ഇനിയൽപം പാൽ കാര്യമാകാം

കീ​ഴ്മാ​ട്: ക​ഠി​നാ​ധ്വാ​ന​വും നി​ശ്ച​യ​ദാ​ർ​ഢ്യ​വും​കൊ​ണ്ട് ക്ഷീ​ര​മേ​ഖ​ല​യി​ൽ മു​ന്നേ​റു​ന്ന ക​ർ​ഷ​ക​നാ​ണ് കീ​ഴ്മാ​ട് മ​ല​യ​ങ്കാ​ട് ഏ​ലി ഹി​ൽ​സി​ന് സ​മീ​പം താ​ണി​യി​ൽ മു​ഹ​മ്മ​ദ് ഹു​സൈ​ൻ. നാ​ട​ൻ കോ​ഴി​ക​ളെ വ​ള​ർ​ത്തി കൃ​ഷി​യി​ൽ തു​ട​ക്കം കു​റി​ച്ച ഹു​സൈ​ൻ പി​ന്നീ​ട് ര​ണ്ടു പ​ശു​ക്ക​ളെ വാ​ങ്ങി ക്ഷീ​ര​മേ​ഖ​ല​യി​ലേ​ക്ക് തി​രി​യു​ക​യാ​യി​രു​ന്നു. ഈ ​വ​ർ​ഷ​ത്തെ മി​ക​ച്ച പ​ശു ഫാ​മാ​യി കീ​ഴ്മാ​ട് പ​ഞ്ചാ​യ​ത്ത് കൃ​ഷി​ഭ​വ​ന്‍റെ അ​വാ​ർ​ഡ് ല​ഭി​ച്ച​തും ടി.​എം.​എ​ച്ച് മി​ൽ​ക്ക് ഹൗ​സ് ന​ട​ത്തു​ന്ന ഹു​സൈ​നാ​ണ്. നി​ര​വ​ധി അ​വാ​ർ​ഡു​ക​ൾ ല​ഭി​ച്ചി​ട്ടു​ണ്ട്. പ​ശു വ​ള​ർ​ത്ത​ലി​ൽ​നി​ന്ന് ജീ​വി​തോ​പാ​ധി ക​ണ്ടെ​ത്തു​ന്ന​തി​ന് പു​റ​മേ ഈ ​മേ​ഖ​ല​യെ കു​റി​ച്ച് കൂ​ടു​ത​ൽ പ​ഠി​ക്കാ​ൻ ഹു​സൈ​ൻ ശ്ര​മി​ക്കു​ക​യാ​യി​രു​ന്നു. ക​ഠി​നാ​ധ്വാ​ന ഫ​ല​മാ​യി പ​തി​നാ​റോ​ളം പ​ശു​ക്ക​ൾ ഇ​ന്ന് ടി.​എം.​എ​ച്ച് മി​ൽ​ക്ക് ഹൗ​സി​ലു​ണ്ട്. കീ​ഴ്മാ​ട്, കീ​രം​കു​ന്ന്, കു​ന്നും​പു​റം, കു​ട്ട​മ​ശ്ശേ​രി, തു​രു​ത്ത്, തോ​ട്ടു​മു​ഖം, ആ​ലു​വ ഭാ​ഗ​ങ്ങ​ളി​ലെ വീ​ടു​ക​ളി​ൽ മി​ൽ​ക്ക് ഹൗ​സി​ലെ പാ​ലെ​ത്തു​ന്നു. കീ​ഴ്മാ​ട് ക്ഷീ​രോ​ൽ​പാ​ദ​ക സം​ഘ​ത്തി​ലും പാ​ൽ കൊ​ടു​ക്കു​ന്നു.

