ദാ ​പോ​ണ്​ സൈ​ക്കി​ൾ ഗോ​പാ​ല​ൻ

75 ക​ഴി​ഞ്ഞെ​ങ്കി​ലും ഗോ​പാ​ല​നും സൈ​ക്കി​ളി​നും ഒ​രു കി​ത​പ്പു​മി​ല്ല. വി​ചാ​രി​ച്ചി​ട​ത്ത്​ ര​ണ്ടു​പേ​രും എ​ത്തും. 60 വ​ർ​ഷ​മാ​യി ഈ ​ച​ങ്ങാ​ത്തം തു​ട​ങ്ങി​യി​ട്ട്. ഇ​പ്പോ​ഴാ​ക​ട്ടെ ദി​വ​സ​വും 60 കി​ലോ​മീ​റ്റ​റാ​ണ്​ സൈ​ക്കി​ൾ സ​ഞ്ചാ​രം. ദേ​വി​കു​ള​ങ്ങ​ര​യി​ൽ​നി​ന്ന്​ കാ​യം​കു​ള​ത്തേ​ക്കും തി​രി​ച്ചും. സെ​ക്യൂ​രി​റ്റി ജോ​ലി​ക്കാ​ര​നാ​ണ്​ മാ​ന്നാ​ർ കു​ര​ട്ടി​ശ്ശേ​രി പാ​വു​ക്ക​ര ഒ​ന്നാം വാ​ർ​ഡി​ൽ തോ​ട്ടു​മാ​ലി​ൽ വീ​ട്ടി​ൽ ടി.​ടി. ഗോ​പാ​ല​ൻ.

നാ​ല്​ പ​തി​റ്റാ​ണ്ടാ​യി തു​ട​രു​ന്ന ഈ ​ജോ​ലി​മൂ​ലം ഗോ​പാ​ല​ന്‍റെ കാ​ക്കി വേ​ഷ​വും സൈ​ക്കി​ൾ സ​വാ​രി​യും നാ​ട്ടു​കാ​ർ​ക്ക്​ എ​വി​ടെ ക​ണ്ടാ​ലും അ​റി​യാം. പ്രാ​യം മ​ന​സ്സി​നെ ബാ​ധി​ച്ചി​ട്ടേ​യി​ല്ല. ബോ​ട്ട് സ​ർ​വി​സ് ന​ട​ത്തി​യി​രു​ന്ന ചി​റ​യി​ൽ കു​ടും​ബ​ത്തി​ന്റെ പു​ഞ്ച​പ്പാ​ട ശേ​ഖ​ര​ത്തി​ലെ നെ​ൽ​കൃ​ഷി​യി​ൽ മൂ​ന്നു​പ​തി​റ്റാ​ണ്ട്​ പി​താ​വ് തേ​വ​നോ​ടൊ​പ്പം സ​ഹാ​യി​യാ​യി പ്ര​വ​ർ​ത്തി​ച്ചി​രു​ന്നു. തി​രു​വ​ല്ല മെ​ഡി​ക്ക​ൽ മി​ഷ​ൻ ആ​ശു​പ​ത്രി, നീ​രേ​റ്റു​പു​റം ച​ക്കു​ള​ത്തു​കാ​വ് ദേ​വീ​ക്ഷേ​ത്രം, ചെ​ങ്ങ​ന്നൂ​ർ ഐ.​എ​ച്ച്.​ആ​ർ.​ഡി എ​ൻ​ജി​നീ​യ​റി​ങ്​ കോ​ള​ജ്, ജി​ല്ല സ​ഹ​ക​ര​ണ ബാ​ങ്ക്, എ​ൽ.​ഐ.​സി ബ്രാ​ഞ്ച് ഓ​ഫി​സ്, കു​ര​ട്ടി​ക്കാ​ട് ശ്രീ​ഭു​വ​നേ​ശ്വ​രി സ്കൂ​ൾ, കേ​ര​ള ബാ​ങ്കാ​യി മാ​റി​യ ജി​ല്ല സ​ഹ​ക​ര​ണ ബാ​ങ്കി​ന്റെ മാ​ന്നാ​ർ, ആ​ല​പ്പു​ഴ, കാ​വാ​ലം, പാ​ണ്ട​നാ​ട്, എ​ണ്ണ​യ്ക്കാ​ട് (ബു​ധ​നൂ​ർ), ദേ​വി​കു​ള​ങ്ങ​ര (കാ​യം​കു​ളം) എ​ന്നി​വി​ട​ങ്ങ​ളി​ലെ​ല്ലാം ഗോ​പാ​ല​ൻ ഉ​റ​ക്ക​മൊ​ഴി​ഞ്ഞ്​ കാ​വ​ൽ നി​ന്നി​ട്ടു​ണ്ട്.

