പ്ര​വാ​സ​ ചി​ത്രം വ​ര​ച്ചു​പൂ​ർ​ത്തി​യാ​ക്കി കു​ഞ്ഞാ​ക്ക മ​ട​ങ്ങു​ന്നു

റി​യാ​ദ്: ലോ​ക​ത്തി​​ന്റെ ഞ​ര​മ്പ് പാ​ഞ്ഞ ന​ഗ​ര​മെ​ന്ന് ച​രി​ത്രം രേ​ഖ​പ്പെ​ടു​ത്തി​യ ബ​ത്ഹ​യി​ലാ​ണ് മ​ല​പ്പു​റം മ​ഞ്ചേ​രി പ​യ്യ​നാ​ട് സ്വ​ദേ​ശി കു​ഞ്ഞി​മു​ഹ​മ്മ​ദ് വി​ല്ല​ൻ എ​ന്ന ചി​ത്ര​കാ​ര​ൻ കു​ഞ്ഞാ​ക്ക 23 വ​ർ​ഷം മു​മ്പ് സൗ​ദി പ്ര​വാ​സം വ​ര​ച്ചു​തു​ട​ങ്ങി​യ​ത്. ആ​ദ്യ പ്ര​വാ​സം യു.​എ.​ഇ​യി​ലെ റാ​സ​ൽ ഖൈ​മ​യി​ലാ​യി​രു​ന്നു. 1988 മു​ത​ൽ 98 വ​രെ 10 വ​ർ​ഷ​ത്തെ യു.​എ.​ഇ പ്ര​വാ​സ​ത്തി​ൽ ചി​ത്ര​ര​ച​ന​യോ​ടൊ​പ്പം മ​റ്റു തൊ​ഴി​ലെ​ടു​ത്തും പ്ര​വാ​സം സ​ജീ​വ​മാ​ക്കി.

അ​വി​ടെ​നി​ന്ന്​ മ​ട​ങ്ങി നാ​ട്ടി​ൽ പ​ര​സ്യ​ചി​​ത്ര​ക​ലാ​രം​ഗ​ത്ത്​ പ്ര​വ​ർ​ത്തി​ക്കു​ന്ന​തി​നി​ടെ​യാ​ണ്​ സൗ​ദി അ​റേ​ബ്യ​യി​ലെ​ത്തു​ന്ന​ത്. ബ​ത്​​ഹ​യി​ലെ ശി​ഫ അ​ൽ ജ​സീ​റ പോ​ളി​ക്ലി​നി​ക്കി​ൽ അ​ഡ്മി​നി​സ്ട്രേ​ഷ​ൻ ജീ​വ​ന​ക്കാ​ര​നാ​യി​ട്ടാ​യി​രു​ന്നു റി​യാ​ദി​ൽ ഔ​ദ്യോ​ഗി​ക ജീ​വി​ത​ത്തി​ന്​ തു​ട​ക്ക​മി​ട്ട​ത്. ആ​രോ​ഗ്യ​മേ​ഖ​ല​യും ഒ​രു ആ​ർ​ട്ടാ​ണെ​ന്ന തി​രി​ച്ച​റി​വാ​ണ്​ അ​വി​ടെ​നി​ന്ന്​ ല​ഭി​ച്ച​ത്. വേ​ദ​ന പേ​റി​വ​രു​ന്ന​വ​ർ​ക്ക് സാ​ധ്യ​മാ​കു​ന്ന സ​ഹാ​യ​ങ്ങ​ളെ​ല്ലാം ചെ​യ്ത് ന​ല്ല ആ​ശ്വാ​സ​വാ​ക്ക് പ​റ​യു​മ്പോ​ൾ അ​വ​രു​ടെ മു​ഖ​ത്ത് വി​രി​യു​ന്ന​പു​ഞ്ചി​രി​ക്ക് താ​ൻ കാ​ൻ​വാ​സി​ൽ വ​ര​ച്ചെ​ടു​ക്കു​ന്ന പൂ​ക്കേ​ളേ​ക്കാ​ൾ ഭം​ഗി​യു​ണ്ടെ​ന്ന്​ അ​ദ്ദേ​ഹം ക​ണ്ട​റി​ഞ്ഞു.

