യു.​എ.​ഇ​യി​ലെ വി​ദ്യാ​ഭ്യാ​സ വി​പ്ല​വ​ത്തി​ന് ഒ​രു മ​ല​യാ​ളി ​കൈ​യൊ​പ്പ്

മ​നു​ഷ്യ​രു​ടെ സ​ർ​വാ​ത്മ​നാ​യു​ള്ള മാ​റ്റ​മാ​ണ് വി​ദ്യാ​ഭ്യാ​സ​ത്തി​ലൂ​ടെ ല​ക്ഷ്യ​മി​ടു​ന്ന​ത്. എ​ന്നാ​ൽ, അ​നു​ദി​നം മാ​റ്റ​ങ്ങ​ൾ​ക്കും വി​ധേ​യ​മാ​ണ് ഇ​ന്ന് വി​ദ്യാ​ഭ്യാ​സ​രം​ഗം. മാ​ത്ര​മ​ല്ല, കോ​വി​ഡ് കാ​ലം വ​ന്ന​തോ​ടെ പ​ര​മ്പ​രാ​ഗ​ത​രീ​തി​ക​ളും പാ​ടെ മാ​റി. ഇ​വ​യെ​ല്ലാം വി​ര​ൽ​ചൂ​ണ്ടു​ന്ന​ത് ക​ാലോ​ചി​ത​മാ​യ പ​രി​ഷ്ക​ര​ണ​ത്തി​ലൂ​ടെ മാ​ത്ര​മേ വി​ദ്യാ​ഭ്യാ​സ മേ​ഖ​ല​യി​ൽ വി​പ്ല​വം സാ​ധ്യ​മാ​കൂ എ​ന്ന​തുത​ന്നെ​യാ​ണ്. ഇ​തു മു​ന്നി​ൽക​ണ്ട്​ കൃ​ത്യ​മാ​യ ചു​വ​ടു​ക​ളി​ലൂ​ടെ യു.​എ.​ഇ​യി​ലെ വി​ദ്യാ​ഭ്യാ​സ​രം​ഗ​ത്ത് വ​ലി​യൊ​രു വി​പ്ല​വ​ത്തി​ന് നാ​ന്ദികു​റി​ക്കു​ന്ന​വ​രി​ലൊ​രു മ​ല​യാ​ളി​യു​മു​ണ്ട് -ജീ​വി​ത​ത്തിൻെറ ഓ​രോ ച​ല​ന​ങ്ങ​ളി​ൽനി​ന്നും അ​റി​വ് ആ​ർ​ജി​ച്ച് വി​ദ്യാ​ഭ്യാ​സ​രം​ഗ​ത്ത് മി​ക​വിൻെറ കൊ​ടി​യ​ട​യാ​ളം തീ​ർ​ത്ത കെ.​കെ. അ​ഷ്റ​ഫ്.

യു.​എ.​ഇ​യി​ലെ ബ്രി​ട്ടീ​ഷ് സ്കൂ​ളു​ക​ൾ​ക്ക് പു​തു​മോ​ടി പ​ക​ർ​ന്ന് രാ​ജ്യാ​ന്ത​ര നി​ല​വാ​ര​ത്തി​ലേ​ക്ക് ഉ​യ​രു​ന്ന ത​ര​ത്തി​ൽ ഗു​ണ​നി​ല​വാ​ര​മു​ള്ള വി​ദ്യ​ാഭ്യാ​സം ഉ​റ​പ്പു​വ​രു​ത്തി​യാ​ണ് കെ.​കെ എ​ന്ന​റി​യ​പ്പെ​ടു​ന്ന കെ.​കെ. അ​ഷ്റ​ഫ് യു.​എ.​ഇ​യി​ലെ വി​ദ്യാ​ഭ്യാ​സ​രം​ഗ​ത്ത് സ്വ​ന്തം പേ​രെ​ഴു​തിച്ചേർ​ത്ത​ത്. സ്കൂ​ൾ നി​ർ​മാ​ണ​വും ന​ട​ത്തി​പ്പും ഉ​ൾ​പ്പെ​ടെ​യു​ള്ള സേ​വ​ന​ങ്ങ​ൾ ഉ​റ​പ്പാ​ക്കു​ന്ന​തി​നാ​യി യു.​എ.​ഇ​യി​ൽ ഇ​ദ്ദേ​ഹംത​ന്നെ ആ​രം​ഭി​ച്ച ക്രി​യേ​റ്റിവ് എ​ജു​ക്കേ​ഷ​ൻ സൊ​ല്യൂ​ഷ​ൻ​സ് (സി.​ഇ.​എ​സ്) വ​ഴി ഇ​പ്പോ​ഴും വി​ജ​യ​ഗാ​ഥ തു​ട​ർ​ന്നു​കൊ​ണ്ടി​രി​ക്കു​ക​യാ​ണ്.