ഇ​വി​ട​ങ്ങ​ളി​ലേ​ക്കെ​ല്ലാം നി​ത്യ​വും സ​ഞ്ച​രി​ച്ച​ത്​ സൈ​ക്കി​ളി​ലാ​ണ്. ചെ​ട്ടി​കു​ള​ങ്ങ​ര​യി​ൽ ര​ണ്ടാം ത​വ​ണ​യാ​ണി​പ്പോ​ൾ സെ​ക്യൂ​രി​റ്റി​യാ​യി എ​ത്തി​യി​രി​ക്കു​ന്ന​ത്. നി​ത്യ​വും വൈ​കീ​ട്ട് 5.30 മു​ത​ൽ പു​ല​ർ​ച്ച 5.30 വ​രെ​യാ​ണ് ഡ്യൂ​ട്ടി. ഭ​ക്ഷ​ണ​വു​മാ​യി ഉ​ച്ച​ക്കു​ശേ​ഷം യാ​ത്ര തി​രി​ക്കും. ഒ​രു​വ​ശ​ത്തേ​ക്ക് 30 കി​ലോ​മീ​റ്റ​റി​ല​ധി​കം സൈ​ക്കി​ളി​ൽ യാ​ത്ര​ചെ​യ്യ​ണം. ഇ​തു​വ​രെ ആ​രോ​ഗ്യ പ്ര​ശ്ന​ങ്ങ​ളൊ​ന്നും അ​ല​ട്ടി​യി​ട്ടി​ല്ല.

68കാ​രി​യാ​യ ഭാ​ര്യ ചെ​ല്ല​മ്മ​ക്ക്​ കാ​ഴ്ച​ക്കു​റ​വു​ള്ള​തി​നാ​ൽ വീ​ട്ടു​ജോ​ലി​ക​ൾ നി​ർ​വ​ഹി​ക്കാ​ൻ ബു​ദ്ധി​മു​ട്ടാ​ണ്.​ മൂ​ന്നു മ​ക്ക​ളു​ണ്ടെ​ങ്കി​ലും അ​വ​ർ​ക്ക്​ ഭാ​ര​മാ​കാ​തെ സ്വ​ന്ത​മാ​യി വ​രു​മാ​ന​മു​ണ്ടാ​ക്കു​ക എ​ന്ന നി​ർ​ബ​ന്ധ​ബു​ദ്ധി​യാ​ണ്​ ഉ​റ​ക്ക​മൊ​ഴി​ഞ്ഞു​ള്ള സെ​ക്യൂ​രി​റ്റി ജോ​ലി തു​ട​രാ​ൻ പ്രേ​ര​ണ​യാ​കു​ന്ന​ത്. പെ​യി​ന്റി​ങ്​ തൊ​ഴി​ൽ ചെ​യ്യു​ന്ന ഇ​ള​യ മ​ക​ൻ ഗി​രീ​ഷ് കു​മാ​ർ, ഭാ​ര്യ ര​ൻ​ജി​നി, കൊ​ച്ചു​മ​ക്ക​ളാ​യ അ​ഭി​ഷേ​ക്, അ​ഭി​ജി​ത് എ​ന്നി​വ​രാ​ണ് വീ​ട്ടി​ൽ കൂ​ടെ​യു​ള്ള​ത്.