പ്ര​വാ​സി വ്യ​വ​സാ​യി കെ.​ടി. റ​ബീ​ഉ​ള്ള​യു​ടെ മാ​തൃ​സ​ഹോ​ദ​രി പു​ത്ര​നാ​യ കു​ഞ്ഞാ​ക്ക ആ​തു​ര​സേ​വ​ന മേ​ഖ​ല​യി​ലേ​ക്ക് എ​ത്തു​ന്ന​ത് അ​ദ്ദേ​ഹം തു​റ​ന്നു​ന​ൽ​കി​യ വ​ഴി​യി​ലൂ​ടെ​യാ​ണ്. ബം​ഗ്ലാ​ദേ​ശി​യും പാ​കി​സ്താ​നി​യും ഈ​ജി​പ്ഷ്യ​നും സു​ഡാ​നി​യു​മെ​ന്നോ ദേ​ശാ​തി​ർ​ത്തി​ക​ളി​ല്ലാ​ത്ത സൗ​ഹൃ​ദ​വ​ല​യം ഉ​ണ്ടാ​ക്കാ​ൻ ക​ഴി​ഞ്ഞ​തി​​ന്റെ ആ​ത്‌​മ​സം​തൃ​പ്​​തി​യു​മാ​യാ​ണ്​ മ​ട​ങ്ങു​ന്ന​ത്. സ​ഹ​പ്ര​വ​ർ​ത്ത​ക​രും രോ​ഗി​ക​ളാ​യെ​ത്തു​ന്ന​വ​രും വ്യ​ത്യ​സ്ത ദേ​ശ​ക്കാ​രാ​ണ്. അ​വ​രു​ടെ സം​സ്കാ​ര​വും ജീ​വി​ത സാ​ഹ​ച​ര്യ​വു​മെ​ല്ലാം പ്ര​വാ​സ ജീ​വി​ത​ത്തി​ൽ ഏ​റെ സ്വാ​ധീ​നി​ച്ചി​ട്ടു​ണ്ട്. ഇ​തു​വ​രെ ഉ​പ​യോ​ഗി​ച്ച ഗൃ​ഹോ​പ​ക​ര​ണ​ങ്ങ​ളും വ​ര​ച്ച ചി​ത്ര​ങ്ങ​ളും ബ​ന്ധു​ക്ക​ൾ​ക്കു​ള്ള സ​മ്മാ​ന​ങ്ങ​ളും എ​ല്ലാം പെ​ട്ടി​യി​ലാ​ക്കി നാ​ട്ടി​ലേ​ക്ക് അ​യ​ക്കു​ന്ന​തോ​ടൊ​പ്പം മൂ​ല്യ​മേ​റി​യ​തും ജീ​വി​ത​ത്തോ​ടൊ​പ്പം ചേ​ർ​ക്കു​ന്ന​തും പ്ര​വാ​സം ബാ​ക്കി​യാ​ക്കി​യ സ​മ്മി​ശ്ര സം​സ്കാ​ര​ങ്ങ​ളാ​ണെ​ന്ന് കു​ഞ്ഞാ​ക്ക പ​റ​യു​ന്നു.

റി​യാ​ദ് ഇ​ന്ത്യ​ൻ ഇ​സ്​​ലാ​ഹി സെ​​ന്റേ​ഴ്സ്​ കോ​ഓ​ഡി​നേ​ഷ​ൻ ക​മ്മി​റ്റി പ്ര​വ​ർ​ത്ത​ക​നാ​ണ്. ചി​ത്ര​ക​ലാ​സ​പ​ര്യ​യി​ൽ ഭാ​ര്യ നൂ​ർ​ജ​ഹാ​ൻ പൂ​ർ​ണ​പി​ന്തു​ണ​യാ​ണ്​ ന​ൽ​കു​ന്ന​ത്. വ​ര​ക്കു​ന്ന​തെ​ല്ലാം നി​ധി​പോ​ലെ കാ​ത്തു​സൂ​ക്ഷി​ക്കു​ന്ന​ത്​ അ​വ​രാ​ണ്. മ​ക്ക​ളാ​യ അ​മാ​ൻ, മു​ന, മ​രു​മ​ക​ൻ മു​ഹ​മ്മ​ദ് നി​സാം എ​ന്നി​വ​ർ സൗ​ദി​യി​ൽ പ്ര​വാ​സം തു​ട​രു​ന്നു​ണ്ട്.

