ഈ ടെലിവിഷൻ ഡോക്ടർക്ക്​ വൈകല്യം പരിമിതിയല്ല

നേ​മം: പു​തി​യ കാ​ലം എ​ച്ച്.​ഡി ടെ​ലി​വി​ഷ​ന്‍റേ​താ​ണെ​ങ്കി​ലും ബ്ലാ​ക്ക് ആ​ൻ​ഡ്​ വൈ​റ്റ് ഉ​ൾ​പ്പെ​ടെ പ​ഴ​യ ടി.​വി​ക​ള്‍ ന​ന്നാ​ക്കി ജീ​വി​ക്കു​ന്ന ചി​ല​രു​ണ്ട് ന​മ്മു​ടെ നാ​ട്ടി​ല്‍. ര​ണ്ട​ര വ​യ​സി​ല്‍ പോ​ളി​യോ ബാ​ധി​ച്ച് ഇ​രു​കാ​ലു​ക​ളും ത​ള​ര്‍ന്ന ശ്രീ​കു​മാ​ര​ന്‍ നാ​യ​ര്‍ അ​ക്കൂ​ട്ട​ത്തി​ലൊ​രാ​ളാ​ണ്.

പേ​യാ​ട് പ്ലാ​വി​ള​കോ​ണം ശ്രീ​നി​ല​യ​ത്തി​ല്‍ ശ്രീ​കു​മാ​ര​ന്‍ നാ​യ​ര്‍ (61) 30 വ​ര്‍ഷ​മാ​യി പേ​യാ​ട് ച​ന്ത​മു​ക്കി​ല്‍ ടെ​ലി​വി​ഷ​ന്‍ റി​പ്പ​യ​റി​ങ്​ സ്ഥാ​പ​നം ന​ട​ത്തു​ക​യാ​ണ്. ദി​വ​സേ​ന മു​ച്ച​ക്ര വാ​ഹ​ന​ത്തി​ലാ​ണ്​ ക​ട​യി​ലെ​ത്തു​ക. പ​ഴ​യ​കാ​ല ടെ​ലി​വി​ഷ​നു​ക​ള്‍ മു​ത​ല്‍ പു​തു​യു​ഗ​പ്പി​റ​വി​യാ​യ പ്ലാ​സ്മ ടെ​ലി​വി​ഷ​നു​ക​ള്‍ വ​രെ ന​ന്നാ​ക്കും. 10 വ​ര്‍ഷം മു​മ്പ് സ​ർ​വി​സി​ന്​ ചി​ല​ര്‍ ന​ല്‍കി​യ ടെ​ലി​വി​ഷ​നു​ക​ള്‍ പോ​ലും അ​റ്റ​കു​റ്റ​പ്പ​ണി ചെ​യ്ത​ശേ​ഷം തി​രി​കെ​ക്കൊ​ടു​ക്കാ​ന്‍ ഉ​ട​മ​ക​ളെ കാ​ത്തി​രി​ക്കു​ക​യാ​ണ് ശ്രീ​കു​മാ​ര​ന്‍.

എ​ല്‍.​ഇ.​ഡി ടി.​വി​ക​ള്‍ വാ​ങ്ങി ഡി​ജി​റ്റ​ല്‍ വി​സ്മ​യം ക​ണ്ടു​ക​ഴി​ഞ്ഞ​വ​ര്‍ പി​ന്നീ​ട്, പ​ഴ​ഞ്ച​ന്‍ ടെ​ലി​വി​ഷ​നു​ക​ള്‍ വാ​ങ്ങാ​ന്‍ ഇ​ങ്ങോ​ട്ടെ​ത്തു​ന്നി​ല്ല. ഭി​ന്ന​ശേ​ഷി​ക്കാ​ര്‍ക്കാ​യു​ള്ള നാ​ലാ​ഞ്ചി​റ​യി​ലെ റി​ഹാ​ബി​ലി​റ്റേ​ഷ​ന്‍ സെ​ന്റ​റി​ല്‍നി​ന്ന് റേ​ഡി​യോ-​ടി.​വി മെ​ക്കാ​നി​സം പ​ഠി​ച്ച​യാ​ളാ​ണ് ശ്രീ​കു​മാ​ര​ന്‍ നാ​യ​ര്‍. വൈ​ക​ല്യം മ​റ​ന്ന് ത​ന്റെ പ​ഴ​യ ക​ട​യി​ലി​രു​ന്ന് ഇ​പ്പോ​ഴും ഇ​ദ്ദേ​ഹം പു​ഞ്ചി​രി​യോ​ടെ പ​റ​യു​ന്ന ഒ​ന്നു​ണ്ട് -ടെ​ലി​വി​ഷ​ന്‍ ഏ​തു​മാ​ക​ട്ടെ, വി​ശ്വാ​സ്യ​ത​യോ​ടെ ന​ന്നാ​ക്കി ന​ല്‍കും..