അലി, റോബോട്ടുകളുടെ ഡോക്ടർ

പ്രാ​യ​മാ​യ​വ​ർ​ക്കും ഭി​ന്ന​ശേ​ഷി​ക്കാ​ർ​ക്കും ഡോ​ക്ട​ർ പ​രി​ച​ര​ണം എ​ളു​പ്പ​മാ​ക്കു​ന്ന റോ​ബോ​ട്ടു​ക​ൾ രൂ​പ​ക​ൽ​പ​ന ചെ​യ്ത​ ഇ​മാ​റാ​ത്തി ബാ​ല​ന്​​ അ​ന്താ​രാ​ഷ്ട്ര പു​ര​സ്കാ​രം. 12കാ​ര​നാ​യ അ​ലി ഹു​മൈ​ദ്​ അ​ൽ ലോ​ഹാ​നി​യാ​ണ്​ ‘ഡോ​ക്ട​ർ റോ​ബോ​ർ​ട്ടി’​ലൂ​ടെ ശ്ര​ദ്ധേ​യ നേ​ട്ടം കൈ​വ​രി​ച്ച​ത്​. കി​ട​പ്പി​ലാ​യ രോ​ഗി​ക​ൾ​ക്കും ഭി​ന്ന ശേ​ഷി​ക്കാ​ർ​ക്കും ആ​ശു​പ​ത്രി​യി​ൽ പോ​കാ​തെ ത​ന്നെ ​‘ഡോ​ക്ട​ർ റോ​ബോ​ട്ടു​ക​ൾ’ വീ​ട്ടി​ൽ ചി​കി​ത്സ ല​ഭ്യ​മാ​ക്കും. ശ​രീ​ര​ത്തി​ൽ ഘ​ടി​പ്പി​ക്കു​ന്ന കേ​ബി​ളു​ക​ൾ വ​ഴി രോ​ഗി​യു​ടെ ഹൃ​ദ​യ​മി​ടി​പ്പ്, ര​ക്​​ത സ​മ്മ​ർ​ദം, ശ​രീ​രോ​ഷ്മാ​വ്​ എ​ന്നി​വ​ റോ​ബോ​ട്ടു​ക​ൾ റെ​കോ​ഡ്​ ചെ​യ്ത ശേ​ഷം ഈ ​വി​വ​ര​ങ്ങ​ൾ ​ക്ലൗ​ഡി​ൽ സൂ​ക്ഷി​ക്കു​ക​യാ​ണ്​ ചെ​യ്യു​ക.

തു​ട​ർ​ന്ന്​ അ​ലി ഹു​മൈ​ദ്​ ത​ന്നെ നി​ർ​മി​ച്ച വെ​ബ്​​സൈ​റ്റ്​ വ​ഴി ഡോ​ക്ട​ർ​ക്ക്​ ഈ ​വി​വ​ര​ങ്ങ​ൾ പ​രി​ശോ​ധി​ക്കാ​നും യ​ഥാ​സ​മ​യം ചി​കി​ത്സ നി​ർ​ദേ​ശി​ക്കാ​നും സാ​ധി​ക്കും. രോ​ഗി​യു​ടെ ആ​രോ​ഗ്യ വി​വ​ര​ങ്ങ​ൾ വെ​ബ്​​സൈ​റ്റി​ലൂ​ടെ ഏ​ത്​ സ​മ​യ​ത്തു വേ​ണ​മെ​ങ്കി​ലും പ​രി​ശോ​ധി​ക്കാ​ൻ സാ​ധി​ക്കു​ന്ന​തി​നാ​ൽ അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ മു​ന്ന​റി​യി​പ്പു​ക​ൾ സ്വീ​ക​രി​ക്കാ​നും വേ​ഗ​ത്തി​ൽ ചി​കി​ത്സ ല​ഭ്യ​മാ​ക്കാ​നും സാ​ധി​ക്കു​മെ​ന്നാ​ണ്​ അ​ലി ഹു​മൈ​ദ്​ പ​റ​യു​ന്ന​ത്. ആ​ശു​പ​ത്രി സ​ന്ദ​ർ​ശ​ന​ത്തി​ലൂ​ടെ വ​രു​ന്ന ഭാ​രി​ച്ച ചെ​ല​വും ഇ​തു വ​ഴി കു​റ​ക്കാ​നാ​വും.

