ഇ​പ്പോ​ഴും പാ​ടു​ന്നു കാ​സ​റ്റ് ടേ​പ്പു​ക​ള്‍

വി​ര​ല്‍ ച​ലി​പ്പി​ച്ചാ​ല്‍ ഇ​ഷ്ട സം​ഗീ​ത ആ​സ്വാ​ദ​നം സാ​ധ്യ​മെ​ങ്കി​ലും ലൂ ​ഓ​ട്ട​ന്‍സി​ന്‍റെ പ​ഴ​യ കാ​സ​റ്റ് ടേ​പ്പ് ഇ​ശ​ലു​ക​ള്‍ക്ക് മ​ര​ണ​മി​ല്ല. ഒ​രു​കാ​ല​ത്ത് നാ​ട്ടി​ലി​റ​ങ്ങി​യി​രു​ന്ന ഗ​ള്‍ഫ് പെ​ട്ടി​യി​ലെ പ്ര​ധാ​ന ഐ​റ്റ​മാ​യി​രു​ന്നു ടേ​പ്പ് റെ​ക്കോ​ര്‍ഡ​റും കാ​സ​റ്റു​ക​ളു​മെ​ന്ന​ത് ഇ​ന്ന് കൗ​തു​ക​മാ​ണ്. ഓ​ള്‍ഡ് റാ​സ​ല്‍ഖൈ​മ​യി​ല്‍ കു​വൈ​ത്തി കോ​ര്‍ണീ​ഷി​ന് അ​ഭി​മു​ഖ​മാ​യി പ്ര​വ​ര്‍ത്തി​ക്കു​ന്ന അ​ൽ​ശ​മോ​വ സ്ഥാ​പ​ന​ത്തി​ലാ​ണ് കാ​സ​റ്റ് തേ​ടി സം​ഗീ​ത പ്രേ​മി​ക​ള്‍ ഇ​പ്പോ​ഴും എ​ത്തു​ന്ന​ത്.

വ​ലി​യ ക​ച്ച​വ​ട​മി​ല്ലെ​ങ്കി​ലും കാ​ര്യ​ങ്ങ​ള്‍ ന​ട​ന്നു​പോ​കു​ന്ന​തി​നാ​ലാ​ണ് താ​ന്‍ ഈ ​കാ​സ​റ്റ് ക​ട ന​ട​ത്തി​കൊ​ണ്ടു​പോ​കു​ന്ന​തെ​ന്ന് ക​ണ്ണൂ​ർ സ്വ​ദേ​ശി റ​ഷീ​ദ് പ​റ​യു​ന്നു. ത​ദ്ദേ​ശീ​യ​രാ​ണ് ഉ​പ​ഭോ​ക്ത​ക്ക​ള്‍. വ​ര്‍ഷ​ങ്ങ​ള്‍ക്ക് മു​മ്പ് വേ​സ്റ്റ്ബി​നി​ല്‍ നി​ക്ഷേ​പി​ക്കാ​ന്‍ ഒ​രു​ങ്ങി​യ കാ​സ​റ്റു​ക​ള്‍ പി​ന്നീ​ട് ഉ​പ​ജീ​വ​ന മാ​ര്‍ഗ​മാ​യി മാ​റി. ചി​ല​ര്‍ വ​ന്ന് കാ​സ​റ്റി​ന് വി​ല ചോ​ദി​ച്ച​പ്പോ​ഴാ​ണ് എ​ല്ലാം ഭ​ദ്ര​മാ​യി സൂ​ക്ഷി​ച്ച് വെ​ച്ച​ത്. പി​ന്നീ​ട് സ്ഥാ​പ​ന​ത്തി​ലേ​ക്ക് മാ​റ്റി. പ​ഴ​യ ഗാ​ന​ങ്ങ​ള്‍ ആ​വ​ശ്യ​പ്പെ​ട്ടാ​ണ് ഉ​പ​ഭോ​ക്താ​ക്ക​ള്‍ എ​ത്തു​ന്ന​ത്.