നാ​ട്ടി​ൽ പ​ര​സ്യ​ചി​ത്ര​ക​ലാ​രം​ഗ​ത്ത്​ പ്ര​വ​ർ​ത്തി​ക്കു​മ്പോ​ൾ ഏ​റ്റ​വും കൂ​ടു​ത​ൽ ജോ​ലി ചെ​യ്​​ത​ത്​ രാ​ഷ്​​ട്രീ​യ കേ​ര​ള​ത്തി​ലെ ഏ​റ്റ​വും ശ്ര​ദ്ധേ​യ​നാ​യ നേ​താ​വ്​ കു​ഞ്ഞാ​ലി​ക്കു​ട്ടി​യു​ടെ ഉ​ട​മ​സ്ഥ​ത​യി​ലു​ണ്ടാ​യി​രു​ന്ന ‘പാ​ണ്ടി ടെ​ക്സ്റ്റോ​റി​യ’​ത്തി​നാ​യി​രു​ന്നു. അ​താ​ണ്​ പ​ര​സ്യ​ക​ല സ​പ​ര്യ​യി​ലെ ഏ​റ്റ​വും ശ്ര​ദ്ധേ​യ​മാ​യ അ​നു​ഭ​വം. ബാ​ല്യ​കാ​ല​ത്തെ അ​തി​രു​ക​ളി​ല്ലാ​ത്ത ഭാ​വ​ന​ക്ക് നി​റം കൊ​ടു​ക്കാ​നാ​ണ് ക​ള​ർ പെ​ൻ​സി​ൽ ആ​ദ്യ​മാ​യി കൈ​യ്യി​ലെ​ടു​ത്ത​ത്.

1976 ലാ​ണ് ചി​ത്ര​ര​ച​ന തൊ​ഴി​ലാ​യി സ്വീ​ക​രി​ക്കു​ന്ന​ത്. തി​രു​ർ കേ​ന്ദ്രീ​ക​രി​ച്ചു പ്ര​വ​ർ​ത്തി​ക്കു​ന്ന പ​ര​സ്യ ക​മ്പ​നി​യി​ൽ ബോ​ർ​ഡെ​ഴു​ത്ത് ആ​ർ​ട്ടി​സ്‌​റ്റാ​യാ​ണ് തു​ട​ക്കം. ആ​ദ്യ ശ​മ്പ​ളം അ​ഞ്ചു രൂ​പ​യാ​യി​രു​ന്നു. വ​രു​മാ​ന​ത്തി​ന​പ്പു​റം വ​ര​ക്കാ​നൊ​രു ചു​മ​രു​ണ്ടാ​യ​തി​​ന്റെ ആ​വേ​ശ​മാ​യി​രു​ന്നു അ​ന്ന്.

കു​ഞ്ഞാ​ലി കു​ട്ടി മ​ല​പ്പു​റം കു​ന്നു​മ്മ​ൽ ന​ട​ത്തി​യി​രു​ന്ന ‘പാ​ണ്ടി ടെ​സ്​​റ്റോ​റി​യം’ എ​ന്ന സ്ഥാ​പ​ന​ത്തി​​ന്റെ മു​ഴു​വ​ൻ പ​ര​സ്യ​ക​രാ​റു​ക​ളും കു​ഞ്ഞാ​ക്ക ജോ​ലി ചെ​യ്യു​ന്ന സ്ഥാ​പ​ന​ത്തി​നാ​യി​രു​ന്നു. അ​നൗ​ൺ​സ്‌​മെ​ന്റ്​ വാ​ഹ​ന​ത്തി​ന് പു​റ​ത്ത് കെ​ട്ടാ​നു​ള്ള ബോ​ർ​ഡു​ക​ൾ, ന​ഗ​ര​ങ്ങ​ളി​ൽ തൂ​ക്കാ​നു​ള്ള പ​ര​സ്യ ബോ​ർ​ഡു​ക​ളു​മെ​ല്ലാം കു​ഞ്ഞാ​ക്ക എ​ഴു​തി​യു​ണ്ടാ​ക്കി​യ​ത്.