ഷാ​ർ​ജ അ​മേ​രി​ക്ക​ൻ സ്കൂ​ൾ ഓ​ഫ്​ ക്രി​യേ​റ്റീ​വ്​ സ​യ​ൻ​സ്​ വി​ദ്യാ​ർ​ഥി​യാ​യ അ​ലി ഹു​മൈ​ദ്​ 2021ൽ ​ആ​ണ്​ ഡോ​ക്ട​ർ റോ​ബോ​ട്ടി​ന്‍റെ നി​ർ​മാ​ണം ആ​രം​ഭി​ച്ച​ത്. ഒ​രു വ​ർ​ഷ​മെ​ടു​ത്തു അ​തു പൂ​ർ​ത്തീ​ക​രി​ക്കാ​ൻ. ആ​ധു​നി​ക ചി​കി​ത്സാ രം​ഗ​ത്ത്​ വ​ലി​യ മാ​റ്റ​ങ്ങ​ൾ​ക്ക്​ ഹേ​തു​വാ​കു​ന്ന ക​ണ്ടു​പി​ടി​ത്തത്തി​ന്​ ദേ​ശീ​യ​വും അ​ന്ത​ർ​ദേ​ശീ​യ​വു​മാ​യ നി​ര​വ​ധി പു​ര​സ്കാ​ര​ങ്ങ​ളാ​ണ്​ ല​ഭി​ച്ച​ത്. 34ാമ​ത്​ ഇ​ന്‍റ​ർ​നാ​ഷ​ന​ൽ ഇ​ന്നോ​വേ​ൻ​ഷ​ൻ പു​ര​സ്കാ​രം ല​ഭി​ച്ച​ത്​ അ​ലി​യു​ടെ ഡോ​ക്ട​ർ റോ​ബോ​ട്ടി​നാ​യി​രു​ന്നു. മ​ലേ​ഷ്യ​യി​ൽ ന​ട​ന്ന ഇ​ന്നോ​വേ​ഷ​ൻ ആ​ൻ​ഡ്​ ടെ​ക്​​നോ​ള​ജി എ​ക്​​സി​ബി​ഷ​നി​ലും പു​ര​സ്കാ​രം ല​ഭി​ച്ചു.

19 രാ​ജ്യ​ങ്ങ​ളി​ൽ നി​ന്നു​ള്ള മ​ത്സ​രാ​ർ​ഥി​ക​ളെ മ​റി​ക​ട​ന്നാ​ണ്​ അ​ലി​യു​ടെ ഡോ​ക്ട​ർ റോ​ബോ​ട്ട്​ മെ​ഡി​ക്ക​ൽ വി​ഭാ​ഗ​ത്തി​ൽ ഒ​ന്നാം സ്ഥാ​ന​വും യു​വ ശാ​സ്ത്ര പ്ര​തി​ഭ വി​ഭാ​ഗ​ത്തി​ൽ ര​ണ്ടാം സ്ഥാ​ന​വും ക​ര​സ്ഥ​മാ​ക്കി​യ​ത്. യു.​എ.​ഇ​യി​ൽ ന​ട​ന്ന 14ാമ​ത് അ​റ​ബ് റോ​ബോ​ട്ടി​ക്‌​സ് ചാ​മ്പ്യ​ൻ​ഷി​പ്പി​ലും നാ​ഷ​ണ​ൽ സ​യ​ൻ​സ്, ടെ​ക്‌​നോ​ള​ജി, ഇ​ന്നൊ​വേ​ഷ​ൻ ഫെ​സ്റ്റി​വ​ലി​ലും പ​ദ്ധ​തി​ക്ക് നി​ര​വ​ധി അ​വാ​ർ​ഡു​ക​ൾ ല​ഭി​ച്ചു.

മാ​താ​വാ​യ ശൈ​ഖ അ​ൽ ന​ഖ​ബി​യാ​ണ്​​ ചെ​റു​പ്പ​ത്തി​ലേ മ​ക​ന്‍റെ ക​ഴി​വു​ക​ൾ തി​രി​ച്ച​റി​ഞ്ഞ​ത്. ‘ന​ന്നേ കു​ഞ്ഞാ​യി​രി​ക്കു​മ്പോ​ൾ ​​പൊ​ട്ടി​പ്പോ​യ ക​ളി​പ്പാ​ട്ട​ങ്ങ​ൾ അ​വ​ൻ ന​ന്നാ​ക്കു​മാ​യി​രു​ന്നു. ​​കേ​ടാ​യ വീ​ട്ടു​പ​ക​ര​ണ​ങ്ങ​ൾ ന​ന്നാ​ക്കു​ന്ന​തി​ൽ അ​വ​ൻ പി​താ​വി​നേ സ​ഹാ​യി​ക്കു​മാ​യി​രു​ന്നു. ഈ ​ക​ഴി​വു​ക​ൾ തി​രി​ച്ച​റി​ഞ്ഞാ​ണ്​ അ​വ​ന്‍റെ ആ ​ക​ഴി​വു​ക​ൾ പ്രോ​ത്സാ​ഹി​പ്പി​ക്കാ​ൻ തീ​രു​മാ​നി​ച്ച​ത്.-ന​ഖ്​​ബി പ​റ​ഞ്ഞു. അ​ഡ്​​നോ​ക്, ടെ​ലി​ക​മ്യൂ​ണി​ക്കേ​ഷ​ൻ റ​ഗു​ലേ​റ്റ​റി അ​തോ​റി​റ്റി, ദു​ബൈ​യി​ലെ എ​മി​റേ​റ്റ്​ സ​യ​ൻ​സ്​ ക്ല​ബ് തു​ട​ങ്ങി​യ​വ​ർ ​ രാ​ജ്യ​ത്തി​ന്‍റെ​ വി​വി​ധ ഭാ​ഗ​ങ്ങ​ളി​ലാ​യി സം​ഘ​ടി​പ്പി​ച്ച സ​യ​ൻ​സ്​ ക്യാം​പു​ക​ളി​ൽ പ​​ങ്കെ​ടു​ക്കാ​നു​ള്ള അ​വ​ന്‍റെ താ​ൽ​പ​ര്യ​ത്തെ കു​ടും​ബം എ​ന്നും പ്രോ​ത്സാ​ഹി​പ്പി​ക്കു​ക​യും പി​ന്തു​ണ​ക്കു​ക​യും ചെ​യ്തി​രു​ന്നു.