അ​റ​ബി ഗാ​ന ശേ​ഖ​ര​മാ​ണ് ഭൂ​രി​പ​ക്ഷ​വു​മു​ള്ള​ത്. ബ​ദു​വി​യ​ന്‍ പാ​ട്ടു​ക​ള്‍, സ്തു​തി ഗീ​ത​ങ്ങ​ള്‍ തു​ട​ങ്ങി ച​ല​ച്ചി​ത്ര​ഗാ​ന​ങ്ങ​ള്‍, ഖു​ര്‍ആ​ന്‍ പാ​രാ​യ​ണം തു​ട​ങ്ങി​യ​വ​യാ​ണ് ശേ​ഖ​ര​ത്തി​ലു​ള്ള​ത്. അ​ബ്ദു​ല്‍ ഹ​ലീം ഹാ​ഫി​സ്, ഹു​സൈ​ന്‍ ജ​സ്മി, അ​ബ്ദു​ല്‍ക​രീം, റാ​ഷി​ദ് മാ​ജി​ദ്, ഫാ​ത്തി​മ സ​ഹ്റ​ത്ത്, അ​ഹ്ലാം, അ​ഹ​മ്മ​ദ് അ​ല്‍ അം​റി, മി​ഹാ​ദ് അ​ഹ​മ്മ​ദ്, അ​ബൂ​ബ​ക്ക​ർ സാ​ലെം തു​ട​ങ്ങി​യ അ​റ​ബ് ഗാ​യ​ക​രു​ടെ കാ​സ​റ്റു​ക​ള്‍ക്കാ​ണ് കൂ​ടു​ത​ല്‍ പ്രി​യം. ഐ​ന്‍ഹോ​വ​ന്‍ ക​മ്പ​നി​യി​ല്‍ ബ്രാ​ഞ്ച് മാ​നേ​ജ​റാ​യി​രു​ന്ന നെ​ത​ര്‍ല​ന്‍ഡ്സു​കാ​ര​നാ​യ ലൂ ​ഓ​ട്ട​ന്‍സ് 1960ലാ​ണ് കാ​സ​റ്റ് ടേ​പ്പ് വി​ക​സി​പ്പി​ച്ച​ത്. അ​ന്ന​ത് പു​തു ച​രി​ത്ര​മാ​യി. വ​ലി​യ റീ​ലു​ക​ളി​ല്‍ പാ​ട്ടു​കേ​ള്‍ക്കു​ന്ന ടേ​പ്പ് റെ​ക്കോ​ര്‍ഡു​ക​ളാ​ണ് അ​ക്കാ​ല​ത്ത് നി​ല​വി​ലി​രു​ന്ന​ത്.

ഉ​പ​ഭോ​ക്തൃ​സൗ​ഹൃ​ദ​വും ചെ​റു​തു​മാ​യ പ​ക​ര​ക്കാ​ര​നെ ക​ണ്ട​ത്തൊ​നു​ള്ള ലൂ ​ഓ​ട്ട​ന്‍സി​ന്‍റെ അ​ന്വേ​ഷ​ണ​മാ​ണ് കാ​സ​റ്റ് ടേ​പ്പി​ല​ത്തെി​യ​ത്. ആ​ഗോ​ള​ത​ല​ത്തി​ല്‍ വ​ന്‍ സ്വീ​കാ​ര്യ​ത ല​ഭി​ച്ച കാ​സ​റ്റ് ടേ​പ്പു​ക​ള്‍ 1963ല്‍ ​വി​പ​ണി​യി​ല​ത്തെി​യ​പ്പോ​ള്‍ 100 ബി​ല്യ​നി​ലേ​റെ വി​റ്റ​ഴി​ക്ക​പ്പെ​ട്ടു​വെ​ന്ന് ക​ണ​ക്ക്. സി.​ഡി ​െപ്ല​യ​റു​ക​ള്‍ എ​ത്തി​യ​തോ​ടെ കാ​സ​റ്റും ടേ​പ്പ് റെ​ക്കോ​ര്‍ഡ​റു​ക​ളും വീ​ട്ടൂ മൂ​ല​ക​ളി​ലും പു​രാ​വ​സ്തു സ്ഥാ​പ​ന​ങ്ങ​ളി​ലും ഇ​ടം​പി​ടി​ച്ചു. 94ാം വ​യ​സ്സി​ല്‍ ര​ണ്ട് വ​ര്‍ഷം മു​മ്പ് 2021 മാ​ര്‍ച്ചി​ലാ​ണ് ലൂ ​ഓ​ട്ട​ന്‍സ് ഇ​ഹ​ലോ​ക​വാ​സം വെ​ടി​ഞ്ഞ​ത്.