​ൾ വ​ന്ന​തെ​ന്ന് അ​ന്വേ​ഷ​ണ​ത്തി​ല്‍ ക​ണ്ടെ​ത്തി. മാ​ന​സി​കാ​സ്വാ​സ്ഥ്യ​മു​ണ്ടെ​ന്ന് ജ​യി​ൽ അ​ധി​കൃ​ത​ർ സാ​ക്ഷ്യ​പ്പെ​ടു​ത്തി​യ​തു​കൊ​ണ്ടാ​ണ് അ​ന്ന് കേ​സി​ൽ​നി​ന്ന് ഒ​ഴി​വാ​യ​ത്. ജ​യി​ൽ വാ​സ​ത്തി​നി​ട​യി​ലും സാ​മൂ​ഹി​ക പ്ര​വ​ർ​ത്ത​ക​രു​മാ​യും സു​ഹൃ​ത്തു​ക്ക​ളു​മാ​യും ഫോ​ണി​ൽ ബ​ന്ധ​പ്പെ​ട്ടി​രു​ന്ന ബ​ഷീ​ർ ജ​യി​ൽ ഉ​ദ്യോ​ഗ​സ്ഥ​രു​മാ​യും ന​ല്ല ബ​ന്ധം പു​ല​ർ​ത്തി​യി​രു​ന്നു. ‘ന​ന​യാ​ത്ത വ​സ്ത്രം ഉ​ണ​ക്കാ​നി​ടു​ന്ന​തു​പോ​ലെ’ എ​ന്നാ​ണ് ബ​ഷീ​ർ ത​ന്റെ ജ​യി​ൽ​വാ​സ​ത്തെ​പ്പ​റ്റി പ​റ​ഞ്ഞി​രു​ന്ന​ത്.

വ​ർ​ഷ​ങ്ങ​ൾ നീ​ണ്ട ജ​യി​ൽ ജീ​വി​തം മാ​ന​സി​ക​നി​ല തെ​റ്റി​ച്ചെ​ന്നും പ​ല​പ്പോ​ഴും വി​ഭ്രാ​ത്മ​ക​മാ​യ നി​ല​യി​ലാ​യി​രു​ന്നു താ​നെ​ന്നും ബ​ഷീ​ർ സു​ഹൃ​ത്തു​ക്ക​ളോ​ട് പ​റ​ഞ്ഞി​രു​ന്നു. ജ​യി​ൽ മോ​ചി​ത​നാ​യെ​ങ്കി​ലും എ​മി​ഗ്രേ​ഷ​നി​ൽ പി​ഴ​യാ​യി 1000 ദീ​നാ​ർ കെ​ട്ടി​വെ​​ക്കേ​ണ്ട​തു​ണ്ടാ​യി​രു​ന്ന​തി​നാ​ൽ മോ​ച​നം പി​ന്നെ​യും വൈ​കി.

സ്വ​ദേ​ശി​ക​ൾ അ​ട​ക്ക​മു​ള്ള സു​ഹൃ​ത്തു​ക്ക​ളാ​ണ് പ​ണം ന​ൽ​കി ബ​ഷീ​റി​നെ സ​ഹാ​യി​ച്ച​ത്. ജ​യി​ലി​ലാ​കു​മ്പോ​ൾ ബ​ഷീ​റി​ന്റെ മ​ക​ൻ ആ​ദി​ൽ ഒ​രു വ​യ​സ്സു​കാ​ര​നാ​യി​രു​ന്നു. ആ​ദി​ൽ ഇ​പ്പോ​ൾ മും​ബൈ​യി​ൽ ജോ​ലി ചെ​യ്യു​ക​യാ​ണ്. ബ​ഷീ​റി​ന് ര​ണ്ടു സ​ഹോ​ദ​ര​ന്മാ​രാ​ണു​ള്ള​ത്. ഹാ​രി​സ് ബ​ഹ്‌​റൈ​നി​ലും അ​ൻ​സാ​രി യു.​എ. ഇ​യി​ലു​മാ​ണ്. സ​ഹോ​ദ​രി: ഷം​സാ​ബി.