പ​ക്ഷെ, അ​വ​ന്‍റെ ആ​കാം​ശ​യും ആ​ഗ്ര​ഹ​വും സ​യ​ൻ​സ്​ ക്യാം​പു​ക​ളി​ൽ ഒ​തു​ങ്ങു​ന്ന​താ​യി​രു​ന്നി​ല്ല. റോ​ബോ​ട്ടു​ക​ൾ നി​ർ​മി​ക്കു​ന്ന​തി​നെ കു​റി​ച്ചു​ള്ള വീ​ഡി​യോ​ക​ളും കാ​ണു​ക​യും ഗ​വേ​ഷ​ണ​ങ്ങ​ൾ ന​ട​ത്തു​ക​യും ചെ​യ്യു​മാ​യി​രു​ന്നു. ഗ​ണി​ത​ശാ​സ്​​ത്ര​ത്തി​ലും അ​വ​ന്​ അ​പാ​ര ക​ഴി​വു​ണ്ടാ​യി​രു​ന്നു​വെ​ന്ന്​ ന​ഖ്​​ബി പ​റ​ഞ്ഞു. പ​ല സ്മാ​ർ​ട്ട്​ ബ്രെ​യ്​​ൻ മ​ത്സ​ര​ങ്ങ​ളി​ലും അ​വ​ൻ പ​​ങ്കെ​ടു​ത്തി​ട്ടു​ണ്ട്.

ഇ​തി​ന​കം ര​ണ്ട്​ പു​സ്ത​ക​ങ്ങ​ളും അ​ലി​യു​ടെ​താ​യി പു​റ​ത്തു​വ​ന്നു. 2021ൽ ​അ​റ​ബി​യി​ൽ എ​ഴു​തി​യ ‘മാ​നീ ആ​ൻ​ഡ്​ സ്റ്റാ​ർ’, 2022ൽ ​ഇം​ഗ്ലീ​ഷി​ൽ എ​ഴു​തി​യ ‘ഗി​വി​ങ്​ വി​തൗ​ട്ട്​ ലി​മി​റ്റ്​’ എ​ന്നീ പു​സ്ത​ക​ങ്ങ​ൾ അ​ബൂ​ദ​ബി അ​ന്താ​രാ​ഷ്ട്ര പു​സ്ത​ക മേ​ള​യി​ൽ പ്ര​ദ​ർ​ശി​പ്പി​ച്ചി​രു​ന്നു. ഷാ​ർ​ജ ചി​ൽ​ഡ്ര​ൻ ശൂ​റ കൗ​ൺ​സി​ൽ, ദു​ബൈ ​പൊ​ലീ​സി​ന്‍റെ സു​ര​ക്ഷ അം​ബാ​സി​ഡ​ർ പ്രോ​ഗ്രാം എ​ന്നി​വ​യി​ൽ അം​ഗം കൂ​ടി​യാ​ണ്​ അ​ലി. ഷാ​ർ​ജ വ​ള​ണ്ടി​യ​ർ സെ​ന്‍റ​റും റെ​ഡ്​ ക്ര​സ​ന്‍റും സം​ഘ​ടി​പ്പി​ച്ച പ​ല സ​ന്ന​ദ്ധ പ്ര​വ​ർ​ത്ത​ന​ങ്ങ​ളി​ലും അ​ലി നി​റ സാ​ന്നി​ദ്ധ്യ​മാ​ണ്. വീ​ട്ടി​ലെ മൂ​ന്നു സ​ഹോ​ദ​ര​ങ്ങ​ൾ​ക്കും അ​വ​നാ​ണ്​ ഹീ​റോ​യെ​ന്നും മാ​താ​വ്​ പ​റ​യു​ന്നു. രോ​ഗി​ക​ൾ​ക്ക്​ ഇ​ഞ്ച​ക്ഷ​ൻ ന​ൽ​കാ​നും ആ​വ​ശ്യ​മെ​ങ്കി​ൽ ഓ​ക്​​സി​ജ​ൻ എ​ത്തി​ക്കാ​നും ക​ഴി​യു​ന്ന രീ​തി​യി​ൽ റോ​ബോ​ട്ടു​ക​ളെ ന​വീ​ക​രി​ക്കു​ക​യാ​ണ്​ ഭാ​വി​യി​ലെ ല​ക്ഷ്യ​മെ​ന്ന്​ അ​ലി പ​റ​യു​ന്നു.