ക​ണ്ടു​മ​റ​ന്നും കേ​ട്ടു​ശീ​ലി​ച്ച​തു​മാ​യ രീ​തി​ക​ൾ​ക്കു പ​ക​രം നി​ർ​മി​ത​ബു​ദ്ധി​യും റോ​ബോ​ട്ടി​ക്സും സ്മാ​ർ​ട്ട് ലേ​ണി​ങ്ങുമെ​ല്ലാം അ​ട​ക്കി​വാ​ഴു​ന്ന ഇ​ന്ന​ത്തെ വി​ദ്യാ​ഭ്യാ​സ​രം​ഗ​ത്ത്, അ​ത്ത​രം നൂ​ത​ന സാ​ങ്കേ​തി​ക​വി​ദ്യ​ക​ളെ സ​മ​ന്വ​യി​പ്പി​ച്ച് പു​തി​യ​കാ​ലം ആ​വ​ശ്യ​പ്പെ​ടു​ന്ന അ​റി​വ് പു​തു​ത​ല​മു​റ​ക്ക് ഉ​റ​പ്പാ​ക്കാ​നു​ള്ള പ്ര​യ​ത്ന​ത്തി​ലാ​ണ് ഇ​ന്ന് ഇ​ദ്ദേ​ഹം. അ​ബൂ​ദ​ബി​യി​ൽ പ്ര​വ​ർ​ത്തി​ക്കു​ന്ന അ​ൽ ബാ​സ്മ ബ്രി​ട്ടീ​ഷ് സ്കൂ​ളി​ൽ ഇ​തിൻെറ പ്രാ​രം​ഭപ്ര​വ​ർ​ത്ത​ന​ങ്ങ​ൾ തു​ട​ങ്ങി​ക്ക​ഴി​ഞ്ഞു. ആ​ർ​ട്ടിഫി​ഷ്യ​ൽ ഇ​ൻ​റ​ലി​ജൻസ്​ സം​വി​ധാ​ന​വും റോ​ബോ​ട്ടി​ക്സ് ലാ​ബും ഒ​പ്പം STEM ക്ലാ​സ്റൂ​മു​ക​ളും (Science, Technology, English, Maths) ഒ​രു​ക്കി​യാ​ണ് ലോ​ക​ത്ത് ആ​ദ്യ​മാ​യി ആ​ർ​ട്ടിഫി​ഷ്യ​ൽ ഇ​ൻ​റ​ലി​ജ​ൻ​സ് പ​ഠ​ന​ത്തി​ന് സ​ർ​വ​ക​ലാ​ശാ​ലത​ന്നെ ആ​രം​ഭി​ച്ച അ​ബൂ​ദ​ബി​യി​ൽ ഇൗ ​മ​ല​യാ​ളി വ​ലി​യ വി​ജ​യ​ങ്ങ​ൾ​ക്കാ​യി നി​ല​മൊ​രു​ക്കു​ന്ന​ത്.