തൈ​ര്, സം​ഭാ​രം, ന​റു​നെ​യ്യ് എ​ന്നി​വ​യും വി​ൽ​പ​ന ന​ട​ത്തു​ന്നു. ജ​ഴ്​​സി, എ​ച്ച്.​എ​ഫ് ഇ​ന​ത്തി​ൽ​പ്പെ​ട്ട പ​ശു​ക്ക​ളാ​ണ് ഫാ​മി​ലു​ള്ള​ത്. ത​മി​ഴ്നാ​ട്ടി​ലെ ക​ർ​ഷ​ക​രി​ൽ​നി​ന്നാ​ണ് പ​ശു​ക്ക​ളെ വാ​ങ്ങു​ന്ന​ത്. യ​ന്ത്രം ഉ​ണ്ടെ​ങ്കി​ലും കൈ ​ക​റ​വ​യാ​ണ് കൂ​ടു​ത​ലും. സ​ഹാ​യ​ത്തി​നാ​യി ര​ണ്ടു ജീ​വ​ന​ക്കാ​രു​ണ്ട്. തീ​റ്റ​യു​ടെ വ്യ​ത്യാ​സം പാ​ലി​ന്‍റെ ഗു​ണ​നി​ല​വാ​ര​ത്തെ ബാ​ധി​ക്കു​മെ​ന്ന​തി​നാ​ൽ ഏ​റെ ശ്ര​ദ്ധ​യും പു​ല​ർ​ത്തു​ന്ന​താ​യി ഹു​സൈ​ൻ പ​റ​ഞ്ഞു. വെ​ളു​പ്പി​ന് മൂ​ന്നി​ന്​ ആ​രം​ഭി​ക്കു​ന്ന പ​ണി​ക​ൾ രാ​വി​ലെ 11ഓ​​​​ടെ​യാ​ണ് അ​വ​സാ​നി​ക്കു​ന്ന​ത്. ഉ​ച്ച​ക്ക് ഒ​രു​മ​ണി​ക്ക്​ വീ​ണ്ടും ക​റ​വ തു​ട​ങ്ങും.

റി​ട്ട. അ​ധ്യാ​പ​ക​നാ​യി​രു​ന്ന പ​രേ​ത​നാ​യ താ​ണി​യി​ൽ അ​ബൂ​ബ​ക്ക​റി​ന്‍റെ മ​ക​നാ​യ ഹു​സൈ​ൻ പ്ര​മു​ഖ ക്ഷീ​ര​ക​ർ​ഷ​ക സം​ഘ​ട​ന​യാ​യ മ​ല​ബാ​ർ ഡ​യ​റി ഫാ​ർ​മേ​ഷ്​​സ്​ അ​സോ​സി​യേ​ഷ​ൻ എ​റ​ണാ​കു​ളം പ്ര​തി​നി​ധി കൂ​ടി​യാ​ണ്. അ​ടി​ക്ക​ടി ഉ​ണ്ടാ​കു​ന്ന കാ​ലി​ത്തീ​റ്റ​യു​ടെ വി​ല​വ​ർ​ധ​ന ക​ർ​ഷ​ക​രെ ദു​രി​ത​ത്തി​ലാ​ക്കു​ക​യാ​ണെ​ന്നും ഇ​ക്കാ​ര്യ​ത്തി​ൽ സ​ർ​ക്കാ​ർ ഇ​ട​പെ​ട​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു. മ​ണ്ണു​ത്തി കാ​ർ​ഷി​ക സ​ർ​വ​ക​ലാ​ശാ​ല​യി​ൽ​നി​ന്നു മൂ​ല്യ വ​ർ​ധി​ത ഉ​ൽ​പ​ന്ന നി​ർ​മാ​ണ കോ​ഴ്സ് പൂ​ർ​ത്തി​യാ​ക്കി​യ ഭാ​ര്യ ശ​ബ്ന​യു​ടെ പി​ന്തു​ണ​യോ​ടെ കൂ​ടു​ത​ൽ പാ​ൽ ഉ​ൽ​പ​ന്ന​ങ്ങ​ൾ നി​ർ​മി​ച്ച് മി​ൽ​ക്ക് ഹൗ​സി​നെ വി​പു​ല​പ്പെ​ടു​ത്താ​നു​ള്ള ത​യാ​റെ​ടു​പ്പി​ലാ​ണ് ഹു​സൈ​ൻ.