കേ​വ​ല​മൊ​രു ബാ​ങ്ക് ക്ല​ർ​ക്കാ​യി പ്ര​വാ​സ​മ​ണ്ണി​ലെ​ത്തി​യ കെ.​കെ. അ​ഷ്റ​ഫ്, ക​ഠി​ന​പ്ര​യ​ത്ന​വും ന​വീ​ന​മാ​യ ആ​ശ​യ​ങ്ങ​ളും ആ​ത്മാ​ർ​ഥ​ത​യോ​ടെ​യു​ള്ള ഇ​ട​പെ​ട​ലുംകൊ​ണ്ടാ​ണ് പ​ടി​പ​ടി​യാ​യി ഉ​ന്ന​ത​ങ്ങ​ളി​ലെ​ത്തി​യ​ത്. നേ​ടാ​വു​ന്ന എ​ല്ലാ നേ​ട്ട​ങ്ങ​ളും സ്വ​ന്ത​മാ​ക്കി​യശേ​ഷം ബാ​ങ്കിങ്​ ക​രി​യ​ർ വി​ട്ട കെ.​കെ യാ​ദൃച്ഛി​ക​മാ​യാ​ണ് പൂ​ട്ടി​പ്പോ​കു​ന്ന വി​ല്ല സ്കൂ​ളു​ക​ളെക്കു​റി​ച്ച് കേ​ൾ​ക്കു​ന്ന​ത്. പു​തി​യ സ്കൂ​ളു​ക​ളു​ടെ ആ​വ​ശ്യ​ക​ത തി​രി​ച്ച​റി​ഞ്ഞ കെ.​കെ 2010ൽ ​അ​ബൂ​ദ​ബി​യി​ൽ ആ​രം​ഭി​ച്ച ഭാ​ര​തീ​യ വി​ദ്യാ​ഭ​വ​ൻ സ്കൂ​ൾ നി​ർ​മാ​ണ സം​രം​ഭ​ത്തി​ൽ പ​ങ്കാ​ളി​യാ​യ​തോ​ടെ​യാ​ണ് ഇൗ ​രം​ഗ​ത്ത് ത​നി​ക്ക് ഏ​റെ കാ​ര്യ​ങ്ങ​ൾ ചെ​യ്യാ​നു​ണ്ടെ​ന്ന് കെ.​കെ തി​രി​ച്ച​റി​യു​ന്ന​ത്. ഇ​ന്ന് ഒ​രു പ​തി​റ്റാ​ണ്ടു​കാ​ലം പി​ന്നി​ടു​മ്പോ​ൾ അ​ബൂ​ദ​ബി​യി​ൽ അ​ൽ ബാ​സ്മ, അ​ജ്യാ​ൽ എ​ന്നീ പേ​രു​ക​ളി​ലു​ള്ള ര​ണ്ടു ബ്രി​ട്ടീ​ഷ് സ്കൂ​ളു​ക​ൾ, അ​ൽ​ഐ​നി​ൽ ഗാ​ർ​ഡ​ൻ സി​റ്റി ബ്രി​ട്ടീ​ഷ് സ്കൂ​ൾ, ഇ​രു എ​മി​റേ​റ്റു​ക​ളി​ലാ​യിത​ന്നെ മൂ​ന്നോ​ളം ന​ഴ്സ​റി സ്കൂ​ൾ എ​ന്നി​വ കെ.​കെ​യു​ടെ മേ​ൽ​നോ​ട്ട​ത്തി​ലും ഉ​പ​ദേ​ശ​ത്തി​ലു​മാ​ണ് പ്ര​വ​ർ​ത്തി​ക്കു​ന്ന​ത്. ഒ​പ്പം 2012ൽ ​കേ​ര​ള​ത്തി​ൽ ആ​രം​ഭി​ച്ച ഓ​റ അ​ക്കാ​ദ​മി​ക് ഇ​ൻസ്​റ്റി​റ്റ്യൂ​ഷ​ൻ ക​മ്പ​നി​ക്ക് കീ​ഴി​ൽ പെ​രി​ന്ത​ൽ​മ​ണ്ണ​യി​ലും കൊ​ടു​ങ്ങ​ല്ലൂ​രി​ലും തു​ട​ങ്ങി​യ അ​ന്താ​രാഷ്​ട്ര നി​ല​വാ​ര​ത്തി​ലു​ള്ള സ്കൂ​ളു​ക​ളും മി​ക​വിൻെറ കേ​ന്ദ്ര​ങ്ങ​ളാ​യി മാ​റി​ക്ക​ഴി​ഞ്ഞു.

വി​ദ്യാ​ഭ്യാ​സരം​ഗ​ത്തെ കു​തി​പ്പു​ക​ൾ​ക്കൊ​പ്പം ആ​തു​ര​ശു​ശ്രൂ​ഷ മേ​ഖ​ല​യി​ലും നി​ർ​ധ​ന​ർ​ക്കും നി​രാലംബ​ർ​ക്കും താ​ങ്ങാ​വാ​നും ഇൗ ​വി​ദ്യാ​ഭ്യാ​സ വി​ച​ക്ഷ​ണ​ൻ സ​ദാ സ​ന്ന​ദ്ധ​നാ​ണ്. പ​ണ​മി​ല്ലാ​ത്ത​തിൻെറ പേ​രി​ൽ മെ​ച്ച​പ്പെ​ട്ട ചി​കി​ത്സ നി​ഷേ​ധി​ക്ക​പ്പെ​ട​രു​തെ​ന്ന നി​ശ്ച​യദാ​ർ​ഢ്യ​ത്തി​ൽ 1993ൽ ​പി​റ​വി​യെ​ടു​ത്ത കൊ​ടു​ങ്ങ​ല്ലൂ​ർ മോ​ഡേ​ൺ സ്പെ​ഷാ​ലി​റ്റി ആ​ശു​പ​ത്രി, ആ​യി​ര​ക്ക​ണ​ക്കി​ന് വൃ​ക്ക​രോ​ഗി​ക​ളു​ൾ​പ്പെ​ടെ നി​ര​വ​ധി രോ​ഗി​ക​ളു​ടെ ആ​ശ്ര​യകേ​ന്ദ്ര​മാ​ണി​ന്ന്.

Latest Video